لـلـعـبـاس  اجت  زينب طفل حسين وياها
تـشچي مـن العطش حاله تجري دموع عيناها

طـبـت  لـعـد صـيـوانه منها العين همّاله
تـقـله  شوف عبد الله اشسوة العطش بأحواله
يـاخـويـة يـبّـس لـسانه ذبّل هرش دلاله
سـوي لـهـل طفل چاره....يبن المايذل جاره
دمــعــتــي  عـلـيـه تـتـجـاره
و أخـاف ارويـحته عليها ياخوية يلحق ظماها

شـوفـه  يـديـر بـعيونه يتلفت لعد جودك
تـرضـى يـموت عبد الله يابحر الجود بوجودك
يـاخـويـة  لمثل  هذا اليوم النا ذاخرك عودك
تـراه  الـعـطـش ماذينه....غيرك من يروّينه
لَــوَن اتــعــايــن ســكـيـنـه
مـن  الـعـطش  يا عباس نار و تشب بحشاها

ياخوية اطفال أخوك حسين كلها تصيح عطشانه
حـر  الـعـطـش مـاذيـها تتلوع ابصيوانه
يـا عـباس أخوك حسين شنهي ذنوب رضعانه
عـلـيـها  الماي  يتحرم....و تتصارخ بالمخيم
مــاتــنــهــض يــالـمـشـيّـم
تـسـل  السيف بيمينك و تحورب على عداها

لـمـن شـاف عبد الله شاف الدمع من زينب
تـغـير و انخطف لونه لاح الزعل بيه و اغضب
شـال اعـلـه المتن جوده و سل بچفه المذهّب
لاح  بـظـهـر مـيمونه....دار لزينب عيونه
الــمــاي الــعـدى يـمـنـعـونـه
لـجـري لچ رحـاها اليوم يا زينب من دماها

ياختي  خيمتج  ردي بشري اطفال اخوية حسين
خـلـيـهـم يـتانوني و آنة الماي أجيبه الحين
قـامـت زيـنب تهلهل شبحت عالطريج العين
لـمـن شافته الفرسان....مجبل للحرب زعلان
صــايــح  صــاح بـالـجـيـمـان
ويـن  الـيـوم  مـنـواكم لفّت كل رواياها

قـام يـجـول بالميدان غوجه و عالجثث يلعب
سـاعـه  يـلـعب  الرايه و ساعه يهز لمذهب
جسب  صيت الحرب عباس و اتذكر وعد زينب
تعنه المشرعه الجيدوم.....يباري للوحش و الحوم
لــكَــاهـا  خـالـيـه امـن الـقـوم
نـزل ركـوتـه بـيـده مـن الـماي رواها

أخـد لـه ويا العدى ساعة لن واحد قطع يمناه
أخـذ سـيفه بيساره و قام عن جوده يرد عداه
صـابـوا  بـالسهم عينه ياويلي و ثنّوا ابيسراه
وقف و مقطعة زنوده....و صابوا بالسهم جوده
لــن        واحــد       بـعـامــوده
ضـرب راسه ووقع مرمي وهاشم فقدت لواها

للعباس إجت زينب

سافر عزيز الزهراء || للملا باسم الكربلائي

مات الماء - الفصول الاربعة باسم الكربلائي

اهات ودمع غربة - باسم الكربلائي

في هواكا - الحاج باسم الكربلائي

قل هو الأكبر - الحاج باسم الكربلائي

أذكر أنه - الحاج باسم الكربلائي.mp3

تمشي إليك توسلاً خطواتي

هايمة الروح _ باسم الكربلائي

| يا مصحف مأساتي | باسم الكربلائي

شفت بالطف قمر - باسم الكربلائي

شفت بالطف قمر - باسم الكربلائي

J3foOoOr