موسيقى ترانيم

æÍÏß íÇ íÓæÚ

ضعفي مين يحس بيه - فريق الرسالة ( وحدك يا يسوع )

رب المراحم بنجي لك
نسكب نفوسنا عيوننا عليك
نمسك في شخصك ننادي لك
أرحم دا شعبك مستنيك

يارب شعبك محتاج لك
ارسل كلامك وأشفينا
نسقط في يدك ونعود لك
نترجي رحمة تحيط بينا

القرار: يارب أفكارك لينا
صالحة وقصدك خير وشفاء
حتي إن سمحت أتذلينا
نرجع نردد لينا رجاء

أنت اللي بتنجي من الموت
نجيت ودايما هتنجي
وفي التجارب لينا الصوت
كل التجارب هتعدي

تسمع صراخ شعبك في الضيق
تنقذ وأسمك يتمجد
تفضل ساندنا يا أقوي صديق
وعدك لشعبك يتجدد

أنت اللي حاسس بألمنا
لازم في وقتك هتجينا
أنت اللي شايف أتعابنا
وكل هم بيسبينا

أسمع ياسيد لصراخنا
أغفر وعد لينا وأحيينا
يارب رجع أفراحنا
أظهر مراحمك ورينا
______________
تخطيطك رائع

رب المراحم | متي رشدي

ملء روحك العجيب - قس مكرم جلبي

بعد ما كنت عبد أسير - الحياة الأفضل ( مغامرة في البحر )

قراءات يوم الثلاثاء من الأسبوع السادس للخمسين يوم المقدسة

Get a beverage and get ready for a music journey. Art by me

Searching For Mystic Fortunes

Some of Dr. Baheeg's best instrumental arrangements of Arabic and classical Christian music, for you to enjoy... May they bless your heart.

ما احلى السجود أمامك

1- لما بتأمل نزولك علشاني من سماك
كان جلال المجد توبك ورميت توبك وراك

القرار- كل قلبي في بركع وبيصير بخور صلاة
كل روحي في تخشع في عبادة للإله
كل قلبي ..كل روحي..في عبادة للإله

2- كنت في أكمل طبيعه جوهرك كله سماوي
وامتيازاتك  رفيعه كل ملء الله تساوى

3- صرت إنسان زي صنيعك زي عبد من عبيدك
في وداعتك وإتضاعك حتى تنقذني بإيديك

4- إلى همك مش حقوقك إنت فكرت في مصيري
وخلاصي هو شوقك كان في ذهنك بس خيري

5- التنازل هو مجدك في التواضع شفت قدرك
ما في قبلك ما في بعدك كل سلطان تحت أمرك

لمّا بتأمل نزولك - فريق ترانيم السما

موسيقى ترنيمة بثقة أتقدم أمام عرش النعمة (جيتار)

موسيقى ترنيمة للمنتهى أحببتنى
-------------------------------------------------
حبنى بال ٥ لغات واكتر شوية ...
قعدت افكر كتير ...
هى محبة ربنا ممكن تسد احتياجى للحب ....
وبلغة علم النفس والمشورة ...
هل هو عارف ايه لغة الحب بتاعتى ...ولا عنده لغة واحدة ..؟؟
ولاول مرة اكتشف أنه حبنى بال ٥ لغات بتوع الحب ...
حبنى بلغة اللمس ...
شماله تحت راسى ويمينه تعانقنى ...ولما باكون تعبانة يمد أيده ويلمسنى ويشفينى ويمسك بيمينى ويهدينى 
وبيقولى دائما قد ايدتك وعضدتك ...
شعر راسى معدود عنده ...
ناقشنى على كفه ...
ولما اتضايق يميل على ويقرب منى ...
 ويخلينى انا كمان المسه وابادله لغة اللمس  ...
فامسكته ولم ارخه ...ومع المريمات اسجد وامسك بقدميه 
ومع المرأة الخاطئة اقبل قدميه ..
فى عيد الحب مش عايزة غير لمسة من هدب ثوبك يا سيد 
وبلغة الكلام حبنى وقال احلى كلام ...
إذ صرت عزيزا فى عينى مكرما وانا قد احببتك ...
احببتكم قال الرب ...
محبة أبدية احببتك ...
وقالى لا انقض عندى ولا اغير ما خرج من شفتى ...
كلمته واحدة معندوش ولا لف ولا دوران ...واضح وصريح 
وعايزنى كمان ابادله لغة الكلام ...
قالى كتير اسمعينى صوتك ارينى وجهك ...وبقيت اقوله لا مثل لك بين الآلهة ..أبى انت واليف صباى ...أبرع جمال من كل بنى البشر ...انسكبت النعمة من شفتيه ..
ده غير الغزل والملاطقة اللى ملا كيانى بيها  
صوتك جميل ...
وجهك لطيف ...
عيناك غلبتانى ...
عينى عليكى من اول السنة إلى آخرها ...
ويمتعنى بنظرات الحب مع الشاب لما نظر إليه وأحبه ....
وملا ودانى كلام حب لما قال 
افتحى لى يا حبيبتى يا حمامتى يا كاملتى ...
فى عيد الحب ...قل كلمة يا سيد  لتبرأ نفسى 
وخلينى اشبع ودانى و عنيى بيك ...
حبنى بلغة الوقت
بيدينى وقت طول الوقت ويقولى ...
هوذا الان وقت مقبول ...ماتيجى نقعد مع بعض شوية ...
متاح ٢٤ ساعة ٧ ايام فى الأسبوع ...لا يغفل ولا ينام 
واقف بيخبط على الباب علطول ...مستنى افتح له يقعد ويقضى وقت ..
سايب اللى وراه ومركز معايا ...زى ما عمل مع السامرية 
قالى لاتخف لانى معك كتير بعدد ايام السنة 
عايز يتعشى ويبات ويصنع منزلا...
ليس له اين يسند رأسه ...انا مكان راحته الوحيد ... 
اسمه عمانوئيل لأنه معايا وفى صفى ...
أدعوه فى وقت الضيق يسرع الى وينقذنى 
وعايزنى اديله وقت وأحبه بلغة الوقت واقوله 
تحت ظلك اشتهيت الجلوس وثمرتك حلوة لحلقى ...
عايز يحسسنى بحضوره كل دقيقة ...عايزنى زى مريم قاعدة تحت رجليه وناسية الزمن و الساعات فى حبه 
فى عيد الحب ....
مش عايزة غير انك تمكث معى لأنه قد مال النهار 
وبلغة الهدايا كان بارع ومازال بارع  
اعطانى نفسه بالتجسد وعملها بشكل عجيب ...
انعم على بالإنسان الجديد ...
اعطانى روحه القدوس ...
ابهرنى بالفداء وصليبه كان اعظم هدية  ...
وهب لنا الحياة الأبدية  ...
انار لنا الحياة الزمنية ...
اعطانى خدمة المصالحة ...
ومازال مراحمة جديدة كل صباح ...
وعايزنى أحبة بلغة الهدايا ...
لما قال اعطنى قلبك ...
فى عيد الحب اجدد عهدك  يا سيد 
فلا اطلب الا نهر سباحة لا يعبر من عطية الروح ...
حبنى بلغة الخدمة
لما ساب السما ونزل ...
لما اتصلب وفدانى ...
لما نزل غسل رجلى ...
لما مشى كتير عشان يجينى ويشفينى ..
لما حمل خطايايا ...وأخذ اسقامى ... واوجاعى ...
الذى احبنى وقد غسلنى من خطايا ...ادام لى الرحمة 
وعايزنى ابادله لغة الخدمة 
وبيقولى لو بتحبينى ارعى خرافى ...اغسلى رجلين اخواتك ... شيلى الصليب ...ارحمى ...
كل اللى عملته معاكى اعمليه مع الناس ...
فى عيد الحب مش باطلب غير انك تخلينى أدرك جزء من  اللى عملته عشانى عشان تخدمنى وتحبنى  ...

باشجع نفسى واشجعكم 
اقعد انهاردة نص ساعة ...فكر ايه هى لغة الحب بتاعتك اللى بتوصلك قد ايه انت محبوب  ...
وشوف تسديدها بالكامل فى شخص يسوع ..
هو بارع لأنه بيتعامل مع كل شخص فينا بطريقته ...
كل عيد حب وانتوا متمتعين 
بلمساته وكلماته ومعيته وهداياه وخدمته

ترنيمة للمنتهى أحببتنى

أدنو اليك ارتاح

ما كان يخطر ببالي- منير حبيب 23 -6

افتح كتابك على 
اش ٤٣ : ٢٥ 
اش ٤٤ : ٢٢ 
مى ٧ : ١٨ 
مز ١٠٣ : ١٢ 
تامل الاعداد السابقه جيدا ...
انا انا هو الماحى ذنوبك لاجل نفسى وخطاياك لا اذكرها 
مبروك على وعليك ...
غفران الخطية ...
هو اللى ماحيها مش من اجلى واجلك لاء من اجل نفسه هو ...من اجل صلاحه ...من اجل اسمه ...من اجل كلمته اللى طلعت من فمه المبارك ...من اجل رؤياه وهدفه وفداؤه وأعماله من اجل بنى البشر ...
والخطايا لا يذكرها ...حتى لو فضلنا انا وانت فاكرينها ...هو مش بيفتكرها ...
الخطايا اللى شايلينها على اكتافنا ...واللى حاطة علينا ذنب وموقعانا ...خلاص هو مش فاكرها ...
فهو يطرح فى البحر جميع خطايانا ...
مش نوع واحد بس ...لاء جميييييع الخطايا ...
ويضع لافتة على البحر ...ممنوع الصيد ...
يعنى مش من حقى وحقك نفتكرها تانى ولا تبقى متقلانا ...
لاننا كده بنشكك فى كلامه وفى قوة دمه ..
كبعد المشرق عن المغرب ابعد عنا معاصينا ...
يعنى احنا بقينا فى حته وخطايانا فى حته ولا يمكن نتقابل تانى ...
عزيزى ...
على قد استمتاعك بغفران الله على قد ما هتغفر للى حواليكى ...
لانك مش هتعرف تغفر للى اذوك غير من رصيد غفران ربنا ليك ...
صلى الترنيمة واستمتع بالحرية والغفران والقوة والطاقة والتجديد والتحرير والنقاوة...
تعالى نصلى سوا ...

أدنو اليك ارتاح

Safwat Garas 113

Related tracks