"شغل جنان"

ليه تفضل على طول متشرد
ف شوارع دبلت اساميها
ارفض حاول غير حرض
هد الدنيا عشان تبنيها

فك قيود الليل من روحك
واخلق شمس بتتمناها
واتصاحب على طعم جروحك
واتعلم تضحك وياها

ليه بتسيب الخوف يتأمر
على قلبك ف الضلمة يوماتي
بحلق برق زعق زمر
قوله مالكش مكان فى حياتي

قوله مالكش مكان ف حياتي
قوله مالكش مكان
هاشطب ليلك من حكاياتي
قبل ما فجري يبان

اكره اصرخ كسر دمر
ماتغمضش ف لحظة عيونك
حلمك مهما يعيش و يعمر
لازم يجي ف يوم ويخونك

قول لدروبك مهما تضيقي
مهما تعاندي و تقسى عليا
برضه هاكمل باقى طريقي
عمر ما كان المشي خطية

عمر ما كان المشي خطية
ولا كان شغل جنان
هارفع راسي واحط ايديا
على كتف الأحزان

-----------------------------
كلمات والحان : أنطونيوس نبيل

شغل جنان"  حفل روابط رمضان 2012"

لمشاهدة الفيديو كليب:
https://youtu.be/dU4VYTsXbz4

اضرب صحوبية مع الأحزان
واتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها دانا حاسس إني وحيد
وقلوب الناس شايلالي جراح
لو لسه ف عيني الفجر بعيد
ف عينيكي طريق الحلم براح

اضرب صحوبية مع الأحزان
و اتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها مخنوق مش لاقي كلام
وانتي اللي رسمتي دموعي حروف
حلّفها بكرهك للأيام
ماتسيبش ف قلبك نقطة خوف

واسألها كمان عن أحوالها
دوّر على نكتة تقولهالها
ماتكونش الصفر على شمالها
خطّي و خلّيها تخطّي معاك
ويا الأحزان هتكون إنسان
جايز يتحول يبقى ملاك
ويا الأحزان هتكون إنسان
أحزانك أجمل شيء جواك

---------------------------------
كلمات والحان : انطونيوس نبيل
توزيع : وليد ميمني
جيتار: طارق حمودة
 كمان: محمد علي
وائل رزق
كولا: رأفت فرحات
ميكس وماستر: ميشيل عبد الملك

اضرب صحوبية مع الأحزان - جوني وإيمان فؤاد

لسماع الاغنية الاصلية: ذبح الياسمين ,كاملة أضغط على اللينك التالى 
https://soundcloud.com/johnny-singer-81/g25agn46kftc

إذ نَسِينا
أنَّ شَرَّ الكُفْرِ ذَبْحُ اليَاسَمينا
كافرينَ
كَمْ سَفَكْنَا العِطرَ فِي مَبغَى التِّجَارة
إذ نَسِينا
أنَّ ربًّا قد تَجَلَّى بوَجهِ لينا
حينَ غنَّتْ
صَلَّتِ الأزهارُ عِشْقًا
والمَلائكُ سَاجِدينا
حينَ أنَّتْ
شُقَّتِ الفِردَوْسُ شَقًّا
صَعَّدَ الكونُ الأنينا
أينَ لينا؟
إنَّا بالأشواكِ تَوَّجْنا النَّهَارا
أينَ لينا؟
قد صَلَبْنَاها ونَصْلُبُها مِرَارا
وبَقِيناً

كلمات وألحان: أنطونيوس نبيل
(بالاستعانة بمقطع من "أطفال الحجارة" للراحل الرائع: نزار قبَّاني)

في ذكرى لينا النابلسي - جوني

مدام نُص الوطن قُضبان
ونصُّه التاني ع الصُلبان
..لابد يا خطوتي نجازف

مؤكد إننا هـ نتوه
مابين صرخة ألم مشبوه
.. وبين ضحكة أمل نازف

مؤكد إننا م الخوف
هـ ننكر جرحنا المكشوف
.. ونعلن مية جدار عازل

لكن جايز نلاقي "الشاش"
ف ريحة بنت مجنونة
.. بتغرز نبضها المسنون
   ف تكشيرنا

نخاف، نهرب، ماتستناش
تمدّ إيدين يضمُّونا
.. نلاقي عينيها سايعة الكون
   نساع غيرنا

مايبقاش الطريق مبدور
بعُهر وذُل وخيانة
مايبقاش الوصول للنور
تابوت للشمس جوانا

مايبقاش الرحيل مكتوب
على الحلم اللي عاش مصلوب
.. عشان ماقبلش يتنازل
-----------------------------
كلمات: أنطونيوس نبيل
ألحان: عمار سيد
توزيع: جون إسطفانوس
جيتار: مصطفى أصلان
قانون: ماجد سرور
كلارينت: حموسو
ميكس وماستر: ميشيل عبد الملك

لكن جايز - جوني ومريم حلمي

يا ليتَ قاسيةَ الفؤادِ ترفقَتْ .. بمُتيّمٍ لمحَ الجمالَ فذابا
ما ضَرَّها لو أنها ابتسمَتْ لهُ .. فلَرُبَّ مبتسِمٍ ينالُ ثوابا

صباحُكمْ طِفلةٌ تَلهو بلُعبتِها
ولونُ أسنانِها مِن لونِ حَلواها

أشِعّةُ الفجرِ تحكي نُورَ بَسمَتِها
ونفحةُ الصبحِ تحكي طِيبَ ريّاها

في طاقِها بلبلٌ يُصغي لِلَثغتِها
حتى إذا هَزّه الإعجابُ غَنّاها

أكادُ أقسِمُ أن الحُسنَ أجمَعَهُ
ما كان إلا انعكاساً عن مُحَيّاها
------------------
حضور مميز للفنان : محمود فليفل
كلمات: فواز اللعبون قدموس
ألحان: يوحنا فكتور
توزيع: جون اسطفانوس
جيتار: مصطفى أصلان
بيز جيتار: أحمد رجب
كلارينت: حموصو
ميكس وماستر: ميشيل عبد الملك

Sabahokom - Johnny | صباحكم - جوني

لمشاهدة الفيديو
https://youtu.be/X_jcBlUX5eo

هلا هلا ليا وهلا هلا ليا      عيني يا البنية
يا نار قلبي اشعلي        واشوي لحم نيه

لأطلع عراس الجبل        وأشرف على الوادي
وأعد نجوم الظهر        أزواجي وأفرادي
يا ربي يزخ المطر       تيغرق الوادي
وأحني ظهيري جسر     وأقطعِك لي

طلعت يا محلا نورها      شمس الشموسي
يلا بينا نملا ونحلب     لبن الجاموسة

قاعد عالساقية يا خلي       يا أسمر يا حليوة
عوج الطاقية وقلي      غنيلي غنيوة
قلتلو بقلبي يا خلي       يا أسمر يا حليوة
قدملي وردة وقلي       حلوة يا عروسة

محلا هوا بيتكم   محلا قعودي فيه
لولا هوى بنتكم   ايش أنا إلي فيه
لو كان الهوى باللحم   لقطعو وأرميه
بس الهوى في العظم    ويش طالع بإيديه 

ندر علي يا خلي   لو يصفى شوقي
لأطبخ ملوخية وأدبح   جوزين عتاقي
وأعمل صينية فيها   فطير ورقاقي   
ومهلبية وأعزم     أهلي ورفاقي

طالعة من بيت أبوها   رايحة لبيت الجيران
فات ما سلم علي    يمكن الحلو زعلان

قلتلها يا حلوة ارويني   عطشان مية اسقيني
قالتلي روح يا مسكين   ميتنا ما تروي العطشان

قلتلها يا حلوة ارويني   على طولتش فرجيني
قالتلي روح يا مسكين   يا طولي يا زرعة ريحان

طالعة من بيت أبوها   رايحة لبيت الجيران
فات ما سلم علي    يمكن الحلو زعلان

قلتلها يا حلوة ارويني   على عيونتش فرجيني
قالتلي روح يا مسكين   عيوني يا عيون الغزلان

طلعت يا محلا نورها      شمس الشموسي
يلا بينا نملا ونحلب     لبن الجاموسة
 
هلا هلا ليا وهلا هلا ليا      عيني يا البنية
يا نار قلبي اشعلي        واشوي لحم نيه
---------------------------------------------
الكلمات والألحان من التراث العربي
توزيع: جون اسطفانوس
جيتار: مصطفى أصلان
قانون: ماجد سرور
براس سيكشن: مجموعة محمد سواح
مزمار: سيد الحسيني
كورال: أحمد عبد السلام
أسامة الخولي
ميكس وماستر: ميشيل عبد الملك
فريق عمل الفنانة عبير صنصور
تصوير: مجموعة باور 
power group
 ملابس : مركز التراث الفلسطيني / بيت لحم السيدة مها السقا 
كوافير ومكياج: صالون موسى الهريمي
فريق عمل الفنان جوني
تصوير: أنطونيوس باسيلي
مساعد مصور: بسمة فرح
Magic Eye Studio
شكر خاص فرقة الفالوجة / القاهرة
 شكر خاص السيد مجدي الشوملي

عيون الغزلان - جوني وعبير صنصور

معنى الحكاية


رَماني الدّهرُ بالأرزاءِ حتى
فُؤادي في غِشاءٍ مِنْ نِبالِ

فَصِرْتُ إذا أصابَتْني سِهامٌ
تكَسّرَتِ النّصالُ على النّصالِ

وهانَ فَما أُبالي بالرّزايا
لأنّي ما انْتَفَعتُ بأنْ أُبالي
.......

سألتْ جروحي عنّ معنى الحكاية
مافيش غير الصَدى جاوب سؤالي

مانيش عايز أكون ضحكة فـ مراية
ولا مراية لملامح مرسومالي

أنا رافض يكون الخوف دوايا
وما اقبلش الحيطان تُسكن خيالي
.......

رَماني الدّهرُ بالأرزاءِ حتى
مافيش غير الصَدى جاوب سؤالي

فَصِرْتُ إذا أصابَتْني سِهامٌ
بالاقي إن السهام متألمالي

وهانَ فَما أُبالي بالرّزايا
وما اقبلش الحيطان تُسكن خيالي

أنا رافض يكون الخوف دوايا
لأنّي ما انْتَفَعتُ بأنْ أُبالي




-----------------------------
كلمات
الفصحى : أبو الطيب المتنبي
العامية: أنطونيوس نبيل
الحان : أنطونيوس نبيل
توزيع : وليد ميمني

معنى الحكاية - جوني و عبير صنصور

على خيوط الأمل - جوني، من فرح أنطونيوس وبسمة

فيا بحراً تدغدغه مجاديفي
هنا أغفو هنا أرنو
صلاتي هاهنا أتلو
..مجردةً من الزيفِ
هنا خبأتُ أحلامي من العفنِ
عظامي الآنَ ترتجفُ
فكُن كفني

فكُن ما شئت –إن شئتَ-
فكُن ذئباً وكُن حملاً
وكُن -إن لم تشأ- أنتَ
ولكن لا تكُن أملاً
..يعانقُ "سينَ" تسويفي

فيا بحراً تدغدغه مجاديفي

فيا بحراً يناصفُني ابتساماتي
..وشطاً غامَ تحت مقاصل "الذاتِ"
نبشتُ رمالَك الزرقاءَ
..أبحثُ فيكَ عن تابوتْ

بَخورُ الموجِ أصواتي
..تنمنمُ لحمَها المنفيّ بالجُرحِ
أنا خرسٌ تخضبَ فيك بالمِلحِ
أنا أحيا لأن الروحَ
..ما باقٍ بها فيموتْ
----------------------------
كلمات: أنطونيوس نبيل
ألحان وتوزيع: ريمون صقر
ميكس وماستر: ميشيل عبد الملك

فيا بحرا - جوني

اتعلِّمتْ أهرب من قلبي ومن إحساسُه
اتعلِّمتْ قُصاد أحزانِك ما اتألِّمش
مهما سهرتْ ومهما عيوني فـ ليلِك قاسوا
اتعلِّمتْ أداري دموعي وما اتكلِّمش

كُنتْ بأعيش علشان مايموتش فـ قلبي هواكي
كُنتْ بأموت علشان فـ عيونِك نفسي أعيش
قولتْ أعاتبِك وأعرف إيه آخرتها معاكي
خوفتْ تردِّي عليَّا بضحكة وما تجاوبيش

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي

كان فـ لُقانا الوقت بيتعب من مشاويرنا
كُنَّا بنسبق أبعد حلم ونستنَّاه
وآدي طريق الشوق بيسلِّم روحُه لغيرنا
وإحنا مسيرنا نفارق روحنا عشان نلقاه

جايز أندَّم إنِّي فـ يوم ماقدرتش أسامحِك
جايز أندَّم وأرجع أحنّْ لحُضنِك تاني
جايز ألمس صورتِك لمَّا أحسّْ بجرحِك
بس لا يُمكن أغنِّي بصوتِك عن أحزاني

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي
-----------------------------------
كلمات والحان : أنطونيوس نبيل
توزيع : محمد يسري
وتريات: محمد يسري
جيتار: روكيت
شيللو: محمود صالح
ابوا: وسام
ميكس وماستر: ميشيل عبد الملك

اتعلمت - جوني

لسَّه عايشة

لسه عايشة فـ قلبي لسه
نبضة معجونة بحنين
أوعي تفتكريني هـ أنسى
لو غيابِك طال سنين

الزمن بينِك وبيني
علَّى أسوارُه الحزينة
بس ممكن تحضنيني
لما تتشبِّك إيدينا
جوَّه حلم
دموعنا فيه بتطرح ورود
فيه بأقابلِك
من ورا عيون الوجود

الغياب هـ يكونلُه معنى
لو ماكونتيش حتَّة مني
كل جرح فـ يوم جمعنا
بين شفايفِك قام يغني
جوَّه حلم
دموعنا فيه بتطرح ورود
فيه بأقابلِك
من ورا عيون الوجود

مش هـ أقول إنِّك بعدتي
مش هـ بان قدام عيون الناس حزين
دا اللي عايش م الحقيقة هوَّ إنتي
والبشر هُما اللي يمكن ميتين
-----------------------------------
كلمات والحان : أنطونيوس نبيل
توزيع : وليد ميمني
شكر خاص لـ مريم حلمي

Lessa 3aysha - Johnny |   لسَّه عايشة - جوني

In Your Splendid Eyes
I hoped to hide
From my boring daily fears
And thoughts of suicide

مسجون وحضنِك هو شباكي
من كتر خوفي وكتر أحزاني
خايف أبص ورايا ألقاكي
تايهة فـ طريق نساكي عنواني
------------------------------
كلمات: أنطونيوس نبيل
ألحان: بسمة فرح
توزيع: بولس جرجس
شيللو: محمود صالح
فلوت: سوسنة ريمون
حضور مميز للفنانة: ريم نسيم
ميكس وماستر: ميشيل عبد الملك

Splendid Eyes - Johnny | عينيكي - جوني

           شغل جنان

ليه تفضل على طول متشرد
ف شوارع دبلت اساميها
ارفض حاول غير حرض
هد الدنيا عشان تبنيها

فك قيود الليل من روحك
واخلق شمس بتتمناها
واتصاحب على طعم جروحك
واتعلم تضحك وياها

ليه بتسيب الخوف يتأمر
على قلبك ف الضلمة يوماتي
بحلق برق زعق زمر
قوله مالكش مكان فى حياتي

قوله مالكش مكان ف حياتي
قوله مالكش مكان
هاشطب ليلك من حكاياتي
قبل ما فجري يبان

اكره اصرخ كسر دمر
ماتغمضش ف لحظة عيونك
حلمك مهما يعيش و يعمر
لازم يجي ف يوم ويخونك

قول لدروبك مهما تضيقي
مهما تعاندي و تقسى عليا
برضه هاكمل باقى طريقي
عمر ما كان المشي خطية

عمر ما كان المشي خطية
ولا كان شغل جنان
هارفع راسي واحط ايديا
على كتف الأحزان


---------------------------------
كلمات والحان : انطونيوس نبيل
توزيع : سامو

شغل جنان - جوني

كنت ميت غصب عني
من تابوتي طلعتلك
قلبى كان رافض يغني
من وراه جيت قولتلك
شمس غير الشمس ديه
بين عيونك متداريه
كل ما ألقى الليل قصادي
الحيطان بتدوس عليا
نفسى مرة لما أنادى
تلمسي بنورك عينيا

تسرقيني من كياني
تخلقيني حد تانى
حد مش مخلوق لجرحه
حد بيعاند ظروفه
بس لو صارحك بخوفه
ضحكتك تقدر تسامحه

حد لما بتندهيله
خطوته بتسبق شفايفك
رغم حزنه و رغم ليله
لسه جوه الحلم شايفك

--------------------------------
كلمات والحان : انطونيوس نبيل
توزيع: جون اسطفانوس
جيتار: مصطفى أصلان
بيركشن: ضياء بدر
حضور مميز للفنانة: ريم نسيم

آخر نقطة شمس - جوني

أنا الصرخة

مانيش قادر 
أغادر
شطِّك الهادر
وأخلَّص جدري من طينِك
ولا قابل أقول توتة
وخلصت بينَّا حدوتة
وأنا أحلامي منحوتة
على جبينِك
أنا الطير اللي باني العش
فـ غيومِك
أنا البُقعة اللي مابتوجعش
فـ هدومِك
وأنا الصرخة اللي زارت
كل زنازينِك

مانيش قادر

-----------------------------
كلمات والحان : أنطونيوس نبيل
توزيع : محمد يسري

أنا الصرخة - جوني

عمود النور

عمود النور يا منسي فـ النهار والع
تبان مهزوم لكنك بالفشل راضي
بتفرد ضلَّك المجروح على الشارع
وتنزف ضيَّك الشاحب على الفاضي

عمود النور يا منسي فـ النهار والع

ماحدش حَسّْ بحضورَك
من الماشيين
وفكَّر إن فـ سكوتَك ألم بارح
ولا شاف انعكاس نورَك
على الفتارين
وقال مسكين ماداقش النوم من إمبارح

عمود النور يا منسي فـ النهار والع

طوفان الناس بيجرح
فـ الطوفان بنضيع
وضيَّك نبضة معجونة بعطش لاذع
يا شجرة مستحيل تطرح
فـ أي ربيع
حديدَك همس تحت الشمس بينازع

عمود النور يا منسي فـ النهار والع
----------------------------------------
كلمات والحان : أنطونيوس نبيل
توزيع : وليد ميمني

عمود النور - جوني و مريم حلمي

على خيوط الأمل

على خيوط الأمل فيكي
أنا اتشعلقت
لمحت الحب فـ عينيكي
أوام صدقت

حلمت تكون بيبان فرحي
فـ حُضنِك لسَّه فاكراني
حلمت تسيلي فوق جرحي
مطر يغسلني من تاني
مطر يمحي ما بينَّا فروق
ماكنش وجودها بإيديَّا
يفجَّر بين ضلوعي شروق
ينوَّر كل شيء فيَّا

أكون شايفِك وأكون سامعِك
وأكون وقت اللُّقا شوقِك
وأكون ساعةْ الألم دمعِك
وأحسّ بنبضي فـ عروقِك
أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا
-----------------------------
كلمات والحان : أنطونيوس نبيل
توزيع : وليد ميمني

على خيوط الأمل - جوني

video Clip: https://youtu.be/Fzxo3xedCgk
أنا يا حبيبتي يادوب لسَّه عيِّل
وهمّ السنين كتير مش قليِّل
بتجرحني كلمة وتحييني كلمة
بتدبحني كلمة وتحييني كلمة
بأحبِّك يا كلمة ما تعرف تخون

من العتمة طالعة وماحلا غُناكي 
يا ميت نجمة والعة فـ بُعدِك هلاكي
فـ حُضنِك بأنام وبأنسى الآلام
فـ حُضنِك بأنام وبأحلم أوام
وريحتِك حنان بيسكِر عيون

وجايلِك وشايل قلبي العليل
أبو دموع شوارع لمليون ذليل
بيسروا فـ جوانحي فـ نبضي وملامحي
بيسروا فـ جوانحي وبيلمُّوا جرحي
ضُمِّيهم عشان يهدُّوا السجون

وطالع وقاصد ربّ الآنام
ومن قلب حارة فـ برد الزحام
لقيتِك قُصادي يا عود فُلّ نادي
لقيتِك قُصادي يا شهقة فؤادي
حورية وطالعة بتروي اللمون

أنا يا حبيبتي جريء بس عاجز
ولمَّا الطريق بيطرح حواجز
بأندهلِك وأخطِّي كام حاجز يوطِّي
بأندهلِك وأخطِّي كام حاجز يوطِّي
ألقى عينيكي شطِّي يا بحري الحنون
....................................
كلمات: الشاعر الراحل عمر نجم - أنطونيوس نبيل
ألحان: أنطونيوس نبيل
توزيع: رفيق عدلي
جيتار: مصطفى أصلان
ميكس وماستر: ميشيل عبد الملك

أنا يا حبيبتي - جوني

اتعلِّمتْ أهرب من قلبي ومن إحساسُه
اتعلِّمتْ قُصاد أحزانِك ما اتألِّمش
مهما سهرتْ ومهما عيوني فـ ليلِك قاسوا
اتعلِّمتْ أداري دموعي وما اتكلِّمش

كُنتْ بأعيش علشان مايموتش فـ قلبي هواكي
كُنتْ بأموت علشان فـ عيونِك نفسي أعيش
قولتْ أعاتبِك وأعرف إيه آخرتها معاكي
خوفتْ تردِّي عليَّا بضحكة وما تجاوبيش

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي

كان فـ لُقانا الوقت بيتعب من مشاويرنا
كُنَّا بنسبق أبعد حلم ونستنَّاه
وآدي طريق الشوق بيسلِّم روحُه لغيرنا
وإحنا مسيرنا نفارق روحنا عشان نلقاه

جايز أندَّم إنِّي فـ يوم ماقدرتش أسامحِك
جايز أندَّم وأرجع أحنّْ لحُضنِك تاني
جايز ألمس صورتِك لمَّا أحسّْ بجرحِك
بس لا يُمكن أغنِّي بصوتِك عن أحزاني

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي
-----------------------------------
كلمات والحان : أنطونيوس نبيل
توزيع : محمد يسري


جايز أندم - جوني 2015

جسر عودتكم - جوني و مريم حلمي

مهداة إلى روح الشهيدة:
        لينا النابلسي
(26 January 1959 - 16 May 1976)
-------------------------------------------
Official Video Clip:
https://www.youtube.com/watch?v=k6QOHFTzZvM

أحبائي برمشِ العَينِ
أفرشُ دربَ عودَتِكُم
برمشِ العَينْ
وأحضُنُ جُرحَكُم
وألُمُّ شوكَ الدَّربِ
بالكَفَّينْ
ومِن لحمي
سأبني للمُنى جسرًا
على الشَّطَّينْ

كاتم أنيني.. يابا
متل العبيدِ.. يابا
والليل فـ عيني.. يابا
جُدران حديدِ.. يابا
ريحةْ تِيابكو.. يابا
فـ القلب عيدِ.. يابا
نبضي فـ غيابكو.. يابا
مُرّْ العديدِ.. يابا

قلبي انشطر.. من لهفتي إلكم
غِربان عِطاش.. ناطرين على كتافي
قالوا المطر.. مشَّط جدايلكم
توَّه الفراش.. رفرف على شفافي

أحبائي برمشِ العينِ
أفرشُ دربَ عودَتِكُم
برمشِ العَينْ
وأحضُنُ جُرحَكُم
وألُمُّ شوكَ الدَّربِ
بالكَفَّينْ
ومن لحمي
سأبني للمُنى جسرًا
على الشَّطَّينْ

الخوف راجفني.. يابا
متل الطريدِ.. يابا
راشق فـ جفني.. يابا
طيفكو البَعيدِ.. يابا
من يوم غيابكو.. يابا
شاب الوريدِ.. يابا
يوم ما ألقى بابكو.. يابا
هـ أرجع وليدِ.. يابا

شارد سنين.. بصحاري هالغُمَّه
صَمْت الرمال.. زعقِة حنين ليكم
وجِّي الحزين.. مين غيركو هايضُمَّه
راكعة الجبال.. تُلثُم خطاويكم
---------------------------
كلمات وألحان: أنطونيوس نبيل
(الفصحى للراحل الرائع: توفيق زيَّاد - بتصرف طفيف)

توزيع: وليد ميمني

رؤية فنية: أنطونيوس نبيل

إخراج: أندرو إسحق

جسر عودتكم - مهداة إلى روح الشهيدة لينا النابلسي

كلمات وألحان  ورؤية: أنطونيوس نبيل
(الفصحي للراحلين: إدريس جمّاع ونزار قباني)
توزيع:  وليد ميمني

الأغنية مُهداة إلى الذين يؤمنونَ بأن خلاصَ العالمِ مرهونٌ بالعُشَّاقِ وحدهم، إلى الذين يحاولونَ إيقافَ الحُروبِ البغيضة بأغانيهم الصادقةِ المدجَّجةِ بالقُبلاتِ الوالهة - أنطونيوس نبيل
..............................

هو: لَكِ عينٌ
كُلَّما أخفَيتِ سِرًّا حدَّثتني
إن أرَدتِ
كتمَ سِرٍّ فأغمِضِي عينيكِ عنِّي
هي: وانتا جنبي
مستحيل هـ أقدر أغمَّض أو أخبِّي
سري إنتا
ياللي اسمَك غنوة دايبة فـ نبض قلبي
سري إنتا يا حبيبي
هو: يا حبيبتي سرِّي إنتي
هي: روحي إنتا يا حبيبي
هو: وانتي روحي يا حبيبتي
وانتي روحي .....
(فجأة صوت رصاص غزير مصحوب بنباح كلاب
ثم صوت إغلاق شباك تصاحبه تنهيدة أنثوية)

هي: ليه مصمم إننا نفضل هنا؟
ياللا نهرب م المكان ده
يعني تزعل لو أعيش متطمنة
ياللا نهرب م المكان ده
هو: مستحيل
هي: بطَّل معاندة
هو: مستحيل
هي: بطَّل معاندة
هو: لو هربنا نبقى بنخون حبنا
داللي مسّ الحب قلبُه
لو جيوش الكون تحاربُه
مستحيل يهرب فـ يوم أو يستخبَّى
هي: لو هربنا نبقى بنخون حبنا
صوتنا أقوى من رصاصهم
صوتنا فـ الآخر خلاصهم
ياللا بينا نغنِّي حبَّة
هو وهي: ياللا بينا نغنِّي حبَّة

هي: بشويش يا حبيبي إحلم بيَّا
تلاقيني فـ حُضنَك صدَّقني
دانا بأغرَّق فـ عينيك وعينيَّا
بتقولَّك إياك تلحقني

هو: فـ عينيكي حبيبتي تمللي بأشوف
فراشات نونو بتضحك ليَّا
فـ العتمة بتسرق منِّي الخوف
فـ النور بتنقَّط حنيَّة

هي: مابقتش بأخاف ولا بأتوتر
مش عايزة أدوب سِنَّة بسِنَّة
عطشانة أنا ليك قرَّب أكتر
ماتسيبش مسافة خلاص بينَّا

هو: فـ عينيكي حبيبتي تمللي بأشوف
فراشات نونو بتضحك ليَّا
فـ العتمة بتسرق منِّي الخوف
فـ النور بتنقَّط حنيَّة

عُدِّي
عَلَى أَصَابِعِ اليَدينِ
مَا يَأتِي
فَأوَّلًا: حَبِيْبَتِي أنْتِ
وَثَانِيًا: حَبِيْبَتِي أنْتِ
وَعَاشِرًا: حَبِيْبَتِي أنْتِ

الحب في زمن الحرب - جوني وريم

وبأتنازل
وأبيع روحي فـ مزاد حيرتِك
ماقولش بـ كام؟
وعامل م اللقا عازل
ما بين إحساسي بالغربة
وبين تصديقي للأحلام

وأميل على إيدِك الناعمة
بإيدي عشان أكلِّمها
وأعلِّمها
تُحط لحزننا نهاية
آلاقي ضباب غريب أعمى
بيسرق ضحكتِك مني
بيهزمني
ويخنق حاجة جوَّايا

ونفسي أصرخ وأبوحلِك
بالألم والخوف
وأكون ثغرة فـ حصون كُحلِك
لكن مكسوف
عشان مسنودة بجروحِك
على ضحكي
عشان عايزاني آه عايزاني
لما أحكي
مابانش حزين

وباين صرختي تاهت
فـ وسط كلام كتير باهت
بأقولهولِك
ومش عارف واخدني لفين
وأعيدهولِك مِن الأوِّل
وتتشبِّك صوابعنا
بتنكر إننا ضيعنا
يموت الحلم يتحوِّل
عرق بارد ما بين كفِّين
-------------------------------
كلمات والحان: أنطونيوس نبيل
توزيع: احمد العسال

وباتنازل - جوني

أَرَقٌ عَلَى أَرَقٍ وَمِثْلِي يَأرَقُ
وَجَوًى يَزِيدُ وَعَبْرَةٌ تَتَرَقْرَقُ
لَا شَمْسَ إلَّا وَمِنْكِ جَاءَ رَونَقُها
لَا لَيلَ إلَّا وكَانَ حِينَ نَفْتَرِقُ
جَسْدِي عُيُونٌ تَبْكِي حَتَّى نَعْتَنِقُ
يا ليتَ كُلِّي فَرَاشٌ فِيكِ يَحْتَرِقُ

وَعَذَلْتُ أَهْلَ العِشْقِ حَتَّى ذُقْتُهُ
فَعَجِبْتُ كَيْفَ يَمُوتُ مَنْ لَا يَعْشَقُ
فَعَذَرْتُهُمْ وَعَرَفْتُ ذَنْبِي أَنَّنِي
عَيَّرْتُهُمْ فَلَقِيتُ فِيهِ مَا لَقُوا

أَرَقٌ عَلَى أَرَقٍ وَمِثْلِي يَأرَقُ
وَجَوًى يَزِيدُ وَعَبْرَةٌ تَتَرَقْرَقُ
لَا شَمْسَ إلَّا وَمِنْكِ جَاءَ رَونَقُها
لَا لَيلَ إلَّا وكَانَ حِينَ نَفْتَرِقُ
جَسْدِي عُيُونٌ تَبْكِي حَتَّى نَعْتَنِقُ
يا ليتَ كُلِّي فَرَاشٌ فِيكِ يَحْتَرِقُ

نَضَتْ عَنْهَا القَمِيصَ لِصَبِّ مَاءِ
فَوَرَّدَ وَجْهَهَا فَرْطُ الحَياءِ
وَعَانَقَتِ النَّسيمَ وَقَدْ تَعَرَّتْ
بِمُعْتَدِلٍ أَرَقَّ مِنْ الهَواءِ

فَلَمَّا أَنْ قَضَتْ وَطَرًا وَهَمَّتْ
عَلَى عَجَلٍ إلى أَخْذِ الرِّدَاءِ
رَأَتْ شَخْصَ الحَبِيبِ عَلَى التَّدَانِي
فَأسبَلَتِ الظَّلامَ عَلَى الضِّياءِ

أَرَقٌ عَلَى أَرَقٍ وَمِثْلِي يَأرَقُ
وَجَوًى يَزِيدُ وَعَبْرَةٌ تَتَرَقْرَقُ
لَا شَمْسَ إلَّا وَمِنْكِ جَاءَ رَونَقُها
لَا لَيلَ إلَّا وكَانَ حِينَ نَفْتَرِقُ
جَسْدِي عُيُونٌ حَتَّى حَتَّى نَعْتَنِقُ
كُلِّي فَرَاشٌ فِيكِ فِيكِ يَحْتَرِقُ

..................
كلمات:
أبو الطيب المتنبي
أبو نواس
أنطونيوس نبيل

ألحان ورؤية:
أنطونيوس نبيل

توزيع:
محمد يسري

شارك في الغناء:
ريم نسيم
أحمد عبد السلام
كولا:
عبد الله حلمي
أكورديون:
وائل النجار
قانون:
عمرو الصواف
إيقاع:
أحمد بدير
هندسة صوت وماستر:
ميشيل عبد الملك


أَرَقٌ عَلَى أَرَقٍ - جوني

#تيران_وصنافير_مصرية

في حارتِنا ديكٌ ديكٌ
ديكٌ عصبيٌّ مجنونْ
يخطُبُ يومًا كالحجَّاجِ
ويمشي زهوًا كالمأمونْ

يصرخُ مِن مِئذَنةِ الجامعْ:
يا سُبحاني يا سُبحاني
انتوا عبيدي ومين هـ يمانع
ولَّا يفكَّر يبقى مكاني

مين يستجرا فـ يوم يعصاني
مين دا لا كان ولا عمرُه يكون
دانا أجرجر جِتتُه بحصاني
وأبقى رحمتُه لإنِّي حنون

فأنا الدولةُ فأنا الدولةُ
فأنا الدولةُ والقانونْ


في حارتِنا ديكٌ ديكٌ
ديكٌ نازيُّ الأفكار
للأعداء بيوطِّي تمللي
وفالح يقبض ع الأحرار

كلّ ما يقتل أو يتغابى
تعرف إنه جبان مهزوز
عامل إيه قال أسد الغابة
وهوَّ يادوب ينفع أراجوز

..........
كلمات: نزار قبَّاني – أنطونيوس نبيل
ألحان: أنطونيوس نبيل

عود: عمار سيد
ربابة: إسلام خليفة
رق: محمد مجدي
هندسة صوت: يوحنا إسكندر

نشيد الأراجوز – جوني و ريم

جروحي اتبعترتْ شبابيك
على الجُدران
بتسأل: إمتى هـ تضمِّي
العيون إمتى؟
بلاش بُعدِك يكون أسلاك
على القُضبان
دانا لو كنت متقطَّع
ميتين حِتَّة
وعدِّيتي على قبري
ولو غلطة
.. حفيف توبِك هـ يوصلِّي

هـ ألملم عضمي لو باقي
وألملم فوقُه أشلائي
ولو وطِّيتي هـ تلاقي
عيون فـ الوَحل مفتوحة
.. فـ حُضن عينيكي بتصلِّي
عيون بالحلم مجروحة
.. فـ حُضن عينيكي بتصلِّي

ولولا خوفي من خوفِك
وريحةْ غيري فـ كفوفِك
.. أكيد م القبر هـ أطلعلِك

هـ أفتَّح عيني وأتماسك
قُصاد أشباح رِماح نورِك
وأخطِّي فـ ضيّْ أنفاسِك
يغمَّض حُزني فـ حضورِك
وأشوفِك حتى بجروحي
تغيب العتمة من روحي
.. ونا فـ العتمة بأرجعلِك

تمدِّي بعَزم أحلامِك
وتبكي يقولوا غنِّيتي
وأمدّ الضِّلّ قدامِك
عشان لو فوقُه خطِّيتي
.. يبوس بشويش جروح نعلِك

يدوس كل الدروب فيكي
تكوني الريح يطاوعها
تكوني التُوهة فـ الآخر أكون ليكي
وقبل إيديَّا ما تكمِّل صوابعها
.. تلاقيهم محاوطينِك

يسيل بينهم وبين جسمِك
عرق زيّ العطش لاذع
يُقع يرسم حروف اسمِك
آهات ع الأرض بتنازع

يعود النبض من تاني
ونا بأغرق فـ نار شمسِك
يهبّ يهزّ شرياني
ويرضع من لبن همسِك

على صدرِك أبات مصلوب
تكوني الحلم والغاية
شايلِّك بين ضلوعي شعوب
بيبكوا بلهفة جوَّايا
.. ورغم المنفى حاضنينِك

...................
كلمات وألحان ورؤية:
أنطونيوس نبيل

توزيع:
محمد يسري

جيتار:
أحمد حسين
فلوت وساكس:
لؤي خليفة
وتريات:
محمد يسري

كورال:
ريم نسيم
مريم حلمي
سارة معروف

هندسة صوت:
ميشيل عبد الملك

تصميم لوجو:
أحمد خواجة

حفيف توبِك - جوني

لو كنتْ خطوة فـ الخريف.. تحت المطر مالهاش أثر
لو اتحاوطتْ بليل مخيف.. وفجأة على روحي انتصر
لو كان معاكم ألف سيف.. وسيفي مِن خبطة انكسر
مش هـ أخاف
مهما مِن أهوال عذابكم قلبي شاف
لو مافيش ولا شيء فاضللي
لو هـ أنام على لحم ضلِّي
لو فشلتْ أطلع فـ حلمي بلُقمة حاف
مش هـ أخاف
شَمشِموا زيّ التعالب
وارشقوني بالمخالب
مش هـ أعيش مذلول فـ قالب
مش هـ أموت
اللي ماشي واللي راكب
الجبابرة والعناكب
لو داسوني فـ المواكب
مش هـ أموت 
لو داستني كمان سنيني.. عشان تفوت
مش هـ أموت




لو كنتْ فار فـ المصيدة.. تايه ومش لاقي الطريق
لو كنتْ نجمة فـ الفضا.. مرسومة بالنزف البطيء
لو كنتْ أضعف م الصدى.. أو بيت مهدَّد بالحريق
مش هـ أخاف
مهما من أهوال عذابكم قلبي شاف
مش هـ أخاف
حتى لو شُفتْ فـ عينيكم موت "رِهَاف"
صمتي أطهر مِن رعودكم
مش هـ أكون صرخة فـ حشودكم
صوتي مايغطِّيش مجازر بالهِتاف
مش هـ أخاف
شَمشِموا زيّ التعالب
واهزموني بالمخالب
وحدُه فيَّا الصِّدق غالب
مش هـ أموت
عن جنوني مهما قالوا
لو طاردني الكون بحالُه
لو خانوني أو نفوني
مش هـ أموت
لو ما بين النور وبيني.. ميت تابوت
مش هـ أموت


مش هـ أموت مهما كان
مهما تتفتَّح جِراح.. مهما تتقفِّل بيبان
مش هـ أموت مهما كان
مهما يكرهني البِراح.. مهما تندهني الغِيلان
مش هـ أموت مهما كان
مش هـ أموت
لإنِّي ميت مِن زمان
-------------------
كلمات وألحان: أنطونيوس نبيل
توزيع: جون إسطفانوس
جيتار: أصلان
بيركشن: ضياء بدر
كمان اليكتريك: محمد علي
ميكس وماستر: ميشيل عبد الملك
رسوم: محمد السعدني

مش هـ أموت - جوني وبسمة فرح

بتشحتوا
من بعض حلم تحققوه
و تداروا فيه طول انتظاركم للدفا
و بتنحتوا
فـ الصخر تمثال تعبدوه
لكن ايديه زي العيون متكتفا

بتهربوا من جرحكم 
مـ اللى يصارحكوا بضعفكم
عايزين كلام حلو و خلاص من غير تمن
مع إنى واحد منكم        
ما أقبلش اركع زيكم
بأصرخ فـ وش الدنيا وفـ وش الزمن

ميهمنيش العمر يقصر او يطول
مادام هعيش هعيش وأنا بـ أصرخ وأقول

أنا صوت بيلعن صمتكم
و فـ كل خطوة بتسمعوه
أنا صوت بيجرى فدمكم
ومستحيل هتسكتوه
---------------------------
كلمات: أنطونيوس نبيل
ألحان: بسمة فرح
توزيع: بولس جرجس
جيتار: مصطفى أصلان
شيللو: محمود صالح
ميكس وماستر: ميشيل عبد الملك

صرخة فـ وش الزمن - جوني

Facebook : https://www.facebook.com/JohnnyEgyptianSinger/ 
Twitter : https://twitter.com/Johnnysinger81
Instagram : https://www.instagram.com/johnnysinger81/
الفيديو كليب:
https://youtu.be/BHZqvEsGU1U

يا بت ردي الباب بأقفاله
قالت حبيبي خطر فـ الدرب واقفاله
ده حبيبي زي عيد رمضان
كل الناس واقفاله
وحق النبي اللي الغزالة استجارت بيه
لأزمزم الكاسات وأبات طول الليل واقفاله
------------
عنبي يا عنبي يا خولي العنب
حلقي يا راجل شبك في الجناب
عنبي يا عنبي يا خولي العنب 
قلبي يا خولي م القساوة تاب 

لو شفت ديا ف لساور ليا 
لـ تموت عليا يابن عمدة البلد

لو قلتى رايدة وشوقى جاى بفايدة
لـ تطفى نارى القايدة وأشهّد البلد 

.......
عنبي يا عنبي يا خولي العنب
حلقي يا راجل شبك في الجناب
عنبي يا عنبي يا خولي العنب 
قلبي يا خولي م القساوة تاب 

لو شفت شعري يتدحرج ورا ضهري
لـ تقبض مهري يابن عمدة البلد

لو قلتي عيني لـ أبدرلك سنيني 
وارويها بحنيني وأشهّد البلد 
.......
عنبي يا عنبي يا خولي العنب
حلقي يا راجل شبك في الجناب
عنبي يا عنبي يا خولي العنب 
قلبي يا خولي م القساوة تاب 

لو شفت رجلي في الخلخال بتضوي
لـ تجيلي تجري يابن عمدة البلد

لو قلتي جاية وحققتي منايا 
لـ أسرح بالرحاية وأشهّد البلد
........
عنبي يا عنبي يا خولي العنب
حلقي يا راجل شبك في الجناب
عنبي يا عنبي يا خولي العنب 
قلبي يا خولي استسلم وطب
-------------------------------- 
غناء المقدمة للفنانة: هدى السنباطي  
مهداة إلى روح الدكتور: كمال فرج

كلمات وألحان: تراث قديم
كلمات الرجل: هاني مهران

توزيع: جون إسطفانوس
جيتار: مصطفى أصلان
قانون: ماجد سرور
إيقاع: ماجد الصواف
كولا: محمد عاطف
ربابة: جان بشرى

ميكس وماستر: ميشيل عبد الملك

شكر خاص: د/علاء الكاشف
أ/ يوسف النقيب    
الشاعر/ هاني مهران

عنبي - جوني وإيمان فؤاد

Facebook : https://www.facebook.com/JohnnyEgyptianSinger/ 
Twitter : https://twitter.com/Johnnysinger81
Instagram : https://www.instagram.com/johnnysinger81/
الفيديو كليب:
https://youtu.be/3BAyOSWdIXA

It was many and many a year ago, 
In a kingdom by the sea, 
That a maiden there lived whom you may know 
With a heart so young and free
And this maiden she lived with no other thought 
Than to love and be loved by me. 

عدت سنين مقدرتش انساكي
باغرق في بحر العتمة و القاكي

في كل ضحكة واخدها غصب من الحياه
و فـ كل شارع كنت بامشي معاكي فيه
و فـ كل فنجان قهوة باتكلم معاه
عن قلب كان بيدق علشان تسمعيه
***************
قلبي اللي ضمك حتى وانتي بتكسريني
ماقدرش يفهم ليه ببعدك تكسريه
لترﹼجعي لحظة فراقنا و تقتليني
لترجعي و بلمسة واحدة تطمنيه

But our love it was stronger by far than the love 
   Of those who were older than we— 
   Of many far wiser than we— 
And neither the angels in Heaven above 
   Nor the demons down under the sea 
Can ever dissever my soul from the soul 
   Of a heart so young and free; 

قلبي اللي ضمك حتى وانتي بتكسريني
ماقدرش يفهم ليه ببعدك تكسريه
لترﹼجعي لحظة فراقنا و تقتليني
لترجعي و بلمسة واحدة تطمنيه
------------------------
الجزء العربي: كلمات وألحان: أنطونيوس نبيل
الجزء الأجنبي: كلمات: إدجار آلن بو
ألحان وتصرف: بسمة فرح   

توزيع: جون إسطفانوس
جيتار: مصطفى أصلان
بيركشن: ضياء بدر

ميكس وماستر: ميشيل عبد الملك

Years Elapsed | عدت سنين

أنا عصفور بيقولوا مجنون


أنا بنوتة صغنططة
أوضتي فيها حاجات كتير
كورة حلوة منقّطة
شوطتها علشان تطير
طارت فوق للسما
شافها عصفور شدته
باسها بوسة ف خدها
جَت تقولّي غنوته:

أنا عصفور بيقولوا مجنون
مجنون أيوه ومش مكسوف
بأحلم إني الاقي الكون
مافهوش حزن ومافهوش خوف

مافهوش أي دموع بتسيل
مافهوش غير أطفال عساسيل

السما ف عينيهم مبسوطة
وبترقص لما يلاعبوني
فيها نجوم حلوة صغنطوطة
على طول بتمطّر بمبوني

أنا عصفور بيقولوا مجنون
مجنون أيوه ومش مكسوف
بأحلم إني الاقي الكون
مافهوش حزن ومافهوش خوف

مافهوش أي دموع بتسيل
مافهوش غير أطفال عساسيل

راسمين الشمس ف أحلامهم
بتزغزغهم وتصحّيهم
نورها بيبقى ورود قدامهم
جاية تطبطب على خطاويهم


-------------------------------
غناء : جوني ونورجهان
كلمات والحان : انطونيوس نبيل
توزيع : وليد ميمني


كليب 
https://www.youtube.com/watch?v=vVVznk22xk8

أنا عصفور بيقولوا مجنون - جوني و نورجهان

الفيديو كليب:
https://youtu.be/xzhUxn4w-aM

يا قبضة بتُعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا قاصدة تكوني مش ليَّا
مانيش قادر أكون خِصمِك
بأضمِّك ونتي مهزومة
.. آلاقي فـ وشي أسلحتِك

يا راصدة كل شيء فيَّا
مافيش فـ ضلوعي غير اسمِك
حروف جوَّايا ملضومة
.. بخُصلةْ ضيّ من ريحتِك

يا قبضة بتعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا لسعةْ برد بتزاحمي
طيور فـ عروقي مفزوعة
بتنهش قلبي وعيونِك
.. على حدود الأمل رابضة


يا رعشة متبِّتة فـ لحمي
شفايفِك شوكة مزروعة
ما بين أحلامي وسجونِك
.. وبين النبضة والنبضة

يا قبضة بتعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا ضحكة تمللي بتكشَّر
.. يا غنوَّة بدمي مكسيَّة
يا حيطة جِلدها مقشَّر
.. مكان ما سندتْ بإيديَّا
يا خوذة بتحمي سجَّاني
يا أجمل دودة ساكناني
فـ قلبِك كفّ م الأحزان
.. بيعصر قلبي كالعادة
يا شايلة م السموم ألوان
.. ياريت الموت يكون سادة

يا قبضة بتعصري فكِّي
يا صرخة فـ حَلقي بتكابر
.. ونا فـ الحلم بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة
........................................
كلمات وألحان: أنطونيوس نبيل
توزيع: أحمد العسال
حضور مميز للفنانة: ريم نسيم
جيتار: روكيت
كولا: محمد عاطف
ميكس وماستر: Shankur

O..Fist - Johnny | يا قبضة - جوني

الفيديو
https://youtu.be/Mnmd_BdFqcU

اشتقتلك
ووهمت روحي وقلت بعدي بيقتــلك
اشتقتلك
خبيت جروحي ف عز خوفى ندهتلك
وسبقت جوايا الحنـين
مع اني تايه من سنين
ورجعتلك
اشـتقتلك

فاكرة اللى كان  بينا زمان
لو مانسيتيش
يبقى مافيــش
ولا حاجة تاني تهمني
دا انا لسه بحلم كل ليلة بالحنان
اللي ف عينيكي
خدني ليــــــكي
وضمني

قلبــــك سألني انتا مين
مديت ايديا المجروحين
وضحكتلك
اشتقتلك

عمرى اللي جاي زي اللي فات
بضحك عليه
مانا كنت ايه
غير حلم خايف يبتدي
عايش ف صورة بتخطفك م الذكريات
بتدارى فيها
ليه تسيبيها
وتبعدي

اشتقتلك
ووهمت روحي وقلت بعدي بيقتــلك
اشتقتلك
خبيت جروحي ف عز خوفى ندهتلك
------------------------------------
كلمات وألحان: أنطونيوس نبيل
توزيع: وليد ميمني
جيتار: مصطفى أصلان
أكورديون: وائل النجار
كاليمبا وبيركشن: ضياء بدر
ميكس وماستر: ميشيل عبد الملك

I Miss You - Johnny | اشتقتلِك - جوني

رماد حلمَك | مرثية لـ نجيب سرور

وكان جَلدك وكان شنقك
على إيديهم
وبعد الشنق كان حرقك
ونا واقف ف وسطيهم
كأني حشرجة ف حَلْقك
بأراقب صمتي ف عينيهم

بأراقب عضمك المجنون
ف كف النار بيتكسّر
كأن الكون مالوهش عيون
يشوف بيهم ويتأثّر

أكيد صعب إني أكون بينهم
وأشوف حلمك قصاد عيني
رماد بارد على جبينهم
بُقع سودا على جبيني
غبار داكن
بينداس ف الدروب لكن
بيدبحني
ونا قلبي يا ابويا نجيب
هزيل عايش على الأكاذيب
تقيل الحِمل لما تغيب
ونا ضلي اتولد محني

مافيش قدامي غير موتك
بيندهلي بحنان قاسي
بألملم ف الضلام صوتك
واشيلُه ف حُضن أنفاسي
غبار داكن
بينداس ف الدروب لكن
بيدبحني
ونا قلبي يا ابويا نجيب
هزيل عايش على الأكاذيب
تقيل الحلم لما تغيب
ونا ضلي اتولد محني


---------------------------------
كلمات والحان : أنطونيوس نبيل
توزيع : وليد ميمني

لمشاهدة الكليب 
https://www.youtube.com/watch?v=VZslXkHy6N0

رماد حلمَك | مرثية لـ نجيب سرور

أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا


Popular tracks by Johnny singer 81