أخر مره شوفنا بعض
كُنتي سما و كنت ارض
كل الاسئله وقتها ..
لسببً ما..مكنش ليها رد
علامات الفراق بتهِل
فرص الصلاح بتقِل
الذكريات بقت بتبوظ
بعد اما كانت بتحِل
كل الكلام بيدل..
إن النهايه كان..ميعادها حان
جات واحنا ما بينا شِبر..
النهايه عشان تتكتب وقتها..
صدقيني مكنتش مستاهله حِبر
-
حبة كلام اتقال..
علي كام وداع..
علي كام بحبك وهتوحشيني
علي انك كنت اجمل حد!
طب بجد..
هنروح فين او لمين..
داحنا اللي بينا كتير ..
وتفاصيلنا أكتر ..
و أنا مش هقدر..
ولا فيا حيل..
اّحفَظها لحد تاني..!
طب عشاني..؟
خلينا نفكر شويه..
لو عليا..
شايف ان احنا يومها كُنا هُبل..
القهوه جايز مكنتش دُبل
فا مكُناش يعني مركزين.
ولا دريانين باللي بنقولوا
كفايه سهر الليل بطولو
واحنا عارفين السبب
نسيبنا بقا مّ اللي اتكتب..
ونكتب اي حاجه غيرو
كل طير حمام يغيب..
لابد إنه يرجع لطيره
وانا بقالي فتره تايِه..
وطريقي يعني مش لاقيه
أكيد فهمتي قصدي ايه
مش لازم يعني تتقلي..
انا حتي واقع واسألي

أخر مره شوفنا بعض

قصيدة بنك الحظ - كريم أبوعيد

نهايه مؤجله.mp3

كريم أبوعيد - يومها - Kareem Abo Eid - Yomha

بعد ما جبتلك مّ السما
كُل النجوم اللي بتتجاب
كله في اﻻرض اترمي
و من غير ذِكر أسباب
كل اللي عملته اتنسي !
و بقيت أنا المِتساب 
أتسبت ..
-
مع اني والله مأ قصرت
كنت جنبك ..
و في عز ضعفك ..
كُنت مأويَ
و يوم بكُاكي ..
كُنت رُكن
الرُكن اللي بقيتي ..
بفضله اقويَ
و اللي يوم فراقك ..
احتاجله رُكن !
احتاجله حُضن .. !
-
و إنتي مكُنتيش موجوده
عشان ترديله الجميل
أحتياجه نهايته مسدوده
طول ماهو مش لاقي دليل
أو ضمان ..
إن الكمان ..
مسيره يحتاج للوتر
و إنه دايما هيلقي حضن
وقت ما يحس بخطر
او يخوف ..
سألت أيه سباب الغياب
قلتلي دي دنيا والظروف ..
و الجدير بالذكر ..
اني كنت وقتها باقي
فطبيعي كان كلامي عشواني
هضيع من غيرك 
و مش هبقي انا بَعدك
و صدقيني لو ماشيه
انا اول حد هيساعدك
بس لأا خليكي ..
متمشيش ..
أو روحي مترجعيش !
بُصيِ ..
أنتي في كل الأحوال هتمشي ..
و أنا بخرف بالكلام 
روحي بس دلوقتي 
و أنا شويه و هكون تمام
و متسبيش الباب مفتوح 
أو موارب
جايز في وقت اكون شارب
و احاول أفتحه من جديد
هبقي شايفك من بعيد ..
و هستني الرجوع جايز !
و لكني حتي لو هعوز
هيعدي يومي وانا عايز ..
-
بس أنا .. 
مش هفضل عايش مستني
مكانك الصح بعيد عنيِ
من بعد قلبي ما أترميَ
خلاص .. عن حبك أتعميَ
و أتعلم انه ميتعبش
و أنه كمان ميجبش
لحد حاجات مَ السما .. :') !

#حاجات_مَ_السما
#كريم_أبوعيد
#شعر

7agat Mn El Sama - حاجات من السما

كلمات القصيده : 


كان نفسي أودعِك ..
أقولِك حتي كلام أخير
أقولك فيه كل حاجه
أقول اشوف وشك بخير!
و أحلفك متنسيش ..
و تخلي ليا ذكري عندك
و أنك متيأسيش
حتي لو الطريق معانِدك

وتعرفي إن ..
الحياه من غيرك
زي ماتكون تُربه
مهما عرفت فيها غيرك
ببقي لوحدي و في غُربه
الزمن ماشي بطئ .. مَبيعديش
و الوقت كالعاده .. مَبينَسيش !
-
سيبك من دا كله ..
زمانك دلوقتي بتسمعي
و عايزك تعرفي إني ..
مش بستعطفك ترجعي
أنا بس زعلان إن انتي هدمعي
مجرد ما هتعرفي ..
إني أصلا مش هنا
و إن دا حلم يعني..!
و ان علي ادد ما الكلام وَجَعِك ..
فهو برده أكيد وجعني !

"بس هو جيه في ثانيه" !
اتعشمت فيه يستنيَ ..
شاورلي بأيده عالجنه
و قالي لسا في دنيا تانيه
مِستنياك هناك ..
و أول ما أبص هناك
علي غفله الروح تتشد !
و ملحقتتش أقول حاجه
وملحقتش أودع حد :') !
#كريم_أبوعيد

ملحقتش أودع حد - Ml72tsh Awd3 7d

كلمات المَشهد

* كانت بتقوله * : في حاجات بتِكسرها عادي وأنت متعصب..
وفي حاجات بتِكسرها وانت مجروح أو جارح
مهما كان الطرف الَمضروُر مسامح ..
إلا أنه الفعل حصل!
و إن بالِفعل في شئ أتكَسر..
ومحتاج عنايه عشان يرجع سليم..
أو حاله تِشبِه للقديم..
محتاج لشخص يخاف .. 
لشخص يحب ويعتني !
وأنا كُنت هذا الشخص !
"و أنت .. أول ما فوقت بِعتني" :') !
#كريم_أبوعيد

كريم أبوعيد - أول ما فوقت بِعتني / Kareem abo eid - Awel Ma fo2t Be3tny

( Obit ) موسيقى : محمد عادل 

نخاف الشئ فا بنريدوا
نمِل الشئ فا بيرِدنا
نسِب الَدهر و نعيدوا
يلف الَدهر ويعدنا ..
نخاف الشيشه فا نجرب
نخاف القرب فا نقرب !
في الحقيقه كلانا متغرب
والغربه وجعها بان في العضم ..
رفعنا كفوف .. و نحينا جبين
واتعشمنا في أمال اللَضم
وقولنا نستنىَ ..
عدىَ وقت وعرفنا
إن أبليس كان اقرب للجنه
فا بطلنا ..
وزدنا البَعاد في القُرب
وزدنا الوجع والشُرب
ومشينا في الطريق أياه
وانتهينا بأننا
بقينا اتنين غُرب
-
الوضع شِبه مُعاد
ومفيش أمل بعدين
الشعر الأبيض زااد
الصبغه راحت فين!؟
حبينا ناس اوغاد..
فا كرهنا ناس تانيين
لسا الفراق بمعاد ..
لسا الضُعاف شاريين!
امتا اللي فات يتعاد
ونبقي مش خايفين
امتا اللي فات يتعاد
ونبقي مش رايدين :') !
#كريم_أبوعيد

Kareem Abo Eid

Popular tracks