لا يمل من هيك عمل احترافي

pppp

1.2.3 الراس خفاش

Music By Munma
Mastering by C-drik
ِِِِArtwork by Ali Rafei
من ألبوم "آدم داروين والبطريق" الذي يطلق السبت 24 أيار في مترو المدينة

https://www.facebook.com/events/640428996038205/

الراس و مونما - معركتي

عودة البطريق

Street Art by Ali Rafei

Video link:
 https://www.youtube.com/watch?v=JwgIsFfnNmc

كلمات:

"بتكون حمار إذا بتحط حالك عالمحك كرمال فكرة
بتكون حمار إذا بتحط حالك عالمحك كرمال فن
بتكون حمار إذا بتحط مالك عالمحك كرمال فكرة
بتكون حمار إذا بتحط مالك عالمحك كرمال فن
بتكون حمار إذا بتحط حالك مالك عالمحك كرمال معنى
بتكون حمار، وأنا بكون كلب

مينك انت؟ شو عم ترسم؟ ليه عالحيط؟
مين دافعلك؟ ولا مراهقة وحركات؟
الذكي بيرسم يا للمال يا للبنات
شكلك تبع معجزات، بركي الرسمة بترشح زيت
ما في معنى غير مصلحتي بشوف الناس بعين بطني
بتطعميني بقول ثورة، بيطعموني بقول فتنة
بشوف الكون بعين أفعى، الحق حجة الضحية
عين حوا للحشرية
وعين آدم نفعها أصلاً استثمار كتاب الآب
ما في حق ما في حرية ما في حب ما في وفا
والقضية بلا مالية اهتمامي فيها انتفى
إذا بإيد الملك صرة قوم بوسها
الكرامة خرقة بالية قوم دوسها
بلها لمع فيها هالبلاط تيصير مراية
وإذا الدم صبغ البلاط قرب لمع الصرماية
دم مين؟ المظلومين مين؟ المهم مش دمي مان
أنا ونفسي أمة مان، في سعر ما في قيمة مان
الخشب ععلم لبنان أول سلعة تصدرت عالسفن مع نسوان
للفرعون بكون ساحر، وإذا غرق عصا موسى
سكرانة واعية، المهم اقدر بوسها
تافه المحتوى بيعه للجاهل
أنا المغزى الوحيد وكل الكون وسائل"

اطلع من صلعتي صرعتني اطلع من صنعتي اطلع
مهين لمهنتي وكتران فباختصار اسمع
الكلاب منك بريئة انت مثالي خاب كل أمله
ثم عبثي فقد لب عمله
جيت تنتحر ثم رجعت خطوتين صرت شبح إنسان
أنا سمعت الكون قلي من سنتين
حتى الجتت عم تزهر حتى تقاوم الطوفان
صرخ بالنبوة سمع معشر الجان

الراس - الإنسان الكلب

Prod by El Rass

Design by Ali Rafei

https://www.facebook.com/Ali.Raf3i?fref=ts

المقدمة: مونولوج لصلاح السعدني في ختام مسلسل ارابيسك

ليه عم اكتب عشو عم دور بالموسيقى؟
جواب متشعب؟ كنت عم اهرب للحقيقة
صار لازم جاوب وعالعالي عري نيتي
مش تسليك انا المحتاج لشفافيتي
وعسيرة سليك انا مش ترفيه ملبس حقل معجمي تيفيع
بوقت الثورات يبيع ولما تهتز يميع
ممكن ضيع بس ما بسلم بغلط بوقع وبتعلم
ممكن جوع بس محصن حجران جدران المعدة
اذا بتوصل للكرامة برجع بشتغل بايديي
كون مؤكد يا صديقي معركتي بتموت بعدي
وعسيرة صديقي
مش طالب معجبين
عقيم الانبهار بيعتم عقيمة اختيار
مش عم ادعيك لنفسي انا فرطت بال2011
قبل ما النظام ينهار
ووقفت ابني معك والثوري صاحب كار
وهيدي ثورتي مجاهرتي برؤيتي مشاركتي بفكرتي، مش واضح التصحر؟
اخواتي تحت القصف، فليش تكون آمن ومش فاضي للتفكر؟

هي ثورة؟
هي كلمة متل الرب متل الحرية والحق
معناها عن قائلها وعن اعماله ما بينفصل
فمش رح استعملها إلا بضميرها المتصل
ثورتي حريتي حقوقي وواجباتي
صرخت أخ ردوا كتار فعرفت وين اخواتي
ويمكن صرنا "نحن"
فيني كتير حناجر بدها تغني كورال ويطلع متناسق لحنها
سميلي شغلي دوزنة
بالرقبة صوت طبقة وصوت جيل وصوت مكان
ومن بطني صوت اسراري وصوت شوقي وصوت ايمان
بس بقلبي اصوات آهات من مئة طبقة
من لمسة بيحتلوني ريحة ايدين وحبقة
وبراسي مئة جيل، اصوات اجنة بكرا عم تصرخ: شو البديل؟
وبجيناتي مئة فكرة ومئة ذكرى من قبلي بمئة جيل عالقليلة
وعظهري فيه آثار لقافلة اماطكن عبرتها وعجنازيرها شقف مني
شايف كم نحن فيني؟
كل نحن منهم بلغتها بتغنيني
فبينقصها معاني، معاني بتشكلني بس من رحم معجم تاني
بحثي عن توصل وبحثي عم يصنعني
لهيك ايام بغني بصوت الناس اللي ما بتسمعني
ويمكن احتمال إذا قدر الكورال اللي بداخلي يتناغم
براسي تختلط اجيال ممكن تلتقي براته
توقع حدود جواته سلك شائك
يوقع من عيوني ويطلع من غنية حبل رابط
يمكن فيه امل ومش من ملل نابت
مش من بعث طالع
مش من عبث جايي
من بركان تواصل 
اذا العقل مخلوق فالتكنولوجيا آية
واسمحلي بهالولادة بلا الداية
رح يحرق الحميم ويعيد رسم الروح
وينام فوقه الجبل تيفيق خصب سفوح
انا مش انا انا ملتقى نحن-ات
انا هازم الاحزاب انت مزهق النفوس
انت بائع الاحلام انا خانق الكابوس

لو اول سمكة هربت من صنارة عرفت تحكي كانوا جاعوا الصيادين
لو اول انثى انتهك جسمها قدرت تصرخ
لو اول ارض تسمم بطنها عرفت تبصق
لو اول فلاح قتل اول بيك ووقف عالشباك
صرخ انا قتلت الحنش لما بسنه صدري خدش
كنت كتبت حسن العري بدل كشف المحجوب
وبدل "أ.د.ب" ألف باء القلوب


ألف باء الراس

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

إيدي عم تتمشى عجسمها
لمستها حفظت كل تفصيل فيها
سميتها غرفة وسكنتها.
عمّرت شامي جنب الشامة وانتميت
رسمت حالي حنّة تحت صدرها كنّيت
خبّيت تلت ارباع عشقي بين رقبتها وكتفها
ضجيجي بيهدا لما الربيع يبدا بوسطها
إلهة سمرا، أرض بعزّ خصبها
يمكن يوقع الكون إذا بتهزّ خصرها.
في أمطار بكل شهقة وعندي عطش
أنا صحرا. عم أتوّحد بجسمها أتصوّف فيها واتصوف لها
عم غسّل جسمي بورقة بلكي بتحفظ ريحة عطرها
عم شمّها سميها أرض وخيطلها علم يلبقلها.
بتشبه الريح عتيّة، بتشبه تراب العديّة، بتشبه 
صوت صلوات قهوة بسَلَميّة. وضحكة المولى بطلّة
رقصة ميلوي وتجلّي
خربشات مراهق وموعد طفولي وقت الحلّة.

روقي خلّي صحرا السفر تنطر شوي
مخبّي غيمة تحت عروقي بوسيها لتخلق مي
قولي للسما انك شمس غرقان بالفي
قرب شروقك عالحي.... أنتِ الحي

عم تطوي تياب الصبح كأنّها أم
والسما ابنتها. قرّبت وبستها جرّبت كون معها وكنتها.
الأرض أنتِ، ريحة طريق البيت وحكاية ستّي
لما كل يوم كان يجي البحر مرة يزور ويترك سمكة
لما كان الزيتون بحيفا قد البرتقال بمكّة
لسّاك بكر اشلحي الشبكة
زتّي الشجر عن جسمك
رشّي مطر عإسمك
فستان عرسك لسّاته بأول حبكة.
بعيشك بالمكان شوي تين شوي زيت أخضر
بعمّر وبعمر جوات عيونك بيت زعتر
بحبّك وبغرق ليمون
بس وعد وبنطر متل الكمّون 
بسهر.
الليل ليّل، هموم الأرض على كتافي شيّل
الرب غزيّل، ضلت الحلوة تغني حتى ميّل
ستين ألف شامة وجبينك حلي
ملّيت يكونوا دياب قومي اشلحي تياب الطلي.

هي الأم الحنون
هي الصبورة هي العاشقة والعاهرة هي العفية
هي الحبيبة الصديقة هي الموسيقى
هي اللعوب المراهقة هي العتيقة
هي الجميلة والأصيلة هي المألوفة الغريبة الضاحكة الكئيبة هي الأرض 
هي الطريقة.

روقي

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

معك أول عميل لكائنات الفضاء
أكرر التكرار بيعلّم بس الببغاء
فنام.
القصّة أطول من لسان فلا تحكي
بس يالله تغني منيح لادبحلك إدغام.

هذا التراك مُقدّم برعاية أوسخ حمّام
أخونا جورة ناشط زورا وناشر عرض الحكام
هو وخمس اولاد بصورة ومرضه مو بيدوفيل
مفضوح تخيل أسطوح وعليه جاسوس وبإيده فيل!
شخلعني ب"مزيان" دلّعني ب"بوبو" وهزّ
قلي العلاقة بين الانتفاضة وشكل البزّ
بطل ثوري حقيقي ابن بلد خالع ثوبه
ما تشوفوا عيوبه ولو انها خرية بصحن رزّ.
قام يروح بس ضيّع من بعد سادس كاس
هدّوا خِيم اللاجئين انسى وعمّر راس
طالب بالعودة كل شخص بباص
وهنيك اشرحلهم عن جمال الحرب وكاماسوترا الرصاص.
غاص بالتمويل قلعلها عيونها لما مسك الميل
سكر سكر سكر سكر واستفرع عراس الجيل
لكل بثينة في مية جميل قرّب شيل قرّب شيل
ثورجية وسكس أبيل.

كيف البلد ما رح تتقسم؟ إذا كل خرا فينا مفكر حاله قائد حربي بمرسم.
تخرسن. صباطي لنخبويتك بلسم
علمونا انه طعم الحرية حلو بس طلع علقم.
ضحكوا عليك، ضحكوا علينا..
طلعنا عالضو ركبنا حوافر بدل رجلينا
والثورة صنم متل الأسد والدين
نحنا رقبة عم تنقطع وعم تتعصب للسكين!
تكبير بس غيّر اسم العلم بالمساحة
اعتقلتنا سجون أفكار ونحنا برّا الساحة
تعا نتفق تسقط دمشق ولا القرداحة؟ 
الشعب واحد أو بتفرق عاللاحة؟
الأرض لمن يعمل بها.... طب واللي اجتاحها؟
تعا نتفق كلما يضيق صدرك عم اختنق
ثورتنا اليوم نصبت مشانق وبكرا عليها مننشق
فتعا نتفق.


شو الوضع؟ | إنتاج الناظر

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy .. 

رح استفيد من وقتي بغير شكل 
استثمر بذري بخير حقل
قبل التوحيد ميزان العدل كان عضو بعل.
فالمنظومة تلفانة أصلاً
شكراً!
وضعك بالسليم لما تستخدم مصطلحات ما بتفهم اصلها
ايدك طالت قصّرها
كانت رقصت الملكة بس فالت خصرها من الضحك عمالك قصرها
نزلت عالسوق تتمشى ومالت عثالث بسطة وخدم لعتالة بسطها
فيي ركّب لسّا الفين جملة بلا معنى.. خلصنا.
ما تقلّي فلّتك شو رابط!؟ هادا اللي عم تدافع عنه إذا لقطك بسورية عافظك.
فمشينا من ركاكتك خيو، بحر الدم ما بينفات عليه بمايّو
اشلاح وجهك خشّ رطوبة بالفكرة خلّت جبينك ينشّ
اذا في فري مايسن فأنت "ست كوم" لاقطينك عدشّ
عالمسرح بتكشّ بالفيديو بتكشّ بالصور بتكشّ
شايفك خال، عشفايفك غال
ذكرني ايمتا غيّرت سورية عنوانها من الشام للغال؟
تعا افقك مؤامرة انه لما تم نفي السامرّائي صار الأنكل سام... عال؟
تأثير البرشام زال، بأوروبا سارد عحزام ناسف والبلد بترتي بردها الألغام شال.
اسأل اللي تعبوا من الترحال، اسأل اللي ما رضي يصير تمثال
اسأل اللي بردوا بالشمال، برد السويد أو برد عرسال؟
عرصات ولك! خصخصات للوجع
عم تعرج بحارة الرجلين بتكتب فيها سجع؟
زت الودع يا لوح، تخيّل ضايع بغابة وبتغنّي للضيع يا روح
التطبع بالطبع يا روح بالطبع يا لوح!
كيفك يسعدنا تشريفك
شوارعنا بتاكل اولادها وإكرام الضيف دفنه بضيّفك؟
شاطر تتقاوى عبيوت اصاحبها براتها عيفك
نفسها اللي خبزتلك.. حمص شخّت برغيفك.

والموسيقى مينا، طزّ فيي وفيك وعمبدأ إيد وحدة طزّ فينا
سفنّا مصرة تغرف والموسيقى مينا
طز فيي وفيك وعمبدأ إيد وحدة طز فينا.

8 - 3aftak Feat Darwish - عافطك مع الدرويش

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy .. 

Original Track 

https://www.youtube.com/watch?v=aTFZX_CI1QE

مقبل مختصم تعرفني الحياة لحمي فوق فيها
محتجب منقطع تحفظني الوديان قد رقصت فيها
عالم مقتنع بصغر الخيار لا عزاء لي لا آمال لي
 لا وضوء لي من وباء غاسلي
لكنني مؤمن للكون في اختيار خلق
شاكراً خلق اختياري
ألف دار في دياري
رغم كوني بعض ذرّ
عاش شيء في مداري
لست ميتاً لن أداري جود آيات احتضاري
قشة في قعر بئر، ضاع بئر في قراري
ليس الحق للبراري أقرب
للهند أو لمحافل الكهنة
من ظله في لحظتي من ها هنا 
من لا مكان رحلتي من منزلي لمربطي
قال المنزل للوعاء صار ارتفاعك مهبطي
قال المحدق في النجوم ما اتفه الإنسان
مستهزئاً بتجرد الخيال
مع أنه إن يعرف النجوم فالفضل لابن الهيثم
لخياله ولشكّه لجنون المتلثّم
قالوا ملاعب فتية والدار دار الأرقم
قالوا مذاهب زندقة قلت المصاحف مرسمي
قالوا تجرؤ آثم فتبينوا
قلت العراء بمعظمي فتبينوا
فتهربوا وتزينوا بسيوفهم وسبابهم 
مهما تعرّب قولهم تأبى الحروف لعابهم
تهجي السطور كتابهم
وانا السطور أمانتي
احتاجها مصونة وحضرتي ثورية لا تقبل النذور
اسماؤها تدور، تهز أرض المهزلة ووهجها صبور
فخلني من لائمي مزاجي في سرور
ولا تكن لظلمهم سكة العبور
لا تنفث الضباب في الصدور 
بل انفخ في الجمور، واعتزل البخور
ولنعتر ألسنة الطيور إذ نثور

6 - T3rofny El 7eat Feat El rass - تعرفني الحياة مع الراس

جندي مجهول - طائه - انتاج الرأس 

الكلمات:

مبسوط رجليك مندندلة .. عكتافنا, ناقصنا بهدلة. 
زوايا قضيتي بقيسها بلا منقلة 
يللي ناوي يمحي اسرائيل ماشرط يكون جوزيف منغله 
 حد السيف كان فتح .. ما تعلمنا كلمة ملحمة 

كان ناوي يعمل جندلي .. و ياريت الجند الي ..
ما كنت سمعت بصواتنا خنخنة , رايحينلا دحكلة 
الوش غميق ف منخبي الضحكة منلجأ ل لتلتة 
على امل كون امل …. بضوي عالخلل …. فاتهموني بالعكرتة 
اخوات المنيكة
مفكرين الصواب سلاح السواد اصلاح 
بس سواء كنت هون او هون ولو مرتاح خياراتك محددة
و ان كتبت نصك بايدك بتوصلنا الورقة معدلة
شكلك دولة , بدك تخلص من راسها لتجيب دولة مكركبة
بتفتخ طائة موت .. عادي 
 منفتح طائة صوت عالي
جابولنا حمار بلحية ليتنصب والي
مو مفهوم مين بغير وادي 
صرح قد ما بتقدر , صرخ عالشعب , صوتك فاضي و الاظلم بادي 
لو الموت بفيدنا كنت اول بقتل حالي
منضل ندور لنشوف نزول كرسي تاري 
نحنا بحاجة علم ,مجلس حقوق مرأة مو للزلم 
كلنا منسرق حلم , الطيب طالع من خرم 
و الطالب حقه جرم 
  طيب حقه جرم قال؟
والظالم زته ببلم ما بفوش  الغلط ما بدوم بس  الصبر مات 
فمطلوب ثباتنا , الضحية انت لما تشوف حياتنا مسرحية
بيحسب خطواته عقد النية هي لو 
هي لو يللي كسرت لو من عمل شيطان لو كان بأثر 
او كان من عمل استيطان 
الحدث نفسه .. منتابع اخبار بس مو لنغير
كرمال وقت السكرة ان طق حديث الثورة الكل بعيّر 

بس … عطيه مساحته 
يعبّر ,المسموم من نظامه مسؤول عن انو يحدد اتجاه 
مافي مصير جاهز .. نحنا المكتوب ..
مابتولد عرص كامل الا ان كنت من ال مكتوم 
ما بيفجر غير المكبوت ..
 ضليت تحني لركبوك 
بتستحي تقول يللي براسك .. مع انو الراس مسؤول 
ما قادرين نمحي ذكرة راكدين لنمحي حدودنا 
المحصول محروق ,, بدل  التمرة منفطر عجنود
الاقوى مو يللي بضل عايش الاقوى مين عندو جيوش 
نسيوا يفرجونا الخيل ,, بس تعلمنا ركب الخيول 
نسيوا يعلمونا الخير , فتفرجنا كيف مات الحيل 
تع ما ننسى ؟؟ 
منضل منقاتل ببعض لنفنى 
 , منضل نزرع ورد ناطرين تجي الدولة و تتلفنا ,,
هدفي نغيّر 
حتضل تتسائل  ليش بحاجة عيط ,,؟
..  ان الحاكمني ما عاطيني حق لصوت لو كنت عم قول     
 فبفضل بس موت تكتي عالشاهدة كان جندي مجهول

جندي مجهول - طائه - انتاج الرأس - Jundi Majhul - 6a2ah - Prod By El Rass

Prod. by @el-rass-the-head

كلمات:
@al-darwish-963
قال إني معكم
قال ترصّدوا.
فلت الحبل وقال تمسّكوا
تركوا الحبل تنسّكوا
فالمشكلة مو بالخط، بل بأحاديته، وكمان في مشكلة تكمن بفعله بالزبط.. مو بنيته.
بيخاطبونا من منابر الديموقراطية.. بيموتوا بالفيتو
مع الراس يفكّركم لو نسيتوا، لما تشتلوا عن الأصول الأصلي بيحرّك حجار الأصل، من بعد الاسطبل لقبل رأسماليته..
موقف زمني فمحتاج اكتر من حلقة لنشرحه أو نخوص بدراميته..
فمنشوكم برمضان الجاي
ومنأجل الحديث لبعد التحلاي
حول نكسبك عكاسة شاي
أو نخسرك لأنك من جماعة اللي راح راح واللي جاي جاي
نحنا بالخطوة ثابتين فلما اتعب بوصل لساني برجليّ
بشد الكآبة عالفيّ..
ما بعاديك لما اعديك وما بهجيك لما أرثيك
صاروا الشركا زيادة ونقصنا شريك.

@el-rass-the-head
لما تناموا بنفيق بنعلي بنطير وبنجرح وبنمرح
لما تلونوا الوجوه بنجرب نتعرى ونجاهر بوحوشنا عالمسرح
لما يغمض عينيه بنسلحب وراه وبنهرب سعادة من مطرح لمطرح بمطرة
حواش قبل ما تطرح، اجمع قبل يطرح كسور
حطوا خفاش عجيوش العرب نزلوا النسور
ربك رؤوف شيلوا الشهادة خلوا السيوف
حطوا ميم ماكدو خلوا علم اميركا يزيد نجوم
طلع انين الناي بيفنى بس البايس بيدوم
آخر واحد بيلم أول واحد بيلوم
ملفوف بضباب مفكرهم الغيوم
من الطبيعة بستعير تما انكت جرح المدينة
ياللي احترقت بالحشيش وشربتها ببلعة القنينة
قديمة تنييمة الفعل بتنغيمة عالعبث والحزن
بتمجيدة الجهل والفشل والبؤس والناس العم تموت وانت عايش
والناس عم تخون وانت قاعد، والنار العم تنوس وانت بارد منذ الازل
يائس تاجر أمل، زرع شوكي حصد شلل
عاش المعنى الواحد إذا تسطيح البدل
إذا الالوان كلها مسروقة تحيا البدل
مش مستعلم عن موضوعك مات الجدل
بيهجوا العلم بثقة خاصة بضعف العلل
كان فيه غزل بالجاهلية صار للجهالة الغزل
اجل

@yazenalasli
ساردين عل ايكوتريب نفاق ع حساب الكاركترستيك
لهيك الأصلي، و ينصهروا امسيز بلاستيك
بيتهجّى الكلمة بتئتئ بحروفي بتكتك
تعطيه ايقاع ليتف بتلاقيه ع اول كيك بحكحك
برا نَيّك ،انا مسخ حفيد صعاليك
حرف حقيقي يضحكك ولا عشرة بكتاب يبكيك
مثبط ليأجل هجرة مش عل موت راح فيك
و قبل ما تعد للعشرة فكر بالخازوق ، جاييك
وين و كيف ما رحت مكان الارض بديل
بس الدليل ممكن تلاقيه بتخت
بنحت حاصل ضرب لاجئين ببعض
الناتج مزيد من القهر مش مزيل لنتائج سِلم حرب سرقة و نهب
القائل مثلك كلب لجموه و كل ما زاد سكوته رجموه
بعلاقة طردية بزيد جموح بالتالي لسانه عكف عن البوح
الصوت مش كافي و قد ما كان المعدن قاسي 
القادر على خرقه روح
العجز معجزة 
لغز مش مسألة
الفطرة أصل
اختصار للتجربة

#مسوخ
حم 2017

الدرويش | الراس | الأصلي - زمن المسخ

Produced by Jundi Majhul 
Artwork : Hassan Zahra 

Instegram :
https://www.instagram.com/jundi.majhul/
Youtube:
https://www.youtube.com/jundimajhulwatar
Facebook Page:
https://www.facebook.com/Jundimajhulwatar/

جندي مجهول - تِعب الحَي | Jundi Majhul - Te'eb al Hai

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

بالشارع | In The Street

Prod. Felix Snow:

instagram.com/Felixsnowsnow
twitter.com/Felixsnow
youtube.com/Felixsnow

Photography by Hussein Baydoun
Design by Rami Kanso

الكلمات:

بسكويت بيروت حيطانك فكّ وضيّف
أكبر روس بحيتانك شبر ونيّف
بالليل نرهبها أقمارك بالنجمة نصيّف
علي شعيب فكّ وضيّف

فكّ وضيف غندور سهل يتشتش
عالصيفي بغازن مات مية عصفور كان يفرفر
عروسكن، بيناتنا كم عصفور بيثرثر
قالولي شافوك مع تحري عم تكزدر
عيب عليك والله عيب عليك ما عرفتك هيك يلعن معرفتك إذا هيك
عيب عليك والله عيب عليك ما عرفتك هيك يلعن معرفتك إذا هيك

هون الحرب بكل شي وكل شي سلاح والولد ما بتدمله امّه
هون يا نحن يا هنّي والدتن سفارة والولد ما بتدمله امّه
أنا all in قول للوالد ما يهمه
رح نقطع نسله من الأمّة
نفتح خزناته المضبوبة ونحطه بخزنة اللي تضمّه
لنكيّف، فكّ وضيّف

بسكويت بيروت حيطانك فكّ وضيّف
أكبر روس بحيتانك شبر ونيّف
بالليل نرهبها أقمارك بالنجمة نصيّف
علي شعيب وفكّ ضيّف

علي شعيب مش حفلة هي إذا كلب البنك ارفع ايديك
ترتتا قال خلص تاب صار يطلع حب من بين ايديه
مرق صابون من بين ايديك واوعى تقول ايد واحدة
هول الصابوك من بين ايديك اوعى تقول ايد واحدة
عالحجر تعلّم وحدة، ركّب مولو مش مولي
خلي النقمة من شمالي، وعري النكتة من جنوبي
اوعك تلحقني أنا مطلوبة
اوعك تلحقني أنا مخطوبة
نرجع للعين البتنفجر جلسلي العين المقلوبة
لمّا دارت الحرب برمنا نشوف مين معنا نلمّ
أجسام مطحونة بتجمعنا ولا شفنا بتوع الجيم
ولا شفنا بتوع الجي راب قصدي الباب جي راب
لحامة وفيغان بيهمن أكتر إذا ربتيليان ريغان

بسكويت بيروت حيطانك فكّ وضيّف
أكبر روس بحيتانك شبر ونيّف
بالليل نرهبها أقمارك بالنجمة نصيّف
علي شعيب وفكّ ضيّف

خوف و فومو خوف وفومو
شربل خليل والهوموز
مطلع للحقد العريق
كان يبحث عن صديق
ضاع الهاتف ضاع الهاتف
تحت الضرب وجيبي فاتح
جابه حيدر تحت الغاز
لا ما عرفته وجه لافف
بس فعلا غريب ما لقيته عند الحج وفيق
ينصح بفنجان مذوب ايغو على الريق
آكله الحرمان قالوله يجيبه على الرينغ
قائد الخصيان عطاسة راسه كتب كينغ

بسكويت بيروت حيطانك فكّ وضيّف
أكبر روس بحيتانك شبر ونيّف
بالليل نرهبها أقمارك بالنجمة نصيّف
علي شعيب وفكّ ضيّف

Felix Snow & El Rass - Ali                                  الراس وفليكس سنو  - علي

المعري:
https://www.instagram.com/almuarri/

المزاج:
https://www.instagram.com/el_mazaj/

انتاج ووردِنْكلِفّ:
https://www.instagram.com/wardenclyph/

بوستر \ محمد رضوان:
https://www.instagram.com/_radwan8/

الكلمات 

 المزاج:
عم لملم أشلائي لم عتم ع بوابي
النور سرقهن مني عادو مني سرقو نور ال كان يسد بوز ال كان يسب على حدا من ولادي
منضل نعمل أغاني..
ف كيفما اتجهت أصغي عم دندن تراني
طب طبطب ع كتف البلد بلكي الغفوة خلصت
خضخضا من كتافا هزا تصحا ولو انزعجت عادي
مو ما ضل ظل لآوي
قاتَل حتى ارجع ع الرجعة مو قاتِل حالي
كون ذو مبدأ سابق أفضل من مقاتل حالي
كون مسابق خاسر أفضل ثابر عالمواقف ال كسبا غيري ع حسابي
حلني حتى حط حمالي حلمي حبا حتى من فيض العواطف مو المخاوف على عتابا تحل ركابي
عم دسدس حالي فتش ع علم ضبيتو بآخر حصة الرسم بشي وحدة من جيابي
مريولي مخزق مخزوني متل البرغوثي قفا ينبع على قدس و عروبة و كزا منبر و انا بسمع منك خرا يخطب و الخرا زقّف و الدم يجري
على ضفة ذكرى ع باب شرقي
أهلي و صاحبة الشال ال مال و مال الشام ال راح و راحو أهلي و صاحَبت الصوَر 
ال ما بتحرقها الحرب ولا بتحملها الجبال البرات حدود بلادي

مو كل ذكي استاهل ركعة..مو كل اهبل تستهبلو
مو كل كرسي جالس يعني..الجالس فوقو جالس متلو
مايل يحكي مالل يسمع..إسم الله مافي متلو
انا ملكي مليان..مين في غيري متلي مالي ملكو

 المُعَرّي:
بستجمع ارواحي كوني جثة هامدة بهالطين 
بشعل شمعة وقناديل بفكر بكسر مصابيح 
بحكي واطي كلامك من فوق الاساطيح
بخلع بوابي بتحدى هاد تصارع مع الريح 
صرت خاف ابلع ريقي صرت ابلع طريقي
صرت صحبة مع الحيط الكان دائما سامع حديثي
صرت خاوي الجان الكان يخوفني بليلي 
ونادي فلتحيا شماريخي
قاب قوسين او ادنى طال شعرين وغنى
سار مترين وعنا او فريقين وهدنة
او نارين وجنة بحكايا كليلة ودمنة 
لا تكللنا ولا دمنا
صب زيت بجمرنا هد حيط بآلمنا 
افرض علينا اتجاهك والقيادة حط خيارة بعلمنا 
بيعنا سكوتك بالمقايضة وتاجر بدمنا
ارض الوطن ما حوتك وين آدمنا
ليك بغني على صوت الراجمة 
بعمل من جدار صوت الميغ سامبل 
بعزف عالدبابة لهيك موسيقتي صاخبة
فجبلي جلاد عالتيمبو لانو ناقصني دم
سارد ع زمور الخطر من مكبرات الصوت 
ساخر ع شعب مستعبد للعصا والبوط 
في فرق بين الفقر و الواقف عالطابور 
شرقيتك تخلف هون ما بينفع تخوت
ما بينفع تموت لتدفع حق التابوت 
لتستنج انو الرب رفع اجرة سحب الروح 
وعزرائيل مستني يقبض لانو هاد موسم نزوح
فوين ما رحت بأرضي انطرب
ع انغام الصوًر ع أنغام الصوّر
ع الغام السور عالوعد بالحور 
نفطر لحمك عالموائد حط عظامك عالسحور
كيف ما تنظر تراني منبعث كنور 
مرتعد ك thor
اخلع نعالك  انا جبل طور

8 - 3aftak Feat Darwish - عافطك مع الدرويش

Jundi Majhul - وتر جندي مجهول

Recent comments

كلوشه الخيبري

ammar esmail

Majd Ahmad

Tarek Zakanda

Related tracks