مربعات ابن عروس

خلى عنك اليوم . فرقة الطنبورة ‎

مربعات ابن عروس - زين محمود

Zain Mahmoud | Morbaat Ebn Arous |  زين محمود | مربعات ابن عروس

مربعات ابن عروس على الناى

لحن سيد درويش و كلمات بديع خيري 

على قد الليل مايطول  - غنا :سيد مكاوي - إسعاد يونس

بتغني لمين ياحمام - شيرين عبده

عمرنا رحلة..
خطونا علي الأرض رحلة
ليلة صعبة وليلة سهلة
ليلة نبكي وليلة نضحك
على الحرير والشوك 
وتحت الشمس والضلة 
تنقضي الرحلة

محمد حمام  عمرنا رحلة

كرامتك يا حسني - أرابيسك

جزء من طقطوقة  كله الا كده
 كلمات يونس القاضى 
لحن الشيخ زكريا احمد
من مقام الجهاركاه


كله الا كده ، لأ بس ارجع
دي خبطتين في الراس توجع
حقه كله الا كده

من يوم ما عضتني العضه
ده كان نهار لم يتقضى
جابوا لي قال طاسة الخضة
وانا نايمة وسارحه وبتوجع
حقه كله الا كده

منك أروح فين آه ياني
دي العضة لسه مألماني
طب عض في دراعي التاني
بشويش ده إيه لأ .. بس .. ارجع
حقه كله الا كده

كله الا كده ، لأ بس ارجع
دي خبطتين في الراس توجع
حقه كله الا كده

كله الا كده - محمود الجندى - من فيلم قلب الليل

https://soundcloud.com/aesamk/sets/tributes-and-mixes
مُختارات من أعمال الموسيقار محمد القصبجي التي استخدم فيها إيقاع الفالس بمناسبة ذكراه. الأعمال هي:
- يا ترى نسي ليه غناء دلال أبو آمنة  - الأغنية في الأصل لفتحية أحمد
- قلبي دليلي غناء كريمة الصقلّي - الأغنية في الأصل لليلى مراد
- المقطع الأخير من "يا حبيبي ارجع لي" غناء ليلى مراد
يلاحظ أن الفالس هنا يبدأ مع الغناء وليس الفاصل الموسيقي
- المقطع الأخير من "فرّق ما بيننا ليه الزمان" غناء أسمهان

Mohamed El Qasabgi - Waltz (1940s) | محمد القصبجي -  فالس


أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية


اجمل مربعات ابن عروس - فرقه الورشه

الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند وسيكا ورست وصبا
وحجاز وبيات
يا خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

الحظ - احمد فـؤاد نجم

سايس حصانك عَ القنا و تعال ...
تلقى القوليلة مبخّرة و ملانة ...
الصدر مرمر و النهود عريانة ...
مدّيت ايدي عَ النهود اتفرّج ...
نترت دراعي يا دراعي يانا ...

سايس حصانك بعد غيبة طويلة ...
يا عاوج الطربوش مع النرجيلة ...
العمر طوّل و السعادة قليلة ...
قلتلها و الله اللي رماك رمانا ...
نترت دراعي يا دراعي يانا ...

نترت ذراعي ليه و أنا من الأول ...
عاشق و عشقي للجميلة طوّل ...
إزاي أتوب عن الغرام و أتحوّل ...
يا بو رمش جابنا في الهوى و ودّانا ...
نترت دراعي يا دراعي يانا ...

بحلم بيومنا و إنت إيدك فى إيدي ...
بحلم و حلمي قدّ ما انتي تريدي ...
قدّ الحلال قدّ القمر و زيدي ...
قدّ الهموم اللي تبات شاغلانا ...
نترت دراعي يا دراعي يانا ...

الشيخ إمام عيسى - سايس حصانك - نسخة نادرة مع الأصدقاء

مربعات ابن عروس - خضرة محمد خضر

قصيدة "مسافر.. مسافر" للشاعر أحمد فؤاد نجم التي كتبها سنة 1979 في رثاء الشهيد زكي مراد

مسافر ... مسافر
ودايما مسافر
ومهما الطريق كان بعيد أو صعيب
مسافر بعمرك وأمرك عجيب
كأنك بطبع العناد ... سـندبـاد
وعاشق... وعشقك بعيد البلاد
مسـافر.. تودي الوداد للرفاقة
مسافر.. تجيب الحليب للولاد

يدور الزمان بالمكان والوجود
يـقابـلك مسافـر ..
وتجري الحوادث وترجع تعود
وتفضل مسـافـر ...
ويوم ما اتقـابلـنا قابلتـك مسافـر
ويوم ما افترقنا فارقتك مسافـر

مسافر ..مسافر أيا سنـدبـاد
وداير تلف الزمان والبلاد
مسافـر لأنك لقيت الحقيقـة
مسافـر لأنك عرفت المعاد

وطال السفر .. يا صديقي الحبيب
وكان الأمل في اللقاء ..عن قريب
أشوفك وأبوس ابتسامتك وأضمك
أقولك همومي.. وأدوب جوه همك
ونضحك .. ونحلم في عز النهار
وتضوي ابتسامتك.. ويحلا الهزار
وأسافر طريقي.. وأنا في انتظار
أقابلك مسافر .. في نفس المسار

وطير يا حمام بالوداد والسلام
وإرمي التحية على السندبـاد
وقوله إن صاحبك في عز انتظاره
بيكتب ويحسب ليوم الميعاد

وبات الأمل سنـدباد في الخواطر
وعاش الأمل في الجوانح مسافر
وترمح خيول الزمان بالحوافر
ويتعب طريق الصديق المسافر

مسافـر ... مسافـر
ينام ع الطريق
ونوم الرفيـق
نهاية حكاية عن السـندبـاد
بداية حكاية لناس ع الطريق

الشيخ إمام - مسافر

‫مربعات ابن عروس - ابو رسلان

You can take me out of Egypt but you can't take Egypt out of me.
 صعيدي و بحب مصر و باعشق السيده زينب و طبق الفول عند ام هاشم

Zain Mahmoud | Morbaat Ebn Arous | زين محمود | مربعات ابن عروس

Islam El Barghouti

Related tracks