وأما مات فيا ومت أنا فيه

مبهرين فاختيار الكلمات والجُمل .. شوفت شبهك قاعده فالكوشه .. قولت هي .. لااا

جااااااااامده قووووووي

كلمات : خالد عبد القادر
الحان: يحى نديم
غناء: فرقة عمدان النور

Written by:Khaled Abdel Kader
Music composer: Yehia Nadeem
Song for: GAZAGA BAND



كلمات سيرة الأراجوز:
جيبت ليه صاحب وحبيته




زقنى فى المترو زقيته (كورال)
واما مات فيا ومت انا فيه 
روحتله بيته وعزيته
**
حزن يا بقال ورا الجامع هات بنص ريال عسل فى الكوز (كورال)
دة اللى كان عيل بقى شاعر واللى كان ضاحك بقى أراجوز 
**
حبنى الشارع وحبيته (باسم)
عض قلبى الليل وعضيته (ميدو)
خضنى الأنسان وخضيته (نور)
لما بان من وشه عفاريته (كورال)
**
عدى فيا القمح سمرنى (باسم)
عدى فيا الفجر صبرنى (ميدو)
عدى فيا الحزن غيرنى (يحى)
عدى فيا العمر كبرنى (نور)
**
خدنى م اللفة لمريلتى 
خدنى م التسنين لحصلتى (كورال)
خدنى من مدرستى ع الجامعة 
خدنى م الترعة على الاسفلت 
**
خدت م الاتوبيس مراياته 
خدت م السواق حكاياته (كورال)
خدت م الركاب تذاكر موت 
** 


حزن يا بقال ورا الجامع هات بنص ريال عسل فى الكوز (كورال)
دة اللى كان عيل بقى شاعر واللى كان ضاحك بقى أراجوز
**
ياللى وحشانى متوحشنيش 
ضحكك السكر محلانيش (يحى)
خوفت م المطرة قفلت الشيش 
ليه فضل اسمك على الشباك 
**
كنت جايب دبلة وغويشة 
كنت شارب خمرة مغشوشة (نور)
شفت شبهك قاعدة فى الكوشة 
**
قلت هى لا مش هى (يحى)
فتشتنى المعة عن ميا (نور)
كنت أنشف من حطب محروق (يحى)
**
حزن يا محول خطوط سيرى 
حزن يا عطار فى باب اللوق 
شوفلى تحويجة لتفسيرى (كورال)
حط ريحة بن لضميرى 
شوفلى عود أصلب من المغشوش
**
حزن يا بقال ورا الجامع هات بنص ريال عسل فى الكوز (كورال)
دة اللى كان عيل بقى شاعر واللى كان ضاحك بقى أراجوز
**




ردنى عالباب عطب روحى (ميدو)
جابلى ناى وزتونة مطروحى 
**
جيبت ليه صاحب وحبيته




زقنى فى المنترو زقيته ( كورال)
واما مات فيا ومت انا فيه 
روحتله بيته وعزيته
**
ردنى عالباب عطب روحى (باسم -- ميدو)
جابلى ناى وزتونة مطروحى (باسم -- ميدو)
**
مر انا يا صاحبى لو دوقتنى (باسم)
جيت اقول الأه ما صدقتنى (ميدو)
يطرح ايه الملح غير مالح (باسم)
يطلع ايه م الجرح غير مجروح (ميدو)
**
ليه ما تصفاشى لغير صافى 
ليه فى عز الحوجة بتجافى (كورال) 
شوفتنى غاطس ولا طافى 
كنت بندهلك حلاوة روح 
**
حزن يا بقال ورا الجامع هات بنص ريال عسل فى الكوز (كورال) 
**
خد سنين الجرى وسنينى 
هاتلى سن غزال دهب عينى (كورال)
قطع الاسفلت شرايينى 
هات بياض القطن شاش اللوز 
**
حزن يا بقال ورا الجامع هات بنص ريال عسل فى الكوز (كورال)
دة اللى كان عيل بقى شاعر واللى كان ضاحك بقى أراجوز

سيرة الأرجوز

بينى وبينك حرف جر
عاكس مدارات الراحايا
بينى وبينك مسأله
تأول الى مالا نهايه 
و شط نيل وبنت سمرا
و أصل فصل المدرسه
بيني وبينك كل قرش حشيش
وحبه هلوسه 
بيني وبينك فعل امر
تليه علامه التعجب
وكل شده مع سكون
وقطع رقبه مع ترقب
وبحر ناس ومدونات
وماضي كتفنى بظروفه﻿
بيني وبينك بكره جاى
ولسه مش عايز اشوفه 


المغنى خانه حرف جر

البلياتشو - عمدان النور - Gazaga -

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

بلياتشو عمدان نور

دايرة تلف تصب البيرة
وعلى ترابيزة تطلع ضحكة
وتبصلها تقول دي أميرة
بس الجوع والفقر دبحها
دايرة تلف عالزباين
والدمعة جوه في عيونها
واللي داخل واللي خارج
يدفع أكتر ياخد منها
واما بتنهي تروح بيتها
تفضل تندم فترة كبيرة
رايحة وجاية يطمعوا فيها
واخدين على شغل الملاغية
دخل البيه بالبدلة الميري
وفي ايده مفتاح عربية
زغلل عينها بكتر نفوذه
جريت تركع علىشان قوتها
مش هاممها شرف فتدوسه
طول ماالقرش هيدخل جيبها
سلسلة فالصو حساب في البنك
ولحمة رخيصة لأرخص ناس
وفي يوم من ده الايام
دخل الحتة ولد رسام
اخدت بالها انه بيرسمها
راحت على ترابيزته وقال
بصي لنفسك  جوه مرايتك
هيه حقيقتك هو ده حالك
لويتبدل حالي وحالك
تبقى حياتنا أحسن بيكي وبيا

غناء: إسلام علي
كلمات : شريف فتحي
جيتار:أحمد الغريب
ميكس: كريم حسن


حكاية بلد سكرانة

مسارح وسيما - عمدان نور

كان بلياتشو متخصص عمدان النور

جبتلي صاحب وحبيته , زقني فى المترو زاقيتو , واما مات فيا و مت انا فيه , روحتلوا بيته وعزيته ..

سيرة الأرجوز

Islam saviola

Recent comments

Related tracks