Sound and Lyrics by: Kareem Hesham - 

Page: www.facebook.com/poetkareem

Profile: www.facebook.com/kareem.hesham.1988


البنات أصلا
كائنات ليلية
تحب السهر والمزيكا
وتعز النوم
وتكره المواعين
وتحب الرغي
وتحب منير
ويحبوا التأخير
والتبذير
والتنطيط علي بعض
- مش كله أكيد –
لكن ساعة ما الواحدة تحب
بتحب كأنك أول حد وآخر حد
وكأن الدنيا اتخلقت علشانك
وجناحك لو مرة ما ضللش عليها
بتحس بعجز .. وإن الدنيا اسودت
لو مرة زعلت ساعات بتكابر
بس الواقع بيقول
إن زعلها بيبقي عشانك
فمتزودش عليها الحمل
وخليها فـ أول أحلامك

البنات - مزيكا

Audio: Menna Kordy

Lyrics: Kareem Hesham

page: https://www.facebook.com/poetkareem

تفتكري فاضل آد ايه
قلتيلي مش عارفة
لكن ع العموم آسفة
متتأسفيش .. الطريق أصلا طويل
عايزة تعديه ولا كفاية؟
قلتيلي نكمل للآخر
الطريق اللي يتمشي
ما يقفش في النص إلا بالموت
وإلا ما يتمشيش م الأول

تفتكري فاضل آد ايه
قلتيلي مش عارفة
بس الرحلة جميلة معاك
كل أما بنمشي زيادة بحبك أكتر
قلتلك وإنتي الأجمل
كل أما بنمشي زيادة
بتعلم حاجة جديدة فـ حبك

تفتكري فاضل آد ايه
قلتيلي كتر السؤال بيزود المسافات
إمشي السكة وزي ما تيجي معاك
فارقة فإيه وياك
قلتلك أنا بس مستعجل ع اللقا
خلاص مش هسأل تاني
وهمشي وزي ما تيجي
...
بقولك ايه
تفتكري فاضل آد ايه؟

تفتكري فاضل آد ايه؟

Lyrics and performance: Kareem Hesham 

Page: https://www.facebook.com/poetkareem
Profile: https://www.facebook.com/kareem.hesham.1988

عن روح
دايخة من طعم الحنين
والحبيب غايب
طب أنا
لما أشتاقلك
أنده لمين؟
القدر دايما
تلاقيه ع الجبين
وإنتي محفورة فـ تفاصيلي
قلبي اللي شاب م الدنيا
لساه فـ حبك يادوب
ما تمش فـ الحياة سنتين
آه لو تفهمي
إني بحب الحاجات بيكي
وعنيكي نور ع الطريق
والروح جواكي وجوايا واحدة
نفس النَفَس فيكي
هو اللي عايش بيه
ممكن لو تسمحي
تاخدي قلبي جواكي
وتحضنيه؟

عن روح

غناء: لارا الشقيري
كلمات: كريم هشام

حبيبتي الحلم فـ العشرين
وضحكة قلبي وجراحه
حبيبتي ضحكة العايشين
وهي دواه وجلاده

يا نسمة ع الخدود عدت
ماهيش دايمالي كالعادة
ولما سألتها سكتت
هاتيلي قهوتي سادة

يا وعد الحر يبقالك
يا خوفي لقلبي ما يوفيش
ويجي غيره يحلالك
فـ يتنفس وجع .. ويعيش

أنا عايش علي حسك
وقلبي إن مرة داق مرِّك
هيبقي المر ده عسلك
ومش ناوي يسيب قلبك

حبيبتي ضحكة بتعاتب
وسكة لروح ماهيش راسية
ووردة ما بين ورود تانيين
لونها وسطهم غالب

حبيبتي الحلم فـ العشرين
وضحكة قلبي وجراحه
حبيبتي ضحكة العايشين
وهي دواه وجلاده

حبيبتي الحلم في العشرين

إلقاء وكتابة: كريم هشام

https://www.facebook.com/kareem.hesham.1988

هاتي عودك - كريم هشام

أي كلام في أي حتة

هذه الساونداية للضحك والهلس والمسخرة :D
إستنونا فـ ساوندات جديدة بقي ;)

ميكي وزيزي وهواك

ميكي وزيزي وهواك - برومو يوتيرن

ميكي وزيزي وهواك - من المعرض

ميكي وزيزي وهواك 4

ميكي وزيزي وهواك - قبل وبعد الجواز

احضن قلبك

الواقع بقي مزري بشكل مخلي الواحد بقي هو شخصيا مزري فنفسه
فلازم شوية المزيكا اللي بتدخل جوة الواحد تردله روحه من تاني 
المزيكا النضيفة هي اللي مساعدانا نكمل حياتنا ع الكوكب ده 

Kareem Hisham

Popular tracks