منآجاه الروح - Kareem Devo

الفودكا مطرة فحلق صوفي ..
الصوت بيطلع بالخناق .. 
فالبعد بتونس بخوفي ..
قولتيلي معرفش الفراق .. 
سكينه تلمة فوق رقبتي ..
مسمتيش .. 
على طول دبحتي ..
سؤال بسيط ... 
انتي كدة .. 
ارتاحتي ؟ 

بغرق .. بموت .. 
على كتفي قومي وسندي ..
يا كل ودن سامعه صوتي .. 
رددي .. 
القصة خلصت بدري جداً 
مش قبل ما نقول النهايه .. 
القصة خلصت .. 
حتى قبل ما تبتدي .. 
 
الكاميرا تقرب .. 
مل شاب القاعد في الزاوية .. 
وتدور حواليه .. 
ابليس شخصياً مستغرب .. 
دة ..
في الحانه بيعمل ايه .. 
مش كان درويش ؟! ..
متعبد سالك بطريقه .. 
دة فأيدة حشيش ...
انطق يابني جاي هنا ليه .. 
انطق يابني .. 
فين السبحة وفين الخيش ..
بيبص الشاب بطرف عنيه .. 
ناحية ابليس .. 
وبيرفع ايدة ..
الخيش فالقلب .. 
والقلب اهو بانت تجاعيده .. 
ملعون الصوفي عشان طيب ..
ملعون القلب وتنهيدة .. 
ابعد عني .. 
احكيلك ايه ! 
اسكت خالص ! 
حكايات تاني ؟ 
هو انا ناقص ! 

كنت انا ع الباب .. 
داخل اطلعه من جوا 
اول ما دخلت  على الحانه .. 
الابره ترن .. 
وبصوت واطي .. 
تهمس واحدة فودان الواد .. 
شكلك تعبان .. 
شكلك مخدوع ..  
بصيتلها بعدت عنه ..
قومت رايحله .. 
مساء الخير ؟ ..
في الحانه هنا ..
انا أقدم واحد .. 
وانا أكتر واحد موجوع ..
اتفضل على برة احسنلك 
قام كشر قال ابعد عني .. 
شوف خيشك فين .. 
قوم صلي عليه 
ومترجعش ! 
روّح على شان بتفكرني .. 
بالصوفي الواقف قدامك .. 
لما اتقاله .. 
انطق يابني جاي هنا ليه .. 
 بس انا ملقتش اللي يقولي .. 
نفس التحذير اللي اتقالك .. 
فا نصيحة من صوفي قديم يابني .. 
اتفضل على برة احسنلك ..

الحانه - Kareem Devo

غمضت عين وابتسمت
 لما سمعت الغريب
 اهداني شعره اتوجعت
 كئيب بيهدي كئيب 
في قصايده يهديني 
وأهدي قصايدي لغريب 
شكرا على الإهداء 
وعلى احتواء الداء 
ياصديق فصورة أب 
فالبعد مني قريب . . 
يا رفيق البين . . 
بين الحاجات يعني .. 
اسمع لاخر وجع 
حاول يوقعني . . 
مش عارفه اقولك إيه
 و هي دي الورطه
 أنت ألطف واحد أحبه
 بس أنا .. 
ع فكره مرتبطه
 فعنيك حاجات بتبان 
فآسفه ليك معلش 
حاجات كتير حلوة 
فالدنيا دي مكملتش
مسجون فأوضتي وحيد 
ودة سجن بمزاجي 
مخلي السبيل بالليل
و الصبح إفراجي
تايه بتدور على أراضيك 
وبتهرب من كل الماضي 
اهرب والخاينه هتتفلسف .. 
وتقول مش قصدها .. 
عادي الحق عليك .. 
العيب.. 
فيهم يا غريب .. 
العيب.. 
مش فيا وفيك .. 
اكتب عشان تفضل 
اكتب عشان ترتاح 
اكدب لو كان دة الأفضل 
واحزن لو كان في جراح.. 
يا صديقي كتبنا ولا فضلنا
وادينا لا كنا ولا مازلنا 
ولا بهدا يا صاحبي 
ولا بترتاح.. 
وبنحزن جدا لجروحنا 
والتمن المدفوع من روحنا .. 
ارخص من سعر الأفراح .. 
من فرط آلم الكآبه .. 
دولة ودنيا ودين
خدنا اتجاه الكتابه .. 
وقطعنا شك بيقين .. 
قالوا انت عيل بيلعب
قلت انت عيل حزين .. 
قالوا بطلت تكتب.. 
فقلت هكتب لمين ؟! 
مبيقراليش غير صحابي
منصف ،غريب ،وابراهيم

للغريب

كريم
23 سنه على الورق بس
ناشر للإكتئاب ....
اي معلومات تاني تقدر تسأل عليها 
https://www.facebook.com/kareem.devo

kareem m mahmoud