شعر

مش دي اللي كنت هتموت عليها أبوها يجي لحد عندك تقوله لا _ 

سبني في حالي_ 

و المرسي أبو العباس ما نسبوك الا لما تعرفني ايه حصل_ 

خليني ساكت الله لا يسيئك_ 

السكات مر وملوش عازة يا علي واحنا بتوع مغنى وكلام وانا صاحبك وليا عليك حقوق

علشان قلبها مش ليا يا بساطي ناخدوها وقلبها مش ليا طب ليه، بدل ما أتعس روحي نتعسوا 3 ليه، أنا شفتها ياوديع عيناها بتزغرط وهي بصاله، تهون عليك نحبوها ونؤذها، تهون عليا اعمل فيها كده أحبها وأذيها ياعلي
قضاها لغيري وابتلاني بحبها

علي بحر - عشان قلبها مش ليا يا بساطي

لانك لست هنا

كلمات : محمد إبراهيم

آداء : رباب محمد
https://www.facebook.com/roroo.lodaa

انا البنت اللى مرتبطتش
بعيل توتو فـ الجامعه
وقالو دى ماشيه تتنّك
وطالعه فيها بزياده
ولو جه واد يقول حاجه
تقول عيد تانى مش سامعه
ولو تهته عليه تضحك
وفـ الآخر تقول خلصت يا حماده ؟!
وعايشه حياتها مرتاحه
بعيد عن اى اى بعاد
وواثقه فـ نفسها جدا
مبتكلمش اى ولاد
وييجى واد ويتتلكك
ويحجز كرسى جمبيها
ويعمل فيها واد طيب وبرده خجول
وييجى الحيله فـ الآخر
ويطلب منّها الكشكول
وهيا فـ سرّها فاهمه
وتتحجج عشان يمشى
ويجى بعده واد تانى
يقول معجب ومبنامشى
وهيا لا هيا فرفوره .. ولا غاويه
كلام تيمو
دى بنت مخلّصه جدا ومـ الآخر
على قديمه
لا ناقصه واد يقول مشتاق
ويعمل فيها جامد بس
وشايف نفسه سى السيد
ويتحكم فـ فعل ولبس
كإن الواد خلاص يعنى
مفيش منه
وعامل فيها ميت راجل
انا اللى يحبنى لازم يكون عاقل
يجيلى لحد باب البيت
ساعتها هقول يا ميت اهلا
انا موافقه وكمان حبيت
ده دول اصلا عيال فافى وبتجلجل
عشان انا فاهمه مـ الأول
انا البنت اللى مرتبطتش
وقضّت وقتها سينجل

أنا البنت اللي مرتبطتش - محمد إبراهيم - رباب محمد

أيها المحزون  - المنفلوطي  | أماني عيسى

محمد ابراهيم - رسايل السما السبعه

لأن حبك يشعرني بكل شيء ونقيضه..

صراع

طحان

افيون العلاقات !

جوليا بطرس _ خلاص انتهينا

زمن اللعب راح - المشهد الأخير من فيلم الحريف

كلمات وإلقاء : محمود حسن

* * *

كنتى عايشه
وكنت عايـش 
كل واحد عادى وحده
قولتى ما نجرب نقرَّب ! ..
قولت ماشى وزى بعضه
خدت قلبك ، خدتى روحى
عمرى مره ما قولت روحى
عمر قلبي ما شَك لحظه ..
جَرحُه يجى م الى ساعده ! 
عـدَّت الأيام وسيبتى
شمسى غابت لما غيبتى
وإنتهى دورى فـ حياتك 
صِرت شئ من ماضى فاتِك
قلبي لَـمـلِـمْ ذكرياتك 
ويا كام كلمة حبيبتى
وإتفَقت معاه : هينسى .. 
وإنه لو شافِـك هيقسى ..
مش هيظهِر أى حاجه ..
وان جيتيله حتى إنتى
 
" كل ده كان كدب ، لكن 
حُبهـا كان فـيَّا ساكن 
شوفتها فـ كل الأماكن
حتى لو بصيت فصورتى 
حتى لو ضلمت أوضتى / تِترِسِم ع الحيط خيال
عمرها ما فارقتلى بال
بُعدى عنها كان مُحال
والنتيجه : خِسِرت راحتى "

لَفِت الأيام ورجعت
تِحلِف إنها بَعدِى تِعبِت
وإنها لكلامى سمعت ..
وإنها محتاجه حضنى !
- خايفه لا الأيام تاخدنى ..
منها هى لـواحـده تـانيه -
قلبي .. 
- وان كان نِفسه يرجع -
بس مَترَدِدش ثانيه
سيبتها ومشيـت وعينى
ع الى عَدَّى من سنينى
من بداية " إوعدينى "
لـما قلبي منها قَـرَّب
مفتكـرتـش لحظه إنى
لو هشوفها وهتقابلنى
قلبي هيبص لبعيد ..
وإنه منها فيوم هيهرب ! 

كل ده علشان وافِـقـت ..
لما قولت لنفسى "جَـرَّب" 


محمود حسن - حب من طرف ساذج

أشهر قصيدة ممنوعة في الشعر العربي
الكس أميّات كاملة بصوت الشاعر نجيب سرور

5 كسّ اميّات نجيب سرور  ج1 من

ديسمبر للوحده

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

أحمد الطحان | هيستنى الصبح

الو .. الو 
انا لسة اهو زي م انتي شايفه .. ببعت الرساله دي كل يوم من ٥ سنين وعمري محسيت انها مش حقيقية 
انا نفسي اسمع صوتك اوي .. يمكن بعد كل ده بجيلك عشان انتي اعقل مني .. او لانك الوحيدة ال كنتي بتسمعيني ..مش عارف ! ومش هيجرحني كبريائي ابدا لو قولت انك الوحيدة ال حبتيني .. ع الاقل ع الاقل اهو كنتي قبلاني زي منا 

ردي بقا انا صحيح مزعلك بس مش للدرجادي يعني ؟!
مش كنتي بتقوليلي ان انا مش وحش زي مبيقولو 
طب فاكرة لما كنا نقعد نحكي واعيطلك عشان بيتريقوا علي سنتي المعووجه ... طب فاكرة اول شهاده تقدير خدتها ...طب بصي اقولك طيب فاكرة البنت ال حكيتلك عليها فاكرة لما قالتلي انها محتاجه الوان ف حصه الرسم .. و انا بعدها اديتلها حاجتي عشان تحضر بيهم م انتي عارفه انا مبعرفش ارسم .. وعارفه ان ده مكانش السبب الحقيقي في مساعدتي ليها
اهو البنت دي كبرت وبقينا صحاب جدا اه والله زي الاخوات كده حرفيا .. وانا مش مجبر علي كدة بالمناسبه .. هو .. هو انتي مبترديش ليه ؟!
انا مطلبتش حد يحبني والله .. بس كان نفسي .. مكنتش عاوز ابقي مشهور .. كان كل طموحي اني احس بالامان بينهم .. كان نفسي الاقي احساس تاني غير الرفض
مطلبتش حد يقومني من كسرات نفسي .. ولا يضحكني ف عز وجعي .. ولا يضحي عشاني زي مضحيت عشانهم .. كل ال طلبته انهم بس يسالو عليا ويصدقوا ضحكتي قدامهم من غير م حد يقولي مالك..كان نفسي بس اعرف ايه الذنب ال عملته غير طيبتي معاهم .. النهارده عرفت ناس جديده حلوين اوي وادوني شوكلاته وصوروني وانا بضحك اه والله ضحكت بس والله م كنت اعرف انه مش من حقي ... عشان لما روحت لقيت بابا بيضربني ومعرفش حتي هو ضربني عشان عرفت ناس ولا عشان ضحكت ....
الكل اجمع اني سي لابعد حد فجميع العلاقات الاجتماعية فخلاص خلاص انا مبقيتش اصدقك ..
انا عارف اني تعبتك كتير واتسببت ليكي ف اذي ميتحملوش بشر والنهارده بعد خمس سنين مكالمات مسجلة ومسكنات ملهاش فايدة مبقاش عندي امل تردي
يا امي .. ابنك بقا خلاص من اصحاب العشرين... يمكن متغيرش حواليه كتير من بعدك بس تقدري تقولي كده انه تعب صدقيني وعشان كده دي كانت اخر مكالمه .. اخر رجاء فحد .. اخر ضعف بان قدام حد .. اخر بكا لوحدي .. اخر مشاعر كدب.. اخر نفس تقيل ليا معاكوا هنا .. اخر نقطه دم نزفت من شرياني انا

محمد ابراهيم - رسايل السما السبعه

Ka R Em

Recent comments

لله الامر

youssefabdallah

Hàdèèl Ahmèd

Isma'il Kotb

Related tracks