ايه يعني هتنساني

كَان ممكن تحَاول بس انت محاولتش!

اداء صوتي:الاء بنت وهبه
كلمات:ساره محمد

مرسال أنين روح

اداء صوتي:مذيعه برودكاست

رساله الي مجهول !
مش عارفه دي المره الكام اللي هكتبلك ،، بس غالبا مستني اليوم  اللي هكون ببصلك كأنك اعظم انتصارتي.. اللي هقول فيه انك الوحيد اللي طلعت بيه من الدنيا .
كنت عاوز احكيلك حاجات كتير بتحصلي مضيقاني او حتي مفرحاني ..
واحكيلك قد ايه أن كنت لوحدي واني كنت محتاجلك تسندني !
بتمني تكون حنين وشايف أن زعلي ب النسبه ليك مصيبه'ه وسعادتي تهمك وتبقي مسئوليتك .
واسمر كدا خمري وطويل حبتين معلش اصل الموضوع دا مأزم معايا اوي !
ونتصور كتيررر وناس كتير تتمني تكون زينا ،، لو بس تعجل ف ظهورك شويه ! كنت احكيلك عن كل اللي اعرفهم ومين بيحبني ومين بيكرهني ومين بيضحكني!
احكيلك عن بيتنا اللي عاوزاه كله ابيض وبسيط وانت تكون اجمل حاجه فيه! 
احكيلك اني بتنرفز من اقل حاجه وهوائيه ومزاجيه وطفله ومش في حد يستحمل دا ؟ بس انا والله قلبي طيب ولما بيحب بتكون انت أولوياته ومش هيعافر ف حاجه غير أنه يسعدك انت وبس.
بتمني بس يكون صبرك طويل عشان انت هتتعب معايا اوي.'⁦💛

-رساله الي مجهول !
-انهارده كان يوم صعب ؟
-كنت محتاج اجري عليك بس الحقيقه مش عارفه مكانك!
بسرح ف اماكن لما بتواجد فيها بحس براحه ،، يتري انت موجود فعلا فيها!!
المهم نسيت اقولك انهارده كان يوم صعب ليه؟
انا بكره المنتصف جدا ،، بكره اكون بين اه ولاء ،، كنت محتاج انك تكون موجود تديني زفه بين النهايه والبدايه !
بكون طفل جدا ودي أقصي مشاكلي اني اكون تايه ومش عارف طريقي ،، تكون زي ام تحابي عليا وتجري علي ابنها اللي بيتعلم المشي اول ما تحس بعدم توازنه أنه هيقع ع وشه ولكن بلهفه وسرعه ايد تكون شداه..
محتاج توجهني بس مش يكون فرض لا استشاري مهو انت برضو لازم تحترم عندي وغبائي.
-مذيعه برودكاست.💛

رساله الي مجهول .
حياتي فاضيه اوي عليا !
عندي صحاب كتير .. بس غالبا محتاجلك انت!
عاوز تكون الشخص اللي اشتكيله من الكل وعمرك ما تديني فرصه اشتكيك لحد..
مش عارف شكلي هحبك اوي من قبل ما اعرف انت مين !
بس اللي يستحمل كل دا 'اللي هو انا يعني ' اكيد هحبه واسئله ف عنيا ..!
عندي ام جدعه اوي هتحبها جدا ،، اب حنين جدا معتقد ديما أنه مش هيجوزني لأي حد بس انت اكيد هتكون غير !
اخويا بقي حته سكره أمتك هتحبوا بعض اوي !
هتبقي عيله حلوه وبرغم كل الحاجات الحلوه اللي ف حياتي مش هتكمل الا بيك.'💛

رساله إلي مجهول !!

اداء صوتي: ساره محمد

طب اي يعم الشتا
المطرة قالبة بوجع وانا قلبي مش قده
شايف ف ركن بعيد النور ظاهر منه
وانا خايفة اروح يعني كُتر الضي يعمي
وانا يعني مش شايفة لو كنت يوم شايفة مكنتش اختارته
انا قلبي صابُه العميَ فَ اجبرني اني احبُه
ويوم مَ فتحت عيني لاقيته مش و لا بُد
لاقيته مش زيي وقلبُه مش بيدُق ، الدق دَه لغيري وانا يعني مش هيَ 
وازاي هكون هي ؟
طب اي الـ اجبرني اني اكون حَباه واي الـ كان جَبره بـ انه يكون ليا
اسمعني لدقيقة واحكيلي عن حالنا
ازاي صايبني العميَ وشوفته كـ ملاكي
ازاي فِ عز الضلمة لامحته نور اتي
ازاي بيكسرني وقلبي بيروحله
طب اي يَعم الشتا ؟
السما بتبكي وجَبرتني ابكي عليه
مهو يعني يوم البُعد اخدتُه كـ صديقي
واجبرت قلبي يقول بـ انه قد مات
الاربعين لسة مَفتش منهم شيء
فَ قلبي بيعيط
اي يَعم الشتا
براحة عَ قلبي انا يعني مش حِملك
مَلناش حبيب نحضُنه فَ يدفي فِ قلوبنا
ومَلناش رفيق اصلاً سويَ الوجع والخوف
طب قولي لي مَلهوف ؟
هو مش راجع وانا يعني مش عاوزاه
بيجيني وبيبعد و من تاني يوجعني
طب اي الـ اجبرني بـ اني اكون عاشقاه
قلبي المُتيم بحُب مش مِلكه 
محتاج بـ انه يفوق
اخد المُخدر كُله والاثر لسة
سامع خراب قلبي
فِ صراع غريب بينهم
قلبي قال عايزه وعقلي قال لا
وانا شيء طشاش بينهم مش عارفة اي الصح
رُد يَعم الشتا
السما شايلة الهم فَ جبرتني ابكي معاها
هو شاف حُزني وربي مَتهزش
قلبُه مش بيحن ، البرد فِ قلوبهم
طب ورب الكعبة البرد مش فِ الجو
البرد فِ هو ..
الكُل بَص بشفقة وقالوا مِتسابة
واهلي بَصولي وقالوا دِي مريضة وعلاجها للدكتور
فَ سمعت صوت جدتي قالتلي يَحفيدتي ' الرحمة من ربك ادعيلُه مـبيخذلش ، وان كان عَ قلبك فَ مسيرُه يتداوي ' 
فَ جريت عَ اوضتي يَ تيتا ضُميني ارجوكي مَتسبنيش
فَ لمحت طيفها بعيد وجريت عشان اضُمه
فتحت عيني لاقيتها مُجرد هوا بيروح
ازاي مَهيش موجودة وصوتها فِ وداني
وازاي مَهيش موجودة وطيفها حواليا
اي يَعم الشِتا اتي بكُل الوجع
طب لسة حَبة وجع رفضت تحكيهم
طب لي مقولتش اني مسكت فِ وجوده وقالي مش عايزاك
ولي مَقولتش انه مَكنش ويايا
الكُل شاف غلطي وحَسبني والله وهو كان اشطر مُمثل فِ حياتي
خَدعني بسهولة وبسهولة قام بايع
طب اي يَعم الشتا ؟
كُل الوجع آتي .

مـرسـال الـشـتـا

اداء صوتي :_مذيعه برودكاست

أسوأ حاجه ف الدنيا شعور التوهان ؟
تواجدك ف مكان وانت عندك تساؤلات هل وجودي مرغوب فيه ولا عدمه افضل!
في بني ادم كدا ،، مش مفهومين.
هما ذات نفسهم مش عارفين هما عاوزين ايه؟
عشان انت تفهم انت بالنسبه ليهم ايه ؟
هما تايهين ومتوهينك معاهم ،، من اسوأ التساؤلات الحرب دي حربي احارب فيها حتي لو هموت ولا هي من الاول مش ملكي!
جو الدوامه والمنتصف دا ولا انت عارف طريقك يمين ولا شمال مرهق.
انتو بترهقونا ي جماعه.
احنا واقفين ف النص ولا عارفين نتخلص من غبار الماضي ،، ولا قادرين نعيش الحاضر ،، ومغيبين عن المستقبل!


كلنا وحشين؟
انا برضو كنت وحش لما رفضت حد يقدرني ويخاف عليا ويحبني عشانك ! 
لما فضلت مستني ،، وشايف انك اخر الكون!
وشايف أن أي حاجه بعدك حرام وخيانه ويستحيل تحصل ،، واني مش شايف نفسي مع حد غيرك ..
انا برضو كنت وحش لما كسرت قلب ،، وكنت مظلوم لما انت كسرتني !
كلنا ماشين نكسر ف بعض ! 
كلنا وحشين.

الموضوع أسواء كتير من انك تتحمله! 
المكان اللي مش بيديك قيمتك امشي منه !!
مش تعافر وتبني ارض مش ارضك!
بلاش العشم ف العلاقات كلنا بنرجع خسرانين ،، بنرجع مكسورين الخاطر!
الوحده اهون ميت مره من مكان مش مقدرك ،، الوحده اسلم ب كتير ! 
اختارها ب ارادتك بدل ما تبقي مفروضه عليك ف يوم.💙

كانت السكه سد ،، كنت بكسر ف حيطان مش ملكي ،، ولا كانت الأرض ارضي ولا الحرب ليا . 
كانت معافره بلا معني ! لحلم من طرف واحد وكالعاده الطرف اللي بيحلم هو اللي بيطلع خسران.✨

الدنيا كانت ضيقه اوي ،، كل يوم كان نفسي بيتخنق عن اللي قبله ! 
بصراحه كنت بستغرب ازاي كم الناس دي حواليا وانا برضو بحس ان انا لوحدي ؟
مش عارف اجبها ازاي بس انا بقيت مقتنع أن روحي هي اللي الوحيده ،، لسه مش لاقيا اللي يكملها ويحسسها ب الامان الكافي ؟ 
لسه مش لاقيا نصها التاني ،، لسه روحي وحيده‍.💛🌻

عباره عن دوامه ،، إرهاق شديد مش عارف مصدره ،، بصحي عشان انام انام عشان اصحي وبعدها اكمل نوم !
فـ حاجه ديما واجعاني بس لسه مش عارف هي ايه!
وحيد بكثره الناس حواليا ،، وحيد ع قد ما في صور وارقام وأصحاب ،، وحيد بمقدار الوصول للملل !
وان مش لاقي حاجه اعملها برغم أن كل حاجه متاحه ،، وحيد وبعاني !
ومن كتر ما مقتنع أن الناس فترات مش بقي عندي طاقه ل فتره تانيه.

والله ي جماعه انا حابب اقول ان فعلا مش في حد حاسس ب اللي حسيته أو بحسه او هحسه ،، وان اي حد افتكرناه قريب مننا فهو بح ،، مجرد اسم مسمينه ع الفون مش اكتر ،، حتي لو لاحظنا أن لو بان علينا الاحتياج من غير ما نبرر مش هنلاقيهم ،، "جميعهم كانوا هنا وقت الاحتفال  ،، لم أري أحد وقت اوجاعي " واولهم بقي اللي قولنا عليهم قريبين اول ما يشوفوه المسج منك عمرهم محسوا انك عاوز أو محتاج تتكلم ،، لسبب بسيط عشان المكان دا مش بقي مكانك.
نقطه تانيه احب اقولها الناس مش وحشه ،، احنا بس اللي مش من الأولويات.
نقطه وتحتها ميت خط.

بطلت استني حاجه من حد!
بطلت استني اللي زرعته ف غيري من حب ومشاعر مش مستني حد يردلي حاجه من اللي عملتها انا بس كنت مستني احس ب قيمتي !
كنت عاوز اشوف نفسي غالي ف عيونكم ..
كنت حابب ولو لمره الاقي حضنكم من غير ما اتكلم.
ليه بس انا اللي بحب وانا اللي بدي وانا اللي بسعي أبين مقداركم ف قلبي !
هو صح مش لازم كلام بس انتو حتي مخليني محتاج الكلام ؟
شوفتم بقي انتو وصلتوني ل ايه؟
مش معني اني شخص بعامل زي ما بحب اني اتعامل يبقي دا فرض عليا ولا طولت انكم تعاملوني زي ما بعاملكم ولا اتشكرت ع اللي عملته لانه بقي ف عيونكم فرض وواجب لابد منه ..
رفقاً بـ قلوبنـا.💕✨

كل واحد خد مكانه ،، البلونه اللي قعدت تنفخ فيها مش فرقعت ف وش حد غيرك..
الحجم اللي اديتهولهم انت اول حد اضريت منه .
انت اللي قعدت تزود ف مكانتهم وتبهوء ف صورتهم لحد ما لبست .
وانت برضو حاليا اللي بتعاني عشان تشيلهم من المكانه دي ؟
الموقف دا مش بيفكرك ب حاجه ! اقولك انا بيفكرك ب ايه !
بيفكرك ب كل اللي دخلو حياتك وقولت أنهم غير ..
غير اه ! بس من ناحيه تانيه ..
اللي برضو رجعت ووثقت واديتهم نفس المكانه وبرضو ادوك نفس الخازوق !
اعتقد أن انت اللي محتاج تتغير ،، محتاج تبطل تبقي غلبان وعبيط!
تبطل أن أي حد ممكن يكسب قلبك بسرعه .. عشان زي ما بيكسبوه بسرعه بيكسروه برضو بسرعه.
_مذيعه برودكاست.

مـرسـال الـتـوهـان::

طبعا دي اول مره اعمل مزيج ..
اتمني يعجبك سيب رايك لو عملك كركبه ف دماغك :))

مزيج | شويه كَركَبه★.

مزيج | ما هو الحُب؟

وان كنت اقدر احب تاني.
حاجه غريبه
لصاحب العيون العسليه
Falling

أحببتك لانكِ جميله.

The Other Side.

وحشتيني بالمَجان لـ بسمه عُمران

اهَرب للمَزيكا هتحضنك.

أين المَفر منك اذا كان كُلي إليك؟

لُكل ما ليس له صديق ، حبيب فـ هذا مكانك

أين المَفر مِنك؟

هتسمع هنا مزيكا هتوديك فـ عالم تاني "))

HAMOD ♫

Popular tracks