MEHRAK (DZZZZ) | PROD:MURK |إنتاج : ميرك   - محراك - دزززز

صورة ل: علاء حسن - ريف حمص نيسان 2010.
www.sheikhphotos.com

-صار لازم نمشي
مافي سما بتساع السر اللي بعيوننا
فحدا عم يكتم.. حدا عم يفشي
وحدا ماسك النهار من شعره
عم يسعره
وحدا لاحق خيطان الشمس بده يقلها كلشي
عن آخر طريق البيت.. وعن آخر ريحة شمها
وآخر شقفة دهان شالها من الحيط
ضل كل ما يموت واحد منا ينقص خيط من عباية الليل
لصار عاري عالسكيت..
آخر رفيق..
عم يحلم بالضو.. لا تقله يفيق
كلما اتسعت الرؤيا
صار المدى يضيق
بحر الخوف كبير
والغريق بيجر غريق
آخر هالطريق آخره
وآخر كل عطش بلة ريق
آخر وصية
بكل حنين خيبة 
عم ياكل من ذاكرتي
فبخبي صورهم بالجيبة
وبتحرقني خاصرتي
يا وجعي يا آم الهيبة
سرحي الليل على شعرك
وطالعي البيت من الشيبة
أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة


-أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
اللي متلي ما اله بيت
اله رفقة واهل وذكريات
صور أخوات نزلت عالحيط
لتفادي عودة هلوسات
اختلاط الآن مع اللي فات
أنا الفرد الشتات
وين ما بلاقي حالي بكون الظرف الغير مؤات
إذا عم بتبيع نسيان هات
اذا للتلميع عنا لسانات
بس خلينا نروح عالغابة نكتشف حيوانات
اللي متلي خلق بمدينة محتلة
اغترب بمدينة محتلة
رجع عمدينة محتلة، لأ مش لغوية العلّة
المحتل والمحتل شلة وراسي السلة وحقي الغلة
بس ما رح مل قبل ما ملي
مساحتي مني
سكرت دينيي لما آدم أنبأ بآسماء
لما فهموا فرويد بدلوا الوحي بالإيحاء
داء مطرح داء آب مطرح آب
شيخ قبل ما شاب ما شاف غير أمر بالكتاب
اللي متلي ما اله جياب لتساع والوطن بشيكات
مافي خرج حط بالجرح توازن بين ميزانيات
أمن وفساد كل ما تنسرق مدارس وتننهب ثروات
تكتر جيبات تكبر هيبات
كان مستحيل يزوجوا بنتهم حطوا صورته لما مات
فعلاً بكوا كتير بجنازته بس من تحت الكمامات
شادي ما سقط، شادي زمط! البلد سقطت
اللي فوته طلعه كرت بإيده بلّعه دلعه خلص منه ولعه
متل ما سلحه شلحه لبسه قلعه بالكلسون
بيتمنعوا وهم راغبون عالتلفزيون بيتصنعوا ما يثير الجنون
ونحن صامتون، مش باقي وطنياً أنا باقي عفوياً
نحن لغوياً مش نحن دموياً.


أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة

أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.

سطور أصولي كتار
ملجأ منزل ودار
بيتي جمع همومي وضهري رصفته حجار
باكل خبزي وبترك الطريق بلا آثار.


الدرويش والراس - بيت بيوت // إنتاج مونما

Run - mellyX, Ray9s

 الراس - خيط الدم // موسيقى ألغام تحت بروكلين

El Rass - Bloodline (Prod. Mines under Brooklyn)

Produced by Muqata'a 
@boikutt

الكلمات:
مين بتمثل عمين بتمثل بتحصل لمين بتوصل بتحبك بتحبك عقياس مين بتفصل؟
بتتماهى بتقبض بتتنصل بتنساها بتتباهى انك كنت وراها وقت استشهدت
وهي وراك وانت حي عميل
وانا وراها وراك وراك والزمن طويل
والليل طويل فبوطوط والحيط رقيق فبوتوت 
عمالقة عمالقة
صناع القضية
عمالقة عمالقة
اسوار القضية
عمالقة عمالقة
اعداء القضية
انت مين؟
انا القضية
المجد للأقزام نحن القضية
بطريق بوطوط ما بطير برفرف
من ليلي بتلشق من صبحي بتأتئ
قال عم يتخانقوا مين بيبني بيتي احسن وهدموا بيتي بالطريق
الشرف ولا الرفاه؟ ايه لا تشرفنا بحضرته ولا ترفهنا بحضرتك
لايك للغريق كايك للغريق وتكون غلوتن فري. 
ربيع الحمية. شتا الجوع وصيف التخمة. ثورة الخريف.
رابط التغيير بامل. تطوير البصر لتقليد العمى. تم اندمل وانتمى بعجل.
خلي الجرح مفتوح طالما الرصاص انوجد وفر قطب حيك لهب. بندعس مرسومه لو موشوم بذهب. مقسوم العتب. بيكفي رسايل بلا عنوان لجمهور الغضب. بكون الغضب بكون الخطر. انا الخطر مش خطير كسليمان الامير. انا امة سميني الخليل. مؤمن بلا ب شكي الدليل. حامل بلا الارض حشد شرطة ومسيل براسي كعبة وفيل بيطير. بطل بالف وجه براسي ام الكتاب اخت ام الاساطير. قال اكتب بسيط للفقير. عندي كفر هالتفكير.متل التيتا برش قبرها زهر ليمون جديد
مع انها قديمة متل الشجر وحية رغم موتها كالضمير
مش عم بيع نموذج نجاح بمقابر ولا تذاكر سياحة زوارق انفاق ومعابر حجاب شفاف تجربة سؤال خاطر نصن براسن مخبرين براسي مخابر بيكتبه كانن مجبرين براسي مخافر لولاها كان فاض المدى وهربه اللي بالحرف مجرمين عمارة مخابئ
علوم تتوقع نهاية عوالمها شرطي يستبق ارتكابه لجريمته باخفاء ضحيته قوانين تتحذلق لتشريع سلطتها تتعلق بالهوا بعد شفير هوتها سمعني صوت شخير قوتنا وانا رح فيق
الذكريات بترجع عشواءيا بس ما في صدفة قال قماشة قال والخيط الما بنشوفه اسمه غيب والرقعة الما بنفهما فوق الفجوة الما بنرسمها اسمها روح...شششت عيب 
اسمه انعدام الرؤية ما اسمه اكتئاب
واللي حجب شطب مقطع من سورة الاحزاب
مدمن الولادة ومش عم افهم لغز حافز الانجاب والتكاثر الا بالهوية مش مجرد البقاء
 سوري منك داروين بس فينا نضلنا اصدقاء

الراس - وطوطة | إنتاج مقاطعة

مراية بنص العاصمة
كلمات و أداء : ابن حواري
إنتاج : مولانا
ضبط صوتي : جندي مجهول
من آلبوم تراكم | خروج إلى الداخل
2017
الكلمات :
الوجوه ضيقة الملامح بتوسع
مرسوم بالقلوب كيف القلوب بتوقع
الأرض مفتوحة بواب العيون مسكرة  
البرد شبعان بالهوا في تفاصيل مجزرة
عالساكت منتعب إذا مرتاح القائد
حصالة الشعب و البلد إناء فارغ
ميت متل خشب كرسي فباقي أمل
خيط للملك للرئيس للزعيم كفن
حانة الأمل مليانة كاس الزعيم 
 بحارب بضمة بحارب العلة بتنوين
حارة المظاهرة أنا إذا أنت شارع حديث 
بحارة و سفينة نوح أنا و أنت بحر صغير
بكندرة البعث صواتون عالأرض داست 
مقبرة الحي مليانة , القبور عاشت
هالمدينة سجن ضيق فيقت فيني حريتي
قتيلك أنا العايش فيكي بتنفس تهديدي
  
.
 

11. مراية بنص العاصمة | مع مولانا

ألبوم جبر السكر  بالإشتراك مع ماهر الحايك
https://soundcloud.com/shaek-88 
وهيكل في أحد المعادلات
https://soundcloud.com/haykalonol


المعادلة هي ببساطة عبارة عن تشابه أي تعبير رياضي مساو لتعبير رياضي آخر. عندما نكتب المعادلة سيكون لدينا تعبير على الطرف الأيسر و تعبير آخر على الطرف الأيمن بحيث يكون بينهما علامة يساوي =, لأن التعبيرين يجب أن يكونا مساويين لبعضهما البعض.


@wardenclyph على الميسكينغ والماسترينغ
وإنتاج معادلتين ال 7 وال 13

معادلة رقم 5 إنتاج الساكن
https://soundcloud.com/sakkken

dallak mateen

معادلة 1  -(ضلّك متين ) -  الميجر و سلّام ناصر

Produced by Jundi Majhul 
Artwork : Hassan Zahra 

Instegram :
https://www.instagram.com/jundi.majhul/
Youtube:
https://www.youtube.com/jundimajhulwatar
Facebook Page:
https://www.facebook.com/Jundimajhulwatar/

جندي مجهول - تِعب الحَي | Jundi Majhul - Te'eb al Hai

Album credits:

Music produced and mixed by Jay Wud
Featuring El Rass on 'Min Wen', 'Omran'
Mastered by Joe Lambert, NY
Artwork by Myneandyours

Omran (feat. El Rass)

produced by stormtrap asifeh
vocals: el7ad , ghard sh3re , stormtrap asifeh

Tijaret Dajeej | ft. El7ad + Ghard Sh3re / تجارة ضجيج | مع إلحاد و غرض شعري

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Omran (feat. El Rass)

Jay Wud

Recent comments

Ali Hazim

Tareq Qteish

as3abuyahya

KungFuBrisk

Related tracks