علي طاليباب Aly Talibab - يمكن

زياد سحاب ... إنتميت للبرد .. كلمات عمرو أبو زيد

من فرط حبك للإله

الناس نامت , من حفلة القلعه 28 فبراير 2017 .

Dina El Wedidi - El Nas Namet دينا الوديدي - الناس نامت

بنادي عليك 
في حوض السمك
ماتسكن معايا في برج الحمام 
مبعرفش انام لما اشوفك حزين
بنادي عليك في الظلام المبين
وصوتي وصوت الحقيقه اتنبح
بشوفك شبح بس شكلك جميل
كأنك بجد ومش مصطنع
بحبك لانك صريح في المرايه
بحبك حكاية في قعدة سمر 



كلمات والحان وتوزيع وغناء 

SHEKO

Banady 3alek  -   بنادي عليك

أغنية "درجن درجن" من فيلم الكيت كات

كلمات: سيد حجاب - ألحان: سيد مكاوى - غناء: محمود عبد العزيز

Tarbe3a | Dregen Dregen - Live - تربيعة | درجن درجن

شعر : محمد عبدالله حموده 
FB : https://www.facebook.com/mhmdabdalla774
موسيقى وميكساح : أسامة أشرف الدرواني 
FB : https://www.facebook.com/OsamaVO

الكلمات 

#ضيّعت_عُمرك_فُرجة_ع_الأفلام

بدّلت عُمرك بالصحاب، خذلوك ..
فَعَملتهم مزيكا فى الأزمات ..
منهم تراك يشبه لصوت الست ..
بتشغله لوحدك فى نُص الليل ..
يتلمّ كُل اللى إتنسوا حواليك ..
من وإنت عندك لسه ست سنين ..
ولحد آخر شخص مات مقتول ..
ما شَفَعش صمت معاه، فماعاتبتوش ..
كل اللى راحوا إتجمّعوا فى كورال ..
بيرددوا صوت الغياب والخوف ..

" كل اللي غابوا ما اتنسوش بحروف "
" كل اللي غابوا ما اتنسوش بحروف "
" كل اللي غابوا ما اتنسوش بحروف "

كل اللي ليهم ذكريات عندك ..
م المُستحيل حيفارقوا بالمعروف ..
يخلَص تراك الست، يبدأ تراك فيروز ..
يمشوا الصحاب فى الحال ..
يظهر شبحها هناك من آخر الأوضة ..
تطفي الدموع جوّاك، تتبخّر الصورة ..
كات جاية مكسورة، وإنت اللي كُلّه كسور ..
قلبك عمل لك سور، من وقت ما بعدتوا ..
يا للأسف يارفيق، ما بقاش خلاص عازل ..
الذكريات بالذات .. فى الليل بتتنازل ..
ساحة حروب بتدور وإنت الصراع جواك ..
وكأنه فيلم Troy ..
شغلته كالعاده .. وقفلته متضايق .. لمّا البطل بيموت ..
وإنت اللى فيلمك طال .. والليله دي حتموت ..
مرّه .. عشان واحشاك ..
مرّه عشان ناسياك، ومازلت مستني ..
مرّه عشان تفاصيل .. قادرة تسد النيل .. والبُعد كتّرها ..
وفي مرتين ويّاك من ليلة إمبارح ..
سايق عليك الليل .. عيّط عشان تنسى ..
عيّط عشان تقسى .. عيّط إذا حنيت ..
مّذنب .. حقولك إيه ؟
عيل غرامه غشيم ..
بتحب واحده ما تتنسيش في يومين ..
عدّت سنة على نفس هذا الحال ..
بنت ف براءة طفل ليلة العيد ..
م المُستحيل يمحيها حُب جديد ..
وإنت الللي عايش بعدها تجريب ..
نفس السيناريو ف كل ليل تكرار ..
وشيطان ملاكها مايطردوش الزار ..
كان كل مره بيبقى ليك تختار ..
تنساها وتكمّل حياتك نوم ..
بس إنت حُب السيما عندك داء ..
فبتجري تفتح فيلم عربي قديم ..
ضيّعت عُمرك فُرجة ع الأفلام ..
ضيّعت روحك ع اللي راح وماجاش ..
ودَفَنت قلبك فى التراب من عام ..
فإزاي حينبُض وإنت فى الإنعاش ؟
وإن يسألوك لو مرّه ع الأحوال ..
بترد فُل وعال وكلّه تمام ..
رغم إحتياجك لــ اللي مش ويّاك ..
عِزّة كرامتك لسّه باقية معاك ..
أجدع ما فيك إنك بتبكي وحيد ..
وبتحكي حُزنك بس للأفلام ..
#محمدعبدالله

ضيعت عمرك فرجة ع الأفلام _ محمد عبدالله حموده

خلاف نسبي.. يحيي نديم في ساقية الصاوي

صاحبى يا غريب فى الزمن

- م -
 
ماسبيرو أخطر م الرصاص والقصر
 ملّى عنيك بالدم.. قبل الطلوع قدام
 ما تسيبش جيشك تِقسمه الأعلام
 مش كل مين جنبك.. جواه بيهتف مصر
 
- ا -
 
الوقفة جنب النار.. بتقلل الدخان
 إهتف هتاف إبن المكان والظرف
 إضرب بعزمك.. أو ما تضربشي
 إرجع بضهرك.. أو ما تهربشي
 إمسك عصاية ثورتك م الطرف
 التاريخ ضمن الغنايم.. وبيكتبه الكسبان
 
ـ ن ـ
 
نقى دايماً طوب صغير حدفتك توصل بعيد
 نفترق ساعة المطاردات.. أربعات
 نشّن الباراشوت ناحية الصف العريض
 نجرى فجأة.. نردّ فجأة.. نص قوتنا المفاجأة
 ندّم اللى يعورك.. وإقطعله إيد
 
ـ ي ـ
 
يؤتَى الحِذر من مكمنُه
 يأتي الغبي باللص ثم يحلّفه
 يؤتَى الهتاف.. رَّجاً بمن يَهتِفه
 يؤتَى الجدع.. قلبا بما إتجَدعنُه
 
ـ ف ـ
 
فّرق ما بين الجرأة والقلب الحديد... والرمي جوا التهلكة
 فتش بإيد ع المستفيد.. وبإيد عن الصاحب الجدع
 فتّح إذا الناس غمضت.. غمّض إذا نظرك خدع
 فرّغ عياطك ع الصحاب.. دم وخميرة.. مش بكا
 
ـ س ـ
 
سمّي الحاجات دى باسمها.. الكدب.. والخوف... والخيانة
 سجادة المسامير.. تتحط ع الناصية.. غطّيها بالدخان.. ولّع قصادها كاوتش
 سدّ الطريق لورا علشان ما تترددش
 سيب باب لجيشهم يهربوا منه
 سلّم رايات الحلم لحد من سِنُّه
 سلّم قراركو لأكتر كفّ عرقانة
 
ـ ت ـ
 
تبّت يدا من ساب رفاق المعركة بطولهم
 تمن القضية اللي اندفع مبقاش يجوز يرجع
 تتعب تبص ف عين.. اصحابك الطايرة.. شوف مين من الآخر دفع.. لو زيهم.. إدفع
 تلت الرصاص نحو العدو.. تلتينه للخاين.. الطعنة جاية من هنا مش من هناك
 تعب النهار دة غير تعب بكرة.. الوقت مش دايما معاك
 تحتك فيه ناس عاوزة الأمل.. مش عاوزه؟.. سيبهولهم
 
ـ و ـ
 
وسّع الجبهة لو انتوا كتير.. وضّيقها لو إنتوا أقل
 ولع شماريخ وسطكوا أول ما تلقى الرتم قل
 وقّع لمض كل العواميد اللي كاشفة ناحيتك
 وّدي الإعاشة قبل ما تدوق لقمتك
 وجّب مع السكان وأهل المنطقة..
 حتى لو فاهمين غلط.. فيه ناس كتير متلخبطة..
 إكسب عدد.. وإكسب غطا
 وزع عيونك فوق وتحت.. وخاف من اللي يصوّرك
 وطّى وعينك باصّة فوق ع الطوب وإلا يعوّرك
 وقّف إذا سحبوك على شارع طويل
 وفّر بديل
 وافق على الهدنة إذا سحبوا الكلاب
 لو سابوا خليك انتا آخر حد ساب
 واحد بيفرق ف العدد جدا
 وعشان كده..
 أول ما تلقى إن الصفوف ناقصاك..
 وسّع مكانك... للي جاى وراك
 


المانيفستو - مصطفى ابراهيم

الصبر بيزوِّد دموعي مابينهيهاش
والصُحبة بتمهِّد طرُق لفراق ماجاش
راعباني فكرِة إني اكمِّل عُمري وحدي
 !وراعبني أكتر إن كل الحب فيا يروح بلاش

خلاف نسبي.. يحيي نديم في ساقية الصاوي

Joe diab

Related tracks