Egypt

كلمات: عمر طاهر 
ألحان وتوزيع: شريف الوسيمي
اخراج: محمد سلامة

: كلمات الأغنية
صباح الخير يا مصر الجديدة..
صباح الخير يا مصر البعيدة..
صباح الجرح ع المكشوف..
صباح الدبح فى المجروح..
صباح ممسوح..
ودموعه نازلة مفتفتة..
شبه فتارين وسط البلد..
وسط الشتا..

محمد محسن | مصر البعيدة

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

Album: Mesh Baghanny
Artist: Maryam Saleh
Where to find the album http://tinyurl.com/MeshBaghannySP أماكن بيع البوم مش بغني 

Lyrics by Mido Zoheir, Mostafa Ibrahim, and Omar Mostafa
Composed by Maryam Saleh, in cooperation with Tamer Abu Ghazaleh
Arranged by Tamer Abu Ghazaleh, in cooperation with Yacoub Abu Ghosh

Piano: Shadi ElHosseiny
Guitar: Mohamed Darwish
Percussions: Ayman Mabrouk
Bass Guitar: Yacoub Abu Ghosh

(c) Maryam Saleh 2012. All Rights Reserved
(p) eka3 2012. All Rights Reserved

Hasr Masr - Mesh Baghanny حصر مصر من البوم مش بغني

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

مصطفى إبراهيم - دولة الثوار

كلمات  :  مصطفي أبراهيم  

ألحان   :  نور ناجح  

توزيع    :  ليل وعين 

دفتر أسامي الهاموش , ليل وعين

Like Jelly - Luncheon لايك جيلي - لانشون

شكراً يا مصر

Fairouz - Misr Adat - فيروز - مصر عادت

دعاء الدبابه للشاعر مصطفي ابراهيم من ديوان مانيفستو

دعاء الدبابه - مصطفي ابراهيم

موطني - كلمات وأداء عصام أبو شاويش
www.Facebook.com/5iaaal


وطني - كلمات وأداء عصام أبو شاويش

صباح  الخير يا عم مجاهد , ايه ؟ انت لسه برضه زعلان منى ؟ يا عم مجاهد انت ظالمنى , و رحمه ابويا انت ظالمنى , انت عارف المعلم عطيه كان بيدفع ايجار للقهوه كام كل شهر ؟ خمسه جنيه و ستين قرش وايجار الشقه كان بيروح للميه , والمرتب عملت توكيل لأمى تقبضه كل أول شهر عشان مصروف البيت بتكلمنى عن اايه ؟ عن الحشيش ؟ الحشيش ده هو الذنب الوحيد اللى فى حياتى بعد ما ماتت ام يوسف , مكانش عندى حتى بنى ادم اكلمه انا بكلم الناس حوالين الجوزه , بفضفض بضحك و اغنى فى قعده حلوه لغايه ما اموت بيت ايه اللى انت بنيته مع ابويا طوبه طوبه ؟ كنت فين انت ياعم مجاهدد ؟ قدرت تعمل ايه ؟ لما مرات ابويا خدت الشقه و ادتها لولادها ؟ ها ؟ عملت ايه ؟ الحكايه مش حكايه البيت ياعم مجاهد , المشكله مشكله الناس اللى عايشه و لازم تعيش متظلمنيش يا عم مجاهد , لا مؤاخذه يعنى مغرفه الفول اللى كانت بمليم , بقت بنص ريال , سلام عليكم سامحنى يا عم مجاهد .

يا عم مجاهد انت ظالمنى , و رحمه ابويا انت ظالمنى

شعر : الكمان - أمل دنقل ، ازاي - نصر الدين ناجي
أغاني : ألف ليلة وليلة ، الأطلال - أم كلثوم



مزجٌ أول - المفروض أعملك ايه ؟!

An-Unknown Voice - صوت مجهول
Maximum number of downloads reached! :) .. 
Meshwar TaweeL - مشوار طويل
You can download the song from this link:-
 https://www.box.com/s/0lc4zxxb3lm7hlx1g3ne

Please Like
FB Fan Page : https://www.facebook.com/AN.UNKNOWNVOICE
An subscribe
Our channal on YouTube : http://www.youtube.com/user/AnunknownVoice11

مين احنا :-
http://www.youtube.com/watch?v=VZG8ZFDFa_0

Vocal 1 : Shehab EL-Bialy

Rap 1 : Ya-cr Mouner

Vocal 2 : Doaa Amer

Rap 2 : Mohamed Nour

Vocal 3 : Mai El-Hawary

Lyrics:- Mohamed Nour 

RE-Beat : Mohamed Nour
Record @ 100 Copies Studio

An-Unknown Voice - Meshwar TaweeL - صوت مجهول - مشوار طويل

ملعون أبوك يا سكوت

فى تالتة شمال 
شهيد صورته و ذكراه دايما فى البال 
هتف ضد المجلس بأعلى صوت 
و عمره ما اختار السكوت 
و فى الميدان 
كان واقف يحمى الثورة و يومها كان 
واهب حياته و روحه للجموع 
والثورة تعيش مهما كان 

وفى بورسعيد 
كان واقف بينا طول اليوم سعيد 
راح يومها و خد معاه اغلى الشباب 
 فى الجنة نشوفكوا من جديد 
دمك هيكون 
شرارة ثورة تانى من جديد 
ثورة ترجعنا تانى الايد فى الايد
 و نعيش احرار مش عبيد

Hekaytt Shahid - UA "74" | حكاية شهيد

"بعمل ايه أنا بقى وسطيكم! - أحمد حلمى-  "عسل أسود

https://www.facebook.com/MahmoudElKholly

تراك المركب بتغرق يا قبطان
https://soundcloud.com/mahmoudelkholly2/egypt2014

تراك الشهيد
www.soundcloud.com/mahmoud-elkholy2/elshaheed


وفقدت يا وطنى البكارة

إنهض والنهضة تبقى نهضتين .. واتنين في اتنين في اتنين نبقى إخوان مسلمين
كلّنا في مركب واحدة وغرقانين .. إيه يعني لما تبقى راجل بِوِشّين؟!

أوعى تصدّق غيرك خليك بعيد وحيد .. لو ناس كتير حواليك تلعن فيك
سيطر  ع السلطة وكفَّر فـ الناس .. حط الشعب في أوضة واقفلها بترباس

إتأخون تطلع وزير .. لو كل الناس هتقول إنكو طراطير
إتأخون تطلع وزير .. لو كل الناس هتقول إنكو طراطير
عيش إخــــــــــــــوان

إنزل وزّع ع الناس سكر وزيت .. علَّق بوستر ع الحيط 
روح اتصوَّر في الغيط .. لو  بكرة توزّع تاني مش بعيد
معلش اهو كله عشان شعبيتك تزيد

عيش الدنيا زي الإخواني اللي جوّاك .. لو مهما قالوا طنّش صدَّر قفاك
اقفل شباكك واسمع لإخوانك .. إفرس في الشعب وغيظه وطلَّع لسانك

إتأخون تطلع وزير لو كل الناس هتقول إنكو طراطير
إتأخون تطلع وزير لو كل الناس هتقول إنكو طراطير
عيش إخــــــــــــــوان

إتأخون وعيش إخوان - من برنامج باسم يوسف

مزج لتطابق حكايات في تاريخ مصر
الأصوات : الافلام : عين شمس - الأرض - ضد الحكومة - احنا بتوع الاتوبيس - عسل اسود
تقارير: تغطية قناة الجزيرة و اون تي في لحادث قطار اسيوط
تسجيلات : حوار مصطفى محمود - مقتطفات من برنامج آخر كلام - حلقة مجلس الشعب باسم يوسف
الاغاني : الف ليلة وليلة : ام كلثوم - يا عرب : الشيخ امام - يا عزيز عيني : مريم صالح
شعر: امل دنقل : شجوية - على طالباب : الكمال - أحمد حداد : أوبريت الثورة
موسيقى الخلفية : Lent Et Douloureux - Gymnopédie I
Harry Gregson-Williams - Wall Breached
Yasser Abdel Rahman - Hekaiat El Ghareb - P2
Yasser Abdel Rahman - El Helm
اصوات "حقيقية" من ميدان التحرير وميادين مصر
شكر للمبدعين الأصليين للأعمال

03.المزيج العميق_كربون

هو انتي ليه بعيده كده ومستحيله بالشكل ده
فرحه حياتي ومرها ايامي بيكي عشتها
انتي الحقيقه في دنيا غيري وانتي اللي دبت في حبها
بقدر علي الناس كلها وببقي ادامك ضعيف ادام ايديكي ولا دوب ندا
قلبي علي كفي افتحيه هتلاقي صورتك ساكنه فيه
حتي وانا في قلبي المرار
مبشوفش غيرك ليل نهار
ياورده مغسوله بندي
صافيه ورقيقه وطيبه وبعيده وانتي قريبه
يامحيره كل القلوب بكتب غرامك ع الدروب
وارسم ملامحك ع المدي
هو انتي ليه بعيده كده
بصحي علي صورتك وانام والاقكي ينساني الكلام
ارسم امل يبقي سراب واحلم بفرح الاقاه عذاب
عاشق انا قلبي ياعنيف ومصيري هوصلك اكيد والاقكي ياقمري البرئ
لو حتي راح يخلص طريق والقى طريق غيره ابتدا
والقى طريق غيره ابتدا
والقى طريق غيره ابتدا


هو انت ليه بعيده كدا | ممدوح بيرم

Our deepest fear is not that we are inadequate. Our deepest fear is that we are powerful beyond measure.

Egypt

Maverick