محمد محسن - بلدك بعيدة

كلمات ابراهيم عبد الفتاح 
الحان وتوزيع شادي مؤنس
غناء علي الحجار

تتر بداية مسلسل جزيرة غمام - شادي مؤنس

الحشاشين - التحفجية
من حفل مكتبة الإسكندرية

كلمات:  بديع خيري
ألحان: سيد درويش

محمد محسن - الحشاشين

مونولوج للفنان نجاح الموجى من فيلم شوارع من نار 1984
نسخة معدلة صوتياً ومحذوف منها النكات

حكوره حكالنا حكايه حتقلب حالنا حشونا حرام
خدوجه خليفه خطبها خليل ابن اخت خفاجه امام
ده المهر بحتة نِتْـفِةْ سته سبعه تمانيه تمام
وبنسال صالح فالح قال بصراحه انا معرفهومش

شولح شَـمْ شبانه شبندر شد شناب شعبان
شوالي شمار شمروخ شريف شعيله شريف شينوان
شافهم شمعون شرفنتح ابن شفيقه شندي شومان
وبنسأل صالح فالح قال بصراحه انا معرفهومش

و الست سكينه الساكنه في السكاكيني سرقها سليم
وجليله جارتنا جابوها جماعه جبابره حالتهم جيم
وشافونا ساعتها ساعتها ساعتها ساقونا سليم
وبنسأل صالح فالح قال بصراحه انا معرفهومش

مونولوج حكورة حكالنا حكاية - نجاح الموجى

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

Donia Massoud - Ya Baheya | دنيا مسعود - يا بهية

ضحكة المساجين

يا بهية و خبريني donya massoud...

كلمات: فؤاد حداد
غناء: الشاعر احمد اسماعيل

من فيلم خيانة مشروعة

احمد اسماعيل - مفيش في الاغاني كدة و مش كدة

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


ضحكة المساجين

iTamerzzz

Recent comments

Ahmed Elseify 1

.

user214268758

Hmada Osos

Related tracks