ايريني مكرم عبيد - تسبيح كنيسة الامم جزء١ - مايو ٢٠٢٤

اللي خلق الكون كله بكلمة قالها بفمه 
واللي حاطط لبحوره حد لا تتعداه
هو اللي بأمره خليقته تسجد له وتشهد له
جبار وعظيم ومهوب عالي في سماه

القرار
مفيش مستحيل عند الله القدير 
قادر على كل شيء يصنع م الصعب خير 
م الموت تخرج حياة والصخرة تفيض مياه 
من بعد ظلام الليل ييجي فجره بعبير 



الشارد يهديه ويخلق له في الغربة طريق 
والمارد يخضع له ويتغير من جواه 
إنسان نفسه اتحطت في هموم وسجن وضيق 
وجسد إنحنى من مرضه يأمر بشفاه 



خطاوينا مهزوزة وخوفنا سابق أحلامنا 
وتحديات تقابلنا وتعلا معاها الآه 
وعلامة الاستفهام نهاية لكل كلامنا 
لكن بنكمل وضامننا ومعانا الله 

كلمات ولحن: ايريني مكرم - مفيش مستحيل.mp3

عن يد إلهي الصالحة، باشهد وأنادي بلُطفه
 والرحمة مافارقتنيش، متشال بالحب وعطفه
 كل الأزمات بتعدي، لكن في حضوره بتفرق
 يرفع عيني عن ألمي، وف وقته بيشفي ويبريء



القرار
    إيده شديدة الله الغالي
          بيحارب عنا دا متعالي 
                 ولا تصغر أبداً ف عينيه
                           تنهيدة ضيق الليالي 



 شعبه الجسد الواحد، مليان سندة ودفا 
 وأيادي مرفوعة للسما، وبتطلب منه شفا  
 يا جمالهم بالصلوات، واصوام مرفوعة لله
 وبقلب واحد واقفين، عايزينه يأمر بحياة 

Irene Makram Ebeid إيريني مكرم عبيد

Popular tracks