Music & Original Lyrics: Os Barões da Pisadinha

Zurigo Lyrics:
Ich ha gseit ich will dis gsicht nüme gseh
Nüme gseh au wänns nüt choschte würd
Ha gseit ich chume nüm zrugg zu dir
Will du das äfach nüme verdiensch

Doch wänn du mir en call gisch, chan ich nöd widerstah
Ich will nei säge, doch ich weiss, dass das nöd gaht
Lug mal mini bei, sie werded richtig zittrig
Ich vermiss dich so und will nur i dim bett si

Drum bitte lüt mer äfach ah
Lug ich ränne los und finde dich sofort
Lüt mer äfach ah
Ich ränn los und find dich sofort
Lüt mer äfach ah
Lug ich ränne los und finde dich sofort
Lüt mer äfach ah
Ich ränn los und find dich sofort

Os Barões Da Zurigo - Lüt Mer Äfach Ah

Love message? Lost message vilicht... ok

Lüt chönd tuusig büecher läse, sie chönnd tuusig sache känne 
Und sie sterbed i dem glaube, sie händ alles gseh 
Ich muss nur eimal a dich dänke, wie du mir es lächle schänksch
und ich gspüre i dem läbe, gits no so vill meh 
So vill meeh, so vill meeh, so vill meeh

Love message? Schicke love message, messagi a dich ah
Hoff es isch kei last message, vilicht... 

Zeig mer die wält
Zeig mer wie du sie gsehsch
Zeig mer wie sie verzauberet isch

Du bisch ultraviolett ich bin infrarot, alli colors anenad liged zwüsched ois
Wotsch ois gseh, chasch vergässe, blitz & donner, du blitz ich donner, wart ich phone der
Es macht brrr brrr ufem tisch näbde drinks, und du luegsch druf, das bin ich wo dich will
Es staht igi-l, immer fair, riese mantel, innefäll
Und du nimmsch äfach ab, dini stimm wo mich nöd laht 
Wiiterlaufe ich blib stah, und ich lueg id sterne
Und am schluss seisch du mir dass, ich dir so fescht fehle 
Und when i fall in love it will be forever

Lüt chönd tuusig büecher läse, sie chönnd tuusig sache känne
Und sie sterbed i dem glaube, sie händ alles gseh 
Ich muss nur eimal a dich dänke, wie du mir es lächle schänksch
Und ich gspüre i dem läbe, gits no so vill meh 
So vill meeh, so vill meeh, so vill meeh

Beat & text: igi-l

1000 Büecher

Skits and Snippets

Ghazèlles

Januar

Tight Jeans feat. Tiger Lily

Hänge und Bänge (acoustic-skit)

Brate Brüedere

Ich schribe dir usem Knascht

Das vergissi niemeh feat. Tiger Lily

Cheggt sie das feat. Amos Angeles

Summersohn feat. G2e & Bäx (712)

Riise Träne

Kei Wort feat. Tiger Lily

Alli Mänsche

Nume Flüge

Busy Signal Remake
Beat and Lyrics: IGI-L
Mix & Master: Lanzi Beats

Ein Phonecall

Mit de Girls

24 Stunden lang

ioGrande Beats - Gamer

Music and Lyrics: Os Barões Da Pisadinha - Chupadinha

Os Barões Da Zurigo - Knutschfläck

(Screamix: Das vergissi niemeh)

Nei, nei, nei
Nei, ich will kei
Nei, ich will kei diamante
Diamante
Nei, ich will kei diamante

Sie hämmer gseit, baby, du segsch nume verreist
Ich ha mi gfröget wohi, gfröget ob öpper das weiss
Das isch jetz drü mönet her, mis herz isch immerno schwer
Stell der vor wie das wär, ich han dich soo gern
Ich sitz allei dihei und game nintendo
Ich bin für dich nöd igend sonen friendo
Ich mache alles für dich, lug ich spill banjo
Ich mach en raub, mach ois riich, also hände hoch

Verlüre immer ide liebi, verlüre immer ide liebi, babe
Verlüre immer ide, verlüre immer ide, verlüre immer die liebi, babe

Ich känn e gschicht, vo somne junge ma - er hät di beschti frau im land gha
Di schönschte auge und wundervolls haar - und ihres lächle, das vergissi niemeh
Wer luegt jetz ihri schöne auge ah? 
Wer isch bi ihre, während ich nümm weiss wies witergaht?
Es git sache, womer sich nöd chaufe chan, babe
Und ihres lächle, das vergissi niemeh

Nei, ich will kei diamante, wisses gold, brilliante
Kei saphire und rubine - ich will i dis herz ine
Nei, ich will kei diamante, wisses gold, brilliante
Kei saphire und rubine - ich will i dis herz ine

Diamante

Lyrics:

Ich han ufghört mitem rauche, aber erscht ab morn
Drum rauchemer doch eifach nomal eis
Ich han ufghört mitem trinke, aber erscht ab morn
Drum trinkemer doch eifach nomal eis

Es gaht nöd um besser läbe oder um en bessere tod
Ich wett das du öppis drususeziehsch us dem brot
Ja, du häsch richtig ghört, das isch keis Lied, das isch es stück brot
Ob dus wetsch oder nöd, das hilft i jedere not
Ich wett dass du drususeziehsch und für immer lernsch:
D’lag isch hoffnigslos, aber sicher nöd ernscht.

Ich han ufghört mitem rauche, aber erscht ab morn
Drum rauchemer doch eifach nomal eis
Ich han ufghört mitem trinke, aber erscht ab morn
Drum trinkemer doch eifach nomal eis

De mänsch isch nur dänn ganz mänsch, wänn er spillt
Das hät de Friedrich Schiller mal gseit und ich glaub das stimmt
Drum sig doch nöd so truurig und au nöd so ernscht
Ich will ja das du öppis drususeziehsch und für immer lernsch
Jetzt bruchi nomal en guete spruch und ich glaub ich hanen:
S’läbe isch zwar sinnlos, aber sehr, sehr spannend

Ich han ufghört mitem rauche, aber erscht ab morn
Drum rauchemer doch eifach nomal eis
Ich han ufghört mitem trinke, aber erscht ab morn
Drum trinkemer doch eifach nomal eis

Ich han ufghört fleisch zfrässe, aber erscht ab morn
Drum frässemer doch äfach nomal sones fleisch
Ich han ufghört mitem flüge, aber erscht ab morn
Drum machemer doch eifach nomal e reis (am beschte uf Australie)

Ich han ufghört mit de hoffnig, aber erscht ab morn
Drum hoffemer doch äfach uf nomal eis (ich mein es wunder)
Ich han ufghört a dich zdänke, aber erscht ab morn...

Nomal Eis

ioGrande Beats - Yolaro

Lyrics:

Hey du gueti seel, gsehsch us als hettsch scho lang nüm glacht
Und es schiint alles so dunkel i dere tüüfe, tüüfe nacht
Doch heb kei angscht, da chunnt e gueti nachricht vor em sterbe:
Nacht, das isch nüt anders als en riise schatte vo de erde

Und langsam dreht sich dchugle usem schatte zrugg as liecht
Wüsst wückli nöd, was ich ohni oisi sunne miecht, 
Dstrahle flüüged wiit vo dem nöchschte Stern vo allne sterne 
Hundertfüfzg millione kilometer, nur zum oisi huut wärme.

Letschin hämmer schach gspillt, dusse mit plastic figure
Plötzlich häts afange rägne, uf läufer, rössli, kings und buure
All lüt um ois ume sind ganz schnell uf und devo nume 
Ich und min amigo mi sind det blibe, none of them stay so

Klar ich gib, zue, mi sind chli nass worde biirebitz, 
Aber nach paar minute häts wieder ufghört rägne wiede blitz und
Weiss nöd wie ich dir das am beschte chönnt beschriibe 
Es git nüt schönners als wänns afangt rägne äfach sitzeblibe

Ich will ide sunne bade, und räge trinke
Will irgendwänn wird au ich ide erde versinke
Vilicht wirdi au verbrännt, das wär nöd so schlimm
Will durd sunne wäre gwönnt ad hitz und de räge würd sfüür lösche ne bitz
Zumindescht es bitz ich weiss, das wär nöd gnueg
Ich würd ganz verbränne und mit mir dliebi lueg
Wonich i mier träg, fürd wält und alli lüt mit swag
Und di guete täg wonich i mim läbe gha han

Mini eltere händ damals gfunde, sie tünd mich äfach mal id wält
Ha müsse kämpfe wie mir all ab dem erschte momänt und
Wänn du wiedermal gäg all die hinderniss ahrännsch, merk der
Nur will me gebore wird, isch mer no lang kein mensch, nei

Es gaht drum eine zwerde, ich glaub das hört nie uf, ich will
Alles gäh defür so wiit wie möglich zcho chunschs druus 
Uf mim grabstei sött dänn stah: was hämmer zäme glachet gha 
Und grad  drunder – bitte folgendes Gedicht da: 

Ich will ide sunne bade, und räge trinke
Will irgendwänn wird au ich ide erde versinke
Vilicht wirdi au verbrännt, das wär nöd so schlimm
Will durd sunne wäre gwönnt ad hitz und de räge würd sfüür lösche ne bitz
Zumindescht es bitz ich weiss, das wär nöd gnueg
Ich würd ganz verbränne und mit mir dliebi lueg
Wonich i mier träg, fürd wält und alli lüt mit swag
Und di guete täg wonich i mim läbe gha han

IGI-L

Popular tracks