بيطول الليل .. 
وانا إيدى إزرقت م البرد ..
أنا لسه بكُح وأنا بدخّن .. 
معرفش ده سببه النيكوتين .. 
ولا إنفلونزا ف ليل طوبه .. 
معطوبة عنيا من الوحده .. 
مرسومه ملامحى على الحيطة .. 
وكأنى بمثل فى السيما .. 
دور يشبه دور أحمد رمزى .. 
وجحوده مع بنات حبّينُه ..
أنا عمرى ما حبيت فى حياتى .. 
غير مره ومن يومها بحاول .. 
وبقابل كل يومين واحده .. 
بتعلق جدا من ضحكه ..
ولا بهدى إلا امّا أوصل ليها .. 
وجعتنى عنيّا بنظرتها .. 
فبركز هدفى إنى أغزيها .. 
واول مابتدخل ف شباكى .. 
بركنها مع إخوات سبقوها .. 
أنا شخص حيادى ف نبضاته .. 
لا بحس بلهفة ولا بشوق .. 
ولا طعم البوس اللى بيحرق .. 
بيأثر فى شفايفى أساساً .. 
والحضن اللى تملّى بريدُه .. 
بقى أبرد من طراطيف إيدى .. 
مبقتش أتدفى أما احضنها .. 
ولا حتى بحس بتغيير ..
ده الويسكى بقى بطعم السحلب .. 
لا بيسطل ولا حتى يدفى .. 
ولا حتى بيحرق فى الزور .. 
مع إنى بحب أشربه خام .. 
أنا شخص إتعذب فى الماضى .. 
أنا أبرد من ليلة ف طوبه .. 
لا الحب بقى بنفس الهيبة .. 
ولا قُربه بيشبه للغيبه .. 
ده الحزن ما عادش على مقاسى .. 
ده أنا فايق جدا وبتوه .. 


بيطول الليل

الكلمات للشاعر : 
محمد عبدالله حموده 
https://www.facebook.com/mhmd.abdlla7
مانيش دوريش يادرويشة ..
ولا قلبى اتخلق مدّاح ..
وحبك دنيا مش ريشة ..
ياليل فايت مابعده صباح ..
مانيش فى الشعر علاّمة ..
ولا حالتى لاقى لها علاج ..
وصوفى عشان حاجات ياما ..
لكنى مكنتش الحلاج ..
وحيد فى الذكر مش بمدح ..
وأسبّح فى الحسين وأسرح ..
يارب الخلق لو تسمح ..
أزور الأوليا وأفرح ..
وأبعتر شكوتى بينهم ..
ده مش نقصان فى مغفرتك ..
ده باسم الفضفضة ليهم ..

مانيش درويش : تراك من مشروع "النبي دانيال" و هو مشروع شعري موسيقي، من أشعار محمد عبدالله حموده، ألحان : سرور، موسيقي : أسامة فايز و خالد بسيوني.
إنتاج دار بصمه للنشر والتوزيع ..
التسجيل تم بستديو كلايماكس .
More info : https://www.facebook.com/Mohamed2Sorour/?fref=ts
SoundCloud : @sorourpro



Sorour - Maneesh Darwish / سرور - مانيش درويش (Nabi Danial EP)

ميكس بجوده عاليه لأفضل مقاطع أم كلثوم.

الست ميكس  كلثومى بجودة عاليه

أم كلثوم - فات الميعاد - ستوديو

ريهام عبد الحكيم 
 تتر مسلسل هى ودافنشى
كلمات : محمد الحناوى .

ريهام عبد الحكيم _ تتر مسلسل هى ودافنشى

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان
حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!
ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.
طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!
كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب
أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.
الورث تراب
وحيطان الأيام طين
وعيالك بيك مش بيك عايشين..!!
يو…..ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!
بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.
في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.
ساعتها بس ..
حاتعرف إيه هوّه الموت.!!
أول مايجي لك .. نط
لسه بتحكي لهم بحرى حكاية
فاطنة وحراجي القط..؟
آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.
زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!
قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!
حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟
حاجي ياعمة وجيت..
لالقيت يامنة ولا البيت ..!!

محمد عبدالله حموده

Popular tracks