Pahabol para sa #DutertePalpak24BarsChallenge
ng tambisan-sa-sining
Prod. by calixph

Dami nang taon nang nakakulong, dami nang taon nang nalululong
Sa pasistang rehimen, bala nga ba solusyon?
Sa bagbunot ng baril, na sa taong bayan niyo lamang na kayang ituon

Ba't ganun? Sobrang hirap maging mahirap
Inosente ngunit katarunga'y 'di mahanap
Inosente ngunit isang paa'y nasa hukay
Inosente ngunit bakit binawian niyo ng buhay

Hanap-buhay ang pagkatay sa mga maralita
Agaw buhay sa bawat bigkas ng mga salita
Walang tunay sa paratang na kanilang nilikha
Habang buhay ay may buhay na tiyak mawawala

Lumalala na ang lagay ngunit hindi parin maamin
Tulog habang gising sa pag lutas ng suliranin
Nalubog sa kumunoy, ayudang nawala sa hangin
Ningas kugon sa pagtugon, dapat na 'tong tapusin

Hindi na maari na ikaw ay magpatuloy pa
Binhi ng nag aalab na apoy sayo ay tutusta
Tindig ng taong bayan na kailanma'y 'di matutumba
Dinig sa kanayunan ang aklas ng pagkakaisa

Masa ang lalaban tungo sa kaayusan
Dahil Masa ang lalaban Para sa kaunlaran
Masa ang lalaban para sa karapatan
At sa Masa Magsisimula, Duterte Wakasan!

Masa ang lalaban tungo sa kaayusan
Masa ang lalaban Para sa kaunlaran
Masa ang lalaban para sa karapatan
At sa Masa Magsisimula, Duterte Wakasan!

#oustduterte
#dutertepalpak

jrmns