Hierdie album word opgedra aan elke persoon en sy of haar geliefde wat die stryd teen Kanker gestry, verloor, oorwin het of dit nog steeds die hoof bied. Liedjieskrywers betrokke: Antonie de Jager, Babette Viljoen, Fran Carstens, Jaco Boshoff, Lize Beekman, Monica Maree, Olga Leonard, Salome Smith, Stephan Visagie, Pieter West, Reinhardt Smit, Richelle Grant en Douw Steyn.

Liedjieskrywers vir KANSA in die stryd teen Kanker

LIGJARE ~ Jannie du Toit

"Elke liedjie wat mens skryf, is soos jou eie kind. Party word weeskinders nadat verwerkers en sangers dit beetgehad het. En dan is daar die liedjies wat deel van jou hart bly omdat dit in eerlikheid vasgevang is. Dankie vir elke kunstenaar wat 'n liedjie van my opgeneem het..." ~ Christa Steyn (September 2011)

Ek Wil Vir Jou: Die Musiek van Christa Steyn

Jaco Boshoff het al begin musiek maak van die ouderdom van 6 jaar. In 2008 kry hy die geleentheid om sy eerste album, getiteld "Wa' ek wil wees", op te neem. 

Die album weespieël baie van sy waardering wat hy in die lewe het asook vir die gevoel wat hy vir sy musiek het.

Hierdie kunstenaar glo in sy droom om as ligte afrikaanse musikant 'n verskil te maak in die bedryf. Sy droom maak deel daarvan uit dat elkeen lekker sal kan luister na sy musiek en waarde sal kan vind in sy woorde.

Jaco Boshoff ~ Wa' ek wil wees

Ockie Vermeulen se nuuste album.(Oktober 2013)

"This album is a musical tour de force, and a testament to the fact that unashamedly beautiful music is still created - and in South Africa, to boot! It is often a musical conversation between Ockie and late, great Christa Steyn, with a solid dollop of maestro JS Bach stirred in for good measure. Add to this a world-class level of instrumental performance and orchestral prowess, and all that remains for the listener is to dim the lights and enjoy." ~ Coenie de Villiers, singer/songwriter and TV personality.

Obsession ~ Ockie Vermeulen

'n Voorsmakie van Lochner de Kock se nuutste album. (Oktober 2013)

Haal Asem En Leer Dans ~ Lochner de Kock

JNS Musiek ~ Musiek met Grein.

Jannie du Toit het tydens die vroeë gedeelte van sy musiekloopbaan ’n leemte beleef ten opsigte van die verspreiding van musiek waaraan groot musiekmaatskappye nie aandag gegee het nie. Sy pogings om sy eie “ ’n Liedjie vir jou” in die vroeë tagtigerjare op die mark te kry het gelei tot die totstandkoming van JNS Musiek – ’n musiekmaatskappy wat oor dekades diep spore in die musiekwêreld getrap het. 

Dieselfde behoeftes wat destyds tot die ontstaan van JNS Musiek gelei het, bestaan klaarblyklik steeds en lei daartoe dat talle kunstenaars buite die hoofstroom kwalik met ’n loopbaan kan begin of voortgaan.  ’n Begeesterde span medewerkers wat Jannie se passie in hierdie verband deel, het aangebied om hom te help om die bal weer behoorlik aan die rol te kry nadat die maatskappy vir ’n tyd lank nie nuwe uitreikings gedoen het of in die handel ’n rol gespeel het nie. Die albums sal natuurlik ook in die kuberruim beskikbaar gestel word.

Die oogmerk van die maatskappy bly dieselfde: Om Suid-Afrikaanse nis-musiek ’n ekonomies lewensvatbare staanplek te gee deur samewerking van kunstenaars – oud en jonk – wat hulle primêr toespits op artistieke kriteria. JNS Musiek het vroeër ’n hele geslag kunstenaars se uitsoekalbums op die mark geplaas:  Christa Steyn, Lucas Maree, Coenie de Villiers, Louis van Rensburg, Amanda Strydom, Surendran Reddy, Cutt Glas, Laurinda Hofmeyr, Lize Beekman, Herman van den Berg, Annalise Wiid, Anna Davel en Die Kaalkop Waarheid is deur JNS uitgegee – om maar net enkeles van die 120 te noem.  Daar is ook verspreiding van CD’s vir kunstenaars soos Nataniël, David Kramer en Mimi Coertse hanteer. Die genres waarop gekonsentreer word is klassiek, jazz, kleinkuns, progressiewe rock en kindermusiek. Alle produksies word aan keurpanele voorgelê met die bedoeling om die kwaliteit bo verdenking te hou.  

Die aantal splinternuwe albums van jong asook gevestigde kunstenaars wat binne die eerste maand van JNS se nuwe era gelanseer word klink na ’n damwal wat bars: Lochner de Kock, Herman van den Berg, Annalise Wiid, Ockie Vermeulen, Ramon Alexander, Lieze Stassen, Karin Hougaard, ’n postume album van die briljante pianis Fanie Fouché, asook ’n album wat deur ’n klompie jong kunstenaars ten bate van KANSA gemaak is. 
Deur die jare word ook gevra na die ouer JNS-uitreikings en dit is een van die projekte wat dadelik aangepak word – om weer ’n oplaag daar te stel van ouer albums soos dié van Alida White, Phillip de Vos, Werner Nel, Surendran Reddy, Clarabelle van Niekerk maar natuurlik ook die meer bekende kunstenaars soos Coenie, Louis, Christa, Herman en andere. 

Hou ons Soundcloud profiel dop vir voorskoue van albums wat ons versprei, asook albums wat binnekort gelaunch word!

JNS Musiek

Popular tracks