"شغل جنان"

ليه تفضل على طول متشرد
ف شوارع دبلت اساميها
ارفض حاول غير حرض
هد الدنيا عشان تبنيها

فك قيود الليل من روحك
واخلق شمس بتتمناها
واتصاحب على طعم جروحك
واتعلم تضحك وياها

ليه بتسيب الخوف يتأمر
على قلبك ف الضلمة يوماتي
بحلق برق زعق زمر
قوله مالكش مكان فى حياتي

قوله مالكش مكان ف حياتي
قوله مالكش مكان
هاشطب ليلك من حكاياتي
قبل ما فجري يبان

اكره اصرخ كسر دمر
ماتغمضش ف لحظة عيونك
حلمك مهما يعيش و يعمر
لازم يجي ف يوم ويخونك

قول لدروبك مهما تضيقي
مهما تعاندي و تقسى عليا
برضه هاكمل باقى طريقي
عمر ما كان المشي خطية

عمر ما كان المشي خطية
ولا كان شغل جنان
هارفع راسي واحط ايديا
على كتف الأحزان

-----------------------------
كلمات والحان : أنطونيوس نبيل

شغل جنان"  حفل روابط رمضان 2012"

8-دقينا مسمار  الدخلاويه والسادات وفيفتى وحاحا &الصفحة الرسمية لدى جى  فيلو

فرحة حوده الحوت

Karim Mohy

Recent comments

user553776065

Related tracks