Isinulat noong ika-30 ng Hulyo, taong 2021, kasagsagan ng harasment at mga ilegal na demolisyon, at presensya ng di-bababa sa isang-daang goons ng Merge Core at Seraph Security Agency na armado ng mahahabang baril sa Lupang Tartaria o Lupang Aguinaldo, na gaya ng Lupang Kapdula at Lupang Ramos, ay mga lupang sakahan sa Cavite na kinakamkam ng mga panginoong maylupa gaya ng mga Enrile, Aguinaldo, Sy, at mga korporasyong tulad ng JAKA Development Corp., Sta. Lucia Realty, National Grid Corporation of the Philippines (dating NAPOCOR) at iba pa.

Ang pinaghalawan na awitin ay Kumustahan, isinulat ng dating bilanggong pulitikal na si Ericson Acosta, isang rebolusyonaryo. 

Kuha ang imahe sa Lupang Kapdula, lupang sakahan sa Dasmariñas, Cavite na kinakamkam ng JAKA Developmemt Corp. at Sta. Lucia Realty ng pamilya Enrile. 

LIRIKO

Maulan pa rin dito, tubig kadalasan
Ngunit kung minsan naman ay mga guwardiya
Pero sa akin ay huwag kang mag-aalala
Ikaw naman kaya ay kumusta na?

Maputik pa rin dito, naaalala ko tuloy
Ang lusong-ahon natin dun sa may Kapdula
Madulas-dulas pa ako't naghahabol ng hininga
Pero masaya habang kasama ka

Iyapos mo na lang ako, pag nakalabas na ng bahay
Ikamay sa mga kasama sa muli mong paghanay
Ihalik mo na lang ako sa liwasa't lansangan
Kumusta na, kumusta na?
Mula rito sa Tartaria

Malamok pa rin dito, pero sa aking hilik
Ay natataboy sila
Kaya't sa balat ko'y wag ka nang mag-alala
Ikaw naman kaya ay kumusta na?

Malamig pa rin dito, naaalala ko tuloy
Ang mga yakap at kulitan nating dalawa
Napakatatag ng 'yong pinamalas talaga
Kahit may balakid ay sumulong ka

Iyapos mo na lang ako, pag nakalabas na ng bahay
Ikamay sa mga kasama sa muli mong paghanay
Ihalik mo na lang ako sa liwasa't lansangan
Kumusta na, kumusta na?
Mula rito sa Tartaria

Kumustahan (Mula Rito sa Tartaria)

Cover gamit ang ukulele ng kapatid ko

Kontradiksyon
Ericson Acosta

  Am                                                                      Em-Am
May paroon at parito ang kagalakan at ang panimdim
  Am                                                                      Em-Am
At bukas hihintayin kung ika’y tunay ngang darating
  F                                                                       Am
Sadyang nakapananabik pambihirang pagkakataon
  F                                                                      Am-G
Na ika’y makasamang muli sa paglusong at pag-ahon

  Am                                                                       Em-Am
Tayong dalawa’y iisa ang panig, kaaway ng isang daigdig
  Am                                                                      Em-Am
Na ngayo'y hinahamon nating kumampi sa’ting pag-ibig
  F                                                                        Am
Bukas man ay kaytagal, daang tulog, daang gising pa
  F                                                                      Am-G
Ilang pagpanaw at pagsilang pa ba ating makikita?

   F                                                                 C         G
Kontradiksyon ang pangalan ng ating mundo
   F                                                     Am-G
sa panahong tiyak palagi ang pagbabago
   F                                                                                   C      G
at dito, magka-ugnay ang mga bagay-bagay gaya natin

   F
Sabihin pang laging magkahiwalay, nagkakalayo dahil kailangan, bihirang magkita pagkat lumalawak
             Am                        G                               Am
ang tinatanaw nating larangan. ang ating larangan.

  Am                                                               Em-Am
At pagkatapos ng bulusok sa daluyong tayo’y uuwi
  Am                                                         Em-Am
at bukas susunduin ka ng oras at lilisang muli
  F                                                          Am
kaya’t kabisado natin yakap ng pamamaalam
  F                                                                      Am-G
na laging may bagong lakas na sa iba ay pinahihiram.

  Am                                                             Em-Am
Bawat pagwasak may kaayusan tayong lilikhain
  Am                                                               Em-Am
ang buhay mong alay sa masa sa aki’y alay mo na rin
  F                                                                                 Am
Bukas ma’y paparating ilang tulog na lang bayan ay gising na.
  F                                                                      Am-G
Bilangin ang pagpanaw na magsisilang ng pag-asa.

   F                                                                 C         G
Kontradiksyon ang pangalan ng ating mundo
   F                                                     Am-G
sa panahong tiyak palagi ang pagbabago
   F                                                                                   C      G
at dito, magka-ugnay ang mga bagay-bagay gaya natin

   F
Sabihin pang laging magkahiwalay, nagkakalayo dahil kailangan, bihirang magkita pagkat lumalawak
             Am                        G                               Am
ang tinatanaw nating larangan. ang ating larangan.

Kontradiksyon (Cover)

#ArtistsFightBack
#LabanKabataan


LYRICS

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

Digong kumusta ang tulog sa Malacañang?
Habang ang magsasaka'y kumukulo ang kalamnan
Sa gutom, sa galit, dahil panay pasakit
Dala-dala mong sa dayuhan ay nagpapagamit

Ang karit ang masa, ikaw ang siyang damo
Bawat unday ng braso ay tagpas lahat kayo
Ang tao, ang bayan, taas ang kamao
Bubulatlatin na ang mga nagbabalatkayo

Kayo-kayo na mga pa-party party lang naman
Pag distracted na ang bayan, parte-parte ang kaban
Ang lakas ng mga tama, pagkakalulong sagad!
'Pag mayaman ay may laya, 'pag dukha kulong agad?

Ang naghahari ay binabayaran lang kayo
Pinapatay mga Pinoy, pinapalaya ang Kano?
Pabagsakin na dahil talagang sagad sa sahol
Bulok na rehimeng hinala ang tagapaghatol

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

Ano ba talaga ang gusto niyo na mangyari?
Puro lang pamamaslang, lahat na lang niyayari
Kamot-ulo na lang pag nabisto ang pakulo niyo
Katu-TUBO, namamatay ang mga KATUTUBO

Sa lupang ninuno, dugo ay tumulo
Putok ng bariles, baon ang punglo niyo
Tinatanggap na lang kahit ano pa yung alok
Kahit pagpatay sa SIYAM na katutubong Tumandok

At SIYAM, patay rin sa Timog Katagalugan
Bang bang! Patay sagad-sagad ang kasahulan
SIYAM-SIYAM! Ang inaabot dito ng hustisya
Paslang, pagkat terorista mismo ay pulisya

Sa ating paghihirap ay mga tuwang-tuwa yan
Dukutin ang mata nilang mga bulag-bulagan
Bulok nilang sistema na pinagluma-lumaan
Wasakin at unahin si Digong tuta-tutaan

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

Digong digong digong! (Tuta tuta tuta!)
Digong digong digong! (Tuta tuta tuta!)
Digong digong digong! (Tuta tuta tuta-gapagpanatili ng sistema na basura!)

(May 2022)

Dutertuta

Sa komemorasyon ng Araw ng mga Maralitang Lungsod kasabay ng ika-159 kaarawan ni Gat Andres Bonifacio ngayong Nobyembre 30, 2022, inihahandog ang likhang-sining na ito mula sa buhay at paglaban ng mga mamamayan ng Sitio Silangan sa lungsod ng Bacoor, Cavite.

#DefendSitioSilangan
#ArtistsFightBack

Dito sa Sitio

A cover of Paalam, written and composed by people's martyr Ericson Acosta. Performed and recorded by Pugay some time in 2022.

Chords and lyrics on https://dokumen.tips/amp/documents/alay-sining-song-book.html

Paalam (Cover)

A cover of Panawagan recorded by Pugay some time in 2021 at a peasant community facing landgrabbing and land-use conversion in the Southern Tagalog region.

(Artwork by people's martyr Parts Bagani) 

Panawagan (Cover)

A cover of the combined Papuri sa Sosyalismo and Bayan Bayan Bayan Ko, performed and recorded some time in 2022 by the Cavite Cultural Alliance for Social Change (CCLASIC) and the Southern Tagalog Cultural Alliance (STCA) at a disputed agricultural land in Cavite with a generations-long struggle for genuine land reform.

This was recorded as a backing track for a protest commemorating the peasant struggle under the Duterte regime; from the early pretentious time of the fascist dictator, to his unmasking and the blatant attacks against the Filipino people such as the passage of the Anti-Terror Law, the Bloody Sunday Massacre, the numerous bombardments of rural communities in the countryside and many, many more.

The chanting also tackles on why the Filipino people, especially the peasantry pursue the path of armed revolution and the people's war as the only genuine solution in addressing and resolving the roots of landlessness, poverty, exploitation, and fundamental problems of the society as a whole. 

"Bayang api! Bayang ginugutom! Bayang minasaker! Magkapit-bisig! Durugin ang kaaway! 
(Oppressed people! Starved people! Massacred people! Chain-up arms! Destroy the enemy!" 


"Iisa lang ang kasagutan! Sa pagpapalaya ng bayan! Kapag pumula ang silangan! Malapit na'ng kalayaan! Kalayaang makakamtan... SA DIGMANG BAYAN! 
(There's only one answer! In liberating our land! When the East turns red! Freedom is near! Freedom that can be achieved... THROUGH THE PEOPLE'S WAR!)"

Struggle for national democracy!

#DiMagagapi
#DiMataloTalo

Photo credit to BAYAN Cavite (Facebook) 

Papuri sa Sosyalismo ng Bayan Ko

Rendisyon ni Pugay ng kantang Hambog, 2023.

HAMBOG

May isang sikat na makata
Na kung magsalita ay laging mayro'ng tugma
Nang aking pinabigkas ang tula ng kagutuman
Ako'y kaniyang tinawanan, at tinawag na hibang

Ako'y may nakilalang isang magsasaka
'Di nakapag-aral ng pagbasa o pagsulat
Nang aking pinabigkas ang tula ng kagutuman
Mga linya ng digma ang kaniyang binibigkas

Pang-aapi, pagsasamantala, at paglaban
Na 'di hamak na mahusay
Sa hungkag na mga tula
Ng hambog na makata

May isang pamosong musikero
Na kung magsalita ay laging mayro'ng tono
Nang aking pinaawit ang kanta ng kahirapan
Ako'y kaniyang tinawanan, at tinawag na hibang

Ako'y may nakilalang isang manggagawa
'Di marunong maggitara o bumasa ng nota
Nang aking pinaawit ang kanta ng kahirapan
Mga himig ng digma ang kaniyang inaawit

Pang-aapi, pagsasamantala, at paglaban
Na 'di hamak na mahusay
Sa hungkag na mga kanta
Ng hambog na musikero

May isang bantog na pintor
Na kaya raw lumikha ng sarili niyang mundo
Nang aking pinalarawan ang kulay ng digmaan
Ako'y kaniyang tinawanan, at tinawag na hibang

Ako'y may nakilalang sampung taong gulang
Sakada sa isang hacienda ng tubuhan
Nang aking pinalarawan ang kulay ng digmaan
Sa puso't isip ko ay kaniyang ipininta

Pang-aapi, pagsasamantala, at paglaban
Na 'di hamak na mahusay
Sa hungkag na mga likha
Ng hambog na pintor

Tunay nga bang sila ang mahuhusay
'Di pa man namamatay, puno na ng mga parangal
O ito'y isang lipunan na sadyang pumupuri
Sa mga hambog, at gahaman

Tunay nga bang sila ang mahuhusay
'Di pa man namamatay, punong-puno na ng parangal
O ito'y isang lipunan na sadyang pumupuri
Sa mga hambog, at gahaman

#ArtistsFightBack
#DiMagagapi

Hambog (Cover)

Erratum:

Matapos ang ilang taon ng pakikipamuhay, pag-aaral, pagtuturo, at pakikibaka kasama ng dakilang masang anakpawis, napagtanto ko sa tulong ng mga kasama at masang nagsuri na may mga mayor na kailangang baguhin sa awit na itong naisulat noong ako'y bagong aktibista pa lamang. Araw mismo ng pagkaorganisa ko noon sa Panday Sining ito isinulat para sa AB Cavite Congress 6 araw na lang ang parating. 

1. "Sa masa at tibak, ang kalaban ay sibak..." — MALI ito dahil ihinihiwalay nito ang aktibismo at masa, gayong ang mga aktibista ay mga organisadong masa. Maging ang mga tumahak sa pinakamataas na antas ng pakikibaka - ang digmang bayan sa kanayunan ay nagmula rin sa hanay ng karaniwang masa, anuman ang uri o sektor na pinagmulan. Ang kilusang mapagpalaya ay isang kilusang masa. Masa ang susi sa pagtatagumpay, mga kasama! Kung hindi malalim na nakaugat sa masa, matagal nang nagapi ang rebolusyong Pilipino. Masa ang lakas! 

2. "Mapa-proletaryo ka man o magsasaka, basta't nakikiisa sa labang 'to, kasama ka!" — MALING-MALI ito dahil sa dalawang bagay. Una, proletaryado at hindi proletaryo ang nais iparating ng linya. Ang proletaryado ang uring manggagawa — uri sa lipunan o social class habang ang proletaryo naman ay tumutukoy sa isang indibidwal — anuman ang uring pinagmulan na nagpanibagong-hubog at niyakap ang proletaryong kaisipang palayain ang uring anakpawis — ang mga manggagawa at magsasaka mula sa kadena ng pagsasamantala sa pamamagitan ng rebolusyong magpapabagsak sa lumang bulok na sistema at magtatayo ng bago, maunlad, at makamasang sistemang nagsisilbi sa uring anakpawis. Sa madaling sabi, Komunista!

Pangalawa (at mas mali) ay ang pagbabanggit na "basta't nakikiisa, sa labang 'to, kasama ka!" — taliwas sa ating linya sa uri o class line. Mga kasama, kaya tayo nag-oorganisa ay para maabot at mamulat ang malawak na hanay ng masa. Dati rin tayong mga "hindi nakikiisa", sa katunayan ay dati kong pangarap ang mag-aral sa Philippine Military Academy at maging opisyal ng Philippine Army. Pero tingnan niyo kung ano tayo ngayon at kaninong interes ang ating isinusulong. Ibig sabihin, hindi lang mga nakikiisa ang kasama natin sa laban. Ito ay laban ng buong sambayanang inaapi laban sa naghaharing uri! Ang mainam sigurong linya, "Halina't makiisa, sa labang 'to, kasama ka!" — ito na ang sinasambit ko saan ko man ito itanghal sa mga sumunod na taon. 

3. "Mga magnanakaw, mga papet ng PUTI." — mababaw na deskripsyon sa imperyalismong Kano (US). Dahil hindi ito whites vs. people of color. Hindi ito laban ng lahi-sa-lahi, kundi uri laban sa uri. Nagsasamantala vs. pinagsasamantalahan, nang-aapi vs. nang-aapi. Hindi rin kinukunsidera ng linyang ito ang mga Puti na uring manggagawa at magsasaka sa Amerika at buong daigdig. At dagdag pa, may naging pangulo nga ang imperyalistang US na Black American, si Obama.

4. Pagmumura (gago) sa kanta — bagaman tunay namang 'ginagago' tayo ng estado, ngunit mababaw itong termino. Ang mamamayan at INAAPI, NILILINLANG, AT SINUSUPIL nito. PINAPASLANG, DINEDESAPARESIDO, SINUSUNUGAN, SINASALBEYDS, NILALAPASTANGAN. Ang termino kasing 'ginagago' ay magagamit mo nga kahit sa simpleng away kalye. "Ginagago mo ba ako?" sabi ng pikon sa kainuman nyang inaasar siya. Liban pa dito, may mga konserbatibong masa na nagpapantig ang tainga kapag nakarinig nito. Maaaring may hindi magustuhan ang mura, pero hindi ang di-pagmumura.

"Nakailang palit na po ba, hindi pa rin nagbago
Napalitan lamang ang tuta, impe pa rin ang mo."
15 sa 16 pantig o vowels ang nagtugma, angas! Kaso, hindi naman alam ng karaniwang mas ang terminong 'impe' for imperyalismo. 

Dapat balanse ang content at creativity. Sinisikap nating maabot ang pinakamalikhain at maganda 'aesthetically' na output habang walang isinasakripisyong mensahe at hindi tumataliwas sa tamang linya at prinsipyo.  Hindi lang ito sa awit o rap kundi sa lahat ng anyo ng sining; biswal man yan, literatura, atbp.

--

Sa piling ng masa,
PUGS

Pagpupugay @ Lupang Ramos Cultural Night (Dec. 21, 2020)

Rendisyon ng kantang Aklasan 1/08/2021.

Mga paglilinaw:

Kanilang hinahanap ang siyang nagsimula
(Nanguna) NG WELGA sa asyenda ng panginoong may lupa

Sa bungo tumagos, ang mga balang (mula) BULAG
sa lupa pumatak ang nagngangalid na dugo

Aklasan (Cover)

Pesante (Cover)

Ang masa, kapag namulat, ay siya mismong uukit ng daan patungo sa kalayaan. 

At ito, ito ay hindi mapipigilang mangyari. 

Ito ay nangyayari na noon pa man hanggang ngayon, at kinakailangan ka rito.

https://youtube.com/@jetpugay?si=1MiRfTv-Uj1PVxkk

Pugay

Popular tracks