Бурханд тэмүүлсэн сэтгэл, хүмүүсийг энэрэх зүрхээр амьдрахад суралцах Номлогч Др. Чарльз Стэнлигийн ХАМТДАА нэвтрүүлэг

ХАМТДАА нэвтрүүлэг

Амьдралд хөдлөшгүй зүйлс олон байдаг. Жишээ нь физик болон математикийн хуулиуд гэхэд цаг хугацаа байрлалаас үл хамааран ямагт тогтмол хөдлөшгүй байдаг шүү дээ. Маш олон хүмүүс эдгээр хуулиудыг хүлээн зөвшөөрдөг хэрнээ сүнслэг үнэнүүдийг үл тоодог. Өнөөдөр Др.Станли та бидний анхаарлыг авралын талаарх Есүс Христийн сургаал руу хандуулж байна. Есүс Өөрийгөө “Мөнхийн улсад хүрэх цорын ганц үүд” хэмээн маш тодорхой хэлсэн байдаг. Гэтэл энэ л үнэнээс болж маш олон хүмүүс бүдэрдэг. Тэд Бурханд итгэдэг хэрнээ Христийг Бурханд хүргэх ЦОРЫН ГАНЦ зам гэдгийг хүлээн зөвшөөрч чаддаггүй. Эцсийн эцэст бүх л шашин Бурхан луу хөтлөх биш үү гэж тэд хэлдэг. Тэгвэл одоо та бүхэн ийм бодол юунд хүргэдэг тухай болон Христ бол “Мөнхийн улсад хүргэх цорын ганц үүд” болох талаар Др.Стэнлигийн хичээлээс сонсоорой.

МӨНХИЙН УЛСАД ХҮРГЭХ ЦОРЫН ГАНЦ ҮҮД - 1 хэсэг

Зарим хүмүүс Есүс бол ёс суртахууны агуу багш, агуу гүн ухаантан гэдэгт итгэж байна. Харин би Түүнийг Бурхан гэдэгт нэг л итгэхгүй байнаа гэдэг. Иймэрхүү үгийг та сонсож байсан уу? Энэ бол хэсэг хүмүүсийн л бодол. Есүс бол мөнхийн улсад хүргэх цорын ганц үүд гэдгийг өнөөдрийн хичээл баталж өгөх болно.
Ингээд Др.Чарльз Стэнлигийн ярианд анхаарлаа хандуулцгаая.

МӨНХИЙН УЛСАД ХҮРГЭХ ЦОРЫН ГАНЦ ҮҮД - 2 хэсэг

Хуучин гэрээн дээр Бурханыг ариун, зөвт, хүршгүйгээр дүрсэлсэн байдаг. Харин шинэ гэрээг бид унших юм бол Бурханы өөр нэгэн зан чанарыг олж хардаг. Бурхан төгс, ариун, бүрэн зөвт боловч Есүс бидэнд Бурхан бол бидний тэнгэрлэг эцэг гэдгийг ойлгуулсан юм. Өөрөөр хэлбэл бид Бурхантай ойр дотно харилцаатай байж чадна гэсэн үг юм. Др. Чарьлз Стэнлигийн сургаалаар бэлтгэн хүргэдэг Хамтдаа нэвтрүүлгийн өнөөдрийн дугаараар гэр бүл дэх аав хүний үүргийн талаар сурах болно. Бид Есүс Христ Бурхан Эцэг хоёрын харилцаанаас үүнийг сурах болно. Энэ харилцаа бол бидэнд өгөгдсөн эцэг хүүгийн харилцааны төгс загвар юм. Хэрвээ сонсогч та эцэг хүн бол анхааралтай сонсож суралцаж, амьдралдаа хэрэгжүүлээрэй гэж хүсэж байна.

БИДНИЙ ТЭНГЭРЛЭГ ЭЦЭГ - 1 хэсэг

Энэ удаагийн Хамтдаа нэвтрүүлгээр Др.Чарьлз Стэнли аавуудын үр хүүхдүүддээ үзүүлж байгаа нөлөө нь тэдний Бурханы талаарх ойлголтод хамгийн их хүчтэй нөлөөлж байдаг талаар онцолж байна. Хэрэв аав нь хөндий хайхрамжгүй байдаг байсан бол хүүхэд нь Бурхантай дотно харилцаа үүсгэх тал дээр нилээн бэрхшээлтэй байх болно. Хэрвээ хатуу ширүүн харилцдаг байсан бол хүүхдийнх нь хувьд хайрын Бурхан холын Бурхан мэт санагддаг байна. Хэрвээ бид өөрсдийн Тэнгэрлэг Аавын талаар үр хүүхдүүддээ зөв ойлголтыг өгөхийг хүсэж байгаа бол Бурхан бидний хүүхдүүдэд хэрхэн ханддаг тэр зарчмуудыг бид эхлээд ойлгох хэрэгтэй. Христитгэлт аавуудад байх ёстой хэд хэдэн зан чанаруудын талаар Др.Стэнли та бүхэнтэй ярилцах болно.

БИДНИЙ ТЭНГЭРЛЭГ ЭЦЭГ - 2 хэсэг

2000 жилийн тэртээд нэгэн хүү мэндэлжээ. Хэдийгээр тэр хүү бусад хүүхдүүдтэй адилхан байсан боловч нэг л онцгой хүү байсан юм. Насанд хүрсэн хойноо түүний энэ онцгой байдал нь бүр ч илэрхий болсон юм. Түүнд гайхамшгуудыг бүтээж, өвчнийг эдгээж, үхэгсдийг амилуулах онцгой чадвар байв. Тэр сургаал айлдаж, эрх мэдэлтэйгээр сургасан. Түүний сургаалууд мэргэдийг гайхшруулж байсан. Энгийн хүмүүсийн хувьд энэ бол байдаг л нэгэн гайхамшигтай түүх. Харин үнэндээ энэ үнэн бол Христ итгэлийн үндэс суурь юм. Энэ Есүс гэж чухам хэн юм бэ? Энэ хүн яг хэн юм бэ? Хамтдаа нэвтрүүлгийн энэ удаагийн дугаараар Др.Стэнли бидэнд БУРХАНЫ ХҮҮ ЕСҮС ХРИСТ гэсэн сэдвээр хуваалцах болно.

ЕСҮС ХРИСТ БОЛ БУРХАНЫ ХҮҮ

Дайн болох үед хүч ойролцоо хоёр тал тогтсон “стандарт” дайны дүрмийн дагуу дайтдаг.  Харин аль энг тал нь илэрхий хүч сул бол тухайн тал стандарт бус партизаны дайныг илүүд үздэг. Тэд дайсны ард талд нууцаар нэвтэрч хорлон сүйтгэх ажиллагаа явуулдаг. Энэ тактикийн гол давуу тал бол бол гэнэдүүлэх, бас эмх замбараагүй байдал үүсгэх.
	Тэгвэл сүнслэг тулааны талбар дээр давуу тал олж авахын тулд Сатан ч бас үүнтэй төстэй тактик ашигладаг. Харин түүний энэ мэт дайралтуудыг няцаахын тулд бид “ДИАВОЛЫН ЗАЛЬ МЭХ”-ийг урьдаас мэдэж байх нь чухал юм. Ингээд хамтдаа Др.Стэнлийн ярианд анхаарлаа хандуулцгаая. Тэр өнөөдөр бидэнд Сатаны тулалдааны төлөвлөгөөг илчлэн харуулах болно.

ДИАВОЛЫН ЗАЛЬ МЭХ

Др.Стэнли өнөөдөр бидэнд нэгэн онцгой тулааны тухай өгүүлэх болно. Гэхдээ энэ тулаан бол нүдэнд үл үзэгдэх сүнслэг тулаан юм. Христэд итгэгчид бид бидний эргэн тойронд өрнөж буй сүнслэг тэмцлийн талаар мэдрэмжтэй байгаад зогсохгүй өөрсдөө ч тэрхүү сүнслэг тэмцэлд орж, сүнслэг тулаанд ялалт байгуулж сурах нь чухал юм. 
	Тиймээс Др.Стэнли өнөөдөр бидэнд диаволын дайралтын эсрэг өөрсдийгөө хэрхэн хамгаалах тухай өгүүлэх болно. Ингэхдээ бид Бурханаас Есүс Христийн дайчин болсон хүн нэг бүрд өгдөг сүнслэг хуяг дуулга, өвч бүрэн зэвсгийн талаар суралцах болно. Ингээд хамтдаа Др.Стэнлийг угтан авцгаая.

БУРХАНЫ ӨВЧ ЗЭВСЭГ

Учир нь бүгд илүүдлээсээ хийсэн атал энэ эмэгтэй ядуу хэрнээ өөрт байсан бүгдээ, амь зуулгадаа хэрэгтэй байсан бүхнээ өглөө гэв. Марк 12:44
ХермоныШүүдэр өглөөний хөтөлбөр #ИтгэлРадиоҮйлчлэл

Хермоны шүүдэр өглөөний хөтөлбөр 2024/06/21

Нэгэн Библи судлаач Библид дурдсан 3272 өөр хүнийг тоолжээ. Бид тэдний бүх нэрийг мэдэх шаардлагагүй ч тэд сайн эсвэл муугийн үлгэр жишээ болсон байдаг. Үүний нэг нь Онесифор, элч Паулын найз.  
Онесифор Библид хоёрхон удаа гардаг ч түүний нэрийн утга их сонирхолтой: “ашиг авчрах” эсвэл “ашигтай” гэсэн утгатай. Паул 2Тимот 1 бүлэг дээр түүний талаар бидэнд бичсэн.  
“Онесифорын гэрт Эзэн өршөөлөө соёрхох болтугай. Яагаад гэвэл тэр олон удаа намайг сэргээсэн бөгөөд гинжнээс минь ичээгүй. 17 Харин Ромд байхдаа тэр намайг хичээнгүйлэн хайж олсон юм. 18 . . . Ефест тэр хэчнээн их үйлчилснийг чи сайн мэднэ.” 
Онесифор Паулд хэрхэн тусалсныг харж байна уу? Нэгд, Паулыг хэд хэдэн удаа сэргээсэн. Хэн нэгэн таны болон миний амьдралын талаар ингэж хэлээсэй хэмээн хүсэж байна. Та өөрөөсөө нэг асуугаарай: Би өнөөдөр хэн нэгнийг урамшуулсан уу? Үгээрээ, үйлдлээрээ, эелдэг байдлаар?

УРАМ ЗОРИГИЙН ҮГС - Хүн бүрд Онесифор хэрэгтэй

Библийн боловсрол олгох радио үйлчлэл

МӨНХИЙН УЛСАД ХҮРГЭХ ЦОРЫН ГАНЦ ҮҮД - 2 хэсэг

ИТГЭЛ РАДИО

Related tracks