pezek omdat zien, of ziekik omdat pezen?
alsan goe proberen doen alsan onbegrepen
soms vragek me af wa dat inbrengt me leven 
ame goeie en slechte daden zwart ip wit stan geschreven….
------------------------------------------------------------------------
3nationaliteiten mo kzien zoveel meer
onnodige confrontaties joat tdoe soms zeer 
herinnert amme jeugd,... gok elke nacht slapen
en dromend vamen Paradies gok alsan bluuvn waken
------------------------------------------------------------------------
marcherend doort leven gelik verloren soldaten
alsan relativeren en nie tevele haten 
draait & keret oe daj wil ken de stand v zaken
mo kzien te trots vo me problemen achter te laten
-------------------------------------------------------------------------
dovan willek al die shit alsan achterhalen
zodak de fouten dak gemakt en nie zoen moeten herhalen
e poging tot e happy end vo al me verhalen
en de beste keuzes vame leven zelve bepalen
---------------------------------------------------------------------

behekst, betoverd met e sterkte
de kracht en magie mien voel je schienen in de verte
behekst betoverd met e sterkte,
de kracht en magie van e veels te goei erte

-------------------------------------------------------------------------
tverleden is int verleden en kweet, ken wa geleden, 
kmoen da zien als e zegen wan k'overleven in et heden
ken gedachten en kzien krachtig
ken geleerd en verteerd, papa's kleine chick é van nieveel spiet
--------------------------------------------------------------------------
vallen en opstaan, en were deurgon 
nie tevele zagen en nie teveel klagen
stel vooral nie teveel vragen of tzien weer slagen,
kzitn goed vo epaar dagen
------------------------------------------------------------------------
en achter dagen kommen die joaren
alsan bluuvn gon zoender als tevele troanen
elken dag opnieuw, der tbeste van maken, 
alsan goed doen vo al daj kruist ip de boane
-----------------------------------------------------------------------
bezeten mé geweten, ti nie iedereen gegeven 
kdoen mss wel me beste mo iedereen é ze gebreken 
ken nog zoveel te doen en de tied is nie te meten…
mo tot die dag zien me teksten mn gebeden.
----------------------------------------------------------------------
behekst, betoverd met e sterkte
de kracht en magie mien voel je schienen in de verte
behekst betoverd met e sterkte
de kracht en magie van e veels te goei erte

ShiSha - Behekst

Kaas (Club Mix)

Raps: ShiSha
Produced by Doper AKA Rookwalm
Dope Shit Productions 2013
--------------------------------
oendertitelinge:
Misschien, ej me al ebitje leren kennen
tis nog mo begonnen, ken nog zoveel te vertellen.
tbeeld van tv, twas nie alsan ok , bletende moeders in e bloedend bad
mensen in zak en as. kzeggent letterlik, tis niemé natuurlijk 
tlig ver vajunder bedde, mo veel dichter dan daj peest
ookal ist mor in de verte ist in mn erte wo dat leeft
heel de wereld scheef, gin zak dat derom gift.
de zandloper lopt over en wo gome notoe?
iedereen go der deure mo niemand slo der toe
ze zeggen "shisha trek je da toch ol nie an"
tis gemakkelijk gezegd aj gin deel ziet van zo'n land!
elke dag loop'k te hopen ip e betere morgen
elke dag loop'k rond met e kop vol zorgen, 
en kzient beu van derover te discussiëren, 
wan tis niemand dame snapt of just lik ik wil bieleren
----------------------------------
De wereld wordt gedomineerd, zoedn os al vo de zotn
tis al no de kloten door epaar dwoze koppen
en tfret an mn erte , das nie goed vome kop, 
tfret an mn erte en tmak me heel zot! 
-----------------------------------
kproberen tbeste te geven zoender oois wa te verwachten, 
dus oe kuk de wereld nu in godsnaam gon verachten?
soms ek gin idee van oe dak e dag moen leven in de wereld…
zelf tijdens tfeestn hang me kop tot an de groend, kwééérent!
wa loopek ier te doen?  oe moek me gon gedragen?
tis gwn niemé gezoend, veels teveel vragen. 
al alsan zwart schaap gewist,nooit wiln meegon met de kudde ,
was ter mor iemand vo me wakker te schudn.
warek mo naïef ton warek mss nu wel gelukkig, 
wan komen hele dagen plukke. tliefst vanal zoek gwn willen gon tukken.
wan eerlikgezegd vink et ier echt mo suckeeen
mss moek wa zuupn, alles begint te zweven, 
westerse oplossing vo alles te vergeten.
soms ek zo van die dagen dak veels teveel pezen
kvragen me ton af wa kut under da nu schelen...
------------------------------------------
De wereld wordt gedomineerd, zoedn os al vo de zotn
tis al no de kloten door epaar dwoze koppen
en tfret an mn erte , das nie goed vome kop, 
tfret an mn erte en tmak me heel zot!

ShiSha - tfret an mn erte

Stomme Wuvn Cleo

Thorre - Bergbeklimmers
Beat: Panik - Gourmet of funk (instrumental)
Produced: Skjivve Producties

ginnen druk mir ip min skoern die tid es achter de rugge
kunne verzeekrn dat goa beetrn nint tgoa zeekr nie verdunnen
oal et onderste ut de kanne reekn van ik mor ip een tunne
dus eeuh de panne es ant warmn woa bluf de butter??

dat kan spettern en speitn vervettern zonder fakn
klappe nie van vols en egt want et es ier gin Turkije
en wuk peide je? da min lonte nu al af is?
ik bluvve mo utbreidn rust in de winter lik een narcis

tgoa stuvven kgoa kruppen tot datr ntwadde an de hand is
kverwachte nie te vele toch kommek slicht van diene wachttid
tmag zin wukdat wil kotte mie stil
wan ej den tid wiz et wel ut mo tog bluvve kik ip peil

min eign stijl terwijl datter vele ier etzelste is
verveelnd lik die keern daj teegn uw goeste in de messe zit
vele die et kreegn in udrn skwoot gelik een erfenis
kwil de scene nie dwood tdoe der nie toe wie da den bestn is
------------------------------------------------------
Pfff nbestn nbestn ej ndeen zeg
------------------------------------------------------
en bie mie is kritiek iets daje beetr geeft want
ol ej mie int viezier skiet et nie in tverkeerde keelgat
mo weet da de scene ier nog zoe moen gebouwd zin
lik me bevers an nen dam nu oljinne nog et hout vindn

tzal u vertrouwd klinkn jirder zuur want ej oe zoet zin?
mo kbent spuugzat lik ip nen oavend aje goe drinkt
ze zegn die goe tidn ze zin gepasseerd mor alee
de geschiedenis daw ein kunn we mo van leern

tverdiepn in de zinn gelik dukkers in de zeeen
moar ik zwem der middenin noem mie moar et hoaieteetn
en oan ze goan eetn were ne man dawe kwit zin
mo gin van dandere mann dat goa spittig vindn

die beginnende tidn kpeis an boetseern me de klei
daj nog moeste leern vormn me den tijd
tes den arbeid da loont tnetto es et resultoat
oe mjir dajet ipskrijft oe mjir daje der uthoalt

mo we kunn moakn dat ier nog hjiltn bluf groein
iederjin wa commentoarn durvn ut de gieter sproein
wan owe bluvn kikn ip oes eign veilige plekske
en nie kikn na dereste goa et ip weinig trekkn

t minste dawe kunn doene zin stapn zetn noa den top
en mekoar elpn bergbeklimmers doen da wok

Bergbeklimmers

Thorre - Tidn verandern
Beat: Scred connexion - Partis de rien (instrumental)
Produced: Skjivve Producties

- de tidn ze verandern, de tidn ze verandern -
--------------------------------------------
vol van et leevn toch een leegte gin invulling
nin kgoa nimir ip queeste der is schrik vo mislukking
den tid tikt mo kvertik et wan tgoa druk zin
lik dakket nu nog nie bezit woar est geluk vint?

nie gelukt nin wel gesleurd in de stelling
van teleur een kwelling van tfeit daze eigenlijk nie deugd
da et eigenlijk nie meug we bevindn oes ip een helling
goan achterut moar et es de teegnstelling

van wuk datter gezegd is vele vertellingn
mo de latste gesprekn lietn min belle wel klinkn
der was gebrek an de dingn woardaw tope noa verlangn
olletwji verloorn olletwji deen we ntwa anders

kreeg ommekji te hoorn daj nie langer mi wou wandeln
jammer oeda droomn in jun leevn kunn kanteln
nu ist alleen handeln kbewandel nu min eign pad
verzwijgn kannek nie daj lik den tijd veranderd was
-------------------------------------------------------
- de tidn ze verandern, de tidn ze verandern -
-------------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------------
- de tidn ze verandern, bajoas ja, ej de tidn ze verandern -
-------------------------------------------------------
ot eki slig goa peizek were an den kindertid
mo in den tijd dak peize reize kik deur et verleedn vint
joat ti verleedn tid kwetet kan nie were nink
zeekr dakt zoe wiln olle momentn dat lik teegnzit

wan kzie der teegn ip nink kwille nie veroddern
doarom willek wa doen me jeugd ton bluvvek zelve jonger
mo ej kweet zonder toch goak gin kopke onder
oje zoe kikn oedat loater goa zin kiktj verwonderd

ol gedonderd gebliksemt perioodn is et wok zonnig
tvol nie te betwistn de grote komn wok odder
komme nu verre twintig toch verre van den arrivée
wan elk nen dag betrappek mezelvn dak nog dingn bie leer

kdoe nog dingn verkeerd klwoope meer teegn dezelde steen
dan da nen ezel doe dus wa benne kik vo beest?
kvergete geregeld van wa aandacht te besteedn
aan tgene waarvan dak dacht da moak ek nimi mee
-------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------
- de tidn ze verandern -
-----------------------------------------------------
we woarn kljinne onwetend en speeldn totda de zon zonk
thus wa verveeln en wachtn totda ze opkomt
tot da et lot ons tegoare i gebracht
de vorming van een bende en tot ip den dag

van vandoage zint nog oltn diezelste moatn
en kwete van die gastn daze der vo mie goan stoane
in goeie of sligte doagn khope dat nie goa vervoagn
en dak min gelik goa oaln dawe bluvn bestoane

wan int begin zag je oes twope ip gelik wekn fjiste
de jiste van de chiro en et bleef lik mo vermjirdern
ton kwoamn de kjirn daw van de grwote partys proefden
verlangn en verlangn vo doar mjir te vertoevn

intresses da verandern juste lik et genoegn
in plekke van te wachtn goak et land weer beploegn
want der is kans dawe mekoar ipnieuw goan moetn zoekn
en dawe dachtn vo gin oar dat anders ging zin lik vroeger


Tidn Verandern

Raps: ShiSha
Produced by Doper AKA Rookwalm
Dope Shit Productions 2014




oendertitelinge : 

nieuw joar nieuw begin, tied vo te bezinnen
kzient volledig zitten, dus moek derover spitten.
eftjes herbeleven, al die zwoare shit
nu tied vo da te plaatsen wan das verleden tied.
en we gon verder,... nog verder dan reste
in 2014 giffekik dubbele sjette 
kgeven nix anders dant beste 
rechte, rechte deure de storm,
en we kieken nie om, gedon is gedon
lessen uit getrokken dus deure kuwe gon! 
De truc is vo't allemolle zelf in te kleuren
t'leven dame willen moewe zelf doen gebeuren
tis lik e deel fases , mor elke fase ek wel geleefd,
overleefd , soms zelfs herbeleefd 
zoet balanseren mé bitter, ti nie alsan glamour en glitter
dovan worje alleen mo lichter

----------------------------------------------------
wa dat er ook komt ip me pad, k'omhels die shit, 
zoender stressen, ipt gemakt
kleven nie vo morgen nin vandaag is de dag,
genoeg stille gezeten en nu verder mé veel kracht.
-----------------------------------------------------

en beste wensen kuj iemand best wel wensen
mo, ti nog alsan an jezelvn vo an die wensen te werken
dus werkt an jezelvn en zie nie benauwd vo een ander te helpen
wan samen stawe sterker, gedon met al da melken 
ondertussen zien al de, bergen ant smelten,
natuur ant verwelken , tis do daw an moen denken, 
tschoonste cadeau zieme zoma weg ant schenken
WA? of ejt nog nie willen merken? 
t'enigste groen da telt zien nie onze centen!!
dus makt e ki je rekening van prioriteiten 
al dakik ier zegn da zien fucking pure feiten, 
focusn ip vandaag en hopen dat stopt?
mo der is gin oplossing wan tis nietend da klopt!
(oeps) kzien weer te negatief en ant preken, 
fuck it, zolang daj luistert, go shisha bluuvn spreken.

ShiSha - Kracht

Raps: ShiSha
Produced by Doper AKA Rookwalm
Dope Shit Productions 2014





oendertitelinge : 

Witje wa dat is? ken nix vo te vrezen
Al dak zeg is wo dak ook an pezen
met alle iranezen, nie met den dezen
alleen at te koed is, goj me zien beven
steek je kop mo int zand, niets an de hand
buutn angst en racisme kweken in dit land.
laat nie over je lopen lik e perzisch tapijt
nva propagandafilmtjes maken me ziek

niemand dat ziet, dus k'schreeuw et van de daken
t'vlaams belang, junder campagne doe me braken
manipulerend probeer je der te geraken
oproep an de mensheid, tied vo te ontwaken
------------------------------------------
wit je wa dat is? I don't give a fuck
kgon die boel ier ipbloazen dus got al uut je dak,
whuutwhuut? Tied vor e lyrical jihad 
got al uut je dak yo , got al uit je dak
------------------------------------------
tictac, tied vo taktiek 
Politiek et de wereld heel verziekt,
de naam van't geloof trekken ze door't sliek
wan door al die shit wordt et volk lekker schiet
laat junder stok achter de deur, mensen
zie nie bang vo wa kleur, mensen
die tocht deur de woestijn is allang voorbij
nu vechten we al vo dezelfde strijd,
dat teken van vrijheid nie sto vo meer onderscheidt
laat ons eerlijk zien, wen al e schijt ant beleid
bedekt of onbedekt , elk woord ek gezeid
niemand go beslissen wa da mien bevrijd

------------------------------------------
wit je wa dat is? I don't give a fuck
kgon die boel ier ipbloazen dus got al uut je dak,
whuutwhuut? Tied vor e lyrical jihad 
got al uut je dak yo , got al uit je dak

ShiSha - Lyrical Jihad

DeLangn - Smiet jezelfn.mp3

Thorre - Wie dak benne
Beat: Searching the league (Thovobeats)
Produced: Skjivve Producties
-----------------------------------------------------------------------------
wie (wie) zije gie? (gie), wie (wie) benne kik? (kik)
wie (wie) zije gie? (gie), wie (wie) benne kik? (kik)


ik ben nie zukn slette da moar ut is ip geld
en kvertellet ol iprecht en ti dadde da telt
en ne ki dak versmelt me den beat ja de melodie
klinket klassiek gelik beethoven zin symfonie

tes juste lik magie ut minnen oed komt een kenin
ezwo doekik da iere vo die tekstn te verzinn
ip zen minst moe et klinkn kit ier niet over drinkn
ze meugn dumn wuk daze wiln mor ik bluvve bie de pinkn

loatet mo efkes bezinkn lik den titanic in den tidde
mo juste lik vulkoanen ak nie sloape goakik  spitten
wan ik i te veel hitte dak van mie of moete skrivven
en ne ki dak da nie doe goak in min woordn verstikken

banin ier gin dikke nekke ji me de joarn vermoagerd
mo van een poar est ol te loate ie bluf moar ipbloazen 
ze peizn ja we zin boazen mo me jin simpele noalde
stekske der in en zie ze goane deur de koamer 
-----------------------------------------------------------------------------
ik benne wie dak benne tvol doa niks an te verandern
en zi gie wie daj gie zi dus da es verzeekr anders
mo fak it (fak it) we leevn in tzelfde daglicht
zorg daj jin de kans gift vwoorn daj em afbrikt (x2)
-----------------------------------------------------------------------------
Kmoe zegn kben ginne lezer mo tog boekek resultoat
kunne nie zegn olsan beter mo da lig an uw smoak
en da verskilt gelik een kiekn van een kenin
vele lwoopn zonder kop der es gin hoast vo rap te zin

moa moak daj een twa bringt da goed in de woorn klinkt
da nie afdoet wan af en toe
moeje gelwoovn in jezelvn
mo den elft es wack moe mie nie iets ip de mouw speldn
kbenne nie an ol die swag en ol die goudbergn 

hjil nie de reedn wavo dak rap das wadak wou zegn
kdoe dadde egt als amusement en aje u herkent
in wadde dak ier zeg of der divers over denkt
ti nie erg we komn nog eevn goed oovrjin

zoen we nie beetr topewerkn ton komn ol de krachtn jin
wan nu efkes gemjind wanjir zije beetr of de rest?
tbelangerikste van de les nwooit wan we zin ollemalle mens
-----------------------------------------------------------------------------
ik benne wie dak benne tvol doa niks an te verandern
en zi gie wie daj gie zi dus da es verzeekr anders
mo fak it (fak it) we leevn in tzelfde daglicht
zorg daj jin de kans gift vwoorn daj em afbrikt (x2)
-----------------------------------------------------------------------------
zi geweun wie daje zi (8x)

Wie Dak Benne

Beat : Onze zaak
Project : Urban woorden
Mix & mastering : Rookwalm
Lyrics & Raps : ShiSha

Ik schrijf een brief no de overheid, vo te zeggen dat me zoveel spijt. Da m'n pa, nor ier is gevlucht, op zoek no wa rust,  
en een eeuwige reis mé m'n moeder...
Mo die reis werd e strijd van jen eigen moen bewijzen 
wan t'is al zo tegenstrijdig. Back then enkel goed vo de vuultjes mor in junder ogen bleven we krapuultjes. Nu zien me zoveel jaar later en laat je zoveel mensen lijden omdaze ier willen blijven.
Gast, vrijheid is nie langer de realiteit, da stot ergens vanonder ,nin das gin prioriteit. Derde generatie,niets te verliezen, krachtig van de taal en bewust vo te kiezen. Ken gin televisie wan ak kieken no tv ziek alleen junder tunnelvisie, kdoen do nie an mee.
--------------------------------------------------------
tied vo verandering , wuk aje gepeest,
nva an de macht, dat é nie lang geleefd, 
tvolk komt in opstand, eindelijk een band.
Gentse lente verspreid in heel het land.
--------------------------------------------------------
De angst die gezaaid werd is nu gekeerd,
T'is junder die genaaid werd, tvolk et geleerd.
italie spanje of griekenland, tis al langer of vandaag aan de hand 
wat is junder plan? Eigen belang, Bespoaren op et leven van de werkende man, en cultuur an de kant want dat oed e mens in balans. Fuck, Niemand die da snappen kan!
Kunst is nu de subsidie vo sociale projecten
ey, wo zitten die budgetten?
Willek et wel weten? Op weg no't midden oosten, 
mo tmeug et niemand weten...
kunt nie vergeten wan tlig zwoar ip me maag,
kuj gie wel nog eten of In de spiegel kijken? 
Syrische strijders zien an junder te verwijten
je meugt erachter peilen.

ShiSha - Briefaandeoverheid

Thorre - Lange geleedn
Beat: Thovo - SprMoon
Produced: Skjivve Producties
------------------------------------
Lange lange geleedn (4x)
------------------------------------
't papier wos goan vliegn d' inkte in de penne ipgedroogd
de sleutel wos verloorn dus gedachtn bleevn ipgeslootn
de letters weggeloopn mo letter die 't begreepn
et gebeurde regelmoatig mo nu wast te lang geleedn

joam wein vete lang gezweegn ol oan we vele te verteln
mo kreget nie ipgeskreevn ol zatter et jin vo mie te speln
we zin ollemol rebeln dus kljirde leezn tusn de regels
de fundering wos oanwezig 't ontbrak em an de tegels

die periode is nu verzegeld, verboodn we kunn begunn
we speeln nog mjir me de klinkers dan da vloereleggers kunn
skerp gelik nen splinter, ant werk gelik nen imker
bezige bij van de zwerm, tkom verwarrend vo de pinkers

wetende da de macht bie de rechter ligt, toch zittek ip min linker
elft nin kben nie rechtsgezind, sebit wordek nog verdacht
van nen ketter te zin kbluvve zwemn nie te versmachtn
wan kben ginnen drenkeling
------------------------------------
lange geleedn mo de motivoatie wos gebleevn
kviele lik terug, terug noa de penne gegreepn
lange geleedn joas de doagn vloogn voorbie
mo de vroagn bleevn surfn ip golvn van emoties (2x)
------------------------------------
et moment wos aangebrookn den blik verre van glashelder
et glas nu in ol stikn diepgeworteld in min erte
met een pincette stik per stik der ut verwiddern
de koe bie de hoorns gripn nu kostn we beginnen

stap per stap goan we voorut procesmoatige progressie
elke trede van den trap is nen opstap noa professie
lik in een spel vul me missies ein we doeln te voltooin
gelik messi moen we scoorn of de doeln were omplooin

der werd veranderd van konvooi zand in de oogn rondgestrooid
bandn werdn verbrookn dus de zante die bleef onvoltooid
den oto omgegooid nu istie omskreevn als perte total
een erg voorval aj weet datie nie verzekerd was

en ik verzeker da 't nie oltn van een leien dakje loopt 
da de zoakn nie oltn goan lik daj eigenlik a gehoopt
pak de touwtjes in andn en leg in jun oorn nen knoop
vertrouw mie i geduld en dan word dadde beloond
------------------------------------
lange geleedn mo de motivoatie wos gebleevn
kviele lik terug, terug noa de penne gegreepn
lange geleedn joas de doagn vloogn voorbie
mo de vroagn bleevn surfn ip golvn van emoties (2x)
------------------------------------
Lange lange geleedn (4x)

Lange Geleedn

Lyrics : Rah & ShiSha
Beat : Rookwalm
Produced by rookwalm
Dope Shit Productions 2015

RAHxSHISHA - WestVlamseChicks

Thorre - Lisboa
Beat: Foxx
Produced: Skjivve Producties
-------------------------------------------------------
Lady's and gentlemen, this is your captain speaking please fasten your safetybelts
-------------------------------------------------------
Twos ol een ende geleedn dakkik int butnland verbleevn
en ok jirlik moe zin kannek zegn kwille were
were noa de sfeer, de zunne zonder reegn
niets gris en grauw, tes ier gemakt vo te presteern

kbenne gin sentimenteeln, toch voelek een gemis
were tid vo te verveeln, herinneringn nie te wisn
mo kgoaze misn, (jejoak) de bende van in lissabon
wandeln, lachn, zupn een bitje van nen triatlon

jejoam wein doar an topsport gedoan
dag en nacht zjivern, winnig tid vote sloapn
we kenden gin stopbord (nowp), oltn bluvn goan
mo nu est lik een zwart gat joat, et es gedoan

moooaaar et betekent wel gin einde
vo de vriendskapn, de brugn dawe geleid ein
dedee dat nie snapn, woarn nie mee met oes ip reize
kostn we tid mo were droain, geweun were ipstijgen
-------------------------------------------------------
Lisboa, de zunne en de sfeer
vroag nie vowa mo wein oes egt geamuseerd
tdeed deugd vo weg te zin, dingn bie geleerd
jezelvn beetr kenn en als groep evolueern (x2)
-------------------------------------------------------
Kik ja, zie doar een bere chill klimoat
dadde es iets da in belgie nie goat
ti mo ne ki daj der goa gewist zin dajet goa verstoan
doa kuje zwelgn vo nie vele geld in bars in nauwe stroatn

en moestje ne ki goane t(h)orre stoa nog rechte
oje der ton toch zit moejet zelf mo ki ontdekn
de oarde mag nog beevn ollik kannet em nie ommelegn
levenslessenummer jin od olsan et kopke rechte

en bluvn vechtn wok in tidn van miserie 
dadde es een twadde da wel overheerst ier
kbaseer et ip min odde ofgestudeerdn die gin zege viern
den elft grakt nie an werk en studeern is vete diere

dus doar stoaje ton, tis ollemol vo niets gewist
ik hope dat bie wudder toch een bitje anders is
dus respect vo zudder die udder der kunn deure sloan
in omstandigheedn dat van geweune minsn nie zoe goan
-------------------------------------------------------
Lisboa, de zunne en de sfeer
vroag nie vowa mo wein oes egt geamuseerd
tdeed deugd vo weg te zin, dingn bie geleerd
jezelvn beetr kenn en als groep evolueern  


Thorre - Lisboa

Thorre - Hedendoagse rappers (preview)
Beat: Kev Brown - Relentless
Produced: Skjivve producties
-------------------------------------------------------------------------------------------
vele rappers zegn niets wan ze misn iets van inhod
ik serveer een warm gerecht van zudder is udder shit kod
tveranderd niks akket zeg, kzoe liever ein dat iphod
vele ein een korte lonte zegn verdomme aze in de fik stond

wan tis soms wa te zegn, van die hedendoagse rappers
zegn mjir swag in udder tekstn vele proaten mo niks zegn
ollemolle dikkenekken, lange tjinn voor ip te tertn
ik terte ze an fritn, zeg mie mo wuk moeje ebn?

wildje ne grwootn me stoofvljissause of jirder, nen kljinn me joppie?
kvermwoorde ze ollemolle me min tekstn ze zin toppie
of nie? wan vele rappers, ze rapn off beat
zin lik de belle van bie gertje oze goa ton klopt nie

et stopt nie, ze wiln lik, ol mo rechtndeure goan
mann da ut den bocht vliegn deur daze udder steur losloatn
..zein gin controle mi, ein gin deftig overzicht
nie da da mie opvrolijkt nie dat lik mezik in d'oren klinkt
----------------------------------------------------------------
die hedendoagse rappers tes een twadde van te zegn
ze zin verblind deur den industrie en udder centn
wuk wiln ze ol zin, uniek, mo ostublieft
de jinigste die doar noar ortn, zin een dom publiek (x2)
---------------------------------------------------------------------
bie vele van die mann, ontbreekt et em an boodskap
ik ben een vredig man mo tog gevek ze den doodstraf
wadaj mie ook gaf, kmoet nie weetn kit liever doordacht
da zoen moen min tekstn zin ik peize lik dak rood kwam

tes een axioma de bewizn zin overbodig
et verskil van swagshit en oldschool es torenhoge
dus trek ne ki jun ogen open tes nie oltn te geloven
den elft van wadde daze spitn, is verzonn of geloogn

an de clips te ziene wiln ze daj peist daze rikke zin
minsn droagn woogklepn en gelwoovn dadde blindelings
et es tog tristig vint, woa dawe noa toegoan
tgoa nimi om wadaj doet moar om wadde da u cool moakt

kpeide dat om et gevoel droait, ze droain u rond de vinger
lot dienen autotune voln en ze klinkn ol vele minder
tgebeur ol ip de gsm zin te leeg voot neer te skrivn
kwetet tidn verandern mo ej kzoe zeker were wiln
-------------------------------------------------------------------------
die hedendoagse rappers tes een twadde van te zegn
ze zin verblind deur den industrie en udder centn
wuk wiln ze ol zin, uniek, mo ostublieft
de jinigste die doar noar ortn, zin een dom publiek (x2)
-------------------------------------------------------------------------
ze wiln ol ne rapper zin verre gin tekstn in de kast lign
oje wiltn nen echtn zin ton goaj moetn elknen dag skrivn
bloed, zwjit en troann, die shit mag u nie afschrikn
ge moe kunn ip twji bjinn stoan anders goaj moetn bankzitn

tes junnen klank vindn, bie ik ligget bie die boom bap
tminne bloast nog mjir ol mocht je nog nen digeridoo ebn
tes de liefde diet doet en, nen overvloed an inspiroatie
wiln udder nie overdoen zein gin gebrek an inhaloatie

wel gebrek an talent, klapn juste van geld,
kljirn, bitches, oto's, tzin under vaste onderwerpn
kunne lachen akket zeg dak mie doa nie an onderwerp
komme tenn van udder parlé moestn zet nu nog besefn

kmoe der nie in sloagn nink ik wille moar een punt moakn
ze wiln oljinne winst moakn, ze wiln der geld kunn ut sloan
ze zin te rap content tmoe zelfs nimi tot de kunst noadern
zukn mann zin ton binn binst daze beetr butn stoan

Thorre - Hedendoagse Rappers (preview)

Moriz - Stacy  (borderbeats)

Lyrics: Cfour & Red Rum
Beat: Baadasssss
Cuts: DJ Dime

Recorded @ Red Rum, big-up!

Cfour Ft. Red Rum & DJ Dime - De Reden...

ShiSha - Happy Birthday Conn

Raps: ShiSha
Beat & Production: Doper
Dope Shit Productions 2012

ShiSha - Onvoorwaardelikke Liefde

Lyrics:
Vers Groove
Vroeger, wazig.. 
Overtuigd in de waan van alles wa te weetn.
Die ruwe lijnen, fragiele versies.
Ontbrekende details missen die essentie...

Muziek, De Liefde!
M'n erte gestolen en genomen op een diefke.
Mijn liefste, vroeger wast zo simpel.

Sensitiviteit maakte tenminste alles zinvol, slechts verzinsels.

Refrein Pure Blend
Vroeger peisde kik soms wel ne kji, da de weireld simpel in elkoar zit!

Vers Moane
Vroeger, den ouden tijd.
Twas niet allemaal zo gemakkelijk 
Omdak vroeger dacht dat makkelijk leek.
Ma later bleek in't kader van 't leven dat alles anders uitdraait dan verwacht.
Onverwachts!

De weireld draait en draait maar 't draait deure rond z'n as.
Raadsels gepaard mee wazige kleuren.
De oorzaak: duizeligheid.
Op zoek naar uiterlijke duidelijkheid.

Vers Moane & Groove
Zuinig mee vlijt.
Content zijn mee de kleine dingen, buiten bereik.
Wa maakt het dan nog uit wa daje daarbuiten bereikt?

Uitgelijnde lijdensweg, uitgewist en uitgelegd.
Besluiten stuiten uiteindelijk de feitn.
Naakte waarheid, staar mij der niet meer op blind.
Niet meer die naïviteit van da klein kind.
Creativiteit van kleinkunst.

Bewust mee lust blussen we ons eigen dust!

Refrein Pure Blend
Vroeger peisde kik soms wel ne kji, da de weireld simpel in elkoar zit!

p.p

Jasper Joye