რა მონაცემებს უნდა ეყრდნობოდეს გადაწყვეტილების მიმღები, ქალაქისთვის და მოსახლეობისთვის სასარგებლო პროექტების დაგეგმვისა და განხორციელებისთვის? 

როგორ ვირჩევთ საცხოვრებელ ადგილს, თუკი არ ვიცით, რომელ უბანშია უფრო სუფთა ჰაერი, ნაკლებდაბინძურებული წყალი და მშვიდი კრიმინოგენური ვითარება? 

რის მიხედვით დგება ბინების ფასი მაშინ, როცა უცნობია, სად არის ყველაზე მეტი მწვანე საფარი ერთ სულ მოსახლეზე, დაბალია ხმაურის კოეფიციენტი და  მაღალია მობილობა? 

რა აქცევს ქალაქის სხვადასხვა ნაწილებს საცხოვრებლად მიმზიდველს - დაშორება ქალაქის მთავარი მოედნიდან თუ ცხოვრების მაღალი ხარისხისთვის საჭირო ინფრასტრუქტურა?

ქალაქი და მონაცემები

როგორი უნდა იყოს საზოგადოებრივი ტრანსპორტი ქალაქში? 
რას იწვევს გადაადგილების შეზღუდული შესაძლებლობები? 
რა აქცევს ქალაქს მობილურად და რა კავშირშია ქალაქის მობილობის ზრდა ეკონომიკურ განვითარებასთან?

ქალაქი და მობილობა

როგორი უნდა იყოს თვითმმართველობა? რა სჭირდება ქალაქს და მოქალაქეს იმისათვის, რომ ქალაქის მმართველობამ და მოსახლეობამ იგრძნონ პასუხისმგებლობა გარემოზე, რომელშიც ცხოვრობენ? რა გამოწვევები არსებობს დღეს თვითმმართველი ქალაქებისთვის?

ქალაქი და მმართველობა

როგორია თბილისი, რა შეადგენს მის კულტურულ მემკვიდრეობას და რამდენად ახერხებს კულტურულად ცხოვრებას? არის თუ არა სივრცეები ქალაქში კულტურისთვის და ვინარჩუნებთ თუ არა იმ მემკვიდრეობას, რაც ქონდა ქალაქს? რას კარგავენ მოქალაქეები, როცა მათი ხმა არ ისმის, როცა მათ მოთხოვნებს არ ითვალისწინებენ და როცა ვერ ერთვებიან ქალაქის ხასიათის ფორმირებაში?

ქალაქი და კულტურა

როგორ გავლენას ახდენს ქალაქი მის ბინადრებზე და როგორ ქმნის ადამიანი მისთვის ზოგჯერ საზიანო, ზოგჯერ კი კომფორტულ და მოხერხებულ ინფრასტრუქტურას? როგორ გარემოში იზრდებიან ბავშვები, რას ქმნიან ზრდასრულები და რა ხედვა აქვს ქალაქის განვითარებისა და მოქალაქეების ფიზიკური და ფსიქიკური ჯანმრთელობისთვის ქალაქის მმართველობას?

ქალაქი და ფსიქოლოგია

ქალაქის რა ნაწილებს ინახავს ფილმები, რომლებიც წარმოდგენას გვიქმნის ამა თუ იმ ეპოქაზე? რამდენად დიდ როლს თამაშობს თანამედროვე ქართულ კინოში თბილისი და რა ძალა აქვს კადრებს, რომლებითაც ვიცნობთ სხვადასხვა ქალაქს მანამ, სანამ მათ ადგილზე ვნახავდით? არის თუ არა მიმზიდველი და საინტერესო დღეს კინომატოგრაფებისთვის საქართველოს ქალაქები?

ქალაქი და კინო

რამდენად ინკლუზიურია თბილისი? რა კეთდება ქალაქში განსაკუთრებული საჭიროების მქონე ადამიანებისთვის და რამდენად იცვლება წლიდან წლამდე მათთვის საჭირო ინფრასტრუქტურა?

ქალაქი და ინკლუზია

რა ისწავლა თბილისმა ვერეს ხეობის ტრაგედიიდან? როგორ უნდა ვიცხოვროთ მდინარის გვერდით და მდინარესთან ერთად უსაფრთხოდ? რა კანონზომიერები მართავს მდინარეებს და რას იწვევს მისი ბუნების უგულვებელჰყოფა? როგორი იყო ჭალები ვერეს ხეობაში და რა ვიცით მისი ამბოხებების შესახებ?

ქალაქი და მდინარე

რა გავლენას ახდენს მწვანე საფარი ადამიანის ცხოვრების ხარისხზე? როგორ უნდა მწვანდებოდეს ურბანული გარემო და რა აკლია დღეს თბილისს? როგორი ტრენდები არსებობს დღეს მსოფლიოს განვითარებულ ქვეყნებში ქალაქების ეკოლოგიური მდგომარეობის გასაჯანსაღებლად და მოქალაქეების ჯანმრთელობის შესანარჩუნებლად?

ქალაქი და გამწვანება

რამდენად უსაფრთხოა ქალაქი, რომელშიც ვცხოვრობთ ბავშვებისთვის? 
რამდენად იძლევა ქალაქის ურბანული სხეული ბავშვებისა და მოზარდების სწორად განვითარების საშუალებას? 
შესაძლებელია თუ არა სრულფასოვანი გართობა, დასვენება და უსაფრთხოდ გადაადგილება თბილისში?

ქალაქი და ბავშვები

პროექტი მიმართულია არსებული მდგრადი ურბანული საკითხების გადაწყვეტის ალტერნატივების მოძიებისაკენ.

ქალაქი ახლოდან

Popular tracks