punchline achter punchlineeeeee , dope shit

Vulva van de scene (prod. by NACHT, cuts n scratches by DJ RESTLESS)

Ey Yow Belgie - dirty dike beat

Primeur - Kieknkot (Gemeejne Bleejkn Beat)

Recorded, Produced & Mixed By Samoerai
Foto by Lowie Clapéron
Lyrics:

Ik graavn dieper in mezelvn dan e chirurgist
kproberen t'volk e dienst te doen ol woarek ik e lithurgist
der is ier liefde voe degene die voe liefde kiest
mor ik komn jen ier in je blootn zettn oj gie mie nu-dist

me stijl is illusief, ieder liene illustratief
en unaniem gekozen toet echte protagonist
van me verhaal, in 3 secondn kuk 7 dagen mijmeren
ik kun me blik verbreeden deur ideëen te ver-wijd-eren

je zie me steigeren lik e Trojoans perd
ok e verzoek weigeren ist nie et goan werd
voe nog af te komn, tboeltje stinkt lik thioaceton
‘oe komt ie an die woorden…’ me brein is lik e grabbelton

gelinkt met Wikipedia, me retina e camera
en binnen in me zit e mechanisme voe grammatica
verbale heraldiek, e semantiek voe’t nageslacht
…e wetenschapsfilosofie die nie int kader past

Thomas Kuhn der nie mee lachn mo das bijzaak
ik leidn joen ier van je hoofd-weg lik e zijstraat
blijkbaar, kom ek enkel nog met William Blake bars
want der zit pit in me product lik bie e wijngaard

volt nie over me raps ok ze in de pries steken
… ieder punchline voelt an gelik e fleecedeken
want kzien oentwapenend, omdank juste de beat breken
en voe de reste de kennis dak ik en voe niet geven

vele man braggen en boastn nie mo stoefen wel
ze moen nog wa langer go goan train up et oefenveld
nie dat da erg is, mor oj etwoar in groep vertelt
de battleking te zien wordt je in battles up de proef gesteld

lopt nie voor up je stappen lik Pistorius
kvertellen in 3 panelen me hele leven lik Hieronymus
versificoatie, de methode…
En ik zien de methodicus, Boeshido is me dojo en me code


E Samoerai, oender de ray van Fibonaci
de elementen tope lik Myamoto Musashi
Boeshido, de pen is me katana
de beat me tegenstander en me stemme is me prana, 

ik zien e Samoerai… oender de ray van Fibonaci
de elementen tope lik Myamoto Musashi
Boeshido, de pen is me katana
de beat me tegenstander en me stemme is me prana, 


noem mien de Dalai Lama, ol ziek ik verre van de grotste spitter
mo ken liefde voe de aarde lik een echte grondbezitter
gin kroegentocht niemi, ik en de bar nu in me kot gezet
en hoog genoeg geleid zodat er niemi met ze kop up kletst

je moe jezelvn bluvn, zeker oj de top up rent
de hype van de dag volgn is nie veel meer dan pop-up rap
k'schrievn teksten toet dat blad zest up me kap zit
en de latste menshn buttnstroempeln ut de Afsnis

up dezeste golf-lengte spreken na gie
dad is de woare woarde stekend achter telepathie
ik ondersteun de jeugd, bikke lik e pediatrist
en zien de clowns zittn midden in da mediacirc

tgot up en of, de hak up de tak, azo got leven
dus oe zoek toe moetn teksten anders gon reconstrueren
ik vuurn niemand of, en toch, zoet me nog ofgoan
want t‘doel-wit meestol toch nie dat ie oender schot stoat

kzien e ruwe diamant die up de flow beweegt
terwijl dan menshn peizn dak briljant zien lik e pauweveer
kzien anti ol die anti-groepering, dien ut de groend schietn
en anti anti-bewegingn dien in et roendschietn

olene lyrisch ziek ik af en toe e kamikaze
… ik protesteren up e track en nie up barricades
Ik zien alvast nie pro-testen of verassexames
lat mie mo vant leven leren nie van propagandawapens

k'bereiden pure keuken, kzien mc Pascal Naesens
of ja, zet da toch mo ergens tussen accolades
je smelkt voer et literaire lik e carbonade
en komt ossan were voe de streling van et vakbekwame

nie dak wiln braggen, mo ladidadi fak die shit
ik moen nie eens wa zeggen en  toch laat ek alles achter ik
je ku nie mee met mien omdaj ol paginas ver achter zit
de teerling is geworpen rappers, alia iacta est


E Samoerai, oender de ray van Fibonaci
de elementen tope lik Myamoto Musashi
Boeshido, de pen is me katana
de beat me tegenstander en me stemme is me prana, 

ik zien e Samoerai… oender de ray van Fibonaci
de elementen tope lik Myamoto Musashi
Boeshido, de pen is me katana
de beat me tegenstander en me stemme is me prana,

Samoerai - Alia Iacta Est

'Reden voe te spreken' by Samoerai from the 'VERSIFICOATIE II: VOL-LEDIG' EP, released February 28th 2018 by Phatmark Collective. Get your copy (CD) NOW in our Online Phatmarket► http://bit.ly/2sobIMx 

iTunes ► https://apple.co/2o0ZhAH
Spotify ► http://spoti.fi/2ElCw5v
Bandcamp ► http://bit.ly/2sp1Z8u

Produced by Uruz
Recorded & Mixed by Samoerai @ Boeshido
Cuts by Saimn-I
Lyrics:

de meest oorverdovende klanken zien vaak stil
tis subliem ot er mor 1 snaar van e gitaar trilt
wa zoek nie geven voe te B-t-B lik Rahzel
of voer e dag in me leven te kun kieken deur Jaqcues’ bril

met elke zin zindering verwekken in je zintugen
tis waanzinnig oeveel zen dat er kut in e zin krupen
Khouden van de dubbelzinnigheden in e lijfspreuk
… da gevoel oj moe wachten en dat de tijd jeukt

K'houden van de wijze woarup dat e wijze wijze
met ze wijsheid wijst op de wijsjes van e wijsneus
de geur van regen doe me reflecteren
zoveel kruden gedronken dak e thee-kop en gekregen

soms ek reden voe te spreken
vluchtelingen dien in vogelvlucht up de vlucht sloan via vluchtwegels
is e reden voe te spreken, mo soms ziek et geheel nie
en klappek mor in flarden dus klappek beter geheel nie


Soms ziek de deeln nie, olene mo’t geheel
andere dagen ziek de deeln wel, mo ziek ze nie geheel
en soms ziek geheel nix, ek nietn voe te deeln
mor ok e deel van’t geheel zien, toen deel ek et geheel

Soms ziek de deeln nie, olene mo’t geheel
andere dagen ziek de deeln wel, mo ziek ze nie geheel
en soms ziek geheel nix, ek nietn voe te deeln
mor ok e deel van’t geheel zien, toen deel ek et geheel


der stoat een olifant in uze kamer
mor af en toe negeer ek em me schaamrode kaken
doenkere zolders oender raamloze daken
zien bevolkt deur kunstenoars, dien under naam groter maken

in beperkte kring, we moen de woendes likken van de wilde westerling
die ergens ging en zogezeid wos toegespitst up oenderricht
oendertussen volgde de omwenteling
de pure destructieve drang voltooid in de bevestiging

de mens is af en toe e grote klotzak
immorele doaden zien vervat in elke klokslag
vingers wijzen elpt me nie, mo kdoent nie enkel omdat
tis den oenschuld die me vanbin kapot makt

we kappen zeldzame boom voer us gat te vegen
doodn bedreigde diersoortn voer us warm te kleedn
oentbossen beschermde gebieden voer int stad te leven
… we zoen uze ziel te koop anbiedn voe de gepaste reden

moa,  af en toe moej trachten van nie te proberen
af en toe moej wachten voe te avanceren
af en toe moejt evenwicht verliezen voe te balanceren
af en de toe de zaken omgekeerd bekieken lik Copernicus

en weten… al doende leern w’of en deugd is moeilijker
dan zoende dus oe doeme en wa doeme en worom
… kzoe licht willn bring no de doenkerste grot
mo waarschijnlijk is de grot beter of zoender me komst

dus…. leven en loaten leven als alternatief
voe militant gedrag en demonstreren als een activist
hmmzz… tliekt me toch mo nix
tis gin idiocrasie, mo binnen in me is de filosoof actief

de methode dak prefereren dien is positief
dus oevele kukke doen bewegen met e boze brief
veels te weinig, et affecteert geweune et geheel nie
zolange dat de deeln nie ol geheel e deel ant deel zien

refrein

Samoerai - Soms ek reden voe te spreken

in afwachting ip de volledige drop van de mixtape

beat -Psycho Realm - Stone Garden 

checkket

Samoerai - Alia Iacta Est

Samoerai

Recent comments

Te Frente

Wanzieone Vandewynckel

Noenkel Niko

Sverre Soenen

Related tracks