الله عليك يا نجم ......كلمات ولحن مفيش بعدة فى تقدم انشاء الله :)

http://www.mediafire.com/file/8zq5l58aijas85y/zekra+W+matet_%D8%B0%D9%83%D8%B1%D9%89+%D9%88%D9%85%D8%A7%D8%AA%D8%AA+_mohammed+hassan.mp3 لينك التحميل
https://www.facebook.com/profile.php?id=100000336763502 facebook 
اغنية /ذكرى وماتت
: غناء /محمد حسن
: الحان وكلمات/ابراهيم فاروق
: توزيع/محمد نبوى
كلمات الاغنيه :
قلبى اللى كان وياك زمان انساه وانسى الماضى اللى كان 
ذكرى وماتت حب وعدى عليه وقت وفات الاوان 
......
كنت بالنسبالى دهب واتحول فجأه لرماد
انسان على ايدى اتولد 
وانهارده بعتبره مات 
وانت جاى بتقولى نرجع بعد ايه مالوقت فااااااات 
......
اللى يهون عليه قلبى 
يهون عليا ويهون هواه 
ياللى نسيت فى يوم حبى 
قلبى شالك من جواه 
......
قلبى اللى كان وياك زمان انساه وانسى الماضى اللى كان 
ذكرى وماتت.. حب وعدى عليه وقت وفات الاوااااااان

Zekra W Matet ذكرى وماتت  Mohammed Hassan

اقوي ميدلي لرامي صبري :بصوت رحمه فارس {استديو}ΔألكہأبہوسہΔبرعايه سامح

ضعفت وبعترف اسف

الاغنيه دي لكل اللي حبيبهم اتخلي عنهم اسمعوووها ♥

Etkhn't - اتخنقت | Mahmoud | خليفه

الاغنية دي لواحدة انا حبيتها جدا ومشيت ومعرفش لحد دلوقتي هي مشيت ليه او راحت فين..صحيت الصبح تليفونها مقفول ولحد دلوقتي معرفش هي فين..يارب كلامي يوصلك..



lyrics..hesham(k.p4)..
music..free..
rec..master..timoo..
cover..oskar..




lyrics..

بكتب كلام كتير محبوس في سجن عمرى..
بنقربلك بطيبة يا عشق بتغفلنا وتجري..
سبع سنين بحكي في حواديت دايما مسمومة..
العمر بيجري بيا ولسة مش باينلي قومة..
بعزف الحان كئيبة ماليش غيرها تواسيني..
قربتلي نورتني الدنيا كانت حلوة بينا..
فجأة اختفت..مفيش أسباب للغربة حتي..
الوقت كان قرب يداوي اللي اتكسر منك..
عدد مكالمات الغرام والسهر لسة شاهدة..
قولتلي انك متشبيهيمش وانك جنبي باقية..
صحيت بتصل عيني تشع لهفة في البراح..
بقالوا كتير الصوت في ودني مغلق غير متاح..
راحت فين..اقسم بالله ما متخانقين..
حتي اخر صوت في ودني نمنا فرحانين..
معرفش طريقة اوصل بيها واسمع صوتك..
مش قولتي اخر مرة في بعدك عني موتك..



course..

انتي فين مش لاقيكى..قاتلني بعدك جدا..
بكدب عقلي كل يوم واقول هترجع..
علفكرة بعدك الحياة ملهاش لزوم..
علفكرة عيني لسة مبتعرفش طعم النوم..




verse 2..


طيب عايشة..والا انتي جرالك حاجة..
مش عارف حاجة عنك بسأل مش لاقي الاجابة..
ظلمني حظي دايما نحس مخاوي صوتي..
اتنين بنكلم بعض في شخص عشان يعدي يومي..
بتلككلك بتحججلك بألف طريقة..
بقول يمكن عرفوني في بيتها مصعبينها عليها..
الوقت طال وقلبي مش عاتقني تهم..
دي ماتت لأ دي باعت لأ ده حلم خلاص اتدفن..
وأقوله نصبر..بكرة اللي فيها أكيد هيظهر..
ويا خوفي متبانيش والوجع جوة يكبر..
وفي عقلي كلام كتير بسمعه ومش بنساه..
احضانا بيوت لبعض ومش هنبعد ياه..
عارف..يا هشام والله ما مصدقة..
مش قادرة أعبر عن فرحتي بس بحبك بقي..
تعبت صبر ولسة مش لاقيلها حل..
منيش أيوب من الأخر من التفكير خلاص هتجن..




course..


انتي فين مش لاقيكى..قاتلني بعدك جدا..
بكدب عقلي كل يوم واقول هترجع..
علفكرة بعدك الحياة ملهاش لزوم..
علفكرة عيني لسة مبتعرفش طعم النوم..


اسمع وشير لو عجبك <3..
#MC_HESHAM..
#KP4..

Nty Feen ll  انتي فين

Lycris:


حياه بقت مملة ايام شبه بعضها 
الاوقات الحلوه من قلتها بجد نسيت شكلها 
الفرح بيجي يوم والحزن طول السنه 
وابص في المراية واحد تاني لا مش انا


بقيت مش عارف عاوز ايه تايه وسط عتمه 
حاسس روحي خلاص بتطلع من كتر الكتمه
كل ما الاقي نور اقرب منه بسرعه يطفي 
ومع مرور الوقت فيها عقلي بقي بيهزي 


عمال بصرخ وانادي كله عامل مش سامعني 
غرقان في بحر عذاب بياكل كل حته مني 
بحاول فيه اعافر نفسي بجد منه اخلص 
والعمر بيجري مني اوكسجيني قرب يخلص


اكتئاب بقي ملازمني بعد ماكان فتره معايشه 
بقعد لوحدي اهلوس افعالي بقت طايشه 
كل حاجه زهقت منها مش مستحمل اي بشر 
مش باقي عليكو صدقوني قلبي اتحول حجر


قاطعت كل الناس مبقتش قادر اشوف وشهم 
حتي انتي ياللي مني اتغيرتي بقيتي زيهم 
كنتي زمان بتسمعيني احكي ع اللي واجع قلبي 
سبتيني بقيت لوحدي وبتلوميني تقولي ذنبي


بس عندك حق ما انتي قولتي ليا اخلي بالي 
وان العزف ع الاوتار لما يخلص هبقي لحالي 
خلصت كل الاغاني وانا بقيت وحيد سابوني 
ورغم اني نسيت وشوشهم برده لسه بيغتابوني



اللمه دي كدابه وانت عارف بس ساكت 
لما تقع يوم في شده هتلاقيها عامله ماتت 
واللي سبته انت زمان لقيته ف ظهرك لما ضاقت 
هي دنيا تحب العوج كل حاجه فيها مالت


هتلاقوني معاكو بضحك عادي بعمل كل البدع 
ولو دخلتو جوه مني هتلاقو الف وجع 
بتظاهر اني كويس رغم اني شايل هم 
خايف اطلب منكم العلاج تدوني بداله سم


بعدت عن ربنا خلاص ضميري بقي يميل 
بس برده قاعد خايف اني اقابل عزرائيل 
وف نفس الوقت عاوزه يجي عشان خلاص زهقت 
م الدنيا وم اللي فيها كل حياتي بقت زفت


بقعد لوحدي كتير افتكر ف اللي عدا وفات 
لو يرجع بيا الزمن كنت هغير فيه حاجات 
ولما افوق م الوهم ابص الاقي الجاي اسوأ 
الخير والشر اختلطو مش عارف بينهم افرق


ضميري اتبري مني لما لقاني بقيت فرعون 
قلبي جحد علي الكل جحوده يكفي كل الكون 
كان حواليا ظيطه وطبل كانو عزوة بالنسبالي 
ولما وقعت كله باع سابوني فيها لحالي 


مبسوطه مني قولي ولا لسه هتلوميني 
حاولت انقذ نفسي بس جيتي وغرقتيني 
بقيت شيطان في هيئة بشر ايوة علمتيني 
اخر زفير بيطلع موت خلص اوكسجيني

FeRo - Akher Zapheer | فيرو - اخر زفير

Lyrics, Composition, Music Arrangement : Mohamed Ghazi

Ghazi - Ashea El Skout | غازي - عشق السكوت

..إِنتهت

قصيدة اتخطبتي

اتخطبتي
بعدتي بعد ما كنتي قربتي
هونت عليكي ولا مره ف يوم هونتي
نسيتي الحب ووعودنا وفجأه بكل برود غيبتي
مش مصدق الخبر ولا مقتنع
وان عقلي صدق قلبي يرفض ويمتنع
انك بكل سهوله خدتي قلبي ووعدتي تحافظي عليه
وانك بأسهل منها كسرتي قلبي وهربتي
طب كنتي قولي ايه اللي فشلت فيه
كنت غيرته
كنت شوفت ايه اللي انكسر بيننا وصلحته
مكنتش واعي للدنيا ولا اصدق بانك تمشي
اديني دلوقتى اهو بسمع بأنك خلاص اتخطبتي
طب كنتي قولي محبتكش  وهحاول اصدق
واصدق ازاي وانا شايف لمعت الحب ف عينيكي بلونها الازرق
كان سهل عليا الناس تمشي
ولا انك انتي اللي تسيبيني وتمشي
فكرت ان انا  اجرح فيكي لكن قلبي رفض
مقدرشي
انا عقلي شيطان وسوسلي اخونك
اني اشوف قصة حب جديده
وصعبت عليا وانا بدونك
مقدرتش حتي اني اخونك
وقدرت اخون عقلي وافتكرك وافكر فيكي
وقبلت بفكرة ترميني ولا اني اكون اللي راميكي
واحميكي من نفسي ومن حالي
ورفضت البنت اللي بكل حياتها جيالي
وبكل بساطه كسرت خاطرها
قلتلها نانا اللي ف بالي
نانا اللي اترسمت ف خيالي
هي البنوته اللي ربنا هداهالي
ولكنك كنتي  بغير ظني
ولا كنتي الام اللي ف بالي
ولا كنتي وطني
ومصدقتش لما قالو بكل بساطه انك وافقتي واتخطبتي
واقول ايه للي بايعاني
اداوي جروحها بوجودي
وهي بغيابها واجعاني
اتخطبتي
خلاص يعني  مشيتي بعد ما كنتي قربتي
ياريتك كنتي قلتي هغيب قوليلي هسيب
وكنت هقولك ع حالي ف غيابك شكله ازاى
وكنت هوريكي سيناريو حياتنا كتبته ازاي
ولا كنتي هتبكي ع حاجه
ولا تبقي ضعيفه ومحتاجه لحنان وسلام
نفسي
وانا كنت هقول اللي ف نفسي
تصبري حبه ونعيش ف محبه وبيت دافيان
من ضحكت وشك وعينيكي  الساحره كأن ساكنها الجان
واجيبلك وانا جاي بالليل شيكولاته وعصير ولبان
ومكنتش هشرب دخان
ولا هسيبك واخرج لاصحابي
وهبعد عن اهلي واحبابي
ماحبيبتي جنبي وتكفيني
وان لحظه ضعفت تقويني
وهبيعلك عمري وسنيني
وان تجرح قلبي كل الدنيـا
تحضني بايديكي وتقويني
ونخلف بنت تكون نانا
شايله اسمي وكل ملامحك
وان جيتي ومره وزعلتيني والله لاسامحك
لكن فجأة صحيت من نوم
علي حلم رسمته ف اوهامي
وانك وبكل سهوله غيبتي ومبقيتيش قدامي
واني معيبتش
وانتي اللي فيا عيبتي
ولغيري ضحكتي واتخطبتي
النهارده تحديداً حسيت بالبرد
كان نفسي اكون انا وياكي واعملك ممشي مفروش فيه ورد
بس اقول لك ايه يعني
فراقنا موجوعكيش بس المره دي أول مره بجد فراق يوجعني
ع العموم مبروك عليه حوريه عايشه ف وسط الناس
وانا هفضل مكتفي بالجرح اللي كل ما بيعدي عليه الوقت بدل ما بيلم بيوجعني
وايه يعني واحده راحت
ما اللي راحو زمان كتير
بس اللي بجد المره دي اني حبيتك وبضمير
اتخطبتي مبروك عليكي دبله حلوه وضحكتين وكام صوره
بس اوعديني انه يحافظ عليكي وميسيبكيش ف يوم مكسورة
وانا هكون  زي ما انا عايش بحالتي
والنهارده بكتب قصيده ليكي ف يوم ما اتخطبتي
بقلم /محمد مختار الوكيل
لينك قناة اليوتيوب 
https://www.youtube.com/channel/UCoDJ1GCAVielE0lZSnA5d7w

لينك صفحتنا ع الفيسبوك 
https://www.facebook.com/Mohamed.mokhtar.alwakeel/

Zekra W Matet ذكرى وماتت Mohammed Hassan

mohammed haasan

Recent comments

Mory Medo

Abdelhameed Adel

Sherif Yahya

ahmed Nabil

Related tracks