Music Made By : Dannson Beats
Music Name : Rainy Eyes

The Second Part Of "Three Stories" Series
Sad Romance Track .. Inspiring In The Same Time :/

Mfesh Amal!!

Music Made By : Dannson Beats
Music Name : Tears In The Rain ( محدش هياخد باله )

3lamet Estfham .

El-Shahr El-Aqary Is Building A New Rap Category Called PANG..

With All It's Meanings :D

Recorded By : El-Joker
Mastered & Mixed By : El-Joker

El-Shahr El-Aqary

اسمع التراك كامل على يوتيوب من اللينك ده:
https://youtu.be/0sFHvx2K1dw

Listen to the full track on Youtube through this link:
https://youtu.be/0sFHvx2K1dw

RASDAK

Rasdak - راصدك

Second part of "3lamet Estfham" series ..

which is my most important tracks ever

wish It comes with what you all wait from me..

Mastered & Mixed By : El-Joker

3alamet Estfham II

Fasly El-Derasy

Lyrics :

عمرك ما هتبقي كـ لحن موسيقتي مهما حاولت أعزِفِك
ومهما قلّل يأسي أملي .. هفضل برضه أوصِفِك
لفّي الكون على حد محتاجلِك في حياته قدّي
مهما مُت في كل مرّة في مرّة هتبقي بتاعتي
_____________________________________________

لأوّل مرّة أحلّل المشكلة و اختار حلول
إزّاي هتنبّت بذرة و أنا زارعها فـ أرض بور
سنة و ستّة شهور .. درست فيهم دور واكتَمَل
إزّاي هيعيش الحب لـ قلب في قلب بـ غيره اتقَتَل

ارتباط بذرة بـ زارعها و علاقة نبتة بـ ساقيها
لو تحتاجني بـكون جنبها و كل ما بـحتاجلها بلاقيها
زي ما ميزة اللمبة النور .. إنتي الميزة في أرض تدور
فترة تنوّر فترة تضلّم .. نفسي في نورها نعيش على طول

طول ما شايفِك جنبي حالتي دايمًا مُستَقِرّة
بـ رغم كل عيب .. علاقتنا لسّه مُستَمِرّة
مشكلة شكِّك إنّي بحبِّك صدّقيني مُضِرّة
هفضل مُصِرّ على ارتباطي بيكي لو مُصِرّة

فكّرتي في يوم أنا قد ايه في كل يوم بعاني
بحتاج أمل يساعدني أهزِم كل اللي اتحدّاني
عشاني .. فكّرتي تحُطّي نفسِك مكاني ؟
قِناع القوّة في وشّ الكل .. لوحدي الوشّ التاني

فيه أكتر من إنّي أبقى قادر في لحظة أبدّل قلبك
بـ قلب يضحّي بـ نبضه في سبيل إنّي أبقى جنبك
لكنّني رافض فكرة جمع قلوب الناس بـ إشارة
ايه فايدة إكسير الحياة و أنا محبوس في المغارة

كرهت كل حاجة كانت سبب في مقابلة بيننا
لو يرجع الزّمن تكرار محاولة مش هـيفيدنا
رغم إنّ القافية جامعة بيني و بينك إلّا إننا
مفيش حاجة واحدة قادرة تربط بيننا إلّا أيدنا
_____________________________________________

و فين وفين بـ تِسأل .. إنتَ فين ما تبقى تِسأل
و أتقلّ عليها أقول مصيرها يوم فـ يوم هـتعقَل
عارف مكاني عندِك .. اللي حجزته بـ مفتاح قلبِك
اللي اتصَنَع .. لمّا اتجَمَع .. كل تراك كتبته عنـِّك

بـ يزيد خيالي كل ما أفكّر فكرة و تعيشيها
و أشوف بلّورة في عينِك كنت زمان أنا عايش فيها
بس أنا مش هـكدب أنا مش بـ أرسم كل رسمة ليكي
بـ اسرح بـ اشخبط أركِّز في الخطوط .. أشوف عينيكي

بـ اقابل كل غلطة في حقي بـ حُسن في المُعاملَة
بـ احافظ على كرامتها مبتحافظش و لو مُجاملَة
رغم دفاعي عن قصّتنا وسط مشاكل شاملَة
شايفة نقصي في كل حاجة و أنا شايفها كاملَة

مش هـجبِرِك تقولي حاجة مش عايزة تقوليها
لو طلبتي كنت هـعمل أيّ حاجة تطلبيها
لكن أعمال العالم متساويش مُفرَد من اسمِك
دا العقل بـ يقنع قلبي حالاً إنّه جزء منـِّك

فكراني مبسوط بـ المَكسَب لأ بـ العكس أنا مش عايزهم
عايزينِك تفضلي رفضاني عشان يفضل كلامي لامسهم
بـ يزيدوا في آلامي و رغم القدرة رفضت اؤذيهم
حجّتهم .. غير كلامي في مِحنتهم مين هـيواسيهم ؟

لو إنتي الروح في كل حاجة و أنا اللي مُمتَلِكهم
فـ لا عُزت في يوم أكون مَملوك و لا عُزت أكون مَلِكهم
انتقلنا من اختيار غلط .. لـ بلا اختيار أساسًا
زهقت من رِضاك بـ لبس عمره ما كان مقاسَك
_____________________________________________

لازم نحدّد حَبكَة .. قبل ما يوصل آخر الفيلم
يا إنتي فعلاً هيَّ .. يا إمّا بـ نحلم نفس الحلم 

بـ أجمع قلوب العالم اللي حبّي ساكِن فيها
و أعمل من أجسادهم سِلِّم و أطلع يمكن أوصل ليها
 
و كأنّي كنت بـ أبني أحلى عِشّ لأحلى طير و طار
فـ عِشت أحلم لوحدي فيه و وقفت في نُصّ المشوار
_____________________________________________

Three Stories III
Mfesh Amal ?! II
Isabelle

Sad Romance Imagination Track.

Isabelle

راسمين في خيالنا كل خطوة قبل ما بنمشيها
وبتجمعنا أماكن مش متفقين نتقابل فيها
كان ممكن أشاور من مكاني وأكمل المسلسل
بس لو الماضي كافي ليه خلقلنا المستقبل ؟
____________________________

بتأخر عن معادي ! بضمن بالمقابلة أفيدك
إيه ميزة الجديد لو محتواش مضمونه جديدك ؟
سايبك تقرر الهدف مقابل الاتجاه
مش هسيبك تاخد خطوة في سكة قبلك فيها تاه

فكرتك عن الحياة عبارة عن إجابة سهلة
تتعب فتبقى أعلم ولا تعيش مرتاح في جهلك ؟
طول ما هدفك أصعب يبقى طريق الصعب ممهد
مواضيع منفرطة وبيجمعها علاقة بشكل مركب

لو أوهام صدفها هتفقد قوة الارتباط
كل موقف كونه مترتب بين مليون دليل محاط
الإنسان بين كل المخلوقات جمع كل الصفات
لإمتى هتفضل كاره الزرع ومستني الحصاد

كل ما زاد خيالك فكرة .. زادت الأصفار
إنتاجك في الواقع بيضيف على العدد أرقام
ودي فكرة في حد ذاتها قبل ما تبقى سطور تهمك
الثقة المطلقة في فكرة بتغري الفكرة تستغلك
_____________________________

مهما اختلفت فكرة وغيرها بينهم ممرات
كل ما اختلافهم زاد .. زادت التعرجات
اربط كل خيط بغيره ساعد غيرك في الإنتاج
أو نسيبها للنظام ينتج نسيج تصادفات
_____________________________

مهما فاقت ناس خبراتك .. إنت بطل حياتك
طريق و فيه لوحدك ! أحسن من القطر اللي فاتك
شوف ميزاتك .. اكسر ثباتك .. واعرف إن طريقك زادك
فرصة أكبر .. إنك تقدر .. وبدون ذاتهم .. تبني ذاتك

متتّبعش شخص بعينه .. اتّبع أفكار
بعد ما بنفسك تشوف إن اتّباعها أصح قرار
صدقني عليك وحقك إنك تدرس كل شيء
عشان ربنا مبيحاسبش شيء ملوش حق اختيار

مبقارنش إبليس بآدم .. بدمج آدم مع عزازيل
مع فقدان ذاكرة مؤقت خلق الفارق من التبديل
فكرة .. مهما بانت ساذجة بنسى .. غيرها وبيها ببدأ
كن حيادي مرة وقولي .. غير وجودك ايه مؤكد ؟

جرّب تدّي فرصة بلاش تتماشى عكس السير
الشر مش هيرضى يخلص إلا لو هيبقى الخير
بدور على الحقيقة مش على دور بطولة أخده
صدمة المسيخ بعيسى كفيلة ينسحب لوحده
______________________________

مهما اختلفت فكرة وغيرها بينهم ممرات
كل ما اختلافهم زاد .. زادت التعرجات
اربط كل خيط بغيره ساعد غيرك في الإنتاج
أو نسيبها للنظام ينتج نسيج تصادفات
______________________________

قرّرت أكمّل الكتابة يمكن لمّا أزيد تزيد
أحبال الصمت متنتظرش منها متسلق جديد
هتكلم .. هتعب نفسي .. يمكن الأمل يرجعلك
طول ما صوتي شامل صوتك طول ما تعبيراتي حقك

Naseeg El-Tasadofaat


سألني الكون في يوم عن أمنيّة يحقّقهالي
مخدتش بالي غير من مكسب اللي جت في بالي
بحكيلك ,, يمكن تلحق قبل ما تتمنى الأمنية
مهما كان مكسبها مغري تدرس أعراضها الجانبية
_______________________________

عدّت سنين وفاتت ,, كان نفسي أموت وساكت
رغم إن أملي نور العتمة في السكوت دا زادت
مشيت طريقي لوحدي ,, شخبطت على الرسمة
متجيش تسألني ليه ,, وأيه أخبار الفكرة ؟ ماتت

قلم و ورقة ,, فاضل زقّة ,, شيل مبقولش لأ
يطلب أنفّذ ,, طاقتي بتنفذ ,, هانت بكرة خلاص تتحقق
بندهني لكن صدى المتاعب بيخلّيني مسمعش
ما اللي بيعدّي نص مسافة ماشيها مبيرجعش

وأديني وصلت ,, واعتبرت تعبي كان بيساعدك
عشان تحققهالي ياريت يا كون تنفّذ وعدك
رد الكون أنا آسف هي اختارت تتحقق لغيرك
مش أنا الحاجة اللي في إيديها تتحكم في مصيرك

متستناش معجزة ,, حاول توصل باجتهادك
إرادتك أملك عملك ,, أنسب قطر يحققهالك
لسه محدّش شاف خيالي ,, ولسه برضه بـأرسم
يمكن مفيش مشاكل ,, مشكلتي الحقيقية ؟ يمكن
_________________________________

اتمنّيت إجابة واضحة رد عليّا الكون بالعكس
إزاي تقدر تخلق أمل للناس من عدم يأس
أدينا بنقرّب خطوة مع محاولة كل جيل
صدقني مهما كان بعيد أصعب هدف مش مستحيل
_________________________________

حاولت أدمج الطرفين ,, فاليقين اعترض
بسبب الشك في احتمال يكون الشك غلط
بدل ما يكون سلاحك ضد الشر ,, درعك غرض
فـتحب العلاج ,, لحد ما تسمع إنه سبب المرض

عشان أفهمه خلقت في عقلي غيره ألف ,, نظام
شايف في كل الناس نوع غريب من الاتصال
رغم شكي بكل طاقتي بأدافع ,, التزمًا
إيجاد دليل دا وعد ليه من اللي بصدق آمن

أكتر حاجة بتشكّكني وبتخليني أحب ,, ربنا
إنه صابر عليّا وأنا مستعجل أعيش في حاجة غير هنا
أصلي مراعي احتماليّة كون الواحد مختلف ,, بس أنا
مش قادر أعيش في نسبة ,, رغم إن الناس متأقلمة

هفضل مستني إجابتك على سؤالي ,, إنت أيه ؟
أكّدلي بس طريقك ,, مهما كان طويل همشيه
قلبي في كل مرّة يختارك ,, وأنا باختار قرار العقل
بأدرس أبعاد كتير ,, ملقتش عند غيرك عدل

Sada El-Mata3eb

A super powered man wanted to use his superpower to save his fiance from definite death, Finally he understands that he's only making it worse, He used his superpower to win her heart, Then his superpower killed her indirectly.

"DON'T BE GREEDY"
Acting Mania's first Lesson, Track, Movie.

Have so much fun listening, But don't forget to GET the message ;)

Backspace

Lyrics for Beginners:
_____________________

كل شيء بيقولّي أنا كنت زي الصفر عندك
وافقت أبعد لما شفت فبعدي قربها منك
وأهي بعدت برضه عنك جاي بتسأل إنت فأيه
عايزني جنبك ليه..أسفك مش اللي مستنيه

مش عايز أصدّق إن أقل شيء كان أطيب منك
مش هصدق عارف قبل ما تمشي أنا كنت مين عندك
رحيلك كان مفاجئ..فشيء طبيعي إني اتفاجئ
شيء طبيعي أكره كل حاجة طالبة إننا نتقابل

حلي إني أقنع نفسي أكرهك وأنا ونفسي متفقين
مش عايزين..مش هكرهك حتى لو هفضل حزين
ما أنا محتاج الحزن عشان..أفضل فنظرهم البهلوان
اللي فكل أوان..قادر يرسم بسمة فأي مكان

بسيب مشاكلي وأبني حلول جميعها من أجلهم
وأنا لوحدي قادر أرسم اللي محتاجلهم
دمر نفسك وإهرب..بص في المرايا وإضحك
بس إعرف..يوم ما هتنتقم لنفسك هيكون منك
______________________________________

طول ما إنتي بعيدة..بتعايش حياة سعيدة
أفكاري فيكي دايمًا والتمثيل مجلبش نتيجة
مش هتكلم عنك ما إنتي عارفة إنك متخصينيش
فمبتنفسكيش..وكتم نفسي يفكّر مينسيش

معاناة..بستخدم تشبيه وأنا أعلى من معناه
ماسك الخيال وبرسم شكل..طبعًا مش شايفاه
عارفة..نفسي فمرة ألاقي عبرة اتعلم منها
دكتور قدامه حالة مريضة ومش عايز يحقنها

بشوف في كل بطل عمل فني نسخ صورتي
وبحاول أنقذ كل بطلة يمكن تطلع إنتي
مفيش ولا قصة مبتحملش تشابه مع حقيقتنا
وكل حرف في كل قصة اتكتب بأيدنا

مضطر أصدق كون مفيش علاقة أحسن حسبة
ما أنا عندي رضايا برسمة غيرك أصعب من الوحدة
رافضة..وبرفض باقي الاختيارات..رعباني الفكرة
شايفاني بحفر عادي ناقص تقولي دا قبرك إنت
_______________________________________

مش حابب أكون بجرحك..بس أنا فعلاً بنسحب
متأكد إني في غيابك قادر أفوق منك وأحب
كنتي علاج مشيت عليه..جرعة فجرعة اتشديت بيه
بس أنا بكره فيكي إن اللي يحبك دايمًا بتذليه

فـ ليه! مفيش سبب لوجودك..دلوقتي يطول سكوتك
لما تشوفي إنك هدمتي بلاد بحالها فوق غرورك
يمكن أحلى سطر سطرك..يمكن إنتي سعادتي، هفرض
بس أنا مش طايق كل يوم ألاقي جديد فقبرك

من أول ما هنتجوز تبقى فلوسنا في جرة في بيتنا
وهتحجج بأي حاجة عشان أعرف أجيبلك هدية
قراراتنا أحكم طول ما بنختار الفكرة اللي بيننا
فبنعلى بمستوى الفكرة ولو من أفكار عادية

مستعد أخبي وصف قد إيه فراقها صعب
بس صعب..أخبي وصف جمال الدنيا وإحنا مع بعض
بنسى الضعف..وافتكر ألوان حياتي قبل ما تبهت
غريبة..الرسمة بتظهر أكتر..كل يوم بسيبها
________________________________________

إوعي تسيبيني عشان أكمل طريقي قويني
محتاج لحاجتي ليكي عشان حاجتي لحاجتي بتحييني
لأ بالعكس الفترة دي محتاج إني أبعد عن مدارك
يمكن مختاركيش ويمكن أكون باختارك باختيارك

هتستفيد من الضغط إيه على نفسك..فين المسلك
فين كلامك إن كل شيء في إيدك يصبح أنسب
إنت من بعدها..أضعف..إنت محتاجلها..اتصرّف
إنت بتحبها! وراضي..أنا محتاج إنها تقدّر

مسحت اللي بإيديا كتبته كصفحة للنهاية
كل القصص بختمها إنتي اللي بتتبقي معايا
بس هبعد زي ماقال الكاتب يمكن ده لمصلحتك
وإن ده ظلمك افتكري إني مشيت عشان شفت فدا راحتك

و أديني بعدت، وبعدت..تفتكروا كدا اتحسّنا
بالعكس تعبت، وزهقت..سمعت إن إحنا رجعنا
ولو مش هيفيد..لمجرد طلبه بعدي تحت أمرك
اتمني يفيدك..بالشكل اللي يبانلهم و يبانلك

Bakhtarek Bekhtyarek

⁠⁠⁠تعبت من إحباطك ومع الوقت شغفي قل
بطل ندم عالمشكلة وإبدأ تفكير في حل
باحتاج سياسي بارع قبل ما بتحتاج لفارس
علشان أوصل للسلام احتجت أعيش طول عمري

دارس مشاعركوا فمش باؤذيها .. بكون فيه حاجات عمري ما اعديها
رغم كون أخطائكم دي أنا أخسر أهل الأرض فيها
ومشاكلي أنا عارفها .. بأبسط غلطة أنا مقترفها
وفيه حواجز كتير مابيننا باعترف إن أنا اللي بانيها

فاكر كل غلطة في حقي .. وكل عقاب ل"ماكنش ذنبي"
مازلت فاكر كل موقف فيه بحكمة وقفتوا جنبي
فاكر كوني معاكوا أبعد .. بيكوا أو من غيركوا هكسب
دي واحد في الميّة مقابل قناعات كون وجودكوا الأنسب

متنصحونيش أكون في أبهى صورة .. محدش فيكوا شافها
هبدأ أحل مصايبي لما تحلوا مشكلاتكوا التافهة
متفقدوش الأمل فيا .. مهما عاندت خافوا عليا
سامعكم بس بأنفذ دايمًا اللي شايفه أصلح ليا

من صغري مبنصحش العارف .. بألفت نظره وأسيبه يقرر
حقي لو غلطان في حقي متطلبوش مني إني  أبرر
اتعلمت لو هأكذب .. أداري بضيق رد فعلي كذبي
فبقيت وأنا صادق مبتدايقش ولا بادافع عن نفسي

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

بشوف أخطائكوا في أي كلام بتحاولوا بيه تقنعوني
وكل ما أحاول أطلع من جوا الحفرة بتشدوني
مانكرش كونكوا جنبي لما احتاج مساعدة منكوا
بس مازلتوا .. بتهدوا فيا رغم إن أنا بابنلكوا

عجزت عن المرور في طريق ولقيت التاني سالك
زاد عليا إن الجميع حوليَا هد جدار مبادئ
مقتنعتش .. بس قلت عادي أجرب مش ممنوع
كنت بأرسم أسهم عكس عالحيطان لأجل الرجوع

فكروا بس تتصلحوا .. والخطوات قمت بترتيبها
مش ضعيف اللي مطبق مبادئ الضعيف اللي يسيبها
بيهددها فصيل بغض الأصيل وفوق دماغه بيشيل
نظام بنى أسوار لنار وخلَى سهم فوق يميل

تحكَم الأفكار الدارجة خطئًا فيكم بقى يحبطني
لو مصدر نصايحك ضدي متستناش إنها تفيدني
استحملت فصغري آلام العالم كله بابتسامة
فبقيت مبيشغلنيش ألم مش هيسبب علامة

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

وبرغم كل دا .. وبنظرة من أقصى المدى
شفت إن اللي اختار سعادته وحزنه فكل يوم أنا
شفت اللي اتبنى .. شفت زارع .. شفت مين جنى
شفت ناس خادمين نظام .. بسببه كل شيء فنى

سهل عليا الصح وأسهل عندي إني أبعد عن الغلط
باختار الصعب مبتعالجش قبل أما أدرس المرض
شفتك بتحاول وبتفشل .. حقي فرصة أجرب
فمتقلقش عليّا من الفشل لو كنت ليه بأقرب

اهتميت فبدايتي بفهم البشر بس نسيت أفهمني
تركيزي فحل همومهم أثر على إدراكي لهمي
ساعد نفسك هتساعدهم دي النصيحة لو تسألني
زي ما علشان أكتبلك أقنعني إني أحكي قلمي

هزاركم وقت ضيقتي ساعات بيزود اكتئابي
تأثير نصايح الإصلاح أحيانا مش إيجابي
اتعودت لو هتوه .. مرجعش من طريق مشيته
فبقيت باتعلم شيء جديد لو الأول نسيته

فهمت بقى مشاكلنا شبه بعض قد ايه؟
محتاجني أشرح لسه بأجرّب المجرّب ليه؟
فهمت تأثير الفراشة في حل مصيبة بكل سهولة؟
صلاح الكون دلوقتي فأيد دايرة معارفي الأولى

Start Again

الدائرة الأولى

El-Dayra El-Oula "First Circle"

LYRICS: JAGUAR
VOCALS: JAGUAR
MUSIC: RAP INSTRUMENTALS URB
MASTER&MIX: JAGUAR
VIDEO: ESLAM SAYED

:الكلمات

أخرج من المحنة وإهزم كل شيء فكّر يؤذينا
عدّى وفرحنا وإحنا مسيبناهوش يتحكّم فينا
سيبك من الرحلة كنزنا في ايماننا باللي فوقينا
لو هيسامحنا عشان شاورنا لما آمنوا بينا
________________________________________
يا صديق الرحلة مين هيخاف على مستقبلنا غيرنا
من زمان ناتج المناقشة ما بيننا بنختار بيه مصيرنا
دلوقتي بتستنى تشوف اتجاهي وتمشي عكسه
خوفك من اختلافنا خطر أكبر من اختلافنا نفسه
اه بخاف.. عشان اختلافنا مش على شيء بسيط
وافقت نشك عشان نتطمن انت عايز دين جديد
مبقاش وصولنا للحقيقة مصلحتنا العُليا
بتستخدم ناتج تفكيرنا في التبرير لمُتع الدنيا
زمان شكَلنا المجتمع المُتفاهم في جسد واحد
بانتقاء الفكرة الأكثر فايدة من الفكر المُتزاحم
ده لحد ما انت بدأت تشوف أفكاري ضد مبادئك
ولكوني مش منتمي لشيء من اللحظة دي سبقتك
مبادئي دي زمان أنا وانت اللي اتفقنا عليها
وظلم الدنيا اللي واجهناه خلاك عايز تشك فيها
ولثقتي فيك.. فكرت بكل حيادية في أفكارك..
بس ده مش معناه إني أدفن حقيقة عشان أشوف انتصارك
________________________________________
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
________________________________________
بعِندك افترقنا.. فقدنا مُتعة الطريق
طول ما بتنقد كل حاجة عمرك ما هتثق في شيء
اسلوبك كان ليه طعم في البداية وكان مفيد
مع الوقت اعذرني واضح إنه مرض مُتحكّم فيك
بافتراض حتى إنه مرض صدّقني أهون كتير من مرضك
انت بتؤمن بالأساطير.. عشان الأساطير بتحقّق غرضك
انت بتؤمن بالقاعدة لحين لحظة تعارض فيها رأيك
.. قاعدة كل شيء ليه أصل، ليه متقفش عندك؟!
إحنا بندرس الحقايق منها بنستخرج قانون
فالقانون ده مش دايمًا بيحكم كل شيء في الكون
فيه حاجات فوق مستوى الإدراك وخارج نطاق حقايقنا
كون إلهنا آخر الأصل شيء ملهوش دليل في طريقنا
خليك مُقتنع.. وإفضل إرض بأنصاف الأدلة
ومتغيّرش مسارك.. ولا تشك في خطوة مهما أدلّك
محتاجك تشكّل دايمًا.. في نقاشنا الإجابة التانية
ومن ناتج آراءنا نحدّد الحقيقي من المزيّف
________________________________________
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
________________________________________
الحياة أعقد من إنك تعرف كل معنى ليها
والحياة متكوّنتش عشان أمثالى يتوهوا فيها!
إرض بقَدَرَك .. إعرف قَدْرَك.. يمكن يقوى بَصَرَك
اجتهادي لصالحك بيمثّل غِشاوة في وِجهة نَظَرَك؟!
اجتهادنا كان ايه هدفه؟ متقولّيش العلم وشغفه
ضفت سؤال بدأ طريقنا، ايه قيمة الشيء اللي انت ضايفه؟
استخدمت مبادئي في كشف حقيقة اختيار مُزَيّن
واجتهادنا عشان نوصل للواحد، مش واحد مُعَيّن

Thanks for listening..

The air we breathe

Alamet estefham III علامة استفهام

3lamet Estefham III علامة استفهام

Credits:
Balad El-Zolm w El-Aman
Singer: Jaguar
Lyrics: Jaguar
Beat: Rujay - False
Master&Mix: Jaguar
Poster: Eslam Ali
_______________________________________
Lyrics:
البلد دي صرخت مرة ومنطقتش من وقتها
البلد دي بدأت تنسى أصلاً إن العيش حقها
البلد دي من جمالها حفروا في التاريخ اسمها
بس السم في البلد دي في كل عصر كان جهلها

أي ثورة نجاحها مرتبط بثقافة شعب صامد،
أمل، أهداف، وفوق ده كله محتاجين لقائد
كام واحد بان مناسب، فاتقتل أو اتسجن
كام واحد قبل آخر خطوة خاف، وإحنا كنا السبب

الثقافة خطوة أولى قبل خطا الديموقراطية
خطا غبية، طول ما واحد بس فاهم وسط مية
لو مجموع أصوات غلابة بين العيش وبين حرية
وإنت فيهم، ثق هتاكل، الحرية لدول مؤذية

مش بلومهم، إحنا ثرنا؛ هما مش بتوع سياسة
الناس دي بتعبد أي حد فوق كرسي الرئاسة
في أربع سنين هدمت كل حلم بثورة اتبنى..
في أربع سنين سرقت أكتر من اللي في تلاتين سنة

عشت بعد الثورة حلمي نبني دولة متقدمة
نمحي العنصرية.. تكون مدنية بس متدينة
فأنت حرقت ناس سلمية لأجل ما تكتسب مكانك
واضح إن الشعب مستعد ينتحر عشانك

كانت مصيبة، بس عادي سنة سنتين ونخلعك
زيك زي غيرك، إحساس الفرعون هيخدعك
بس كل يوم في حكمك زاد مخدّر العزيمة
وياريت ناهب مصر لوحدك، لأ بتوزع الوليمة

خد أوامرك من اللي ساندك، من اللي خلى ليكوا قيمة
هما حكموا مصر فعلاً، بس معلّقينكوا زينة
وإطلع قول إنك حاميها، وإنت أوسخ من مبارك
مشّي المدنيين من سينا، والإعلام يطبّخهالك

بعت الأرض، وإنت أساس وظيفتك تحمي كل رملة
خد نصيحتي لمبة، يمكن عقلك بيها يزيح الضلمة..
يا تعيش سنين رئيسها تحكم البشر بالفرض،
أو أفكارك بعد موتك تحكم كل شعوب الأرض.


مصر أحنّ وأأمن أرض، كاتبلها الله السلامة
لو معشتش يوم في مصر؛ تبقى مدوقتش الشهامة
ناسها طيبة وغلبانة.. سابهملك ربنا أمانة
فإنت قتلت صوت شجعانها بسكوت الناس الجبانة

مصر فيها ألف قبلة قادرة تهدي كل كافر
نجاح رموزها طول تاريخها يشجّعك تعافر
مصر أم الدنيا، مصر قدوة، مصر خيرها وافر
عارف كل ميزة فيها، بس برضه عايز أسافر..

Balad Al-Zolm w Al-Aman

CREDITS:
LYRICS: Jaguar
VOCALS: Jaguar
MUSIC: I can change "Beats with Hooks"
MASTER&MIX: Jaguar
POSTER:Ibrahem Elshrbeny

_____________________________________________________________________

- HOOK:
No one knows what goes on up inside my head
There's a new kind of poison and it's starting to spread
But I didn't think the antidote was in my hands
I can change my plans, I can change my plans.

_____________________________________________________________________
صاحي زي كل يوم في عيني نظرة مأساوية
لسه عايش.. لسه كل حاجة في الحياة سلبية
هغسل وشي بمية صفرا من الحنفية؟ ولا قاطعة!
بكره نور الصبح.. وبكره أنزل طول ما الشمس طالعة

زحمة كل يوم، وكل يوم سعر البنزين بيزيد
كله خارج، وأنا في طريقي لشغلي في أول يوم العيد
من كتر ما بصيت لنص الكباية المليان اتحسد
بأنفخ في الزبادي، خايف يطلعلي من العلبة أسد

كذا مشروع عملته، فشل.. ولا طريق مشيته، اكتمل
عمري ما شفت، في أي علاقة، بأي بنت، أي أمل
والجواز ده فكرة مريضة؛ لما تجيلي باخد دوا
ولو خلفت في يوم هيكون عشان أنا وابني؛ ننتحر سوا

مبفيدش الكون ولا حد، ودا برغم، إني في عز شبابي
الناس بتسقفلي في حضوري، بس بتشتمني في غيابي
صحابي مش عايزني معاهم، حتى لو عاملين حسابي
باستلذ طعم البؤس؛ دا ملخص اكتئابي.
_____________________________________________________________________
- HOOK:
No one knows what goes on up inside my head
There's a new kind of poison and it's starting to spread
But I didn't think the antidote was in my hands
I can change my plans, I can change my plans.

_____________________________________________________________________

وبرغم كل ده، وبنظرة من أقصى المدى؛
شفت إن اللي اختار سعادته وحزنه في كل يوم، أنا
فصحيت مقرر النهارده أكون إيجابي، أكون سعيد
لسه عايش؛ عندي فرصة تانية أبدأ يوم جديد

بدأت أشوف مشاكلي دروس فطول ما بحلها بتقويني
وإن حياة بدون مشاكل؛ مش ده الشكل اللي هيرضيني
وإن كل هم جالي عشان محدش قده غيري
أنا قادر أغير تفكيري.. أنا اللي بأحدد مصيري

فاتعلمت من غلطاتي.. نجحت بتواصل خطواتي
واتعودت كل مأتعب أشوف، نجاح جديد قصادي
وفهمت إن الشغف والهدف؛ مصادر للحياة
وإن حلمك لازم تستحقه عشان في يوم تلقاه

اتغيرت عشاني؛ قبل ما يبقى عشان اللي بحبهم
اتغيرت وأملي أصبح قدوة، لليائس منهم
أنا بطلت كل عادة كانت بتسببلي الكئابة
بعد ما كنت رمز للدراما.. بقيت مصدر سعادة.
_____________________________________________________________________
- HOOK:
No one knows what goes on up inside my head
There's a new kind of poison and it's starting to spread
But I didn't think the antidote was in my hands
I can change my plans, I can change my plans.

- OUTRO:
I tried to find my reflection on the glass
But all I ever saw were the things I lack
All the smudges on the mirror made me go insane
All I ever thought I was
Was a mistake.

Last rap seed

Noss El-Kobbaya

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

JaguaR

Popular tracks