ازهري محمد علي ياصالحه

الندامي-مصطفي سيد احمد

صاح الديك -عصمت بكري

ابوعركي البخيت-حال الدنيا

كمال ترباس -سيبني في عز الجمر

محمد وردي-أول غرام -عود

مشتاقة لي كل التفاصيل المعاي
و الذكريات الماتعة
كل الاماسي الكنت فيها
بيك صارت فارعة
طولنا قامة الحب سوي
ما جاي اقول اه يا هوي
شكرا لكل القلنا عن باكر سوي
شكرا لكل خاطر سقي الحاضر روي
شكرا لخط الاستواء
الحرر كلامك ساعة يكون زي النسيم
لطف مسامك واندلق صدقك عميم
شكرا مناجاتك وكت همسك حميم
شوفي كيف بيناتنا ازهرت الجروح
وشوفيني كيفن يوم نهلتك ابتهلتي
صبيني من حُقِك نفوح
عابق عطر غيمة ودعاش
ختيني فيك جواي نبوح
قاصدين زمن وردة وفراش
كان نلحق العمر البروح
قبال ملاقاة الرشاش
ياخيمة في الزمن النزوح
ياواضحة في الزمن الطشاش

شكرا" لخط الإستواء_عاطف انيس

قوم نرتشف خمر الهوي..ونذكر أحاديث الغرام
علي شاطئ النيل السعيد

الطقس معتدل الهوي ..قوم يا حبيبي نمر سوا
في خميله والعالم نيام
والروض حلا وبسم الزهر
مضي اسمه في سطح النهر
والقمري يهتف بي اهتمام..من كل فن يبدي ويعيد

ميل يا حبيب طوع الهوي بقوامك الضمار هوا
اسقني من طرفك مدام
اسمعني من فاهك درر..ومن شعري هاك آيات غرر
فيك هوي ورقة وابتسام
ومياس قوام وعيون وجيد.

بعد الجفا وطول النوي
والفرقه والشوق والسقام
جفاني لطفك يا حبيب..اياك سمير وانت الطبيب
يا الفي ظلال نعماك ريب
انا عشقي لي غيرك حرام..فيك شعري...يا روح القصيد

قم نرتشف خمر الهوي-ياسر تمتام

أصابك عشق أم رميت بأسهم 
 فما هذه إلا سجيّة مغرمِ
ألا فاسقني كاسات خمر وغني لي
 بذكري سليمى والكمان ونغمي
ايا داعيا بذاكر العامريةإنني 
أغار عليها من فمي المتكلمِ 
أغار عليها من ثيابها إذا لبستها فوق جسم منعّم
أغار عليها من أبيها وأمها ـ إذا حدثاها بالكلام المغمغمِ
وَأَحْسُـدُ كَاسَـاتٍ تُقَبِّـلُ ثَغْرَهَـا
إذَا وَضَعَتْهَا مَوْضِعَ اللَّثْـمِ فِي الفَـمِ


اصابك عشق-عبدالرحمن محمد

أحلى فصول العمر حنانك
اجمل حتة لقيتَ مكانك 
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك

معاك معاني حياتي تبدا
وافتح باباً ياما انسدَّ
أشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى

أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية


أحبك  أحبك انامجنونك-محمد وردي

شوف لما تلاقيني 
ادوب من نظره في العينين
واضيع في الراح  مع الايام 
وانسي معاها اسمك مين……..
يالون زي قمر وهاج 
ياحب في القلب اجاج
 سبايب شعرك الامواج 
فرح منقوش علي الديباج
صدقي ياعيون احباب
 عيني منك انت قراب
 شايل وحشه الاقراب 
سالته وماعرفته جواب
بتشبهي وحده شفتها وين .
يا عسلية العينين .
انا الصادفتك إنتي زمان ..
هسي نسيت إسمك مين


إسمك مين-العميري

كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك
بريدك
حكاية الريدا بيناتنا
حنينة بجيبا ليكي غناي
زي ما قالو ليك رياد
حكايتي بطالبا الهداي
وحاتك وانت بي جنبي
بحسك انتي في جواي
جمال ماخد شموخ بلدي
وسحاب ليهوا الزرع رجاي
بريدك
ويوم بي صدفة نتقابل
ويبادرك من عيوني سؤال
تعملي انتي زي ناسيا
ويداعب خاطري حسن الفال
تمد إيديها يارب لي
تفوت تنساني لا لا محال
تهمس ليكي كلام الريد
غناوي تفرح الأطفال
أنا بريدك
كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك
بريدك

كتير بتناسا ايديا_خوجلي عثمان_عود

حبي القديم يا كنار
داريتو من الناس وطويت هواي على نار
وصبرت صبر ايوب وعساي قلبي يتوب 
كان مكتوب ما لي فيك نصيب 
يا قيلة الانظار ضاع في الخيال مسعاي واصبح امل منهار
ما حيلة الانسات ان جار عليه زمان
 ونصيب كان حرمان من طيبك الفياح 
يا نفحة الازهار غير يرضى بالمحتوم يساير الاقدار
لا تفتكر انساك رغم الحصل يا ملاك
 انا محتفظ بولاك حبك ملك قلبي اتخذت لي شعار 
حفظ الوداد يا جميل من شيمة الاحرار
يوم قسمو الارزاق لمعشر العشاق انا كان نصيبي فراق 
وانت العفاف زانك عفة وجلال وقرار واتا يا حبيب الروح حرقت فؤادي النار


حبي القديم_ابراهيم الكاشف

آمنه حيدر_سيد مجيد

فارق لا تلم
أنا أهوى الألم
ما أول حبيب
ولا آخر ظلم
بعشق فيك عفاف
وأبعد لا تخاف
إن طال المطاف
تحين للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم
غداً أنا أسعى ليك
أحنّ وأسأل عليك
حبيبي أراك مليك
قليبي الصار لديك
حلفت عليك قسم
تفارق لا تلم
هجرك لي هلكني
وقربك فيهو سم
جميل قاطع جمال
لكن مانع الوصال
حليل القلبو مال
وهام في خيال خيال
وجرحو الما إلتئم
وهم صار ليهو هم
منعت علي دواك
وكم صارعت كم

فارق لاتلم -احمد المصطفى

بالله يا اهل الهوى
فوادي حابو ليه
بيقولوا من حبو دوى
والحب دواه ايه
بالله يا اهل الانام
بالله يا اجمل سمير
بالله يا اول غرام
بالله يا حبى الاخير
حباك قلبى وانكوى
والحب دواه ايه
تسحرنى يا نير الخدود
ساحر الوجود مالك علي
انا دمعى فاض من الصدود
على الخدود من مقلتي
ما لاقى من حبك سوى
دلال وصد على
بالله يا سارى الغمام
يا جاي من وادى الحبيب
انزل على قلبي سلام
ابرد حشاي واطفىْ اللهيب
فوْادى زال وانزوى
والحب دواه ايه

بالله ياأهل الهوى-عبدالعزيز محمد أبوداؤود

ما علي لوجات مواكب ولا فاتتني المراكب
القمر مادام معايا اعمل ايه انا بالكواكب
ماعلي بالقاسيه تحصل يبقي لي الهم مفضل
طالما ريدك مأصل خلى كل الباقي يحصل
البخاف الموج يشيلو والبواصل العوم بيوصل
يا المليت الكون محنه ويا الرسمت النون حواجب
لو يجيني الكون ده كلو زاهي باسم لي فله
روحي يمكن يوم تمله الا ريدك ما بمله
ابقى خليها الكواكب في حضورك يوم يهلو
اصلك اتعودت دائمآ تبقى لي انوارآ حاجب
لوكسوك عقد الجواهر يبقى نورك ليهو جاهز
اما امواج الضفاير خلت الليل كلو داير انت نائم في حريك والمساهر بيك مساهر
سيبو يشرق نور جبينك ويطوي احزان المغارب 

اعمل ايه انا بالكواكب_عادل مسلم

 ﻧﻴﻠﻚ ﺃﺭﺿﻚ ﺯﺭﻋﻚ
ﻧﺎﺳﻚ ﺃﺻﻠﻚ ﻭﻓﺮﻋﻚ
ﺑﺤﺒﻚ ﻣﻤﺎ ﻗﻤﺖ
ﺃﺣﺒﻚ ﺣﺘﻰ ﺍﻵ‌ﻥ
ﺃﺣﺒﻚ ﻳﺎ ﺳﻮﺩﺍﻥ

ﻫﻤﻲ ﺃﺷﻮﻓﻚ ﻋﺎﻟﻲ
ﻭ ﻣﺘﻘﺪﻡ ﻃﻮﺍﻟﻲ
ﻭﻣﺎ ﺑﺨﻄﺮ ﻋﻠﻰ ﺑﺎﻟﻲ
ﻏﻴﺮ ﺑﺲ ﺭﻓﻌﺔ ﺷﺂﻧﻚ
ﻭﺗﻘﺪﻡ ﺇﻧﺴﺎﻧﻚ
ﻋﻤﻮﻡ ﺃﻫﻞ ﺍﻟﺴﻮﺩﺍﻥ

ﻓﺎﺗﻮ ﺳﻨﻴﻦ ﻃﻮﻳﻠﺔ
ﻣﻦ ﻋﻤﺮ ﺍﻟﻘﺒﻴﻠﺔ
ﻧﺼﻨﻊ ﻓﻲ ﺍﻟﺤﻴﺎﺓ
ﻭﺧﻀﻨﺎ ﺣﺮﻭﺏ ﻧﺒﻴﻠﺔ
ﻛﻢ ﻣﺎﻟﻴﻨﺎ ﺣﻴﻠﺔ
ﻭﻛﻢ ﺳﺎﻟﺖ ﺩﻣﺎﺀ
ﻭﻫﺎﻥ ﺍﻟﻌﻤﺮ ﻫﺎﻥ
ﻋﺸﺎﻧﻚ ﻳﺎ ﺳﻮﺩﺍﻥ

ﻋﻼ‌ﻗﺘﻲ ﻣﻌﺎﻙ ﺍﻧﺖ
ﻋﻼ‌ﻗﺔ ﺃﺏ ﺑﻮﻟﺪﻭ
ﻛﻴﻒ ﻣﺎ ﺃﺣﺒﻚ ﺍﻧﺖ
ﻓﻲ ﺯﻭﻝ ﻣﺎ ﺣﺐّ ﻭﻟﺪﻭ
ﺷﺎﻣﺦ ﺟﺎﺭﻱ ﻧﻴﻠﻚ
ﺗﺎﺝ ﺍﻟﻌﺰﺓ ﻫﻴﻠﻚ
ﻭﻣﻌﺮﻭﻑ ﺍﻟﻌﻨﻮﺍﻥ
ﺑﺮﻳﺪﻙ ﻳﺎ ﺳﻮﺩﺍﻥ

بحبك ياسودان_خوجلي عثمان

عيدالكواكب-الشفيع وخوجلي عثمان-عود

هاشم مرغني-يابهجة حياتي

مشتاقين_أزهري محمد علي

فقدته حبيب-التاج مصطفي-عزالدين صديق

نابك ايه في هواه-عثمان حسين

لى في الغرام سريرة والله أعلم بالسرائر
ومشبه بالغصن قلبي لا يزال عليه طائر
حلو الحديث وإنها لحلاوة شقت مرائر
أشكو وأشكر فعله فأعجب لشاك منه شاكر
لا تنكروا خفقان قلبي والحبيب لدى حاضر
ما القلب إلا داره ضربت له فيها البشـائر
يا تاركي في حبه مثلا من الأمثال سائر
أبدا حديثي ليس بالمنسوخ إلا في الدفاتر
يا ليل مالك آخر يرجى ولا للشوق آخر
يا ليل طل يا شوق دم إني على الحالين صابر
لى فيك أجر مجاهد إن صح أن الليل كافر
طرفي وطرف النجم فيك كلاهما ساه وساهر
يهنيك بدرك حاضر ياليت بدري كان حاضر
حتى يبين لناظري من منهما زاه وزاهر
بدري أرق محاسنا والفرق مثل الصبح ظاهر
***
ما للأحبة أشركوا بمحبهم بيض الخواطر
وهو الذي يرتادهم صمدا بلا آت وغابر
من ذاق خمر وجوده فوجوده أم الكبائر
سيري له هو سيره حتى كأني غير سائر
من فض ختم إهابه لأرتاد قلب الوقت ذاكر
ومن إستغاث بحاله لبدا له في الحال ناصر
إن إنتظارك عائد ظن بأنك غير حاضر
فالآن أنت لمن يرى في كل شيء جد ظاهر
حسبي بأنك غافر إذ أن غيرك غير غافر
حسبي بأنك شاكر إذ أن غيرك غير شاكر
حسبي بأنك حيرتي قد ضل من هو غير حائر
حسبي بأنك نعمتي إذ أنت كاف كل شاكر
حسبي بأنك حجتي وإليك خطوي ظل عاثر
حسبي بأنك غايتي إذ أننى في الركب آخر

لي في الغرام سريرة_

تستاهلي 
لو درتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم 
إتباكوا ليك شان تنزلي
 تختاري ليك باقات عقود 
ويغنو ليك وتنزلي
وأنا في هواك يا ست هواي
لليلة دايب في الغنا

احلي البنات _هاني عابدين

الحبيبة
المشطت عصب التضاريس 
وهدت على كل الخرايط .. والفراغات 
مدهونة بى لونا أرصفة المحطات 
واقده من ريقا الفوانيس 
جرحت ليه خاطر الحبيبة 
دى السكة أبعد من حدود الإحتمال
والجرح أعمق من بكا الليل والنويح
ويوم استفزت قدرتك 
قيمة المسافات 
عرفت إنك قليل حيله وفصيح 
ستفت عمرك فى حقايب الرجعه 
للسفر القديم 
مرقت تشهل غربتك
وبى توبا تستر عورة الزمن اللئيم
ماهى دى الحبيبة 
الشحتفت روحى
ومعطنه فى ينابيع الألق
الشاربه من فجر الشروق 
وما خده من لون الشفق
ما هى دى الحبيبة
الداخله من بين مسامات العرق
رقراق 
وطالعة زى قمر الدُجى 
وسايقانى فى كل الدروب ساساق
راميانى حد القريفه 
وقاليانى زى قهوة بجا
ما هى دى الحبيبة 
يومى المشيت مجبور
علي السكة المريبة
أدتنى إحساسا الرطب
وشهرت ضحكتا العذبة ومشت 
كانت رؤاها بتحتشد
زى نار 
بتسجن روحها فى عود الثقاب
وتعهلن مهرجانات الحريق 
لو كشت الواطة ولقيتا 
ما كنت ضليت الطريق
ودفقت مويتى على الرهاب
مشيت ورا الشدر اليمامه 
دى الرتبت خدر الحنين 
فى الروح وعبت دوار النشوه
فى جسد الندامه 
وانا كنت مفتون 
بى تداعى اليابسه 
فى عرس التساب
مشدود على حبل الصعود أفل
مشلهت بالأيادى الفوق
مشهلت والبدن منحل 
لفحت من الأرض طرقه
مرقت على البحر شاشوق
لقيت توب البحر خرقه
لقيت درب الرجوع أطول
هيا يازولة
المخارج وين ؟
لا غلت يداك عن حل 
غلبت فى الحيل البلمك
من حبال الصوت 
وبندهلك تعالى .. تعالى
ما وردت مرحاكه البيوت الناشفه
ساساقك عبث
شن قدرتك تنسلى
من قلب الضلمه الحالكه خنجر
من قبس 
من وين أجيبلك 
قدرة تستلهم رؤاك
وانا جاى من وحشة سنينى 
المرة 
بى آخر نفس
من .. وين .. ؟؟
أجيبلك قدره بس
من وين 
وانا هد احساسى السفر
أنا بندهك لو مره 
ضفه اتبرجت 
حلت ضفاير للبحر 
بندهك لو لبش الموج فى الطمى
والشاطئ فى ذروة 
المد انكسر
وأنا بعزمك على مويه 
عذبة وضل وريف لو هم سقط
من طاقه فى حلم الحبيبه
وانتحر 
جرحت ليه خاطر الحبيبه 

الشاعر أزهري محمد علي - جرحت ليه خاطر الحبيبة

ﻭ ﺗﻌﺒﺖ ﻣﻦ ﺷﺪ ﺍﻟﺮﺣﺎﻝ
ﻭﺗﻌﺒﺖ ﻣﻦ ﺗﻌﺐ ﺍﻟﺮﺣﻴﻞ
ﻳﺎ ﺃﺟﻤﻞ ﺍﻟﻜﻠﻤﺎﺕ ﺃﺣﺒﻚ ...
ﻳﺎ ﻣﻼﺫ ﺍﻟﻘﻠﺐ ﻣﻦ ﺣﺰﻧﺎ ﻃﻮﻳﻞ
ﺟﻴﺘﻴﻨﻰ ﻟﻤﺎ ﺧﻼﺹ ﺑﻜﻴﺖ ...
ﻋﻠﻰ ﻧﻔﺴﻰ ﻣﺮﺓ ﻭ ﻣﺮﺗﻴﻦ
ﻭ ﻗﻌﺪﺕ ﻓﻰ ﺍﻟﺮﻛﻦ ﺍﻟﺤﺰﻳﻦ ...
ﺩﺍﺱ ﺍﻟﺨﻄﺎ ﻭ ﺻﻔﺮ ﺍﻟﻴﺪﻳﻦ ...
ﺑﺲ ﻛﻨﺘﻰ ﻭﻳﻦ ﺍﻟﻌﻤﺮ ﻛﻠﻪ ...
ﻛﻨﺘﻰ ﻭﻳﻦ
ﻭ ﺃﻧﺎ ﻓﻰ ﺃﻧﺘﻈﺎﺭﻙ ﻣﻦ ﻣﺘﻴﻦ ...
ﻣﻦ ﺳﻨﻴﻦ ﻭ ﺳﻨﻴﻦ ﻃﻮﻳﻠﺔ ...
ﻋﻠﻰ ﺍﻟﺪﻭﺍﻡ ...
ﻭ ﺃﻫﻮ ﺃﻧﺘﻰ ﻓﻰ ﺟﻮﺍﻯ ... ﻣﻼﻣﺢ
ﺻﺎﺣﻴﺔ ﻓﻰ ﻋﺰ ﺍﻟﻤﻨﺎﻡ
ﻓﺘﺸﺖ ﻋﻨﻚ ﻓﻰ ﺍﻟﺼﺤﺎﺑﺔ
ﻭﻓﻰ ﺍﻟﻐﻨﺎ ﻭ ﺭﺩ ﺍﻟﺴﻼﻡ
ﻭ ﻓﻰ ﺷﺮﺍﻳﻴﻦ ﺍﻟﻘﺼﻴﺪﺓ
ﺳﺄﻟﺖ ﻋﻨﻚ ...
ﻭ ﻓﻰ ﺍﻟﻤﺤﻄﺎﺕ ﺍﻟﺒﻌﻴﺪﺓ
ﺳﺄﻟﺖ ﻋﻨﻚ ...
ﻭ ﻓﻰ ﺳﺒﻴﻞ ﺍﻟﻘﺎﻙ ﻛﻢ ...
ﻭ ﻳﺎﻣﺎ ﺟﻴﺖ ﺑﻜﻞ ﺧﻄﺎﻯ
ﻭﺃﻫﻮ ﺃﻧﺘﻰ ﻗﺪﺍﻣﻰ ﻭ ﻣﻌﺎﻯ ...
ﺗﺼﺤﻰ ﻭ ﺗﻨﻮﻣﻰ ﺗﺤﺖ ﻋﻴﻮﻧﻰ ...
ﻭ ﺗﺴﺮﻯ ﻓﻰ ﺃﻋﺼﺎﺑﻰ ...
ﻭﺗﺴﺮﺣﻰ ﻓﻰ ﺩﻣﺎﻯ
ﻭ ﺩﺍﺑﻮ ﺃﺑﺘﺪاء ﺍﻟﻌﻤﺮ ﺍﻟﺠﻤﻴﻞ ...
ﻭ ﺗﻌﺒﺖ ﻣﻦ ﺷﺪ ﺍﻟﺮﺣﺎﻝ

عاطف انيس _تعبت من شد الرحال

وانا ليه اتسطل 
مدام كل صباح بشهق لفافات ضحكتك!!


Israa Abdelrahiem Ahmed

Popular tracks