كلمات خليل عز الدين
لحن أيمن حلمي

صوتك أدان - نغم صالح

ياسر عبد الرحمن -- اه يا ليل

"طريق مالوش اتجاه"

أول نبي 
عرف الأسامي كلها ، وحفظها لكن ما اعتبرش 
آخر نبي 
ما عرفش غير تفاصيل رسالته ونَصَّها 
وشرحها _خايف_ ما اخترعش 
:بين النبي وآخر نبي

كان فيه نبي  
مالهوش رسالة وقلبه هش 
بيطبب الناس البسيطة المحرومين 
بالشعر والشهوات 
بيحارب الظلم المراوغ بالورود 
وبيفرض العدل المُكلف ع الخلايق بالسكات

حافظ أغاني الناس وشارب م التراث 
حس بولادُه هيقتلوه ؛ قام قسِّم الميراث 
للشقيانين : غنوتي
للتائهين : سكِّتي
للعاشقين : شهوتي
للطامعين : دنيتي
للقتلة : حقد وكره .. ودم .. لإنهم أموات

مولود نبي .. وعاش نبي ، لكن تلاقي نبوته 
مالهاش صفات

أقسم بإني حلمت بيه بيصلي بالناس في الحانات 
مارضيتش اقاطعه وسِبت حق الكاس في جيبه 
وبُست فوق راسه .. مشيت

ولمحته مرة في مينا واقف يشرب البحر الغريب 
كان كل شئ بيدل إنه خلاص بقا سكران 
وقع على أرض الرصيف ماسك في إيده بيان 
شيوعي مُهترئ 
وقعد يسمَّع فيه كإنه بيقرا م القرآن

_ "لا شئ قوي إلا كفوف الكادحين 
.. لا مجد إلا لكل شاعر أو موسيقي 
.. لا دم إلا من عيون الظالمين 
.. عذاب أليم .. عذاب أليم .. عذاب أليم"

رسم على جبينه المِترَّب كل شئ بودي دوغري 
على الجحيم

فجأة وقف .. فاتح إيديه .. رافع جبينه للسما 
استنى لما الريح عَوِت .. وأخد نَفَس

_ "ريحة حبيبتي في كل حتة / القلب حس"

غمَّض عنيه .. أخد خطاوي ثابتة من حَد الشَّمال 
رِجله هتفلت ؛ باجري بسرعة وهالحقه 
رفع رقبته .. وبص لي 
وانا باجري خايف ما الحقوش 
فجأة ابتسم .. وتلاشى كوم فراشات وطاير في الغُبار

أقسم بإني شُفته يوم في اسكندرية 
ماشي يبيع جاوي وبخور ..
حوالين مقام العدوي بيهز في دماغه 
وصوته أصعب م الصريخ

أنا : بتبيع لمين ؟ 
_ "باضحك على الناس اللي فاكرة إن تحت القبة شيخ"
أنا : فيه ناس ما تستحملش تعلم بالحقيقة 
_ "مسكين ، ظَنيت بجهل ان القلوب صافية وبريئة"
أنا : فين الحقيقة؟! _ "مسكين
أنا : فين الحقيقة؟! _ "مسكين
أنا : فين الحقيقة؟! _ "مسكين

أخد الحقيقة واختفى ، وسابني تايه فيه سنين 
عُمر السؤال ما كان : منين؟
شكل السؤال لازم يكون : إزاي؟ وإمتى؟ وليه؟ وفين؟

باسمع موسيقى "بيتهوفن" وبحلِّي بالمنشاوي 
أحب أصلى في الجوامع ، واحب اسفسط في القهاوي 
أقرا عن العدمية وابقا بوهيمي يوم وساعة 
قبل اما تسرح راسي في سحاب المخدة بدون لكاعة ..
بلاقيني باقرا في سري سورة المُلْك

!!يا لليالي الحُلك
عقلاني / نازف خصري شهوة / خايف م المجاعة 
طيب / لطيف / بيساعد الفقرا / قلبي مغلَّف بالشناعة 
قديس في ساعة .. داعر في ساعة 
شاعر في ساعة .. لا شئ في ساعة 
فارس ومتحاوط وضاعة .. حيوان مُكلل بالوداعة 
مسمار في كف مسيح جريح .. وساعات مسيح 
اكره صراحتك لو صريح .. وساعات صريح 
حارس في ليل آخره باكون قاطع طريق 
أصرخ بعزم مافيا : كلُّه الا الصديق .. وتاني يوم
انسى الصديق 
لا شئ .. وشئ .. أو كل شئ

يا ريتني طِرت مع النبي وقت الغبار 
يا ريتني باصرخ في المقام : مين يشتري مني البخور؟ 
يا ريتني نار .. يا ريتني نور

يا ريتني صاحب خطوتي ونَفسي العزيزة 
يا ريتني عدل وقسمتي من غير غريزة 
قبل اما اقسِّم تِركتي .. والقسمة ضيزى
قبل اما اهاود سكتي .. خدني الطريق 
يا ريتني مركب .. أو غريق 
يا ريتني خُنتك يا صديق .. ولا إني أنسى صُحبتك 
يا ريتني جاهل يا نبي .. ولا اشك يوم في نبوتك

يا ريتني مفطوم ع الشقا .. ولا إني ادوق حزني العتيق 
يا ريتني شئ .. يا ريتني شئ 
!.. يا ريتني شئ 

.
الخلفية الموسيقية من السينفونية الخامسة لبيتهوفن ضربة القدر

طريق مالوش اتجاه\ حسن فريد طرابيه

القاء محمود عبد الناصر 
.
.
الفاتحة
ــــــــــ 
ماكانتش تحب الميّه الفاتره
وكانت لما بتكره.. تكره موت
واما تحب.. تحب صبابه
واما بتحزن تبقى ربابه
واما بتفرح يبقى الفرح على البوابه
كانت زى الشمس..
وكانت
لما بتغضب تبقى مُهابه

علامة إستفهام ؟
ـــــــــــــــــــــــ
ماكانتش بتنده ناس البيت بالاسم
كُلّنا فى نظرها عيال
( العيّل راح.. العيّل قال... 
العيّل نام.. العيّل قام.. العيّل بعد الشر عليه )
مع إنّ الناس فِ الشغل يقولوا عليّا مهندس
والناس فِ الحاره يقولوا عليّا البيه
وباجيب فِ نهاية الشهر العشره جنيه
ماكانتش بتنطق اسمى.. مُحال
الراجل كان فِ نظرها شحيح
وقليل ان جابُه الريح
( من فين حايجينا الراجل عاد؟.. )
والعيل منكوا ياولدي – ان حب ينام – 
محتاج اللي يغطيه .

نقطة ومن اول السطر 
ـــــــــــــــــــــــــــــــ
ماكانتش بتكره قد الموت 
مع ان الموت شايلاه جواها بعمر سنينها توائم 
وياها فين ماتحب تروح 
وياها قبل .. وبعد طلوع الروح 
لفت به اراضي الناس شغالة 
لفت به بيوت الناس غسالة 
طلعت به على السقالة 
نزلت به ياما سلالم 
لفت به .. ولفت بيا وبيها العالم 
لقينا الجيرة وجيرة الجيرة مع الترحيلة 
ترحيلة مشينا بلاد الناس رحالة 
نحلب من بز الاجرة غموس الليلة 
ونعيش اليوم بالتيلة

نقطتين وشرطة 
ـــــــــــــــــــــــ
ماكانتش بتعرف تقرا وتكتب 
زيها زي بقيت امات صحابي
لكنها كانت تعرف تحسب
فدان القمح يجيب كام كيلة حب
والفرخة تنام كام يوم على بيضها ويفقس
وتحل اللغز اللي مايتحلش خالص
ازاي الأجرة تزيد ف بداية الموسم 
وف آخر الموسم تنقص ؟
( ياعيال الأجرة زي غوازي السهر .. بترقص )
ماكنتش بتعرف تقرا وتكتب
لكنها كانت وقت حساب المالك .. لبلب 
( جحا أولى ياولدي بلحم تيرانه )

ملحوظة :
ــــــــــــــ
كانت أحلى بنات أيامها .. 
وكانت أحى بنات الكفر – بنية 
وقليل ان جاب الكفر صبية 
أطفال الكفر شيوخ ف اليوم السابع 
ف اليوم التامن .. تقرا ف وش العيل .. 
رعب الحرب الأولى 
وهموم الحرب التانية ف وش اليوم السابع 
وكأن الكفر بيولد بدل الطفل .. مراجع 
كانت أحلى بنات الكفر .. وكانت 
زي السنط .. عفية

علامة تعجب 
ــــــــــــــــــــ
ماكانتش الله يرحمها .. تخاف مخلوق
كات تلعن خاش العمدة ف وشه
لكنها كانت لما بتقبض قرشه 
علشان ماتنقي الدودة ف أرضه 
ماكانتش بترضى تغشه !

قوس كبير 
ـــــــــــــــ
ماكانتش بتحمل هم الصوم الفرض 
ولا كانت تفطر زي البعض 
( أهي حاجة ياولدي تداري القهر )
كانت أجدع واحدة تصوم ( رمضان ) ف الكفر 
وتنُطْ جدار الشهر 
وتصوم الستة البيض .. والستة السود 
والجمعة ويوم لاتنين من كل سبوع
ماكانتش بتشكي الجوع 
( مع ان الجوع بيهد - ياولدي – الضهر ) 
كات أجدع واحدة تصوم بالطول والعرض 
كانت لما بتسمع صوت رمضان ع المادنة ..
تتدارى ف ضلة دارنا 
وتمارس شىء مشروع وتعود 
تقعد ع العتبة تقول وتعيد 
( انا ليا ياواد قيراطين ف الجنة ) !

فاصلة 
ـــــــــ
كات تفرح فرح عيال العيد 
كات تفرح – خالص – خاص – خالص
لما الفرخة تبيض 
واما الترعة تزيد وتفيض 
كانت تفرح فرحة الاعمي ان فتَّح ..
لما الشجرة العاقر تطرح 
واما البنت تحيض .

قوس صغير 
ــــــــــــــــــ
ماكانتش تحب تفاصل ف الأشياء 
كان مُر المُر وداء الداء
إنك ماتاخدش كلامها مُسلَّم بيه
( الواحد بس ح يكدب ليه ؟ )
كات تلعن أم الكلمة اللي بوشين 
( إزاي حيكون لك لون .. 
لو عشت – ياولدي بدون أعداء ؟ )

هامش 
ـــــــــ
كان ممكن حبل العمر يطول .. ويطول
والناقة تشيل مليون محصول
والموت يتمد .. يشد الحيل 
لكن الفرق كبير .. بين موت الموت 
والموت مقتول .

إقلبوا الصفحة 
ــــــــــــــــــــ
كان الله يرحمها وكانت..
كانت دايما تعشق بُكره
رغم الغُلب ورغم السخره..
ماتت قابضه لبُكره الأجره
رغم البُكره ماجاش م البندر..
كانت دايما تصحى تفكّر
(هوَّ - ياولدى - القطر اتأخّر؟ ..
ولّا - ياولدى - حاشوه العسكر؟ )
- جايز .. يمكن
- يمكن .. جايز ..
- يمكن ييجى فى ضم الغلّه
- جايز جه والناس نايمين 
- يمكن لسّه ماجاش.. وهاييجى
- جايز جاى ويّا الجايين 
كانت شايله هموم ملايين
كانت - الله يرحمها - ؛ آمين
تمسك ودنى.. وترمى القول :
( أنا مش عايزه أموت نوبتين )
( أنا مش عايزه أموت نوبتين )

12/05/1970

#وقفة_قصيرة_أمام_قبر_أمي 
#زكي_عمر

وقفة امام قبر امى (قصيدة بالعامية) لشاعر الريف زكى عمر

مفيش في الأغاني كده ومش كده

Rush of Arabian Knightz Feat. E Money on the Chorus
Prod. by Iron Curtain
Arab League Records
معاكو إتنازلت إتفاهمت استحملت إتساهلت

فخسرت لما فيكو إتعشمت فاتعلمت

إنو ٦٠ سنة سجن أدرى

تخلي الحيوانات الأليفة مختلفة  مفترسة شرسة

ثورة جزء تاني عالخرفان الاخواني

واللي خان الثورة بإسم جماعتو فينا هو الجاني

حزب وطني تاني بعد الثورة يطلع تاني

وتقولي رأي أغلبية يا ديكتاتور إسلامي؟؟

عنف عالسلمية يللي إغتلتو رموز بلادي

ولا لبست بدلة خلاص ونسيت انك إرهابي

اللي يسقط الفرعون ويجيب فرعون يبقى بيعرص

واللي يسكت عن الحق ياجاهلية شيطان أخرس

نظام دكتاتوري فلولي..ترتيب ماسوني

خارق للعهود والبنود أخلاق صهيوني

كلامكم شعارات والأفعال شايفها عيوني

كدب عالذقون والفجور ديني وقانوني

عايز تشيل اليلة زي خضر التوني

غضب الملايين بان فالقصر الجمهوري

ايد متعاصة بدمي تكتبلي أنا دستوري

بعد ما ركب الثورة رجع تاني نظام فرعوني

معاكو إتنازلت إتفاهمت استحملت إتساهلت

فخسرت لما فيكو إتعشمت فاتعلمت

إنو ٦٠ سنة سجن أدرى

تخلي الحيوانات الأليفة مختلفة  مفترسة شرسة

أهدرتو حق الشهدا بأدينا حنجيبو

بعترتو أهل وطني حق بلدي مش حسيبو

كرامة كل مصري مش مهدرة من اللي يسيئو

اللي اهدرها نظام شحات واخد أوامرو من سيدو

ميليشيات تلفيقات اعتقالات

لكل من يعارض أو يخالف الفساد

واللي يقول كلمة حق قصدهم في كلامهم عمالة

والثورة سرقوها ونسبوها للجماعة

كمل في إعتقلاتك ومجد الثوار

خللي العالم كلو يعرف إنو احنا الأبطال

ملايين رايحة جاية ملجهات الأجنبية

تعليمات أمريكية وتخطيطات ارهابية

ولا نسيتو إنو إغتيال السادات تنسيق أمريكي

ولولا تنفيذكم مكنش مبارك ده حييجي

وبنفس التنسيق انتو عميل أمريكي جديد

الدور عليكو الثورة رجعت من جديد

MAKSHOFEEN 2  أغنية ثورة مصر ٢٥ يناي  ٢٠١٣ مكشوفين ج ٢

Sheikh Ehab younis__يامالك القدر🎶💜الشيخ ايهاب يونس

إلى  روح طبيب الإنسانية د.محمد مشالي
#طبيب_الغلابة

"قصيدة "طبيب الغلابة

دينا الوديدي - على ورق الفل دلعني - Dina El Wedidy

تعالوا بينا   قص ولزق

في الاصل غناء محمد رشدي 
كلمات الابنودي 
الحان بليغ 

تعالوا بينا قص ولزق

iRazk ✪

Related tracks