Musika at titik ni Fidel Rillo / Dodjie Fernandez
Mula sa album 'Batang Clark' ng Patatag

Sa pagitan ng palay na ipinunla at palay na aanihin
Ay may butil ng pangamba't dalita na hindi mo maisaling
Butil itong naitanim sa malay mo ng gatilyo't asendero 
Butil itong naitanim sa malay mo ng gatilyo't asendero 

Sa pagitan ng sinulid sa makina at ng telang hinahabi
Ay may hibla ng dalita't pangamba na hindi mo maitagpi
Hibla itong ibinuhol sa puso mo ng gatilyo at ng amo
Hibla itong ibinuhol sa puso mo ng gatilyo at ng amo

Sa pagitan ng salaming tinutunghayan at salamin sa paningin
Ay may bubog ng sindak at alinlangang di mo nais gawing singsing
Bubog itong itinagos sa noo mo ng gatilyo at Estado
Bubog itong itinagos sa noo mo ng gatilyo at Estado

Sa pagitan ng salamin, ng sinulid, at ng palay ng hininga
Ay may baga ng pagtutol at himagsik na tutupok sa pangamba
Baga itong magliliyab sa dibdib mo at ibubuga ng gatilyo
Baga itong magliliyab sa dibdib mo at ibubuga ng gatilyo

Pangamba - accompaniment

jonkski