Singles - Johnny | أغاني سينجل - جوني

جروحي اتبعترتْ شبابيك
على الجُدران
بتسأل: إمتى هـ تضمِّي
العيون إمتى؟
بلاش بُعدِك يكون أسلاك
على القُضبان
دانا لو كنت متقطَّع
ميتين حِتَّة
وعدِّيتي على قبري
ولو غلطة
.. حفيف توبِك هـ يوصلِّي

هـ ألملم عضمي لو باقي
وألملم فوقُه أشلائي
ولو وطِّيتي هـ تلاقي
عيون فـ الوَحل مفتوحة
.. فـ حُضن عينيكي بتصلِّي
عيون بالحلم مجروحة
.. فـ حُضن عينيكي بتصلِّي

ولولا خوفي من خوفِك
وريحةْ غيري فـ كفوفِك
.. أكيد م القبر هـ أطلعلِك

هـ أفتَّح عيني وأتماسك
قُصاد أشباح رِماح نورِك
وأخطِّي فـ ضيّْ أنفاسِك
يغمَّض حُزني فـ حضورِك
وأشوفِك حتى بجروحي
تغيب العتمة من روحي
.. ونا فـ العتمة بأرجعلِك

تمدِّي بعَزم أحلامِك
وتبكي يقولوا غنِّيتي
وأمدّ الضِّلّ قدامِك
عشان لو فوقُه خطِّيتي
.. يبوس بشويش جروح نعلِك

يدوس كل الدروب فيكي
تكوني الريح يطاوعها
تكوني التُوهة فـ الآخر أكون ليكي
وقبل إيديَّا ما تكمِّل صوابعها
.. تلاقيهم محاوطينِك

يسيل بينهم وبين جسمِك
عرق زيّ العطش لاذع
يُقع يرسم حروف اسمِك
آهات ع الأرض بتنازع

يعود النبض من تاني
ونا بأغرق فـ نار شمسِك
يهبّ يهزّ شرياني
ويرضع من لبن همسِك

على صدرِك أبات مصلوب
تكوني الحلم والغاية
شايلِّك بين ضلوعي شعوب
بيبكوا بلهفة جوَّايا
.. ورغم المنفى حاضنينِك

...................
كلمات وألحان ورؤية:
أنطونيوس نبيل

توزيع:
محمد يسري

جيتار:
أحمد حسين
فلوت وساكس:
لؤي خليفة
وتريات:
محمد يسري

كورال:
ريم نسيم
مريم حلمي
سارة معروف

هندسة صوت:
ميشيل عبد الملك

تصميم لوجو:
أحمد خواجة

حفيف توبِك - جوني

Video Clip
https://www.youtube.com/watch?v=6wK3KCNWNa8

Follow Johnny
https://www.facebook.com/JohnnyEgyptianSinger/

(إنتا مجنون.. إنتا مجنون
إنتا مجنون.. إنتا مجنون)

أنا مش برغوت من براغيتكم
ولا صوتي مراية لبلاغتكم
تخاريفي بكيفي بأسرسبها
على غفلة هـ أبادر وأباغتكم
هـ أباغتكم من غير ما أحسبها
ولا حدش يستجرا يغيتكم

(إنتا مجنون.. إنتا مجنون
إنتا مجنون.. إنتا مجنون)

خلُّونا كائنات متدربة
بطريقة خبيثة متجربة
العقل اللي فـ يوم يعارضهم
يدُّولُه أوام بالكهربا


محوطاني السلاسل
قُصاد الدنيا ماثل
بتهمةْ إني عايش
على هيئة سؤال
لمحني القاضي برَّق
سألني إزاي أفرَّق
ما بين دنيا الحقيقة
وبين دنيا الخيال

ساعتها قلبي دق
وأعلنت اكتئابي
صرخت وقلت لأ
ماتستناش جوابي

(بعد ما قولت.. مش هـ أتبنِّج
علُّوا الفولت.. قالوا اتشنِّج)

رجع وعاد سؤالُه
ضحكت وقلت مالُه
ه‍ـ ألخَّصلك حكايتي
فـ كلمتين وبس
بأسجل اعترافي
بإن جناني صافي
وبأشهد إن قلبي
فـ أوهامُه اتحبس

ساعتها القاضي أصدر
حكم بإعدام جنوني
صرخت بحُرقة أكتر
ياريتكم تشنقوني

ياريتكم تشنقوني
سيبوني أموت معاه
عشان من غير جنوني
مافيش معنى لحياة

ياريتكم تشنقوني
سيبوني أموت معاه
يا ناس من غير جنوني
مافيش معنى لحياة


(بحكم القانون.. دا عقله عليل)
ألا تعلمون.. قانونكم ذليل
لإن القانون يا ناس فرضُه
طاغوت عايز يروَّضكم

(بحكم القانون.. دا مالهوش علاج)
ألا تعلمون.. بإنه احتجاج
دا عقله العليل يجوز مرضُه
يكون ترياق لأمراضكم 

(بعد ما قولت.. مش هـ أتبنِّج
علُّوا الفولت.. قالوا اتشنِّج)


---------------------------------
كلمات وألحان ورؤية: أنطونيوس نبيل

توزيع: أحمد العسال

جيتار: روكيت

ساكس: حموصو

هندسة صوتية: Shankur

مكساج وماستر: محمود عزت

اشترك في الغناء: ريم نسيم

محاكمة مجنون - جوني

الكليب
https://www.youtube.com/watch?v=yE_EpeyH0As
يا ساعة ليكي فـ الكون دا سطوة
من يوم ميلادُه بتكتكي
وكل تكَّة فـ العمر خطوة
وفـ كل خطوة بنشتكي

يا ساعة ليكي فـ الكون دا سطوة
من يوم ميلادُه بتكتكي
عايزين فتوَّة فـ إيدُه مطوة
يضرب بقوَّة تتفرتكي

ضرب الفتوَّة ووراه فتوَّة
ومطاوي ياما اتكسَّرت
والتكّ لسَّه شغَّال بقوَّة
ولا شوفنا ساعة اتأثرت

ضرب الفتوَّة ووراه فتوَّة
ومطاوي ياما اتبعترت
والتكّ لسَّه شغَّال بقوَّة
ولا شوفنا ساعة اتعوَّرت

التكّ عامل صداع مهول
فشلت معاه كل الحلول
خلَّى البشر تصرخ تقول
يا دنيا فوقنا اتدربكي

دا تكّ ولَّا أسوار ضباب
زاد العمى وساد الخراب
تايهين وعايشين فـ اغتراب
إيه تاني ممكن يتحكي؟

يا ساعة ليكي فـ الكون دا سطوة
من يوم ميلادُه بتكتكي
وكُل تكَّة فـ العمر خطوة
وفـ كل خطوة بنشتكي

يا ساعة ليكي فـ الكون دا سطوة
من يوم ميلادُه بتكتكي
عايزين فتوَّة فـ إيدُه مطوة
يضرب بقوَّة تتفرتكي

ضرب الفتوَّة ووراه فتوَّة
ومطاوي ياما اتدشدشت
والتكّ لسَّه شغَّال بقوَّة
ولا شوفنا ساعة اتخربشت

ضرب الفتوَّة ووراه فتوَّة
ومطاوي ياما اتخرشمت
والتكّ لسَّه شغَّال بقوَّة
ولا شوفنا ساعة استسلمت

وفجأة من وسط الحشود
لمحنا بنت بتبتسم
ولمحنا واد شايل ورود
فـ عيونُه حلم بيترسم

البنت سمعت خطوتُه
صرخة الطريق منها اشتكى
أول ما قرَّب ضمِّتُه
رغم الحشود والتكتكة

البنت سمعت خطوتُه
عطشانة للنور والدفا
أول ما قرَّب ضمِّتُه
والتكّ م الدنيا اختفى

-----------------------
كلمات وألحان ورؤية: أنطونيوس نبيل

توزيع: محمد يسري

جيتار: مصطفى أصلان

إيقاع: أحمد بدير

أكورديون: وائل النجار

مزمار: سيد الحسيني

هندسة صوتية وماستر: ميشيل عبد الملك

شارك في الغناء:
ريم نسيم
أحمد عبد السلام

Quentin Tarantino's Django Unc

كيف تقتل ساعة؟ - جوني

إياك تجفْ
لو كعبلوا بالحزن أنهار فرحتَك
إياك يا بحري ترتجفْ
خلِّيني أشوف على صفحتَك
.. وشِّي الحزين

يمكن ساعتها لمَّا أخطِّي
تتمحي بينَّا الحواجز
أبقى موجَك تبقى شطِّي
والقى كل الكون دا عاجز
.. بين إيديك العطشانين

بالدفا تحفر ملامحَك
.. فوق ملامحي فـ المراية
يبتسم جوَّايا ملحَك
.. ينهزم جوَّاك شتايا

أبقى ضلَّك تبقى جسمي
.. نبقى واحد تاني غيرنا
أبقى صوتَك تبقى اسمي
.. حُضن واحد يختصرنا 

أبقى ضلَّك تبقى جسمي
.. وقت ما العتمة تحاصرنا
ألقى صوتَك ضمّ اسمي
.. حُضننا يواجه مصيرنا

فيَّا غنوة الخوف ساجنها
.. فيك أنين دايمًا فاهمني
روحي منَّك وانتا منها
.. ياللا ثُور حرَّرني منِّي

يا ريِّس الغَليون.. ريتكم تعدُّوني
رُمَّاني صار مَحزون.. أناتُه فـ عيوني

يا نابشين القاع.. دَلوا لُه مجدافي
مهمن تزيد لأوجاع.. مَحرمتُه عَ كتافي

يا فالق المحَّار.. بوِّس لي حاجبينُه
دُرَّك حصاوي زغار .. ونا دُرِّي حاجبينُه

يا ريِّس الغَليون.. شِف لي حدا شافُه
صَدري طرح حَنُّون.. رابي بنَدى شفافُه

بدِّي الشراع مفرود.. بِدِّيش رَمَق باقي
بأزعق لحتَّى يعود.. يتدفَّى بعناقي
-------------------------
كلمات وألحان: أنطونيوس نبيل

توزيع: أحمد العسال

اشترك في الغناء: مريم حلمي وسارة معروف

جيتار: مصطفى أصلان

وتريات: أحمد العسال

عود: إسلام القصبجي

كولا: محمد عاطف

هندسة صوتية: Shankur  وميشيل عبد الملك

ميكس وماستر: Shankur

لوحة الغروب: وليم تيرنر 1830

Art Work: Sunset by William Turner 1830

إياك يا بحري - جوني

أنا قلبي أضعف من خيوط
العنكبوت
ورموش عيونِك م السيوف أمضى

جايلِك غريب ماليش شطوط
عايز أموت
غرقان فـ بحر شفايفِك الغامضة

ماتردنيش خايب
عاشق أنا دايب
تسع سنين فـ العتمة مِتلطَّم

ماتردنيش مكسور
عطشان أنا للنور
ضميني قبل ما حلمي يتحطَّم

ضميني قبل الليل ما يبلعني
مابقتش حِمل إني اتهزم تاني
كان سهل إن مخاوفي تمنعني
وأرضى بحيطان زنزانة قابلاني

كان سهل أهرب بس ماهربتش
مالقتش غير اسمِك على لساني
كان سهل أتعب بس ماتعبتش
جيتلِك وشايل كل أكفاني

ضميني ياللا
ضميني ياللا
ضميني قبل الليل ما يبلعني

..................
كلمات وألحان:
أنطونيوس نبيل

التوزيع الموسيقي:
محمد يسري

فيولينا:
يحيى الموجي

باص جيتار:
ماجد يحيى

جيتار:
د. مصطفى أصلان

ساكس:
حموسو

هندسة صوتية وماستر:
ميشيل عبد الملك

الكليب:
https://www.youtube.com/watch?v=BpgOvRiP1iQ

مستوحى من فكرة:
أنطونيوس نبيل

اخراج:
أسامة العاصي

Domeny - Johnny | ضميني - جوني

يا عتمة ليه جوايا بتئني
مش كنتي قلتي إن الأمل أوهام
بتبصي ليه ع الجرح وكإني
شباك قديم بيطل ع الأحلام؟

بلاش تئني يا عتمة قلتْ بلاش
اتماسكي حبَّة أنا لسَّه بأتمنَّى
أضحك كإن القلب ما اتمنَّاش
وأقتل فـ حضنِك حلمي بالجنَّة

بأتحامى مِن بطش الألم فيكي
وأنده معاكي لموتي واستناه
طب ليه شفايف جرحي فـ عينيكي
ترجع تغني لضيّْ مش شايفاه؟

بلاش تئني يا عتمة قلتْ بلاش
اتماسكي حبَّة أنا لسَّه بأتمنَّى
أضحك كإن القلب ما اتمنَّاش
وأقتل فـ حضنِك حلمي بالجنَّة
.......................
كلمات وألحان: أنطونيوس نبيل
توزيع: محمد عبد الودود     (Doddz) 
جيتار: مصطفى أصلان
إيقاع: ماجد الصواف
ساكس: حموسو
قانون: محمود عامر
كمان: إيهاب صبحي
ميكس وماستر: Shankur

بلاش يا عتمة - جوني وإيمان فؤاد

الخُطب ماعدتش نافعة
الكلام سيف اللي مش قادر يهاجم
كل حرف فـ حضنه شايل ألف أفعى
كل أفعى فـ بطنها عضم وجماجم

الأفاعي اجمعوها
فـ اللهيب ياللا احدفوها
ناركو اوعوا تزعَّلوها
لو تجوع ادوها دفعة
زغَّطوها نعنشوها 
فرفشوها بأيّ أفعى
بس تبقى الأفعى نيَّة
نيَّة طازة لسَّه حيَّة
حيَّة صابحة دوغري جايَّة
جايَّة مِن وكر الحناجر

جايَّة مِن وكر الحناجر
اللي طافحة بكدب فاجر
كدب متغذِّي بألمنا
باعنا وبأوجاعنا تاجر
وانتصر لمَّا انهزمنا
جينا نصرخ قام مهاجر
هوب عشِّش فـ الكلام
لجل يصبح مادة خام
للبيانات الخسيسة
للهتافات البئيسة
للخُطب وسط الزحام

المُلخص: أفعى جنب الأفعى ماشية
والزحام عمَّال يصقَّف فوق دماغنا
الزحام قرَّر يكون للكدب حاشية
يعني لازم نبتسملُه لو لدغنا

يعني تلخيص الحكاية
إنكم راسمين قدركم
إنكم عايشين ضحايا
يا أساتذة باختياركم

كل كلمة بتقولوها
فيها أفعى هـ تلاقوها
غارزة نابها جوَّه روحكم
ريقها بيسمِّم جروحكم
بس خايفين تحرقوها

تحت كل كلمة نايمة
ع الورق قدام عينيكم
فيه أفاعي سارحة هايمة
قايمة بتدوَّر عليكم
حتَّى جوَّه الغنوة ديَّا
فيه أفاعي متداريَّة
اوعوا اوعوا تسمعوها
الفحيح دا مش بتاعي
ياللا حالًا سكِّتوها
فـ اللهيب ويَّا الأفاعي
غنوتي ياللا احدفوها

دي الأفاعي فـ كل ساحة
قاعدة تتلوى ببجاحة
دي الأفاعي فـ كل شاشة
قاعدة تتلوى ببشاشة
أقوى من كل المصايد
فـ الدراما فـ الجرايد
أقوى من كل المصايد
فـ الأغاني فـ القصايد
فـ الدعاية فـ المراية
جوَّه صوتكم انتي وانتا
الأفاعي فـ كل حتَّة
حتَّى فـ بطون المعاجم

........................
كلمات وألحان: أنطونيوس نبيل
توزيع: محمد يسري

إيقاع: أحمد بدير
كولا: عبد الله حلمي
قانون: عمرو الصواف
أكورديون: وائل النجار
جيتار: أحمد حسين

كورال:
خالد عبد الغفار
أحمد عبد السلام
مصطفى النجدي
مي حسن
هندسة صوت وماستر:
ميشيل عبد الملك

رؤية فنية: أنطونيوس نبيل
تصوير: محمود عفيفي
موديل: نيفين عبد الحميد
تصميم أزياء: مريم مسعد
ميكاب أرتيست: ميران وجدي
تصميم لوجو: أحمد أبو الحسن

مونتاج: هيثم عزت

عصر الأفاعي - جوني

The Official Video Clip:
https://www.youtube.com/watch?v=bH3LtGripmA

Follow Johnny :
Official Page : www.facebook.com/JohnnyEgyptianSinger/
Twitter : twitter.com/Johnnysinger81
Email : johnnysinger81@gmail.com
----------------------------------------------------------------------------------
Bow down, archangels, in your dim abode:
Before you were, or any hearts to beat,
I made the world to be a grassy road
Before her wandering milky-white feet.

الله).. ظَمَأٌ يَحُومْ.. (الله).. سَادَ البِلادْ)
الله).. طَمَسَ الوُجُومْ.. (الله).. وَجْهَ العِبادْ)
الله).. لَسْنَا نُطيقْ.. (الله).. هَذي الآلامْ)
الله).. أحنَى الطَّريقْ.. (الله).. ظَهْرَ الآنامْ)
(الله.. الله.. الله.. الله.. الله.. الله.. الله)

وَقْتَ الصَّلاةِ
جَمِيعُهم
رَفَعُوا عُيُوناً ضَارِعَة
نَحْوَ السَّمَاءْ
(صِرَنا عُيُوناً ضَارِعة نَحْوَ السَّمَاءْ)

أمَّا أنَا
فَبَقِيتُ مَذْهُولاً بِكِ
عَمَّا تَنَاثَرَ فِي الحُشُودِ
مِن الدُّعَاءْ
(قَدْ صَارَ مَذْهولاً بِكِ عن الدُّعَاءْ)

والعَينُ تَنْهَلُ
مِن سُلافَةِ وَجهِكِ
أتلُو صَلاتِي هَامِساً
عَبْرَ البُكَاءْ:
(يتلو صَلاةً هَامِسَة عَبْرَ البُكَاءْ)

أنَا لَسْتُ أسألُ مِنْكِ
(فِردَوسَ النَّعيمْ (لا لا لا لا
أنَا لَسْتُ أسألُ مِثْلَهم
(طُولَ البَقاءْ (لا لا لا لا
هُوَ لَيسَ يَسألُ مِنكِ)
فِردَوسَ النَّعيم
هُوَ لَيسَ يَسألُ مِثْلَنا
(طُولَ البَقَاءْ
فسَعَادتي أنْ أخْطُو مَعْكِ
إلى الجَحيمْ
وبقائي دُونَ فَنَائي فِيكِ
هُوَ الشَّقَاءْ

جروحي مبحلقة فيكي
بتصرخ طالبة حنيَّة
وروحي شايفة فـ عينيكي
خريطة لجنَّة مخفيَّة

(Rehaf, Rehaf, Magna Dea, Rehaf)

لا تَرْغَبنَّ عَن الحَبيبِ وضَمِّه
فالنَّأيُ ليلٌ والعِنَاقُ نَهَارُ

(Rehaf, Rehaf, Magna Dea, Rehaf)

فِي حِضْنِهِ تَجِدَّ الرَّبيعَ مُسَرْمَدًا
والشَّمسَ بَازِغةً لها أنوارُ

(Rehaf, Rehaf, Magna Dea, Rehaf)

(Magna Dea, Rehaf)

(Rehaf)

---------------------------------------

كلمات وألحان: أنطونيوس نبيل
* المقدمة الإنجليزية لوليم باتلر ييتس من "وردة العالم" بتصرف طفيف
* الخاتمة تحتوي على معارضة لبيتين للإمام أحمد بن حنبل

توزيع: محمد يسري

ترومبيت: د. مجدي البغدادي
وتريات: محمد يسري
جيتار: أحمد حسين

كورال: أحمد عبد السلام – ريم نسيم - سارة معروف
هندسة صوت وماستر: ميشيل عبد الملك

ترجمة: داليا لويس

سيناريو: أنطونيوس نبيل

اخراج: محمد السعدني

Supplication of Orpheus - Johnny | ابتهال رومانسي - جوني

طبطب على جرح الطريق مذهول
الشمس قامتْ م الوجع لاطمة
فين جنِّتَك خبِّيتها فين ماتقول
الموت لهفها كُلَّها فـ قطمة

وسط الزحام.. بأحسّ أكتر باللي ضاع منِّي
وسط الزحام.. مافيش طريق لعينيكي بيوصَّل
وسط الزحام.. إزاي طيور الحلم هـ تغني
ونتي اللي على قدِّك ربيع الحلم متفصَّل

وسط الزحام.. اليأس ليه رافض يسلسلني
وسط الزحام.. ساكت عشان ويَّاكي بأتكلِّم
وسط الزحام.. مافيش عيون بالدمع تغسلني
مع إنْ فـ غيابِك حيطان الكون بتتألِّم
وسط الزحام

وسط الزحام.. حُضنِك زمان مِن شهدُه دوَّقني
وسط الزحام.. نهر الوشوش بالغلّ متملَّح 
وسط الزحام.. إزاي تسيبي الليل يطوَّقني
ونتي اللي فـ عينيكي الغُنا بالضيّ متسلَّح

وسط الزحام.. ماعدش شيء يقدر يهددني
وسط الزحام.. شوفتْ الرماد بالدم متعطَّر
وسط الزحام.. قالوا العطش عنِّك هـ يبعدني
أنا قولتْ لو شوفتي السما فـ عينيا هـ تمطَّر
لو شوفتي فـ عينيا السما فـ عينيكي هـ تمطَّر
وسط الزحام

..........................

كلمات وألحان: أنطونيوس نبيل

توزيع: محمد يسري

كمان: يحيى الموجي

عود: أشرف السبكي

هندسة صوت وماستر: ميشيل عبد الملك

شكر خاص للفنانة: مريم حلمي

Artwork: Icarus by Henri Matisse

وسط الزحام - جوني

نوجا نوجا أحلى نوجا
خُد يا عمو منِّي نوجا

نوجا سال الشهد فوقها
زوَّقوها بفول سوداني
راح تزقطط لو تدوقها
لو تدوق هـ تقوللي تاني

نوجا نوجا أحلى نوجا
خُد يا عمو منِّي نوجا

دا الحكيم يكتب روشتَّة
والعليل يفضل يعاني
واللي ياخد منها حتَّة
م الفرح يكتب أغاني
غنوة للكفّ اللي شالها
غنوة للحِسّ اللي نادى
مش هـ تشبع مِن جمالها
حد يشبع م السعادة

نوجا نوجا أحلى نوجا
خد يا عمو منِّي نوجا

ليه يا عمو تكون مِكشَّر
والفرح موجود معايا
إنتا بس يا عمو أشَّر
قول لحزنَك لأ كفاية
قوللي نوجا هاتلي نوجا
تلقى للأحزان نهاية

نوجا نوجا أحلى نوجا
خُد يا عمو منِّي نوجا

أتبيعُ الحلوى يا ولدي
مَن غيرُكَ كانَ ليأكلَها
مَن غيرُكَ كانَ ليأكلَها
لولا مهزلةٌ في بلدي

يا مثلَ الوردِ البريّ
كُلْها أنتْ
يا أطهرَ مِن أيِّ نبيّ
كُلْها أنتْ
يا أحلى مِن أحلى نوجا
كُلْها أنتْ
ملعونٌ مَن يأكلُها
غيرُكَ أنتْ

.........................
كلمات وألحان: أنطونيوس نبيل
(الفصحى للعظيم الراحل: نجيب سرور)

توزيع: وليد ميمني

اشترك في الغناء:
يوسف عمرو سعد
ريم نسيم

جيتار: مصطفى أصلان
أكورديون: وائل النجار
كولا: محمد عاطف
قانون: وليد حسن
:هندسة صوت وماستر
ميشيل عبد الملك

Noga Noga - Johnny | نوجا نوجا - جوني

صمتِك شيطان اخزيه
مهما الخلايق صالوا واتأمروا
صوتِك نخيل هزِّيه
ودوَّقيني فـ ضمِّتِك تمرُه

باسمي ازعقي
يا نور نقي
ماتهمَّليش قلبي الشقي
ذاوي الرَّجيف منبوذ
باسمي ازعقي
يا نور نقي
رايدِك على الرُّوح تِشفَقي
جوَّايْ حنين مشحوذ

وإن قلبي بيكي يلوذ
ما فيه حَدا يأذيه
وإن قلبي بيكي يلوذ
صُمّْ الجبال
صاغرة تطيع أمرُه

جِذع الحنان هزِّيه
ودوَّقيني بشفتِك تمرُه


صمتِك شيطان اخزيه
مهما الخلايق صالوا واتأمروا
صوتِك نخيل هزِّيه
ودوَّقيني فـ ضمِّتِك تمرُه

باسمي ازعقي
يا نور نقي
فيَّا البيادي بتَلتَقي
فيكي الكُروم بتلوح
باسمي ازعقي
يا نور نقي
كفِّك دَهين على مَفرقي
والرِّيق رحيق مسفوح

وإن جاكي قلبي ينوح
ما فيه شِتا يأذيه
وإن جاكي قلبي ينوح
خمرِك حلال
غاوية العروق جمرُه

جِذع الحنان هزِّيه
ودوَّقيني بشفتِك خمرُه
-------------------
كلمات وألحان: أنطونيوس نبيل
توزيع: أحمد العسال
حضور مميز للفنانة: ريم نسيم
جيتار: مصطفى أصلان
ساكس ودودك: حموسو
بيركشن: ضياء بدر
هندسة صوت وماستر: Shankur

خمرِك حلال - جوني

استريحي
ليسَ للدورِ بقيَّة 
استريحي
انتهتْ كُلُّ فصولِ المَسرحيَّة
فامسحي زيفَ المَساحيقِ ولا
ترتدي طُهْرَ المُسوحِ المريميَّة 
واكشفي البَسمةَ عمَّا تحتَها 
مِن حنينٍ واشتهاءٍ وخطيَّة

استريحي
استريحي
استريحي

كنتُ أشفي غليلَ وردِكِ مِنْ دَمِي 
حتَّى خِلتِ أنَّ قلبي مَزهريَّة 
كنتُ أصرخُ مِلءَ رُوحي لا فمي
رافضًا ذُلَّ الحروفِ الأبجديَّة 

كنتُ أشفي غليلَ وردِكِ مِن دمي 
حتَّى خِلتِ أنَّ جُرحِي مَزهريَّة 
كنتُ أصرخُ مِلءَ رُوحي لا فمي
رافضًا ذُلَّ الحروفِ الأبجديَّة 


استريحي 
ليسَ للدورِ بقيَّة 
استريحي
انتهتْ كُلُّ فصولِ المَسرحيَّة

كم صليبًا فيكِ يَحجبُ جنتي
ذُقتُ ألفًا أينَ دمعُ المجدليَّة؟
وردتي هل أنتِ حقًّا وردتي
أمْ تُراكِ محضَ ثوبٍ للشَّظِيَّة؟

كم صليبًا فيكِ يَحرسُ جنتي
ذُقتُ ألفًا أينَ دمعُ المجدليَّة؟
وردتي هل أنتِ حقًّا وردتي
أمْ تُراكِ محضَ ثوبٍ للشَّظِيَّة؟


استريحي
ليسَ للدورِ بقيَّة
استريحي
انتهتْ كُلُّ فصولِ المَسرحيَّة 
فامسحي زيفَ المَساحيقِ ولا
ترتدي طُهرَ المُسوحِ المريميَّة 
واكشفي البسمةَ عمَّا تحتَها 
مِن حنينٍ واشتهاءٍ وخطيَّة

استريحي
استريحي
استريحي

.............................
كلمات:
الشاعر الراحل: أمل دنقل
أنطونيوس نبيل


ألحان:
أنطونيوس نبيل

توزيع:
Doddz
جيتار:
مصطفى أصلان
وتريات:
Doddz
ساكس:
حموسو
هندسة صوت وماستر:
Shankur

الفصل الأخير - جوني

هِيَ مُنيتي وغَايتي هِيَ هِيَ
خَمْرٌ في فمي اسمُها
هِيَ شَهوتي وجنَّتي هِيَ هِيَ
نارٌ في دمي عِطرُها

أينَ مِنِّي ذَا الحَريقُ
ذَا الفَناءُ بِقُربِها
لا حياةَ لِيْ أُطيقُ
إلَّا أنْ أهلِكْ بِها

هِيَ مُنيتي وغايتي هِيَ هِيَ
خَمْرٌ في فمي اسمُها
هِيَ شهوتي وجنَّتي هِيَ هِيَ
نارٌ في دمي عِطرُها

لا مَنَاصَ لِمَنْ رآها
مِنْ لهيبِ الغُلةِ
حَيثما وَلَّتْ خُطاها
فَهُناكَ قِبلتي
-----------------------------------
كلمات وألحان:
أنطونيوس نبيل
توزيع: 
أحمد العسال
حضور مميز للفنانة:
ريم نسيم
جيتار:
مصطفى أصلان
كولا:
محمد عاطف
هندسة صوتية وماستر:
Shankur

Monyati - Johnny | منيتي - جوني

غنِّي يا قلبي غنِّي
رغم الجراح

لا لا لا لا لا

غنِّي يا قلبي غنِّي
رغم الجراح

chante  moi
(غنيلي)

j’ai dit non
j’ai dit non
(أنا قلت لأ)

غنِّي يا قلبي غِّني
رغم الجراح
قادر والليل ساجنِّي
تلقى اللي راح
غنِّي يا قلبي غنِّي
صوتَك بَراح

.......................
كلام ومزيكا:
أنطونيوس نبيل

حضور مميز:
ريم نسيم

هندسة صوت وماستر:
ميشيل عبد الملك

غني يا قلبي - جوني

بلاش تسيب الحلم يتبخَّر
قدام عيونَك وانتا بتأجِّلُه
بلاش تقول الفجر متأخَّر
ما تيلَّا بينا نقوم ونستعجِلُه

بَدل ما تلعن جرحَك النازف
وانتا فـ حِمَى الجُدران بتتأمِّلُه
انزل بكفَّك ع الحيطان جازف
برَّه الحيطان فيه حلم بنكمِّلُه

برَّه الحيطان فيه فجر مستنِّي
تكسر قيودَك وانتا بتغنِّي
بره الحيطان فيه فجر مستنِّي
اكسر قيودك وانتا بتغنِّي

فك قيود الليل من روحَك
واخلق شمس بتتمناها
واتصاحب على طعم جروحَك
واتعلِّم تضحك ويَّاها

ليه تفضل على طول متشرَّد
فـ شوارع دبلت أساميها
ارفض حاول غيَّر حرَّض
هدّ الدنيا عشان تبنيها

ليه بتسيب الخوف يتأمَّر
على قلبك فـ الضلمة يوماتي
بحلق برَّق زعَّق زمَّر
قولُّه مالكش مكان فـ حياتي

قولُّه مالكش مكان فـ حياتي
قولُّه مالكش مكان
هـ أشطب ليلك من حكاياتي
قبل ما فجري يبان

اكره سجنَك كسَّر دمَّر
ماتغمَّضش فـ لحظة عيونَك
حلمَك مهما يعيش ويعمَّر
لازم ييجي فـ يوم ويخونك

ليه تفضل على طول متشرَّد
فـ شوارع دبلت أساميها
ارفض حاول غيَّر حرَّض
هدّْ الدنيا عشان تبنيها

قول لدروبَك مهما تضيقي
مهما تعاندي وتقسي عليا
برضُه هـ أكمل باقي طريقي
عمر ما كان المشي خطية

عمر ما كان المشي خطية
ولا كان شغل جنان
هـ أرفع راسي وأحط إيديا
على كتف الأحزان

برَّه الحيطان فيه فجر مستنِّي
اكسر قيودَك وانتا بتغنِّي
برَّه الحيطان فيه فجر مستنِّي
اكسر قيودَك وانتا بتغنِّي

.....................................

كلمات وألحان: أنطونيوس نبيل
توزيع: محمد يسري
جيتار: مصطفى أصلان
بيركشن: ضياء بدر
كمان الكتريك: محمد علي
ناي: محمد عنتر
ميكس وماستر: ميشيل عبد الملك

اكسر قيودك - جوني وريم

- غنيت غُنايا انتقم
مِن صرخة فضَّاحة
مِن صمت متفرعن

- رافض أنين السأم
مش طايقُه بصراحة
= رفضَك حرام شرعًا

= جرحك لا عمرُه اِلتأم
ولا عمرُه شاف راحة
علشان عنيد وأرعن

= إيَّاك تسيب عشنا
واسمع كلام أهلك
خليك هنا فـ حضننا
دا الموت بيندهلك
هـ تطير بعيد عننا
هـ تموت وحيد طبعًا


- أنا عشي بيرفرف بعيد
ماقدرش يصطادُه النظر

= عايز تطير هـ تطير وحيد
سلسل جناحَك بالحذر

- مايهمنيش.. ما اقبلش أعيش
منقار ذليل حلمُه انكسر
جوَّايا ريش.. مابينحنيش
ع الريش مافيش للخوف أثر

= البحر زيّ السَّما
والطير عشان اتعمى
أوِّل ما شافُه اترمى
ماقدرش يستنَّى

= الموج عليه اتحبك
شاف ابتسامتُه اتربك
دبلتْ عيون الشَّبك
لما السَّمك غنَّى

= ياما قالولُه يا طير بلاش
ونهوه كتير وما انتهاش
قال: اللي مات فـ صعودُه عاش
- أكتر ما يتمنَّى

= فيه حاجات كتير ماحسبتهاش
اسمعنا واتأنَّى
إركح يا واد.. وبلاش عناد
كلّ الطيور كانَّة

- أنا عشي مش قش ودفا
ولا قلبي بالحَب اكتفى
ولا جرحي غاوي الشَّحتفة
ولا أنّْ يوم أنَّة

= خلَّص كلامُه واختفى
فـ صعودُه للجنَّة
الصمت ساد.. صار السواد
أجراس بلا رنَّة

.......................................
كلمات وألحان ورؤية: أنطونيوس نبيل
توزيع: وليد ميمني
كلارينت: حموسو
ناي: محمد عاطف
قانون: وليد حسن
ميكس وماستر: ميشيل عبد الملك

يا طير بلاش - جوني

الفيديو كليب:
https://youtu.be/xzhUxn4w-aM

يا قبضة بتُعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا قاصدة تكوني مش ليَّا
مانيش قادر أكون خِصمِك
بأضمِّك ونتي مهزومة
.. آلاقي فـ وشي أسلحتِك

يا راصدة كل شيء فيَّا
مافيش فـ ضلوعي غير اسمِك
حروف جوَّايا ملضومة
.. بخُصلةْ ضيّ من ريحتِك

يا قبضة بتعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا لسعةْ برد بتزاحمي
طيور فـ عروقي مفزوعة
بتنهش قلبي وعيونِك
.. على حدود الأمل رابضة


يا رعشة متبِّتة فـ لحمي
شفايفِك شوكة مزروعة
ما بين أحلامي وسجونِك
.. وبين النبضة والنبضة

يا قبضة بتعصري فكِّي
يا صرخة فـ حَلقي بتكابر
.. ونا فـ الصمت بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة

يا ضحكة تمللي بتكشَّر
.. يا غنوَّة بدمي مكسيَّة
يا حيطة جِلدها مقشَّر
.. مكان ما سندتْ بإيديَّا
يا خوذة بتحمي سجَّاني
يا أجمل دودة ساكناني
فـ قلبِك كفّ م الأحزان
.. بيعصر قلبي كالعادة
يا شايلة م السموم ألوان
.. ياريت الموت يكون سادة

يا قبضة بتعصري فكِّي
يا صرخة فـ حَلقي بتكابر
.. ونا فـ الحلم بأتمادى
ضروري فـ لحظة تنفكِّي
عشان مابقاش وجع عابر
.. فـ روحُه الآهة متعادة
........................................
كلمات وألحان: أنطونيوس نبيل
توزيع: أحمد العسال
حضور مميز للفنانة: ريم نسيم
جيتار: روكيت
كولا: محمد عاطف
ميكس وماستر: Shankur

O..Fist - Johnny | يا قبضة - جوني

الفيديو كليب
https://m.youtube.com/watch?v=uUkipIU15Vc

صوتي يا ناس اتنبح
حاسس كأني شبــح
شبح يجوز
بيمشي من غير كلام
طـــــريقه زيه تمام
طريق عجوز

صوتي يا ناس اتنبح
حاسس كأني شبــح
شبح يجوز
أول ما جرحه ابتسم
قـدام عيونه اترســم
طريق عجوز

الأسفلت اتشقق        والليـــل بيخــطى عليه
لو فـ عيونه تدقق      هتلاقي دموع فـ عينيه

هتلاقي نجوم بتقرقـض
فـ رغيف مليان مسامير
وولاد بتقوم وتحــــرض
عصافير مش عارفة تطير
وعجوز بيقول سرقـــوني
مـ الخوف مقدرش ينـام
وبنات زي البونبـــــوني
بتفتش فـ الأحــــــــلام

الأسفلت أتشقق        والليـــل بيخــطى عليه
لو فـ عيونه تدقق      هتلاقى دموع فـ عينيه

وكمان عواميـــد مطفيه
مخنوقة بقالـــــها سنين
تحتهــــا كراكيب مرمية
مفيهــــاش غير التعابين
ووشوش من كتر وجعها
ضحكت من غير أسباب
أول ما البرد لسعــــــها
قفلت على روحها الباب

الأسفلت أتشقق        والليـــل بيخــطى عليه
لو فـ عيونه تدقق      هتلاقى دموع فـ عينيه
--------------------------------------------
كلمات وألحان: أنطونيوس نبيل
توزيع: جون اسطفانوس
جيتار: مصطفى أصلان
بيركشن: ضياء بدر
ميكس وماستر: ميشيل عبد الملك

طريق عجوز - جوني ومحمود فليفل

Stamattina mi sono alzato
O bella ciao, bella ciao, bella ciao, ciao, ciao
Stamattina mi sono alzato e ho trovato l'invasor

قوم قاوم خوفك و مُرارهُ فـ جوفك
أوعاك تخاف، أوعاك تخاف، اوعاك تخاف 
ازاى العُمر فـ الخوف بيمر
اثبت مهما كان المجهول

خوفك ده عدوك ضعفك بيذلك
أوعاك تخاف، أوعاك تخاف اوعاك تخاف
رغم الصعوبات رغم الآلمات
مع ضيّ الفَجر الضلمة تزول

في ضيقتنا دي واحد لازم هنعاند
مش هنخاف، مش هنخاف، مش هنخاف
مسيرها تعدي، والريح هتهدي
دوام الحال شئ مُش مَعقول

No more tears
Face your fears
We'll stand, we'll stand, we'll stand
It will be gone
When we are one
It will be gone When we are one

Stamattina mi sono alzato
O bella ciao, bella ciao, bella ciao, ciao, ciao
Stamattina mi sono alzato e ho trovato la speranza
-----------------------------------------------------------
الكلمات الايطالي واللحن: فلكلور ايطالي
الكلمات العربي والانجليزي: ريمون صقر
توزيع: ريمون صقر
ميكس وماستر: ميشيل عبد الملك
ترجمة: داليا لويس
===================================
One morning I awakened,
Goodbye beautiful
One morning I awakened
And I found the invader.

Rise! Resist your fears and your bitterness defy
Never ever fear…Never ever fear
How come your life is spent in horror?
Courage! Fear no unknown

Your fear is your foe, and weakness a shame
Never ever fear…Never ever fear
Despite the difficulties, despite the pain,
With the light of dawn, darkness shall wane

In our plight, we do unite and have to fight
Never to fear, never to fear
It’s sure to end, and wind to halt
For none endures, this is intuit

One morning I awakened,
Goodbye beautiful
One morning I awakened
And I found the Hope
---------------------------------------
Italian Lyrics and Melody: Italian folklore
Arabic and English Lyrics: Remon Sakr
Arrangement: Remon Sakr
Mix & Master: Michel Abdel Malek
Translation: Dalia Louise

La Speranza - Johnny | الأمل - جوني

الفيديو كليب
https://youtu.be/n21RHdfTjZo

الكلمات:
فى القهوه كان فيه قطة بالاعبها و انا قاعد وحيد
على قد ما شفت الحنان فـ عينيها شفتِك من بعيد

شفت فـ عينيكي الدنيا لسه ملونه
و شفتني و انا لسه قادر ابتسم
و طيور بتعلن بالغنا عن حبنا
ايدي فـ ايديكي و حلم بينا بيترسم

البحر كان فـ عينيكي بيضم النجوم
و الشمس كانت بتواعدنى فـ كل يوم

مليون فراشة فوق شفايفِك شفتها
معرفش ايه خلاني اقولِك انى خايف وقتها
---------------------------
حضور مميز للفنانة: ليليان عبيد
مترجمة لغة اشارة: مارلي مدحت
كلمات وألحان: أنطونيوس نبيل
توزيع: وليد ميمني
جيتار: مصطفى أصلان
فلوت: سوسنة ريمون
ميكس وماستر: ميشيل عبد الملك
مدير تصوير: أنطونيوس باسيلي
جرافيكس: محمد السعدني
ترجمة: داليا لويس
======================
Lyrics:

In the cafe, as I was cuddling a cat in solitude
As much as I saw tenderness in her eyes, I saw you yonder
In your eyes, I saw a world still lurid
I saw I could still smile and beam
While birds were singing our love,
we joined hands and sketched our dream
The sea in your eyes was gleaming with stars
Each day, the sun gave me new promises
And I saw a million butterflies on your lips
But …alas! Why did I tell you I was afraid that day? 
---------------------------------------------------------
Special appearance: Lilian Ebeid
Sign language interpreter
Lyrics and Melody: Antonious Nabil
Arranged by: Walid Maimany
Guitar: Mostafa Aslan
Flute: Sosana Remon
Mix and Master: Michelle Abdel Malek
Director of Photography: Antonious Bassily
Graphics: Mohamed AlSadany
Translated by: Dalia Louis

A Million Butterflies - Johnny | مليون فراشة - جوني

أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا


Singles - Johnny | أغاني سينجل - جوني

Johnny singer 81