http://www.youtube.com/watch?v=aiBuLagvkcM
قرارات الانسان هى المعبر الاصدق عنه , القرارات متكدبش متتجملش , متحملش اكثر من معنى
القرارات بترسم خط بيقسم الناس نوعين , عاقلين و مجانين ,العاقل عايش فى ثلث العصاية الوسطانى طول الوقت محافظ على المسافة بين مكانه والحل الوسط ,ولو فى لحظة نظره مجابش نص العصاية "يترعب" وقبل ما يفكر يكمل بيرجع .
المجنون بيعيش على اخر طرف العصاية يا بتعلى يبقى على القمة ,يا بتميل عليه وعلى احلامه
العاقل بيلعب لحد معين يقوم لا كسبان أوى ولا خسران أوى ,المجنون بيلعب لاخر ورقة فى جيبه
ميقومش غير بـ "None" او "All" بيكره انصاف الحلول ,مبيرضاش بنص النجاح ,فاتورته فى جيبه جاهزة دائمة تدفع ثمن الجنون كاش .
يقولوا الناس فى "العاقل" كلام عاقل ,كلام شبه بعضه لو ركزت فيه تلاقيه واحد
يقولوا فى "المجنون" الشئ وعكسه ,مشاعر الناس فى المجنون واخده من أول الحب لأخر حتة فى الكره "المجنون" عند الناس يا اما (عبرة) او (مثل اعلى )
العاقل يعيش حصان فى نجاحه بيكون "طابية" ,المجنون يا "ملك" يا" بيدق" خرج من أول الجيم يا مكاسب عظيمة يا فشل مروع.
المجنون حياته مجنونة , قلبه حديد, ييتكسر يلم بيكمل بيقع بيقوم بيقع واقعة اكبر
بيسخر منها ويتهم الفشل بالفشل فى هزيمته ,بيقف رافع رأسه بيلمم شتات نفسه والباقى من حلمه ,بيركب حصانه ,بيقف فى الصف الاول يتحمل المسئولية المجنونة كما يصفها "العاقلين",بيدخل معارك اكبر منه ,بيراهن على المستحيل بيقاتل لأخر جرح فى جسمه وبيتهى المشوار
بتشيع جنازة حلمه وسط طوابير من العاقلين _نظرات مزيج من التعاطف والتشفى الغيرة المتنكرة فى الاستخفاف ,بيقولوا حلم "اهو" مات بيترحموا على الحلم اللى حياته اقوى من (الحياة) . الحلم اللى نظرهم اضعف ما يجيب مداه
العاقل بعقله فى مأمن ,فى الحرب مبيتصابش
المجنون ملك متوج على عرش غير العرش

الكورة مش مع عفيفي - الفارس المجنون

http://www.youtube.com/watch?v=0lPwOUfcnNU
فجأة سيبتنا .. فجأة اكتشفنا كنا بنحبك قد ايه
فجأة تاريخك كله بيمر قدام عينينا
فجأة هيتحط جنب اسمك كلمة الراحل
فجأة عرفنا ان تصريحاتك لقاءاتك مجهوداتك الأخيرة .. كانت الأخيرة
فجأة زعلنا من نفسنا قوي لما انتقدناك
بس انت عارف عشمنا فيك
واحنا عارفين حبك لينا
فاكر ... فاكر مشوارك
فاكر كل لحظة جمعتك بينا
فاكر هتافات الجماهير وحبهم ليك
فاكر لقب الغزال الأسمر
فاكر ياغزال
فاكر لما دخلت الزمالك أول مرة وانت 12 سنة
فاكر لما اتصعدت للفريق الأول وعمرك 18 سنة
فاكر نبوغك المبكر اللي أبهر كل اللي شافوك
فاكر تاريخك الكبير
فاكر بطولات الدور والكأس وبطولة أفريقيا والأفرو أسيوية
فاكر دورك العظيم في تأهل مصر لأوليمبياد لوس أنجلوس
طيب فاكر لما أُصبت قبل كأس أمم أفريقيا 86 بـ 3 أيام
فاكر زعلت قد ايه
فاكر لعنت الحظ قد ايه
طيب فاكر لما أخدت تاني أفضل لاعب في أفريقيا سنة 84
فاكر يا كابتن ابراهيم لما أُخترت في فريق القرن الـ 20 لأفريقيا
فاكر مشوارك الاداري في الزمالك واتحاد الكرة 
فاكر لما انتقدناك وزعلت مننا
لسة زعلان .. ولا قلبك الكبير كالعادة غلبك
وابتسامة السماح على وشك مسامحة
كابتن ابراهيم .. هتوحشنا أوي



الكورة مش مع عفيفي - الغزال الاسمر

http://www.youtube.com/watch?v=plYEXU-kW9E
للخوف من بكره ناويين هنهده ..
هنفضل ف الحلم ماسكين هنشده ..
لكل واحد دور لازم هنكون قده ..

عميانى صدق قلبك .. خليه دايما حديد
عشان تقدر تحقق .. لازم تفضل عنيد
متشلش هم النهايه .. النصيب مكتوب
لو خفت .. صخره قوتك هتدوب
ولو مغلوب .. خليك للاخر مكمل

متبصش وراك ابدا ..
متقفش متفكرش متحسبهاش متترددش ..

ولو هتموت .. متتراجعش
ورا كل يأس حبسك .. فرحه كانت مستخبيه
اوعى تانى تيأس .. تضيع فرصتك بيا
لو حتى مين انكسر .. اثبت متنكسرش
لو كله ضعف .. اقوى
لوكله ساب .. متسيبش
ولو خلاص اليأس غلبك .. اكدب متبينش

متقولش فى ال90 غير اللى يفيد فريقك ..
اكتم لبعد المتش غضبك حزنك وضيقك ..
اجل فرحتك لو فايز طول ما الحكم منهاش ..
متستعجلش فرحه واصبر عشان تتعاش ..
اصرخ لاخر اخر نفس عندك ..
اقوى سلاح عندك هو اكيد عِندك ..
سد كل طريق الا طريق النصر ..
اهتف وقول يا زمالك يا احلى حاجة فى مصر ..


الكورة مش مع عفيفي - قبل رفع الستار

اللمبي - واد مخلص

http://www.youtube.com/watch?v=Wg97odH61Lk
أخيراً الي جمهور الزمالك
محدش هيفهم ازاي في جمهور بيحب ناديه وواقف في ضهره رغم كل ده 
محدش هيعقلها لانها بالقلب مش بالعقل
علشان كدة متحاولش تشرح نفسك ولا توصف اللي بينك وبين ألوان فريقك لحد
ده سر عايش جوانا محدش ممكن يفهمه

الكورة مش مع عفيفي - جمهور الزمالك / حاضر

http://www.youtube.com/watch?v=470zQx06w7E
شعور جميل ان الزمالك هيلعب
مهما كنت مختلف مع المدرب أو الادارة
مهما كنت معترض أو غضبان
بيبقى جميل ان متش الزمالك قريب
وكل لحظة بتعدي بتقربه أكتر
أخيراً هتشوف الزمالك
أخيراً وبعد ركود مشاعرك هتتحرك
هتروح وتيجي من أقصاها لأقصاها
فاكس بقى دوريات أوروبا دوري أبطال أوروبا تصفيات كأس العالم كأس العالم شخصياً
ده الزمالك .. الزمالك هيلعب
وده سبب كافي جدا علشان أي يوم كئيب ممل يبقى مهم ومختلف
وتستناه من يوم ماعرفت ميعاد المتش 
لانك زملكاوي ولانه الزمالك

الكورة مش مع عفيفي - الزمالك / دايماً بفتكرك

http://www.youtube.com/watch?v=xXvwu_pK2ng
زمان ... مش من زمان أوى 
كان ممكن تدخل السينما لأسباب كتير
ممكن تدخل فيلم لانه بيمثل الواقع بتاعك
ممكن تدخل فيلم تشوف فيه خيال أعلى من الواقع اللى انت عايشه
او حتى تدخل فيلم فنتازيا مفيهوش اى حاجة من الواقع بتاعك

ازاى تقدر تعرف ان الفيلم ده ناجح
• زحمة على شباك التذاكر
• حفلة كلها كومبليت.
• قاعة مليانة بالضحك

- ازاى تقدر تتخيل انك ممكن تعمل فيلم سينما ناجح والمتفرج اللى المفروض انت بتقدمله الفيلم بيشوف افلام ودراما اعلى بكتير من اللى انت ممكن تقدمها له 
مشاكل افيشاتها
- ازاى هتقدر تدخل الناس من تانى السينما وهى عايشة حياتها بتؤدى دور جوة فيلم
- ازاى تتخيل ان واحد قام بدور البطولة انه ممكن يرجع متفرج او كومبارس مرة تانية
- ازاى هتطلب من واحد يملى القاعة ضحك من غير مايكون معاه صاحبه اللى كان دايما وياه فى كل حاجة فى حياته

سينما مابعد الثورة - Cinema After 25jan

http://www.youtube.com/watch?v=3EzJT38fl38
مش مطلوب منك المستحيل ولا الخارق للعادة
مطلوب بس تعمل اللي تقدر فعلا عليه .. مش أقل
مطلوب تجتهد قدر امكانك
مطلوب ماتستهونش ماتتغرش مطلوب ماتيأسش
مطلوب تنكر ذاتك بجد .. مش تمثيل
مطلوب تحس بكل نبضة في قلب كل زملكاوي بيشوف فريقه في الملعب
مطلوب تحس بقيمة ناديك والمسئولية تجاه ملايين مستنياك 
مطلوب تاخد بكل الأسباب 

لو عملت كل ده ومنجحتش .. هنزعل .. بس هنطبطب عليك
هناخد بايدك هنقف جنبك وهنكمل معاك
احنا عشنا مواقف اصعب بكتير وكملنا .. وهنفضل مكملين
اي  كان اللي هيحصل مهما  سمعت انها اخر فرصة
ولو مجتش المرة دي مش هتيجي ابدا ولو مجتش المرة دي مش هنشجع الزمالك تاني 
سيبك 
المنطق مفيهوش حاجة اسمها لو محصلتش المرة دي مش هتحصل تاني
والزملكاوي ميقدرش يعيش من غير الزمالك
مهما قال وحلف بتلاقيه تاني متش أول واحد في المدرج بيفرش العلم
 حط الأمور في حجمها الحقيقي 
نفسك لو اتحملت فوق طاقتها هتلعب  ضدك 
اعمل اللي عليك وخليها على الله 
واي كان المكتوب هنعيشه مع بعض 
زي مادايما بنعيشه مع بعض




الكورة مش مع عفيفي - خايف من بكرة ليه

http://www.youtube.com/watch?v=DZfeFt1lhRY
اهداء لمدرج الدرجه التانيه فى استاد الكليه الحربيه\ 
و مدرج الدرجه التانيه فى استاد القاهره 
و لمدرج الدرجه التالته فى الأستادين
اهداء لبوابة الأوتوستراد و للوقفه فى الطابور 
اهداء لكشك عمار بن ياسر بعد كل ماتش محبط فى الحربيه
اهداء لكل فرحه قلبت بحزن و لكل حزن رفض يقلب لفرحه
اهداء لكل اتنين اتعرفوا على بعض فى الاستاد فى الماتشات اللى كان بيحضر فيها 20 واحد و اهداء لل18 الباقيين
  اهداء لكل تشويحة ايد بعد كل مره اتسألت فيها لسؤال الغبى انت ليه لسه بتشجع الزمالك 
  اهداء لكل حاجه حبيناها و محبيتناش و لكل  لحظه حلمناها و معيشناهاش 
اهداء لينا احنا اعظم جمهور فى العالم
  اهداء للزملكاوى الكفيف اللى راح بجسمه الأستاد عشان يكون جنب فريقه حتى لو مش هيشوفه
  اهداء لمشجعه ميمنعهاش ميت رجل مكسوره تكون جنب الزمالك
  اهداء لكل عامل  زملكاوى ضحى بيوميته ايام كتير عشان يكون فى الأستاد فى ظهر فريقه 
  اهداء لطالب غامر بمذاكرته و امتحاناته عشان مقدرش يكون فى يوم مش جنب الزمالك
  اهداء لكل زملكاوى نام فى يوم مقهور و هو شايف حقوق ناديه يتنتهك و الكل واقف بيتفرج 
  اهداء للوايت نايتس اللى لفوا و سافروا و راحوا جم ورا الزمالك و كانوا دايماً سنده و ظهره عمرهم ما فرطوا فى ايمانهم بناديهم و لا دخل قلوبهم الشك رغم كل اللى شافوه
  اهداء  لكل دخله اتعملت بتفاؤل اتفرشت بأمل و اتلمت بحزن
  اهداء لكل هتاف اتقال فى التالته يمين بصدق فى لحظة جنون بحب الزمالك
اهداء لمحمود حمزه و امين و عمرو حسين و لكل كلمة زمالك خرجت من لسانهم فى عمرهم القصير
اهداء لكل لحظة فرحه حبتهم استنتهم و افتقدتهم
  اهداء لكل حاجه فى الدنيا بتحب بتصدق بتؤمن .. بتشجع الزمالك 

الكورة مش مع عفيفي - حواديت

http://www.youtube.com/watch?v=xVSpSXupFWI
هل شيكابالا نجم
في ناس كتير بيعتبروا شيكابالا مش نجم
ليه ؟ .. علشان النجم هو اللي بيحقق بطولات اكتر
كل ماتحقق اكتر تبقى نجم اكتر
 وشيكابالا محققش بطولات كتير مقارنة بلاعيبة تانيين بالتالي هما نجوم عنه !!
 بعيداً عن ان المنطق ده بيمنح حسام عاشور نجومية أعلى من حسني عبد ربه
وبيرجح نجومية جينارو جاتوزو عن ملك روما فرانشيسكو توتي 
وبيرشح شادي محمد للـ  Ballon d'or
لكني هناقشه من وجهة نظر بعيدة حتى عن الأمثلة 
البطولات بتحققها فرق مش لاعيبة 
والفرق بتحقق البطولات لما بتتوافر لديها عدة مقومات من ضمنها اللاعب المتميز
لما الجماهير بتحب لاعيب قوي بتتعلق بيه قوي بتبالغ في تدليله وبتقول فلان ده فرقة لوحده فلان ده هو الفرقة 

الى اخره من عبارات المبالغة للتعبير عن الحب والثقة الكبيرة
لكن هل العبارات دي بتعني ان اللاعب فعلا فرقة
بالتالي يعامل معاملة الفرقة ! 
يحاسب محاسبة الفرقة !
يتحمل لوحدة مسئولية فرقة !
ولما الفرقة ماتحققش نمسك فيه هو لان هو الفرقة !
هل وضع الزمالك كان يساعد على الفوز بالبطولات وشيكابالا هو اللي قصر أو أهمل أو مقدمش المطلوب منه 
الفريق اللي بيحتوي على لاعب متميز ممكن بالاضافة لعدة مقومات تانية  ياخد البطولة 
لكن اللاعب اللي مبيحتويش على فريق كويس هيحقق البطولة ازاي؟!
شيكابالا مش مسئول عن عدم تحقيق الزمالك بطولات 
بل ان عطاء شيكابالا الاستثنائي هو اللي حط الزمالك في مرات كتيرة في دايرة المنافسة أصلا رغم باقي المقومات الهشة 
شيكابالا حارب المنطق لوحده .. مش ذنبه ان مقدرش ينتصر 
لو قيسنا الاضافة اللي بيقدمها اللاعب لناديه واللي بيفتقدها النادي لما بيفتقد اللاعب وامكانية تعويض اللاعب من عدمها
هنعرف مين هو شيكابالا 
شيكابالا فعلا مش نجم
لان النجم كلمة لمت اسامي كتير عيب لما يشتركوا مع شيكابالا في لقب واحد


الكورة مش مع عفيفي - شيكابالا مش نجم!!

http://www.youtube.com/watch?v=1nAhfyUdAEg
الزمان 27 يناير 1984
المكان القاهره
الأسره الزملكاويه فى انتظار المولود الجديد .. اجواء من الفرحه و الحماس و التفاؤل بتحيط بالمكان .. علم الزمالك طرف اصيل فى المعادله عضو ثابت فى العيله .. الدعوات بتتسابق ربنا يرزق المولود الحياه السعيده و العمر المديد .. سرحت الخيالات حاولت كسر حاجز الزمن و التلصص على المستقبل .. رغم اختلاف و تنوع الأحلام و التوقعات بمستقبل المولود مكنش حد يتخيل ابداً ان العالم فى اللحظه دى كان على موعد مع اسطورة نادى الزمالك انجح رياضى مر من ميت عقبه 
الطفل الهادىء المتواضع نابغ .. لاعب كرة قدم و يد و متفوق فى اللعبتين .. موهبتة الطاغيه فى اليد لقب احسن لاعب و الهداف اللى اصبحوا اصدقاء و رفقاء درب اكتر منهم مجرد القاب  بيدفعوه بتشجيع من الجميع للسير على خطى الوالد والتركيز فى لعبتة المفضله .. زى ما تكون اللعبه اختارته 
التصعيد للمنتخب فى سن صغير مكنش مفاجأه لكل اللى متابعه لقب النجم احسن لاعب و الهداف لازالوا اوفياء للصداقه ملاحقينه فى كل مكان مصر قطر السعوديه الكويت لبنان فى كل ملعب زاره اليسارى كان الشعاع موجود كانت الألقاب حاضره كان الابداع سيد الموقف
عروض من برشلونه اتليتيكو مدريد .. مونبلييه كان waiting list  فى انتظار الساحر ظروف الدراسه و الجيش فى اوقات و  مبالغه الزمالك فى الطلبات الماديه للأستغناء عن جوهرته الثمينه فى اوقات اخرى بيحجبوا فرص الأحتراف بيحافظوا للزملكاويه على الجوهره  فى منبعها ميت عقبه بيته و بيت كل زملكاوى عشان يصنع لنفسه مكانه لازال و سيظل عليها جوه كل القلوب 
احسن لاعب فى اسيا مرتين احسن لاعب فى افريقيا 3 مرات مش انجاز لصاحب اليساريه القاتله الألقاب هى اللى بتطلبه مش هو اللى بيسعى لها اللعبه اللى اختارته و انتزعته من كرة القدم بتحاول رد جزء من الجميل 
قلوب الزملكاويه مفتوحه على مصراعيها امام الشاب المبتسم المتواضع اللى بيظن فى نفسه واحد على الف من قيمته الحقيقيه  و واحد على ميت الف من قيمته عند الزملكاويه حب و تقدير كبير هما جزء بسيط من حب و تقدير اعظم للجيل الذهبى لكرة اليد فى نادى الزمالك .. اللى مهما اتغربوا حاضرين

مسير الجزء يرجع للكل مسير شعار الزمالك يرجع يلمع على صدر ولاده مسير الهتاف يرجع يرج الصاله رجالة اليد دائماً و ابداً ابطال على اى حد

بسلسلة انجازات عكس السياق الزملكاوى الحزين كانوا دايماً رجاله .. عطاءهم بيصنع الحل لأعتى العقد الدراميه .. رغبتهم فى النجاح فى غنى عن اى مبررات فشل .. بعرقهم و كفاحهم بينصبوا نفسهم تاج على راس الزمالك و الزملكاويه ..  وسط التاج جوهره برغم الخجل بتمتلك بريق بيضىء اى ظلمه .. درة التاج بتتكلم بتتنفس ليها شهادة ميلاد بصوره طفل مبتسم على يمينه اسم اتحفر جوه قلوب الزملكاويه .. ابن الزمالك المبهر ..
 أحمد مصطفى الأحمر

الكورة مش مع عفيفي - أحمد مصطفى الأحمر

كل سنة وإنت كبير
 كل سنة وإحنا معاك
 كل سنة وإسمك غالي
 كل سنة وعلمك عالي
 كل سنة وإحنا إحنا
 وإنت إنت 
واللي بيننا مالوش نهاية
------------------------
كل الدُنيا بتحسدنى على حُبك وانا فخور .. إسمك محفور فى قلبى ومكتوب بحروف من نور
لفّينا وراك بلاد كُنا معاك لو روحت فين .. نفضل على طول معاك ومكانّا فى التالتة يمين
علمك عالى فوق فى السما .. راسى رافعها زمالكاوى أنا
علمك عالى فوق فى السما .. راسى رافعها زمالكاوى أنا
أبطال كُل الصالات ونلاقى زيُّه فين .. فارس يعزِف بفنُْه ألحان هتعيش سِنين
علمك عالى فوق فى السما .. راسى رافعها زمالكاوى أنا
علمك عالى فوق فى السما .. راسى رافعها زمالكاوى أنا

الكورة مش مع عفيفي - علمك عالي .. مها قدري

https://www.youtube.com/watch?v=RwM0TGdUIt0
فى واحد تتعبه لما تطلب منه ينام بدرى يبطل سجاير يغسل سنانه يعمل دايت و فى واحد تعذبه لما تطلب منه يعيد تفكير فى قناعات ثابته عمره ما شك فيها
الخروج من بل وجدنا اباءنا كذلك يفلون عند كتير من الناس اصعب من الفرجة على السيد حمدي في دويتو مع نجاة الصغيرة
فكرة انه يتنازل طواعية عن الجمود المقدس و سياسة القطيع المريحه و ياخد خطوه فى اتجاه مختلف هى  فكرة بالنسبه له جنون 
المسافه بين العقل المتحجر و الفكره الجديده ابعد من المسافه بين النانو تكنولوجى و عاصى الحلانى
فى يوم من الأيام صحينا الصبح على خبر .. الأهلى نادى القرن الأفريقي .. احضان و دموع فرحه و زغاريط 
كان طبيعى و بديهى اول سؤال يتسأل هو  بناءا على ايه تم اعلان الأهلى بالذات و دون عن كل فرق افريقيا نادى القرن ؟ 
لحظة ما بتسأل السؤال ده بتقابل بنظرات استهجان كأنك واقف فى شارع قريش العمومى بتدعو بدين جديد 
قالك ايه بقى .. الأتحاد الأفريقيى عمل pointing system بيحسب بناءا عليه اللى حقق انجاز ايه ياخد نقط قد ايه و فى الآخر يجمع النقط و يحدد نادى القرن
و هنا بيت القصيد .. 
لو سألت اى كانجارو حزين تايه فى القطب الجنوبى هيقولك ان بطل بطوله واحد اهم من وصيف عشر بطولات .. انا عارف دلوقتى انك بتتهمنى بعقدة الأضطهاد .. مش مهم بس عايزك تعرف ان التصنيف فى الأولمبياد بيتعامل بنفس المنطق .. ميداليه دهب تجب كل الميداليات فضه .. عندهم عقدة اضطهاد برضه .. ده مينمنعش ان الفضه نجاح لكن قصاد الدهب تحط الفضه لا مؤاخده فى جيبك
الأتحاد الأفريقى او الكاف قالك كان له رأي تاني
انت اخدت بطولة ابطال الدورى اللى اسمها بعد كده بقى الشامبيونز ليج تاخد 4 نقط
طيب لو اخدت ابطال الكاس تاخد 4 نقط برضه
طيب بطولة الأتحاد الأفريقىي هما ال4 نقط
بالمناسبه بطولة الأتحاد الأفريقى دى كان بتشارك فيها الأنديه الحاصله على المراكز من التالت للخامس فى دوريات بلادها .. يعنى ممكن تلاقى جدول المشاركين فيها بيضم فرق عمرك ما سمعت عنها حاجه كده زى البطريق الموريتانى و العنكبوت الجابونى و الضفدع الرواندي .. الناس دى اللى ياخد منها كاس الأتحاد الأفريقى ياخد نقط زيه زى اللى ياخد بطولة ابطال الدورى 
مستغرب صح ؟ بتستغرب بدري انت ... طب خد دى
اللى بيطلع رابع مجموعته فى بطولة الأتحاد الأفريقيى اللى هو غالبا فريق لا يزيد بأى مقياس علمى او تكنولوجى عن مركز شباب سراى القبه بياخد نقطه يعنى نادى التسلخات الكينى يطلع من دور الـ 8 اربع مرات اربع مرات ياخد نقط زى اللى اخدها الزمالك لما اخد بطولة افريقيا من كوتوكو .. دول لو اخدوا رابع مجموعتهم مره خامسه يبقوا حققوا وفقا للpointing system بتاع الأتحاد الأفريقيى انجاز اكبر من الفوز بالبطوله الأقوى افريقيا الخروج رابع مجموعه مره واحده هو انجاز يعادل انجاز الفوزالسوبر الأفريقيى
ايوه ليه يعنى الأتحاد الأفريقى بيعمل كده ؟ ده سؤال انا متأكد انك مسألتوش بس انا هجاوبه 
عشان فى نادى واحد الأهلى يعنى مش محقق رقم قياسى فى الحصول على البطوله الأهم بطولة ابطال الدورى لكن محقق ارقام كويسه فى بطولة ابطال الكاس فتم حساب البطولتين بنفس النقط عشان هو يستفيد 
نفس النادى اللى الأهلى برضه اخد بطولة السوبر مره واحده بينما فاز الزمالك بالسوبر 3 مرات بالتالى اى اعتبار لبطولة السوبر يضر الأهلى .. ودى تيجى خلاص يا عم ادى السوبر نقطه .. نقطه ازاى ده كده اللى اخد السوبر زى طلع رابع من مجموعته .. ياراجل هو حد شايف 
دى الطريقه اللى اتحسبت بيها النقاط المرجحه لنادى القرن الأفريقيى 
و كماله فى الفجر متحسبش اى ميزه للفريق الفائز بالبطوله الأفرواسيويه رغم انها بطوله رسميه معترف بيها من الأتحاد الأفريقى لكن عشان الزمالك واخدها اكتر من الأهلى متحسبتش
ممكن تسمع كل ده و تقول يعنى هما تقديرهم كده .. رغم ان مفيش جهه رياضيه فى العالم بتخسف حق البطل بالشكل ده بس اللى عايز يتهرب م الحقيقه ممكن يقنع نفسه بكده
لكن نفس الشخص هيقنع نفسه ازاى ان الأفرواسيويه اللى الأتحاد الأفريقى رفض يعتبرها ضمن البطولات الرسميه عشان ميخدمش الزمالك رجع اقر و اعترف بيها بعد السنين دى كلها عشان يرجح بيها كفة الأهلى كاكثر الأنديه فى العالم تحقيقا للبطولات القاريه
ده تسميه ايه ؟
فهمت احنا بنطلب بأيه و ليه ؟ ما عتقدش و انا مش متوقع انك حابب تفهم .. و مش مهم تفهم 
الزملكاويه فقدوا اى و كل امل فى اعلام محايد او حتى موضوعى يهتم بقضاياه و يديله حقه او حتى يحاول
اهتمام اعلام البيب بيب بقضايا الزمالك عمره ما كان فى يوم من الأيام هدف و لا هيكون
على العموم طز
الزمالك عندى هو نادى القرن الأفريقى مش عاجبك مش مهم.






الكورة مش مع عفيفي - الزمالك نادي القرن / مسألة مبدأ

https://www.youtube.com/watch?v=33zpOUZkC_4
فى اصعب الأوقات فى احلك اللحظات بيكون الأمل فى رهان  .. شىء  ما يأتى من السماء لينقذ الموقف و يغير الأزمان .. ثغره صغيره فى حائط الواقع نعبر منها لأرض الأحلام .. مارد هيخرج من مصباح قديم يجبر الناى الحزين يعزف الحان زمان .. يكسر السور و يبنى الجسور من بر اليأس لشط الايمان   
لما ساد الظلام و اتحجبت الرؤيه فى مستقبل سعيد مكنش باقى للزمالك غير رهان وحيد.. رهان اخير لتخطى واقع اكثر من مرير .. و لأن التحدى صعب واليم  كان لازم تراهن على كائن عظيم
اخذاً على عاتقه المسئولية التاريخيه هجر صديق البطل مقاعد المتفرجين تصدر بشجاعه مسرح الأحداث .. بصدره استقبل كل الرصاص ..  قدر جماهير الزمالك الوفيه تكون الحصن المنقذ لبطل الروايات حتى يسترد البطولات بتيشيرت العمر الأبيض لفت واره بلاد 
وسط اتهامات تشكيك انتقادات محاولات تفكيك فضل صديق البطل صامد على خيوط احلامه قابض حالف ما ييأس لو هيحصل ايه .. السهر و الحكايه و الحواديت كلها دايره عليه
ضاقت كتير .. بعدت كتير .. سرقت الصدمه مكان الفرح كتير .. لحظات قاسيه تكسر الحديد .. انهارت امام كائن عنيد .. صديق البطل مش جسد .. ده روح و فكره .. امل فى بكره .. حلم محفور فى الوريد .. صديق البطل هناك فى المنحنى الجنوبى .. زرع عاش من غير مطر .. رغم العذاب انتصر


الكورة مش مع عفيفي - صديق البطل UWK

بجرب أبليكشن جديد بتاع بيانو عالموبايل فطلعت الحتة دي 

أي كلام على زراير البيانو

من حلقة الكورة مش مع عفيفي - تحليل مباراة سموحة
https://www.youtube.com/watch?v=kHj2IEvcHWA

إحنا زملكاوية لإننا بنحب الزمالك بنتمنى فوزه نفرح معاه نعيش بطولاته عشان بنحبه مش بنحبه عشان البطولات مفيش لحبنا للزمالك شروط
إحنا زملكاوية عشان ده إختيارنا ،إحنا أحرار بنختار مبنمشيش ورا البيب بيب
إحنا زملكاوية عشان حبينا نجوم حقيقيين لحم و دم  .. بشر إرتبطنا بيهم لإنهم شبهنا محدش باعلنا ملايكه من عجوة و صدقناهم أو صدقناه
إحنا زملكاوية مبنكتفيش نعيش الحدث إحنا بنشارك فيه و أحيانا بنصنعه إحنا عنصر فاعل مش مفعول به
إحنا زملكاوية لأننا لما بنحب بنحب بقوانيننا إحنا و طريقتنا إحنا ، طز فى طريقتك و في قوانينك و طز فيك
إحنا زملكاوية لأن ده أحلى و أنظف إختيار .. كنا كل يوم و هنفضل لآخر عمرنا .. زملكاوية 


الكورة مش مع عفيفي - إحنا زملكاوية

حـــــــــــــــاسب علينا يا زمن ولا خلاص راحت علينا يا زمن راحت علينا

من كتر الحزن ما بكانا فى حاجة بتصرخ جوانا

نفسي أتكلم أنا بتألم أه نفسي اتكلم أنا بتألم هوا انا برضه مش انسان حاسب علينا
الزمن دار وكتب علينا نبتسم مهما بكت عنينا ننكسر وان فى يوم اشتكينا ننجرح اه يعيني علينا

ارحم وحاسب يا زمن واعمل جميلة ريحنا مرة فى عمرنا لو حتي ليلة مشوار عذابك يا زمن ايه أخره ايه
تاه الطريق بينا على فين مودينا دي القسوة نار والجرح نار
نزرع حنان فيك يا زمن نحصد مرار

الزمن دار وكتب علينا نبتسم مهما بكت عنينا ننكسر وان فى يوم اشتكينا ننجرح اه يعيني علينا
فى ناس بتصرخ يا زمن مش لاقية طيبة وقلوب بتدور على الامل فى بلاد غريبة وعيون بتبكي والندم هيفيد بايه

ماشية الحياة بينا تسبق خاطوينا القسوة نار والجرح نار نزرع حنان فيك يازمن نحصد مرار
الزمن دار وكتب علينا نبتسم مهما بكت عنينا ننكسر وان فى يوم اشتكينا ننجرح اه يعيني علينا
تايهين فى ليلك يا زمن والجرح فينا شاربين مرارك يازمن لكن رضينا حتي العذاب حتي الامل صابرين عليه
على الشوق تمشينا تجرح تبكينا

حكيم - حاسب علينا يازمن

أغنيه مكتوب من ألبوم غني إنتاج سنة 1986
كلمات:  مصطفي رياض
ألحان:   أحمد الحجار
توزيع:    عمر خيرت

مدحت صالح - مكتوب

هدف كوارشي في الأهلي

HALIM - Zamalek Top Scorer - عبد الحليم علي
https://www.youtube.com/watch?v=V90KwzCA2Js

عبد الحليم علي (أنا مَن خُلِق ليُمَجِد العِشق)

ZAMALEK Syndrome

بجرب البتاع اللي بيعمل مزيكا

تجربة البتاع بتاع الموسيقى رقم ٢

بسم كل اللي إتمناها و ماطالهاش
بسم كل اللي إستناها وملحقهاش
بسم إيد كانت في إيدنا و صاحبها راح على وعد يرجع لكنه مجاش
بسم الأحلام المرسومه على كشكول كان
بسم الألم المكسور على الجدران
بسم هالة و ضحكتها وأحلامها و فرحتها بحاجات مكانتش في الإمكان
و طه بصري و عم أمين
ويوسف محي و العشرين
و الغزال و سامي العدل و مليون سين و مليون مين
بسم كل اللي حبوها و حكولنا عنها بكان يا ما كان
بسم كل المجانين لو ده إسمه جنان
بسم اللون و الخطين و إيد رافعة علمك في كل مكان
بسم كل زملكاوي هيكون أو كان

الكورة مش مع عفيفي - بإسم كل اللي إتمناها

Sofia Marikh-Baheb Feek-30 Sec

اغنية دنيا من فيلم 7 ورقات كوتشينة غناء خالد عز

Popular tracks by Kan Zaman 1