THOM MEY

Spotify

Thom Mey-Tshering Lham & Sonam Wangdi[VMUSIC]

Gurma

GARO ZHOEM - DECHEN DORJI & YESHI CHODEN.mp3

องค์ใด (10)

Paytam - Doen-Gye Gyen-Cha - Pages 45-74 Of 74 - By Gasabaa

Drinchen Lama By Khandro Rinchen Peldron

Choe Tayee Tayee..

Gang Dha Khawa

༄༅། །གཡུ་ཐོག་རྩ་གསུམ་དང་འབྲེལ་བའི་ཚོགས་གླུ་རྡོ་རྗེའི་ཚིག་གི་རྒྱུད་མངས་ཞེས་བྱ་བ་བཞུགས་སོ། །

ཀ་དག་སྤྲོས་བྲལ་རྒྱལ་བ་དགོངས་བརྒྱུད་ཀྱི་ཀློང་ནས། །
བདེ་ཆེན་ཆོས་སྐུའི་བླ་མ་སྒྲིབ་གཉིས་ཀྱི་ནད་སེལ། །
ཀུན་བཟང་གདོད་མའི་མགོན་དང་དབྱེར་མེད་ཀྱི་སྨན་རྒྱལ། 
སྐུ་གསུམ་དགོངས་པ་དབྱེར་མེད་ཚོགས་འཁོར་ལ་ཕེབས་དང་། 

མ་དག་འཁྲུལ་སྣང་ཟད་པ་ཆོས་ཉིད་ཀྱི་ཀློང་དུ། །
ཡོངས་དག་ཡེ་ཤེས་དབྱེར་མེད་ཁྱབ་གདལ་གྱི་དགོངས་པ། །
ཡེ་དག་མཉམ་ཉིད་ངང་དུ་རང་གྲོལ་དུ་རྟོགས་པ། །
རྣམ་དག་ཆོས་སྐུའི་མཆོད་པ་མཁའ་ཁྱབ་ཏུ་འབུལ་ན། །

ཕྲ་རགས་བདུད་སྡེའི་གནོད་པ་ཡེ་ཤེས་ལ་ཟད་ཅིང་། །
བརྒྱད་ཁྲི་བཞི་སྟོང་རིམས་ནད་རང་ས་ལ་དག་ནས། །
ནང་གསལ་མཁྱེན་ཆ་མ་འགགས་ཀུན་བཟང་གི་དགོངས་པ། 
ད་ལྟ་མངོན་དུ་འགྱུར་བར་བྱིན་གྱིས་རང་རློབས་ཤིག །

བརྡ་དོན་རྟགས་རྫོགས་རིག་འཛིན་བརྡའ་བརྒྱུད་ཀྱི་ཀློང་ནས། 
ལྷུན་གྲུབ་ལོངས་སྐུའི་བླ་མ་བག་ཆགས་ཀྱི་ནད་སེལ། །
ཁྱབ་བདག་རྡོ་རྗེ་འཆང་དང་དབྱེར་མེད་ཀྱི་སྨན་རྒྱལ། །
ཟུང་འཇུག་ཁ་སྦྱོར་བདུན་ལྡན་ཚོགས་འཁོར་ལ་ཕེབས་དང་། 

གདོས་བཅས་འཁྲུལ་སྣང་ཟད་པ་འོད་ལྔ་ཡི་ཀློང་དུ། །
རྣམ་བཅས་རྣམ་ཀུན་མཆོག་ལྡན་ལྷུན་གྲུབ་ཀྱི་དགོངས་པ། །
སྲས་བཅས་རྒྱལ་བ་འདུས་པའི་དཀྱིལ་འཁོར་གྱི་བཀོད་པ། །
མ་བཅོས་ལོངས་སྐུའི་མཆོད་པ་མཁའ་ཁྱབ་ཏུ་འབུལ་ན། །

ཐ་མར་སྣང་སེམས་བཞི་ཆ་སུམ་བྲལ་དུ་ཟད་ཅིང་། །
འོད་ལྔའི་རང་མདངས་རིགས་ལྔའི་དཀྱིལ་འཁོར་དུ་དག་ནས། 
རང་བཞིན་གསལ་བ་སྐུ་དང་ཡེ་ཤེས་ཀྱི་དགོངས་པ། །
ད་ལྟ་མངོན་དུ་འགྱུར་བར་བྱིན་གྱིས་རང་རློབས་ཤིག །

ཐུགས་རྗེ་རིག་རྩལ་གང་ཟག་སྙན་རྒྱུད་ཀྱི་ཀློང་ནས། །
གང་འདུད་སྤྲུལ་སྐུའི་བླ་མ་དུག་གསུམ་གྱི་ནད་སེལ། །
བཻཌཱུརྻ་སྣང་མགོན་དང་དབྱེར་མེད་ཀྱི་སྨན་རྒྱལ། །
བདེ་དང་སྟོང་པ་དབྱེར་མེད་ཚོགས་འཁོར་ལ་ཕེབས་དང་། །

བདེན་འཛིན་འཁྲུལ་པ་ཟད་པ་ཆོས་ཉིད་ཀྱི་མཁའ་ལ། །
གཉིས་འཛིན་རྟོག་མེད་སོ་སོར་རང་རིག་གི་དགོངས་པ། །
ཏིང་འཛིན་སྟོང་ཉིད་སྙིང་རྗེ་དབྱེར་མེད་ཀྱི་བཀོད་པ། །
ཀུན་འཛིན་སྤྲུལ་སྐུའི་མཆོད་པ་མཁའ་ཁྱབ་ཏུ་འབུལ་ན། །

དུག་གསུམ་རྒྱུ་འབྲས་བཅས་པ་ཆོས་ཉིད་ལ་ཟད་ཅིང་། །
བཞི་བརྒྱ་རྩ་བཞིའི་ནད་རིགས་ལྷག་མེད་དུ་དག་ནས། །
ཐུགས་རྗེས་སྣ་ཚོགས་སྤྲུལ་པ་མཐའ་ཀླས་ཀྱི་དགོངས་པ། །
ད་ལྟ་མངོན་དུ་འགྱུར་བར་བྱིན་གྱིས་རང་རློབས་ཤིག །

བརྒྱད་གསུམ་རིག་འཛིན་བླ་མ་རིགས་ལྔ་ཡི་བྱིན་རླབས། །
ཐེངས་གསུམ་རྟ་སྐད་དབྱངས་སྙན་ཕག་མོ་དང་མཉམ་སྦྱོར། 
རིགས་ལྔ་མཁའ་འགྲོར་བཅས་པའི་བདེར་གཤེགས་ཀྱི་རོལ་པས། 
འཁོར་འདས་གཉིས་སུ་སྣང་བར་རོ་གཅིག་ཏུ་བཞེས་མཛོད། 

རྩ་ཐིག་རླུང་སེམས་དག་པ་སྐུ་གསུམ་གྱི་རྣམ་སྨིན། །
སྒྱུ་འཕྲུལ་ཚེ་ལ་དབང་བའི་རྡོ་རྗེའི་སྲོག་ཐོབ་སྟེ། །
ཕྱག་རྒྱ་ཆེན་པོའི་རང་ཞལ་སྒྲིབ་མེད་དུ་མཇལ་ནས། །
ལྷུན་གྲུབ་རིག་འཛིན་རྟོགས་པ་ཚེ་འདི་ལ་སྩོལ་ཅིག །

རྟོགས་པས་བདག་རྒྱུད་གྲོལ་བ་ཀུན་བཟང་གི་ཀློང་ལས། །
ཐུགས་རྗེས་གཞན་རྒྱུད་གྲོལ་བ་སྨན་རྒྱལ་དང་དབྱེར་མེད། །
མཐའ་ཀླས་འགྲོ་བའི་ནད་སེལ་གཡུ་ཐོག་པའི་འཕྲིན་ལས། །
སྲིད་པའི་ཕྱི་མཐའ་རྒྱས་པར་བྱིན་གྱིས་རང་རློབས་ཤིག །

ཚུལ་དེས་དུས་མིན་འཆི་བའི་འཇིགས་པ་ཡི་ཡིད་མེད། །
ནད་རིགས་བཞི་བརྒྱ་རྩ་བཞི་ཀུན་འཇོམས་ཀྱི་སྨན་མཆོག །
རྣམ་པར་རྒྱལ་བ་སྨན་བླའི་ཕྱག་མཚན་ཉིད་ཇི་བཞིན། །
སྨན་གྱི་ནུས་པ་རྡོ་རྗེའི་རང་བཞིན་དུ་མཛོད་ཅིག །

རྩ་གསུམ་གཅིག་ཏུ་བསྡུས་པ་བླ་མ་ཡི་བྱིན་རླབས། །
བདག་དང་བདག་གིར་བ་ལ་མཐོང་ཐོས་དང་དྲན་རེག །
ཀུན་ཀྱང་སྒྲིབ་གཉིས་རིམས་ནད་ཆོས་ཉིད་དུ་དག་ནས། །
གཡུ་ཐོག་བླ་མའི་གོ་འཕང་ཚེ་འདི་ལ་ཐོབ་མཛོད། །

Music Tashi Wangdi

Gurma for yuthok vajra by Phub Zam

Oi bumo bang kok

Yeshey Tshogyal Toeba By Dechen Wangmo

We’re here to make a difference, to unite people through music.
Come and check out my studio at Motithang, Thimphu or call us at 77460513 ✌🏻

Yeshey Tshogyal Toeba By Dechen Wangmo

JNW_Studios

Recent comments

Tshering Tc Tobgay

Tshering Wangmo 22

S4 chophel

Lopsang Tashi

Related tracks