A first attempt at remixing - the song includes samples of Flying Lotus, ORKA, Blind Willie Johnson, Madlib, original recordings, a Peter O'Toole monologue and other movie quotes.

Life As It Is (Jákupsson Remix)

Demo excerpt from one of my very first piano scores, doodling around a few years back.

Blitz [piano score demo excerpt]

Got my godson a toy ukulele for Christmas last year. Did this little melody, never played a ukulele before.

Toy Ukulele Melody (iPhone 4S recording)

Kringvarpsklumma, send í Røddini 16. des. 2016: http://kvf.fo/netvarp/uv/2016/12/17/klumma-skermurin-sum-spegilsmynd
- - -
Skermurin sum spegilsmynd
Torfinnur Jákupsson
- - -
Skermurin hugtekur meg. Mestsum alt, sum eg havi áhuga í, inniber ein skerm í hesum døgum. Um tað er at skriva, filma, gera tónleik, lurta, lesa... Skermurin fyllir gerandisdagin. Og tað ger hann hjá alsamt fleiri við mær.

Meðan vit stara okkum blind í 'blue light' tøkni, er skermurin vorðin ein sigandi spegilsmynd av okkara samfelagi í dag.

Mestsum alt fevnir seg um skermar. Hvørt talan er um arbeiði ella frítíð - film, fótbólt, fisk... Hvørt talan er um fartelefonskermar, tablet skermar, telduskermar, sjónvarpsskermar... so er ongin ivi um, at nútíðin í alsamt størri mun verður upptikin, skrásett, talgildað. Vit krevja atgongd til alt, allastaðni. Úti á víðopnum havi sum í leysari luft. 

Vit liva í eini mentan, har fleiri tól sum iPhones nú verða 'borin í heim' árliga enn menniskju. Í miðal eru vit í Vesturheiminum á netinum góðan 10. hvønn minutt. Tað er ongin ivi um, hvar framtíðin liggur. Hon er online og verður varpað út um allar geilar, alla tíðina. Tað kann vera nokk til at gerast svakur av.

Men tað er ein einføld orsøk til, at okkara nýggju miðlar og tól klára seg so væl. Og hví skermurin fangar okkara áhuga. Okkara heili fangar betur samskifti, ið fevnir um ljóð og sjón. Ein mynd fer 60.000 ferðir skjótari gjøgnum heilan enn ein tekstur. 

Í dag er tað kanska eitt sindur óveruligt at hugsa sær, men fyri 35 árum síðani var onki alment sjónvarp í Føroyum. Í 1950 var ikki eingongd elkervi í landinum.

Nú vit so smátt nærkast 2017, og almenna kjakið m.a. vendir sær at leikluti Kringvarpsins við public service práti á tingið, er vert at líta aftur á, hvussu langt vit eru komin.

Tað var ikki fyrrenn í 1984, at almenna føroyska sjónvarpið fyri fyrstu ferð fór at senda og framleiða regluligar sendingar, ið rukku um alt landið. Síðani hevur skermurin áhaldandi ment seg og havt ein týðandi leiklut í føroyska samfelagnum við at endurspegla eins og mynda menningina, kreppurnar, ƒólksligu meiningarnar, og so framvegis. 

Men dagsins samfelag er enn í stórari broyting. Tey flestu í dag - ikki minst yngru ættarliðini - fylgja einans við tí, sum tey hava áhuga í. Og í einum øðrum høpi enn áður. Føroyska fjølmiðlaumhvørvið saman við tí útlendska hevur verið ígjøgnum eitt fullkomið hamskifti seinastu árini. Alt er vorðin ein tænasta, sum helst eisini skal vera ókeypis.  

Vit útflýggja okkara persónligu upplýsingar og selja í prosessini okkara samleika til fyritøkur sum Google og Facebook afturfyri eitt størri og skjótari altjóða netverk. Alt hetta hevur broytt okkara atgongd og tilgongd til vitan, og hvussu vit tulka tí vitan, sum vit nú fáa borðreidda á skerminum.

Vitan okkara er vorðin ein skundvøra. Skjótt framleitt, skjótt frágreidd. Vit lesa ikki nakað serligt longur. Vit skimma eina yvirskrift og klikkja á video, sum fylgir við. Um tú ert komin so langt í hesi klummuni, tillukku við tolinum.

Tað skal ikki vera neyðugt at keypa ella eiga nakað ella at investera seg sjálvan í nakað. Vit kunnu brúka og blaka burtur. Pappírskurvin á telduni er vorðin ein spegilsmynd av okkara nútímans gerandisdegi og hugsunarhátti. Tað er ikki neyðugt at duga at hugsa størri ella longur enn eitt ávíst. Vit liva í eini bráðfeingismentan og einum samfelagi, ið koyrir upp á tænastur og vørur, ið bert røkka einum endamáli - tað er at nøkta tørv okkara beint nú. 

Tað er ongin ivi um, at skermurin sum miðil hevur ómetaliga stóran politiskan, mentanarligan og fólkaræðisligan týdning. Fyri øll ættarlið. Men eg havi ikki ordiliga nakra niðurstøða um tað heila. Hugsi bara. 

Vit liva í einum víðopnum heimi av møguleikum, har alt ber til. Ikki minst at sløkkja skermin. At fara offline. Eg skal bara líka hyggja eftir einum parti av hasi nýggju seriuni afturat...

Kringvarpsklumma: "Skermurin sum spegilsmynd"

A synth sketch I did a while back and never got round to finishing. Artwork by drawtastic (https://drawtastic.wordpress.com/).

Forgive Me My Synths

A little idea I did a while ago. Work in progress, very much so.

jakupsson

Popular tracks