dikke beat jong,, refrein flowt wok vo duust

I haven't uploaded a new track in a while so I decided to dig through my old shit to see if there was anything I could add to the channel... found a track I did a while ago but never bothered to upload or share. Check it out!

Produced by Myself..

Lyrics: 

Verse1
------

We zien lyrische machines, mo nie in de Descartiaanse definitie
Gladiators met een iezern Spartaense discipline
Kbluvn oardig up me ritme, ze wiln dak me plan'n staakn
omdak in battles rappers lik Immanuel van Kant maakn

Kzie gin competitie toerekeningvatboar
wuk daj gie schrieft up a moand ek ik zeekn up e dag kloar
deur beeldn te scheppn maaknt verleedn zest tastboar
lik oog in ooge te komn stoan me ne velociraptor

...ok duden up Thales, klappekik over filosofen
oj gie verwiest no thalys ej e snelheidstrein upt oge
up de schole van Milesië leerde ke wa dak nie wistn
oender leiding van de beroemste leerling van Parmenides

en azo... olle paradoxen uplossen
en vele dieper graven dan bie archeologische vondstn
e rappende mastodont, meer tracks dan e marathon
kloatn tegenstanders ofgebrokkeld achter likt Parthenon

ok me tekst droppn, go ze joe kun meedraagn lik laptops
me punches gon deur vel en been lik zweepslaagn van Hector
... Koendekte de vier elementen lik Empedocles
Rappen, Breakdancen, Scratchen, je ziel up ieder gevel zettn

Kpeizn, dus kpen olles nere
lik dan de Grieken deedn o ze no de sterrn keekn an de hemel
proberen mien ol rappend me je regels te slachten
is lik proberen 2 keers in dezeste beke te stappn, Panta Rhei


Verse2
------

Rappers claimn gin groentjes mi te zien, geloove gie da
okkik licht schien up de zake gon ze kleur beken lik prisma's
ik zie revolutionair fidel castreern iedere batista
lik een oenbesneden dertienjoarige tijdens barmitswas

den inoed van me teksten is nie ossan egaliter
Mo kunt goed an bandn leggn lik een ottomechanieker
ol da Genghis Khan kuk beter, gin Napoleoncomplex
kzien Bon Apart mo kroln in groep voe die overname shit

PHATMARK, we spitten vette shit tis e verslaving 
de sterkste overleven in battles wittekik ut men ervaring
dus mien in de ring trotseren, Wuk? doa schuilt er wa gevaar in
kzien e Samoerai, tis Evolutionair bepaald dak Dar-win

kwerkn nie halftime an teksten kwerkn Voltaire
probeern te letten op de herhaling van me vocabulair
vele schrievers en de passie vanet vakmanschap verloren
dus nie oarzeln, tis tied, we scheidn't Kaf-ka vant koorn

ol die swagjanettn, de snare is lik je beste moat 
upt schole, joord em olle dagen en je bluft er neffest zittn
dus ritmisch moej nie komn testen, uze teksten zie gevleugeld
je zoe kun trachten va wa t'immiteren mo kvrezen daj oenderweg zoe sneuveln

je zet je tandn derin mo toch kuddet nie deur de beugel
en toe zit je in de nesten just lik pasgeboren veugels
we go zwoar dus mee kom voaren oed voral in daj nie treuzelt
want wen oenger en gi moeite voer oenoemelijk veel rappers up te peuzeln

Samoerai - Panta Rhei

Thorre - Tidn verandern
Beat: Scred connexion - Partis de rien (instrumental)
Produced: Skjivve Producties

- de tidn ze verandern, de tidn ze verandern -
--------------------------------------------
vol van et leevn toch een leegte gin invulling
nin kgoa nimir ip queeste der is schrik vo mislukking
den tid tikt mo kvertik et wan tgoa druk zin
lik dakket nu nog nie bezit woar est geluk vint?

nie gelukt nin wel gesleurd in de stelling
van teleur een kwelling van tfeit daze eigenlijk nie deugd
da et eigenlijk nie meug we bevindn oes ip een helling
goan achterut moar et es de teegnstelling

van wuk datter gezegd is vele vertellingn
mo de latste gesprekn lietn min belle wel klinkn
der was gebrek an de dingn woardaw tope noa verlangn
olletwji verloorn olletwji deen we ntwa anders

kreeg ommekji te hoorn daj nie langer mi wou wandeln
jammer oeda droomn in jun leevn kunn kanteln
nu ist alleen handeln kbewandel nu min eign pad
verzwijgn kannek nie daj lik den tijd veranderd was
-------------------------------------------------------
- de tidn ze verandern, de tidn ze verandern -
-------------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------------
- de tidn ze verandern, bajoas ja, ej de tidn ze verandern -
-------------------------------------------------------
ot eki slig goa peizek were an den kindertid
mo in den tijd dak peize reize kik deur et verleedn vint
joat ti verleedn tid kwetet kan nie were nink
zeekr dakt zoe wiln olle momentn dat lik teegnzit

wan kzie der teegn ip nink kwille nie veroddern
doarom willek wa doen me jeugd ton bluvvek zelve jonger
mo ej kweet zonder toch goak gin kopke onder
oje zoe kikn oedat loater goa zin kiktj verwonderd

ol gedonderd gebliksemt perioodn is et wok zonnig
tvol nie te betwistn de grote komn wok odder
komme nu verre twintig toch verre van den arrivée
wan elk nen dag betrappek mezelvn dak nog dingn bie leer

kdoe nog dingn verkeerd klwoope meer teegn dezelde steen
dan da nen ezel doe dus wa benne kik vo beest?
kvergete geregeld van wa aandacht te besteedn
aan tgene waarvan dak dacht da moak ek nimi mee
-------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------
- de tidn ze verandern -
-----------------------------------------------------
we woarn kljinne onwetend en speeldn totda de zon zonk
thus wa verveeln en wachtn totda ze opkomt
tot da et lot ons tegoare i gebracht
de vorming van een bende en tot ip den dag

van vandoage zint nog oltn diezelste moatn
en kwete van die gastn daze der vo mie goan stoane
in goeie of sligte doagn khope dat nie goa vervoagn
en dak min gelik goa oaln dawe bluvn bestoane

wan int begin zag je oes twope ip gelik wekn fjiste
de jiste van de chiro en et bleef lik mo vermjirdern
ton kwoamn de kjirn daw van de grwote partys proefden
verlangn en verlangn vo doar mjir te vertoevn

intresses da verandern juste lik et genoegn
in plekke van te wachtn goak et land weer beploegn
want der is kans dawe mekoar ipnieuw goan moetn zoekn
en dawe dachtn vo gin oar dat anders ging zin lik vroeger


Tidn Verandern

Wa ant vissen tussen de oude files en her en der nog wa tracks teruggevonden die zijn verdwenen in de plooien van de tijd. Dat is ier alvast eentje dervan! Beatje van mezelf. Enjoy!

Lyrics:

tleevn is nie makkelijk, mo dorom moej nie moeilijk doen
elpt je medemenschn, vrede wensen is nie goe genoeg
.... nie overdrievn, nie iedereen is e moederkloek
mor oj nie utgelezen ziet, worom doej toen de boeken toe

... ieder draag e stintje bie oj voer e tempel spoart
geboren in de vriehied mo nog meer dan oois oenwentelboar
mentaal gevangen, overol e slot en grendel kloar
mo durft je keuzes pakken, got up stap gelik e vendeloar

en trekt je wereld open, stapt mor fftjes ut da kerstdecor
en ziet dat er nie vele echt mir is an de decembermoand
tis ollemoal verpakt zoda niemand nog voe d’essentie spoart
en kleine kindjes weten niemir worom da ze centjes spoarn

want nu ist ollemaal te koop, mo nietnt echt mi woard
de decadensche van e reek an menschn nimt e snelle voart
en ken bezwoar, mo zelve ziek nie ossan beter
mo vergif me, kzien bezig met overleven


de maatschappij is e zinkend schip, is wat dat er verteld wordt
dus wieder zien op zoek naar een sloep die welvoart
geld ist er genoeg, ook genoeg voe geldzorgn
we moeten ofgraken van die jordan belforten

en tis gin spel, want wat dat er up spel stoat
is nie voe te spelen, mor olleman oed ol ze geld kloar
is da toen ol dat er is ? en zoja?
worom ist er toen overol nog ol da gemis?


lat je nie zo mo vaste zetten, uze sterkte is flexibel zien
beperk je nie toet et gegevene mo werkt a nieuwe dingn
... das makkelijk gezeid, da weetik, mo tzie nieuwe tiedn
en wie zie wieder nog o privacy vervolt en vrijheid slinkt

ik vraagn men of worom dat iedereen ze neuze bloedt
ot ieder met ze neuze up de feiten an ze keuzes doet
de meute roept verandering, mor amper ist er oor 
want oj verandering nie briengt, toe go verandering teloor

ken ossan ander dingn moen oorn, nergens e consensus
"de fans wiln gin mp3’s niemi mor e concert tus"
terecht, want nu ist ol plastiek of digitaal
en in de eigen grenzen juste nog failliete filiaaln

nie normaal, we zoe nochtans kun werken an den inoed
mo de meeste menshn zwiegn lik e graf ot under plicht roept
kzie zelve nie zo spraakzaam up da vlak
mo vergif me, kzitn up e zinkend wrak


de maatschappij is e zinkend schip, is wat dat er verteld wordt
dus wieder zien op zoek naar een sloep die welvoart
geld ist er genoeg, ook genoeg voe geldzorgn
we moeten ofgraken van die jordan belforten

tis gin spel, want wat dat er up spel stoat
is nie voe te spelen, mor olleman oed ol ze geld kloar
is da toen ol dat er is ? en zoja?
worom ist er toen overol nog ol da gemis?


Tleevn is e zweeds puzzelboek
mor ook ol wost een eeuwenoede mummie deek em ut de doekn
omdak t’juste zoeken, ut ant zoekn, worom dak nie juste mo vorutgang boeken
de sisyphusbeweging in me leven lat me lude roepen

WOAROOOM... is olles ossa andersom
worom kushn we de beekn mo vervuln we wel de bron’n
WOAROOOM... ek zoveel moeite met mezelvn
blokkek olles of en ist dorom nog moeilijker me telpn

kvoeln me smelkn deur de vlam van verantwoordelijkheid
want kwos up weg no goeie oorden, mo kzient noorden ol kwiet
kloopn verloren.... want uze wereld is te doenker
ik zie gin kapitein en kwiln nie met us ship ten oender

mo wa doek ik deran? vergif me
mo der vol nieten te vergeven, je moe geweune stoppen met excuseren
investeren in de toekomst, de golven moej trotseren
tis nie omdat schip zienkt daj moe stoppen met te proberen


de maatschappij is e zinkend schip, is wat dat er verteld wordt
dus wieder zien op zoek naar een sloep die welvoart
geld ist er genoeg, ook genoeg voe geldzorgn
we moeten ofgraken van die jordan belforten

en tis gin spel, want wat dat er up spel stoat
is nie voe te spelen, mor olleman oed ol ze geld kloar
is da toen ol dat er is ? en zoja?
worom ist er toen overol nog ol da gemis?


Samoerai - Zinkend Schip

Nie Te Moeilijk

Beat by Couchboy
Recorded, Mixed & Produced by Samoerai*
*beat mixed by Couchboy
Lyrics:

T’moment dat de melancholie je meester is ej nix an road
oe schone dat e boodschap ook is verpakt, et is gebloat
wuk zien spreukn aj op de rand van stikken stoat
en ol zelve gin woordn mi ku zeggn…zoender da je stemme oversloat

aj in de pit zit helpt et nie dat iemand of komt loopn
met wa tips of een instructieblad met ol Chinese woordn
tis vaak ook nie zo daj nie wit oe daj zoe moen klimmn
tis’t t’weten en toch nie in stoat zien der an te begin’n

of hele nie in stoat zien voe zelf nog te reflecteren
over gans de situatie… je voelt olene leegte…
…nie olles kut in rooskleurige zinnen worden gegootn
dus je voelt je dom of onzeker ojt nie heel ku verwoordn

mo da hoef nie… je wittet zeker, tis geliek
of dat zoed uitgeleid deur e slimme prof an een unief
of deur e meme up de buttn… of deur ol de reste
tis geliek oe dat verteld wordt, de pien bluft ossan tzeste

…. dus ziek ier ook nie voe te preken of geweun te pochen
met me kennis over’t leven… mo t’meug me ook nie stoppen
voe te doen wa dak vanbin voeln… dus excuseer me
dak men eigen regels ol in tzeste nummer overtreedn


Der is hoop, ol zit ie soms e bitje verre weg
der is hoop, ol zit er soms e bitje in de weg
der is nog hoop, ol zitten we no nog dikkerst onderweg
der is hoop… zolang dat dat er is ist er e weg

Der is hoop, ol zit ie soms e bitje verre weg
der is nog hoop, ol zit er soms e bitje in de weg
der is nog hoop, ol zitten we no nog dikkerst onderweg
der is hoop… zolang dat dat er is ist er e weg


die geplaveid is met zunnestraaln en goeie intenties
geloof me…. et enigste dak ik wensen
is dad iedereen ze zelvn vient en… kut accepteren
da we zien wien da we zien, mo we zien soms nie vol-ledig

onzeker?…. vul met twijfels… en angst…
up die momenten deurt olles daj moet oendergoan veels te langk
Soms ziej pissed up jezelvn omdaj weer tegen de lamp vloog
terwijl daj em ol vree goe wist angn, start nie an wanhoop

we maken ol fouten… t'besef is ol de nelft
je makt zukke schone dingen, mo da wordt minder verteld
Theo wist et: tis ook ALTIJD, NIET, de bedoeling
want ot de bedoeling is loopn we’t vorbie zoender wa voeling

we kieken langer dan dat uze neuse is
daw uze neuze zelv ut oog zien verloorn… die gebeurtenis
is jammer, mo nie onomkeerbaar dus bluft nog wakker
stapt nog fftjes mee up de toon en ik toon ladders

van vertrouwen… ol zien ze broos en oendert stof
omda z’ol lange nie gebrukt zien gewist, ze zien der nog
en da moej weten… da beeld daj soms jezelvn mee zoet identificeren
in die kille dagen is nooit volledig

je ziet zovele meer dan da… da weet ek
kzient zeker, je ziet e zunne in etwien ze leven
kzient zeker…. je et etwien doen lachen van de weke
kzient zeker… je kut etwien e twidde oasem geven

ik zient zeker… mo volgens mien ziejt gie nie azo
kbegriepnt wel… we zien soms ollemale dof
mo de schien is nie verdwenen, ne zit geweun verborgen
ik zient zeker… da weet ek… da voel ek… et vormt je

toet wien daj ziet… en ik wilnt je loatn weten
dak je gern zien ol liekt da soms klef en zoender reden
ik zient zeker…. da voel ek… dus hopelijk voelt je ook
en kuj vandaag je schone ik zien, die ergens zit verschooln


Der is hoop, ol zit ie soms e bitje verre weg
der is hoop, ol zit er soms e bitje in de weg
der is nog hoop, ol zitten we no nog dikkerst onderweg
der is hoop… zolang dat dat er is ist er e weg

Der is hoop, ol zit ie soms e bitje verre weg
der is nog hoop, ol zit er soms e bitje in de weg
der is nog hoop, ol zitten we no nog dikkerst onderweg
der is hoop… zolang dat dat er is ist er e weg

Samoerai - Der Is Hoop

NTREK - Heel veel West-Vlamse rappers (feat. Morsdood, MC Equal, Rijmtekkie Spansman, No Exp., Plukketuffer, Rah, Rookwalm, Vorre, Walter Ego, Ja-zon, Samoerai, Redrum, Brihang & Connard)

Beat door Baadasssss
Opnames, mix, master, productie & arrangement door Chillow voor Catharsis Productions

NTREK - Heel Veel West-Vlamse Rappers

woa zien d echte????

Voor de trouwe luisteraars.
Delen mag. Of niet. Don't really care.

Tekst & raps: Nachtkruper
Beat: West Kop
Video: Lenny van skatefilmer_edits

VIDEO: https://www.youtube.com/watch?v=d1RDj1aXkvY&feature=youtu.be

FK 2019.

Ongezien

Produced by Ozi One for Strong Life ent.
Mixed and arranged by Ozi One
Written by Ozi One, Samoerai, Buttnwestn, Tovenoare en Morsdood

Video:
https://www.youtube.com/watch?v=dBGHsogsuCA

contact@stronglife.be
www.stronglife.be

Ozi One - Quarantaine Feat. Samoerai, Buttnwestn, Tovenoare En Morsdood

Tovenoare vs Mc Rizz(Finale)
 Jury: Vorre, Siebrand en Publieksstem.

Stemmen voor de finale kan tussen 19 en 21 november via: www.facebook.com/groups/westvlams

Lyrics:

ik zien de jager en de prooie dat is gie. 
Moate 47 bigfoot in me vizier. 
Grote joengn,met kleene kloten tegen ballen van e stier 
ku gin vuurspuuger versloan aje gemakt ziet van papier(rizzla...) 

Mor tis e goeie voader.kzweiret,uprecht tis echt vint. 
Spietig dat die kleejn van je idder koste recht pissen. 
Kweetn daje herleeft aje eendjes vist up de kermisse. 
Gern up de moto zit zolange dat gin echtn is. 

Ziewieltjes omdaje gin balance et,ier je Go-kart. 
En in podium présence kuje gebruuk maken van yoga. 
2 meter hoge staakstieve robot die bugged. 
Nis nooit nie op tied mor komt de rappe in die kut. 

Met ze sintnikloaj pak,wiltn balzak up ze schoot pakn. 
Moenk iedereen vertellen Danke Sint nikloaj goan doadsloan? 
Nog 1tje in me graf ,de gucht zei tis Corona. 
Want live wast mor e choker die gestikt is in me vocals. 

Liever griesd oar dan e ploate van rizz droaien. 
Je droait ze vierkant,dus je verliesd z'al.(ier blienkwaxe) 
Je shit is nie zo vet,feitelijk weegt er ier niet zwoar. 
Winnoar voe de jury Toet Houdini je in tien zoagt 

Ken e toupet voe je gekocht online up bol.com 
Je wit wel"helpt elkoar"en die vleesklak goat in orde komn 
Shiet m'n uut voe Harry Potter met j'en eierkop van Voldemort. 
Voe e grafische oentwerper en dat hoofd nie vele vorm Bejoat. 

Je represent de stroate nie! Alleen de schieke wieke. 
E ninja aalt wattage nie van e top elektrieker. 
Normaal gif uk piepers,vuustjes,peacetekens en liefde. 
Mor vandaag sniede uk e riesttartje en Oe dieper Oe liever. 

Aje luke niemi wilt kwietspelen oed j'em beter an de lisse. 
Je temt upbloasboare krokodillen,dundee is e flikker. 
Je word opgerokt in rizzla en upgefret in biefstik 
Rizze reset...rizze uut de scène knip. 

Gin weke tied voe research in een eure schriefek battles. 
Ier je kriegt me 50 haters plus me 24 letters. 
En toen nog spittek beter dan die 16 battle rappers. 
Aje verzuipt goa Harelbeke zelfst gin reddingsveste werpen. 

Je zie nie oendergroends mor vliegt de pit in met je zeeoend. 
J'en inoed is een e druppel zeke in e bak van leeggoed 
Kluchtige kabouter klucht is grappig...hihi 
Mor Tovenoare is level up en nie voe sisies 

Easy rizzy,tslachten is biekan gedoan vint. 
Voe mien Zieje de trofee nie,allene mor de oasvis. 
En Wuk is een oasvis die t'opnimt tegen e walvis 
Je zie Achab tegen Moby Dick.ksmietn je liek de voart in 

Kpakn je Woa,wanneer daje wilt. 
Checkt "puur op karakter" 
Nagel je vaste lik Jezus an e kruus met maretakken. 
Ksloan de nagel up de kop,klopn de punchlines up je bakkes. 
De finale is gedoan,mc rizze komt wat achter

DBVW Online 2020 Finale - Tovenoare (vs Mc Rizz)

Project Area 51

In 2021 drop ik elke woensdag een nieuwe track online. Dit zal uiteindelijk resulteren in 51 tracks. De tracks zijn afkomstig van 4 Albums: Boeshido - Up de Golf Vol. II, Ruimte, Eeuwige Student & Rap en vloed. We starten met "Boeshido - Up de Golf Vol. II"

Beat by: Samoerai
Album: Boeshido - Up de Golf Vol. II
Lyrics:

Ik schrievn int West-‘Vlam’s, doamee dat vier is
Elke lettergreep is e vonk dak ant papier klitn
elk woord e flikkering…  en elke zinne
is e kampvier…. woa daj me moatn roend ku zittn

elke track is lik e vurige haard gesticht deur Nero
elke ep, is lik t’inferno die Danté meezoog
en elk album is de vuurwind woa dat de fenix
ut komt vliegen upt moment… dat olles komt tot eenheid

de taal is magisch en das nie enkel e spreuk
want ok ik spreken, lig ek soms e kwart in de deuk
en wil ket deeln, dus gif ek et als gift
vergeef me dak je af en toe beloaden en met e verbaal vergif

kwos nog omgeven deur de giftigheid vant leven
vergiffenis, draait om geven, draait om iemand
up te heven, tis verheven, verheffend, tis vergeven
spreken met verheven stem, en je stembanden smeden

me woorden wegen killos
ze kun soms met moeite deur de punt van me stylo
dus schets ek eerst een context uit wollen stof
zodan  me woorden zonder aarzeling upt canvas nereploffn

kvien de essentie van me leven in de tekens
de karakters, die meer dan juste tekst manifesteren
tzien karakters, ze leven, tzien woare personages
een woordenboek, is e persoon-lijke collage

de letters van us alephbeth, stoan in steen
de tekens an de wand geven us de vraag in 2
we klappen nie tevele, en we klappen toe

want we klappen achter’t gat en we kriegen klappen were




 E zoenderling, die em soms ofzoendert vant de zunne
en zoendigt, zoender dat ie t'wit
e zoenderling, die em soms ofzoendert van de zunne
en zoendigt, zoender dat ie t'wit

Kzien e zoenderling, die em soms ofzoendert van de zunne
en zoendigt, zoender dat ie t'wit
Kzien e zoenderling, die em soms ofzoendert van de zunne
en zoendigt, zoender dat ie t'wit


Ow us, her-upstellen
en uze upstelling
of uptelling
wijzigen

dus droaien
lik de wijzers an e klok
wijzer maken 

tan goa we nieuwe wijzes
van zijn
in uze hor-loges ont-dekken

dan goaw us opnieuw stellen
opstellen
openstellen

on we enkel vertellen
wa da van tel is

oj telkens de tel kent
en de kennis van het tellen

toen gaj hertellen
en uiteindelijk
herstellen


E zoenderling, die em soms ofzoendert vant de zunne
en zoendigt, zoender dat ie t'wit
e zoenderling, die em soms ofzoendert van de zunne
en zoendigt, zoender dat ie t'wit

Kzien e zoenderling, die em soms ofzoendert van de zunne
en zoendigt, zoender dat ie t'wit
Kzien e zoenderling, die em soms ofzoendert van de zunne
en zoendigt, zoender dat ie t'wit

Samoerai - Zoenderling (5/51)

Hip-Hop 24/7 Phatmark!!!

Laten we samen bouwen aan een mooiere wereld!

Samoerai - Panta Rhei

Samoerai

Recent comments

Killyric

AN.2△a。.

Surge Cess

McGyver

Related tracks