We bow down... at Livingroom, Marikina

Who among the gods... at Living room, Marikina

Maglakad Jingle at Livingroom Marikina

Ating Tawirin 
-JACO 2014

Hindi Kailangang malayo ang marating
Hindi kailangang marami ang abutin
ang nararapat lamang ay ating lingunin
at kabilang bakuran ay ating tawirin

Nariyan si Dodong at kapatid na si Lyn
palaboy-laboy tila ba tangay ng hangin
O kay lakas ng kanilang sabay na daing
Kapirasong tinapay lamang ang hiling

Samantala sa loob ng bakuran natin
minsan may reklamo sa naulit na piging
at tinapon pa ang labis na pagkain
matapos magpasalamat sa Dios na naghain

Hindi Kailangang malayo ang marating
Hindi kailangang marami ang abutin
ang nararapat lamang ay ating lingunin
at kabilang bakuran ay ating tawirin

Ang pamilya ni Juan sa lungga nakabinbin
nagtitis sa lamig na kakaiba ang dating 
nanginginig sa himig ang maysakit nilang tinig
ngunit tila ba walang nakikinig

Sa'ting bakuran na 'di naman gaanong kay laki
kaginhawahan ang daling mapapansin
ngunit may kumakatok na sana ay dinggin
hiling ay saglit sa bangis ng hangin 

Hindi Kailangang malayo ang marating
Hindi kailangang marami ang abutin
ang nararapat lamang ay ating lingunin
at kabilang bakuran ay ating tawirin

Koda:
magsimula sa isang hakbang
ang pagbukas ng ating tahanan
maging isang ang puso at diwa
hanggang ang bakuran ay 'di na kailangan

Hindi Kailangang malayo ang marating
Hindi kailangang marami ang abutin
ang nararapat lamang ay ating lingunin
at kabilang bakuran ay ating tawirin

Joseph Ongkiko