ابو داؤود بالعود

عبدالعزيز محمد داوود - سمسم القضارف (عود)

أبو داؤود - أنة المجروح

مصطفى سيد أحمد - عم عبدالرحيم

ابوداؤد وترباس ـ زمانك والهوﻯ

اجلى النظر يا صاحِ منظر الانسان
 الطرفه نايم وصاحي صاحي كالنعسان
 فى الضي جبينها النادى والبدر خلان
 تجمع لطافة ورقة ونفرة الغزلان
 مابين أن جسيمها اللادن الكسلان
 يزرى الحرير الناعم والفريع اللان
 دعجة ومكحلة خلقة عظمها الرحمن
 بكمال جمال الخلقة وشحها الإيمان
 جذب المناظر مننا منظرها الفتان


 حين جات تميس تتختل وشفنا فيها البان
 بدرى وغمامة ودميه فى فريع البان
 وردفاً يتب بدروعه والقديم غلبان
 من دون مرور النسمة أم قوام نديان
 تجى فى الدروع منقسمة تميل تخذ أحيان
 تقدل تتاتى كفيلة ويلعب الطغيان
 وتبرع المتبرع وبالخمرة نديان

 أنا قلب طار من صدرى يا صديقى عشان
 شفت حور الجنة داخل الحيشان
 شفت العيون بتقهقر ضابط النيشان
 شفت الجمال الوافر فى عظيمة الشان
 اقسم يمين يا بنيه الهلاك لى هان
 ذرفت دموع عينى والفؤاد ولهان
 أنا فى الخلوق ما عليّ الراضى والكرهان


 لو كان وهبتى الى نظرة با أم دلهان
 أنت نور الدنيا الضاوى ليه زمان
 أنت وهبك ربك تاج بها الأزمان
 إنتى آمنة خدرك وبهجة أمدرمان
 أنتى أنتى مناى اللى مخافى أمان

 ليكى السلام ما غنى شادى أو رطان
 ليك السلام ما حن مفارق الأوطان
 يخضب بنانك حنة وللوريد قيطان
 وانيل رضاك يا الملكة نجلة السلطان

إجلي النظر  كلمات الشاعر الرقيق سيدعبدالعزيز اداء ياسر تمتام -مالك يوسف - مصطفى الماحي

ابو داوود - طولت ما رديت

ابو داوود -تم دور و ادور

الشوق و الريد - عصام محمد نور at #sudan #سودانيات

بقيت ظالم  نسيت الناس -  زيدان ابراهيم

لو بتعرف يا حبيبي. أسرار بابكر

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

عبدالعزيز محمد داوود - سمسم القضارف (عود)

Izz0_

Recent comments

Abdullah

فاطمة

فاطمة

فاطمة

Related tracks