Karem Osama - فنجان الحب / Cup Of Love

Vocals : Karem Osama
Lyrics :  Mostafa Alaa
Mix and master : Adulf Hector_ AntikaStudio
Poster Art work : Karem Osama

---------
اداء وغناء :  كريم اسامه
كلمات :  مصطفي علاء 
هندسة صوتية : هيكتور 


lyrics / الكلمات
الحزن ليه بقى حتة مني كأني لابسه هدوم؟
مش بزعل بعد 12 بس أنا بزعل طول اليوم
ع الحال ده من زمان، من غير سبب، من غير عشان
دوام الحال من المحال، اشمعنى ده بيدوم؟

كنت سابق سني بقيت متأخر ألف ميل
كنت ثابت جدًا ليه دلوقتي بقيت بميل؟
كنت بحل مشاكلي زمان، دلوقتي بقيت بنام
والنوم بيثبت فعلًا إنه حل مش جميل

يضرب المنبه ألف مرة ومش بقوم
الوحدة تزيد بالليل اروح أكلم النجوم
معدش فيا طاقة فعلًا أعمل أي حاجة
مستعد الوقتي أكمل باقي عمري كله نوم

أنا بنهَج من دلوقتي والطريق مازال طويل
أجري ليه وأنا عارف إن ماعدش فيا حيل؟
في قاموسي ماعدش شيء ممكن يتقال عليه إنه سهل
و حتي السهل بتاع زمان دلوقتي أصبح مستحيل

قالوا كل شيء بيعدي، ليه مفيش ولا حاجة عدت؟
غمضنا عيوننا من سطوع النور، الدنيا اسودت
علاقاتنا غش في غش، ناس مريضة ولابسة وش
ألم بمرور الوقت مش بيكِشّ، لا بيتمدد

اليوم أحداثه نازلة ضرب فينا، محدش حايش
تحتار لو حد سألك: "انت ميت ولّا عايش؟"
بتقول أنا هبقى أحسن، بالوقت بتبقى أحزن
وبتنزل بحر خوفك كل يوم وبتطلع بايش

الناس بتزهق ليه من بعض؟ الناس بتكره بعض؟
شريط مسكن كامل مش كفاية لو صدّعت
حلمنا ليه بأيام هتكون مليانة بالورود..
بما ان المنطق في الحياه دي مات مخنوق ؟

الحياة دي بتجري بينا واحنا لسه مصدومين
أيام بتعدي في ثانية واحنا في غفلة بالسنين
بالليل نشكي لكشاكيلنا، وفاض والله كيلنا
لو بنواجه مشاكلنا كنا هنبقى كويسين

Karem Osama | كريم اسامه

Popular tracks