La cançon de la Hialaira (Abbé Paul Tallez, 1846-1938, Armanhac)

Au ton coenh qu'as un riban blanc,
Blanc, com' nèu au sorelh levant.
Bèra hialaira, bèra hialaira,
Qui hialas deu matin au ser,
Ditz-me perqué ?
Vira, husèth, vira, vira,
Dau matin au ser, vira, vira,
Que cau ua pelha end'abilhar
La mainada qui vam batiar.

Au ton coenh qu'as un riban blu,
Blu com' hlor deu lin madur.
Bèra hialaira, (bis) ...
Que'u cau, quand se mariderà,
Ua camisa nava a s'botar.

Au ton coenh qu'as un riban roge,
Roge com' l'auba quand i a ploja.
Bèra hialaira, (bis) ...
Que'u calerà, quand plorerà,
Un mochoèr ende s'eishugar.

Au ton coenh qu'as un riban negre,
Negre com' un tròç de pèga.
Bèra hialaira, (bis) ...
Que'u calerà, quand morirà,
Un linçòu ende l'enterrar.

Joan Breç

Popular tracks