تاه وسط الزحام
فكر في أبعد مكان
ينسى فيه إلي راح
واللي صار و كان

ورا موج و بحر و شمس و ليل
أبعد غابة و أبعد سيل
ينسى الماضي
و يفضل لحنه الهادي
يرجع زمان
من أبعد مكان

تاه وسط البيوت
والذكرى مش بتموت
فاكر إنه الحل
يهرب و ينسى الهم

ورا موج و بحر و شمس و ليل
أبعد غابه و أبعد سيل
ينسى الماضي
و يفضل لحنه الهادي
يرجع زمان
من أبعد مكان

Ab3d Makan.Masskara Team (ابعد مكان(فريق ماسكارا.فيلم ميكروفون

جربت في مرة تقرب من انسان مجروح
ضايع مهزوم محروم من طعم الفرحة
ساعة ما اتألم اتكلم بحلاوة روح
راجع مجروح مش قادر يهرب م الجرح

اتطمن حس بدفا في ايديك....حبيته لقيته ف حضنك طفل برئ
طيبت جراحه اديته عينيك....اديته مشاعرك مشيتوا طريق
عرفته ازاي من تاني الفرح يسكن مطرح كل الاحزان
و زرعت امان ولقيت الطرح فجأة بيدبل علي ايد انسان
 جربت يخونك ويسيبك في السكة حزين مش طايق حتي يحس بجرحك
جربت عيونك تناديله وتستنجد بيه ولقيته علي دمعك واقف يضحك
ولقيته علي دمعك واقف يضحك

حنيت ل مكان كان دايما يجمع بينكم ولقيته بيخونك فيه
جربت تواجه واحد بخيانته هزمك جبروت في عينيه

كان نفسك تصرخ في العالم ملقتش ف قلبك صوت
ضحيت بحياتك والظالم بيجرب فيك الموت
جربت تموت...


Garbt_Elissa (جربت(تتر مسلسل مع سبق الاصرار_اليسا

لونهدى حبه من الاول ..وجديد نتربى
لو نهدى حبه.. منسبش بينا حاجة تستخبى 
لو نهدى حبه من الاول ..وجديد نتربى
لو نهدى حبه.. منسبش بينا حاجة تستخبى 
لو نهدى حبه ...حبيبي عشان نعرف نتفاهم
لو نهدى حبه هنفهم اللى سنين ..مش فاهم
لو نهدى حبه عشان نعرف نتفاهم
لو نهدى حبه هنفهم اللى سنين ..مش فاهم
يابنى العتاب ده واللوم ده من باب المحبة

البيت وناسه والخمسة ستة اللى احنا منهم 
دول اللى لو نحتاجلهم ..يدونا عينهم
البيت وناسه والخمسة ستة اللى احنا منهم 
دول اللى لو نحتاجلهم ..يدونا عينهم
احنا اللى غمسنا فى طبق واحد زمان
ستر وغطا على بعض حاسين بالامان
احنا اللى غمسنا فى طبق واحد زمان
ستر وغطا على بعض حاسين بالامان
يابنى العتاب واللوم ده من باب المحبة

Law Nhda Hba_Wael_Jassar لو نهدي حبة_وائل جسار

مش كل حاجه بنلاقاها...... زي احنا مابنتمناها
ف الف حاجة تفرحنا وقصادها مليون يجرحنا
وتملي بنعلق روحنا بحاجات بعيده ونهواها

واهو طبع مش راضي يسيبنا....مانحسش الي قصاد ايدينا
والسهل مابيبقاش عاجب وكأنه تقضيه واجب
مانفوقش غير بعد تجارب او خبطه جامده تعذبنا

وحاجات كتيره نصدقها عارفنها كدب م الاول
نتعب ف روحنا ونعشقها وجراحنا بعديها تطول
وحاجات كتيرة نصدقها عارفينها كذب من الاول
نتعب في روحنا ونعشقها وجراحنا بعديها تطول

غير الندم وحبه الم ف قلوبنا دي الي ظلمناها

مش كل حاجة_محمد الصاوي من فيلم "اذاعة حب"_ Mosh Kol 7aga_Mohammad_EL sawy

فهمت متأخر اوي بعد فوات الأوان
وعمري انا قلبي ماكان قوي و في الحقيقة الشر بان

انا كنت كافي خيري شري ومرة وحدة مالقتش نفسي حبيت و عيني اتقفلت
الحب خدني طريق غلط ولسان ضميري فجأة اتربط و حاجات كتيرة اتبدلت

جوايا مين اصدقه جوايا واحد مااعرفوش
غلطان وغلطه معلقه على حجة خايبة ماتنفعوش

انا كنت كافي خيري شري ومرة وحدة مالقتش نفسي حبيت و عيني اتقفلت
الحب خدني طريق غلط ولسان ضميري فجأة اتربط و حاجات كتيرة اتبدلت

طلعت فيا حاجة وحشة مشوفتهاش
هو انا اللي اخترت ولا محسبتهاش

انا كنت كافي خيري شري ومرة وحدة مالقتش نفسي حبيت و عيني اتقفلت
الحب خدني طريق غلط ولسان ضميري فجأة اتربط و حاجات كتيرة اتبدلت

فهمت_متأخر_من_فيلم(لمح_البصر)هيثم_سعيد

حبة ظروف اتجمعت علي شكل واحدة قلبها مجروح
حبت تعيش بين البشر ملقتش بينهم اي باب مفتوح
كل اللي جاي جايب وجع ياخد مكانه فرحها ويروح
ومن النهاردة ياروح ما في بعدك روح

وياعيني علي لف السنين بتهد مين وتعلي مين ع التاني
شر الحليم مش من مفيش وهاعيش لمين لو مش هاعيش علشاني
حرماني من كل الحاجات والخوف ف قلبي لما زاد قواني
كل شئ باوانه والنهاردة اواني

اسرار في قلب لا تتكتم ولا تتحكي ولا يفهموها الناس
بس اللي لازم يتعرف كتر الالم بيموت الاحساس
مش كل ماضي بنعشقه في ماضي لازم يتنسي ويتداس
وكفاية انه اتعاش وقت مانسبناش

وياعيني علي لف السنين بتهد مين وتعلي مين ع التاني
شر الحليم مش من مفيش وهاعيش لمين لو مش هاعيش علشاني
حرماني من كل الحاجات والخوف ف قلبي لما زاد قواني
كل شئ باوانه والنهاردة اواني

حبة ظروف(تتر مسلسل السيدة الاولي)_اصالة_Habet_Zrof_Assala

طفي النوووور....طفي النور يابهية
طفي النووور.....كله عساكر دورية
جوزك راجع من سوقه..راكبه الهم وبيسوقه
نطوا العسكر من فوقه..دورية ورا دورية
طفي النوووور....طفي النور يابهية
طفي النووور.....كله عساكر دورية
جوزك سارح علي غيطه...بيلضم همه في خيطه
ازحه العسكر علي حيطه...يلعبوا عسكر حرامية
طفي النوووور....طفي النور يابهية
طفي النووور.....كله عساكر دورية
خالك راجع من مكة...خالك راجع من مكة
طلعوا العفاريت في السكة...الف ولاد الجّنية
طفي النوووور....طفي النور يابهية
طفي النووور.....كله عساكر دورية
ولدك رايح علي عكا يفتح سكة علي سكة
ولدك رايح علي عكا يفتح سكة علي سكة
طلعوا عليه سدوا السكة...واتحاصر رايحة و جاية
واتحاصر رايحة وجاية
واتحاصر رايحة وجاية
واتحاصر رايحة وجاية
قّيدي النور يابهية....كل العسكر
قيدي النور
قيدي النور
قيدي النور
قيدي النور

طفي النور يا بهية كل العسكر حرامية -  الملك - محمد منير

المزيكا بتخلينا نعرف نعيش ونستحمل الواقع اللي مش عايزين نعيشه

Joman abbas mohammad

Popular tracks