mix&master by:Moohamed Saeed ardevel
الكلمات:
محدش مضمون متسيبش الباب مورارب
بره الباب الغدر مستنيك فلدعه من العقارب
كلو فيك بيحارب لو يوم عرفو ان انت غايب
آمن للغريب متامنش للحبايب

اكتر حاجه بنحبها هي اكتر حاجه بتكسرنا
وكل اما نحاول نكسبها هي اللي تحاول تخسرنا 
زارو دارنا صلو جارنا بس هما صحبه ضاله
كلنا معاهم عيش وملح والخيانه فانتظارنا

جابو رجلي بالطريقه سهل يقلبو الحقيقه
انا اللي ضامن كدبهم ومقدم المشيئه 
خانو باعو بانو ضرباتهم كانت بطيئه 
والضربه القاضيه كانت جايه من نيران صديقه

حيلي داب غيري اشطر كان بطل كتاب ?
برضو خاب سابو مزروع بين سطوره ناب
نفس الحدوته بس باختلاف الشخصيات
هو يكتب وانا اغير فالضمير واغني راب?

بطل من ورق عالورق والورق كان عجوز
باش الورق والبطل فضل فالسطور محبوس 
بستغرب لما اشوف الضحكه الصفرا علي الوشوش 
بيبوسوني عالافيش? ينهشوني فالكالوس??

دوري فقره بس انا البطل بقالي فتره 
عجزوني ضهري مكسور فيه اكتر من الف فقره
النيه حاضره طعنه غادره بتداريها ضل شجره
نص خطوه وقعت ودمي اتصفي قطره قطره

بتعكز لكن متعجز بنزف والبطوله دوري
علمتني اكون واقف واستني الموت فدوري
دوري مش لحد غيري غيري كان ماسك فديلي 
مستني السر يتدفن دوري يا دنيا دوري

لا لسه حي السر مدفنش متركنش
مش هموت واسيب الكلاب تشبع فيا نهش
لسه فالسيناريو مشهد لسه ريقي متبلعش
لسه باقي طلقه غادره قبل متشيلوني فنعش

نبضي هادي حاسس كل حركه جنب مني
عيني واخده صوره لكل شخص بيجادلني
سامع كل همس كل حس فجأه صوت زناد
والطلقه طالعه من طبنجه تسعه ملي ?

بطل من ورق عالورق والبطل كان عجوز 
مات البطل والورق فضل فالكتاب محبوس
بستغرب لما اشوف الضحكه الصفرا علي الوشوش
بيبوسوني عالافيش ينهشوني فالكالوس

 : https://www.facebook.com/Youssef.joe22 تابعوني علي الفيسبوك

9melie-9ملي.mp3

الصمت غالب والموج علينا قالب
الحظ خايب دايما بنلبس فالمقالب
الف واحد ماسكين دفه لكل قارب
واحنا اللي مقسومين فالمشارق والمغارب

شايل اطنان هموم شايل جبل ذنوب
شايل وعضم كتفي من التعب بدا يدوب
يابلد نفس ادوق طعم الراحه والهدوء
يابلد عالضعيف بس بتحدفي الهموم

عارفين امتي الغلابه تبطل تاكل من الزباله 
لما الناس الزباله تبطل تاكل من الغلابه 
عارفين امتي الفقير وشو يرسم ابتسامه
لما الوطن يديلو عدل حق عيش كرامه 

زحمه يادنيا زحمه خفي شويه الزحام
زحمه وفالنص ماشي حصان من غير لجام
كان اللي كان خلينا نبص للامام
بس اللي سايق مش فايق وفالت الزمام

بقع يقولو عاش خلاص انا جبت جاز
معروف ان النعيم يا فالخليج يا فالحجاز
يااما لقمه حاف يا نقرقش الازاز
يا اما ناكل الحرام ونشربه فكاس

علي بقي مين يرسي العطي غير اللي داق المُر 
غير اللي شايل فوق كتافو هم طول العمر
لملم اللي باقي منو واقف رغم تقل حملو
تميل عليه حيطان الظروف ولسه عوده صلب

كل الشباب بتتسرق كل اللي سارق من النظام
كل الاحلام بتتحرق مش باقي منها عظام
هاتو الورق ومين ومضي هاتو ونادو علي اللي راح
يشوف بلد بتتنهب والدهب بكام الجرام

غرقيني وانكري احبسي وكلبشي
احمي كل كلاب نظامك بس اوعي تختشي
اسمعي وطنشي وارمي اكتر فالسجون
واخده ليه الشباب فحضنك وفضهرو بتنبشي

شايف الف سور شايف ارض بور
شايف احلام الشباب بتدفن فالقبور
فالضلمه نلاقي نور نسعي وراه بجنون
نلقاه نيران محاوطه كل اركان السجون

بقع يقولو عاش خلاص انا جبت جاز
معروف ان النعيم يا فالخليج يا فالحجاز
يااما لقمه حاف يا نقرقش الازاز
يا اما ناكل الحرام ونشربه فكاس

  : https://www.facebook.com/Youssef.joe22 تابعوني علي الفيسبوك

مبتكلمش فالسياسه_do not talk politics

مش هعافر هفضل كافر الحب ملهوش دين
لو عملو اله للعشاق مش هكون من الساجدين 
اسف لو ايماني بكفر معتقداتكو حق
اسف لما هي خانت اسف لما عقلي شت

نفس البدر اللي بينور للصبايا ليل 
هو نفسو سبب جذر ومد الموج فقلب قيس 
ليلي مش مجنونه بتحسبها بالعقل مش مقاييس
الحب اللي تخليها تحبك وتسيب العريس

تيجي نرقص نهرب من الدنيا حبه
ما الجرح فيا وفيك مش هيطيب بالف ورده
هنداوي الحرام بالحرام وكل السكك واحده
هاتلي سكه تانيه تشفي جراح القلب غير المغني

بعتي ليه ظروفك مش تبرير خيانه 
لو قلبك طاوعك تنسي قلبي شايل كل حاجه
ملامح صورتك مش مفارقه عيني بالامانه 
بس عيني مش هتبكي لكل ذكري فكل خانه

لو راجعه شوري نفسك شوفي مين جرح التاني
مين اللي اعتذر مين سامح ومين فضل اناني
مين اللي داس علي الكرامه ومين مكنش داري 
بالمشاعر اللي بتتقتل ومداش فرصه تاني

جفت جفوني لمو اللي باقي مني وكفنوني
حبي مش هيموت فسيبو قلبي وادفنوني
مدافن العشاق مش هتساع كفايه فيها قيس
حتي لو هكون نزار هي مش هتكون بلقيس

متقوليش قسمه ونصيب قلبك هو اللي قسم
ست الحسن يجري وراها الف شاطر حسن
بس انتي اخترتي الحسب والنسب وقلبك قسي
ضاع جمال عنيكي لما عنيكي لقلبي كت محبسه

تيجي نبكي بقالنا كتير بنحكي
المياه تروي بس ورودي من دموعي دبلت
اسقيها مره تضحك اسقيها تاني تسكر 
لايق عليها الدور اكيد تستاهل فيها اوسكار

قلبي نطق من الوجع ولسه برضو ساكت 
عشت محروم من الغرام علشان بدينو كافر 
اتحرمت من الحرام كفروني بالحرام 
قلبي عايش يحكي عني مت كافر بالغرام

لو راجعه شوري نفسك شوفي مين جرح التاني
مين اللي اعتذر مين سامح ومين فضل اناني
مين اللي داس علي الكرامه ومين مكنش داري 
بالمشاعر اللي بتتقتل ومداش فرصه تاني

  : https://www.facebook.com/Youssef.joe22 تابعوني علي الفيسبوك

كافر بالغرام

أحببتُك أكثر مِما ينبغي

Mix master &rec by : Moohamed Saeed

الكلمات:
حابب اني اعيش اسير لو حضنك كان سجني
مش هرفض اكون نقطه فحياتك لو مكتوب بحبرك
كنت خايف تبعدي لو قلت بالعربي اني بحبك
فكنت بغنيهالك كل يوم لكن بالعبري

مهما كان شعورك مش شبيه بمد وجزر موجي
علشان بتحبي ام كلثوم عشقت انا الحان الموجي
انتي كنتي بس حابه تسمعي كلماتي والحاني
حتي لو سخيفه بتحبيها علشان عملتهالك

لوحتي مش فنيه بس رسمتها بقهوتك
فكل اللي شافوها قاللولي انها بتشبهك
بعرف ارسم بس لما بشوفك برتبك
فبفضل احكي عنك فالاغاني واوصفك واكتبك

ازاي رغم كل ده لسه شايفاني بيكي كافر
ازاي قدرتي تقولي علي حبي انو احتلال
ايماني بيكي ميغيرش طبيعتي بكوني شاعر
كتب كل حرف ليكي ومؤمن انو حلال

كان نفسي اكونلك بير وتكونيلي يوسف
كان نفسي اكونلك يم واحضنك مابين ضلوعي
بس انتي عاجباكي عيشه فرعون وعاوزه
لما تبعدي عيوني تبيض من طوفان دموعي

اللي راح مرجعش وانا مش هقبل اكون بديل
اكيد ادق وصف للي بيننا انو كدبه ابريل
قلبك بيت مقدس لكن ساكناه اسرائيل
قلبي كعبه للعشاق والكعبه متتهدمش بفيل

مش محتاج صرح هامان علشان اشوف اثينا 
هكون مبسوط لو حوت بلعني وانتي عايشه عالسفينه
حبيتك فمكه انتي اللي هاجرتي للمدينه
كنت عايش ببني حبنا وانتي اللي هدتينا

باقي اخر شمعه تنطفي ومتكونيش بتول
اللي فاصل بيننا اكبر من جدار عازل وسور 
العرافه قالت النصيب احنا مبنختاروش
فالنار زادت لما النور انطفي من القلوب

الشجر دا من خيالك انتي اللي قطفتي التفاحه
فلو خرجنا من الجنه هيكون بسبب غبائك
لا احنا مش واحد قربك هيزود مشاكل
لو هربتي مش هيسألوني عنك هيقولو تاهت

كان نفسي سهم كيوبيد اللي رماه كان صابك
علي الاقل كنت هبقي ضامن منك حب صادق
كنت بغني ليكي انتي بتقطعي اوتار جيتاري
خايف وانا بموت اشوف علي رقبتي حبل افكارك

كان نفسي اكونلك بير وتكوني انتي يوسف
كان نفسي اكونلك يم واحضنك مابين ضلوعي
بس انتي عاجباكي عيشه فرعون وعاوزه
لما تبعدي عيوني تبيض من طوفان دموعي

 : https://www.facebook.com/Youssef.joe22 تابعوني علي الفيسبوك

I loved you more than i should_أحببتُك أكثر مِما ينبغي.mp3

*فيروز*
وما تيسر من الذكريات الفيروزيه

اسيبكو مع الكلمات:

غمض عينك بعد حقنتين مزيكا وتالت فنجان
وصوت فيروز بتقول شو كانت حلوه الليالي
وعيش ثلاث دقايق تفصل فيها بالالحان
وبعد ما تفتح عينيك شغل الغنيه تاني 

كنا زمان نشغل الغنيه ونسمعها سوا
ونسهر ونغني بصوت عالي ويا نسمات الهوا
وعيوننا تتلاقي فمدار وقلوبنا تدق بانتظام
وبين الدقه والتانيه احنا نرقص عالإيقاع

هربانين من قاع لقاع مبنعرفش نعوم
فبنغرق فالكلام من قبل ما نلف وندور
قبل مانحب بندوب قبل مابنمشي بنتوه
وقت الغنيه بنقول يامايله عالغصون
 
ميلي يميل الهوا ويهز اوراق الشجر
اواخر الخريف واول الشتا تحت المطر
اخدك فحضني وقت ماتشتي الدني
انا لحبيبي وحبيبي إلي 

سكروا الشوارع والبيوت نوروا القلوب*
الهوا مغرور بس حن كرمال العيون
مشتاق لقلوب كنا بنسهر ونعد النجوم
*بتعدي الشهور نتلاقي ونتجمع فالغروب

بنقعد جنب النيل ونحكي ونسهر طول الليل ونشكي
للقمر فيتكسف وتطل الشمس نقوم ونسقي
الشجر مع نسمه الهوا وصوت العصافير بيعلي 
ونتودع بعد الشروق وقت الوداع الحضن بيحلي

ونستني قطر السفر واركب واشاور بالوداع
وابص فجيب شنطي الاقيكي سايبالي جواب
انك هتستنيني العمر كله لو طال الغياب
وان البعيد عن العيون ساكن قلوب العشاق

ساكن ليل من غير بدر بس فقلبي مد وجذر
ممكن مش قدامي لكن بشوفك فالسما كل فجر
بهديلك كل الكلمات والالحان دي مع باقه ورد
واغنيه راجعين ياهوا ارجع ساكن حضنك فالبرد

حكاوي وذكريات تعدي ونفتكر شريط طويل
لما نشوف مكان جمعنا او نمشي فنفس الطريق
القلب بينبض بسرعه والمشهد بيفوت بطئ
فنبتسم ونشغل الغنيه ونتهوه بعيد 

سكروا الشوارع والبيوت نوروا القلوب*
الهوا مغرور بس حن كرمال العيون
مشتاق لقلوب كنا بنسهر ونعد النجوم
*بتعدي الشهور نتلاقي ونتجمع فالغروب

 : https://www.facebook.com/Youssef.joe22 تابعوني علي الفيسبوك

فيروز (ما تيسر من الذكريات)

يوسف  (junior)
ابويا في ذمه الله اتمني تدعوله عن ظهر قلب


youssef mohamed

Popular tracks