ضحكتكم زي الزفت لا تخلوا م السماجة ☺

ايه الجحوديه دي 😂😂💜

مفيش انسان مش بيغلط ..بس الانسان القوي اللي يقيم نفسه ويصحح غلطو .
اتفرج على فيديو كليب "الخطايا السبعة " وحاول تبعد عن السبع 
لينك الكليب
https://www.youtube.com/watch?v=UTXuScj6pGw

Danger school Band - الخطايا السبعة

شاهد الفيديو كليب :
https://youtu.be/1gG5MYgso60
..................................................................
Lyrics | الكلمات 
مشهد داخلى اوضة الوانها سودا
مكونات المشهد فوضى من كتب وهدوم
تلفزيون مفتوح مدى ضوء خافت للأوضه
فى تمام الساعة تسعة ونص يقوم مخضوض من النوم 

ياخد نفسو بيحب يقلب فى الجريدة
قالولى حاول فابحاول كل يوم 
يجى ميت وظيفة خالية مكتوبة بخطوط عريضة 
وانا حديدة فى قلب المحيط بتحاول تعوم 

ما علينا انا لازم ابدأ يومى
الشمس مستنية اذن شباكى المقفول 
بيقولو الشمس لما بتطلع هنسى كل همومى
فاهحاول اكون مضياف وهاسمح ليها بالدخول 

اصوات فى بعض اعلاهم صوت دكان بيفتح 
معجون بصوت عصافير وناس وكلاب بتنبح
فى نص الكادر شخص مبهم فيدقق فيه
مع انه مش واضح كان حاسس انه مستنيه 

بلاقى فى حضن الوحدة نفسي فى سلام وهدوء
ياما سمعت اهالى قالو انى صاحب السوء
فانا ببعد طول مانا مش مقبول سمونى المنبوذ
الدنيا لقتلى ملكة خلاص كسبتى مش هافوز  

بسهر بالليالى اكتب كلمات اغانى
بكتب كل نصيحة نفسي فى يوم حد يقولهالى
كما الطيف موجود او لأ الدنيا مش هاممها
دى حياة مكتوبة بخط دكتور ومش فاهمها

نفس الشخص المبهم واقف يلمحو بطرف عنيه
وقلبو بيدق ببتيمبو اعلى من المعتاد شدة خوفوا
مع انه متكلمش حاسس انه بيناديه
فضولو بيسألو مين دا ومنين وليه بيشوفوا
....................................................
الو ايوا ياحببتى كريم عايزة اقوللك حاجة
قولى اسفة صعب نكمل مع بعض بتللك الحالة
طيب الى تشوفيه اتمنى تكون مش زعلان
احنا مكناش لبعض من البداية طيب سلام

يطمن نفسو يقول تمام هكون مشغول ليوم بطولو
الندى جوة عيونو يشهد عن الى بيقولو
مش بتاع تحايل ولا حزن ودموع 
احسن واحد فى الكون يمثل انه مش موجوع

ياما اتخدع ياما اتلسع ياما وقف بعد ماوقع 
كسب مناعة من الهموم مببقاش يحس ويتوجع
ويدوب كالماية بعد ماكان تلجة جامدة
يادنيا خلاص كفاية تسديد لكمات ل جثة هامدة
 
يشوف الشخص المبهم تانى  لتالت مقابلة بيه
مستحيل انت تانى عايز منى ايه
متسبنى فى حالى مش كفاية الى اتسببت فيه 
لسة بيكمل يسيبو ويمشى ويختفي
...
دماغة تفهم المشاهد وتجمع الاحداث
لو كان الموت انا مستعد زهقت من الحياة
مستحيل دة شكلو عادى زى كل الناس 
اياً كان نوعو و طبيعتو فانا لازم اتحداه  

عضلات كتافة قويت من تقل الحمول عليها 
ويطول ليلو ويزين عينو بلون اسود تحتيها
بيلف بدون امل لقا مكتوب شباب للعمل
يمكن يلاقى حظوا ويقبلو انو يشتغل 

فادخل كتب عنوانة واسمو وكل المطلوب 
يقاطعو دخول الشخص المبهم فيشطب كل المكتوب 
لاحظ ان فى كل فشل موجود الشخص المجهول 
مش هسيبو ايااً كان بالتأكيد هو المسؤل

بالتأكيد هو الى مانعنى كل دة هو الفشل بعينو
كفاية تهكنات كفاية اجبات مبهمة 
بطاردوا بيبعد عنى بمد بسبقو بجيبو
زقيتو فاوشو بان الشخص المبهم يبقا انا

كريم رفعت - تسعة ونص | Karim Refaat - 9:30

أغنية جديدة لكريم رفعت بأسم "لما تفتح كلمنى" 
اتفرج عليها على اليوتيوب 
https://youtu.be/v11QU9wtet8

كلمات : كريم رفعت
تم التسجيل فى : استوديو محمود عفيفي
شكر خاص : محمد إيبو

كريم رفعت - لما تفتح كلمنى | Karim refaat - Lma tfth klmny

" #الربع_السالب " أجدد اغاني كريم رفعت ويحيي علاء , عن المثابرة برغم سوء الظروف .

لمشاهدة الفيديو كليب( هتبقا متاحة خلال دقائق )
https://youtu.be/RputICFwZH8

الكلمات : 
ياشمس مضلمة .. غروب وعتمة فى كل نور
الحق فات صحاب والحق ساكن كدب زور
اهانة ذل هم جوة لبسي فى شغلتي
تعدى! مين يعدى بعد كل سور فيه سور

بنوتة همها .. الفرحة لأهلها
عصفورة شكلها .. نورها ساكن قلبها 
ماتشلش منها .. الخلق تحبها
معقولة انك بريئة مكانش ذنبة زنبها

الحظ مش بينحاز وفى صف ياخد جانب
مش ذنبك ان معادلتك حطتك فى الربع السالب
ملناش فى القسمة نصيب .. حبل الممكن دايب
العب فاهم اى كارت ايدك هتجيبو هيطلع شايب

اوعى تتعشم يوم فى الممكن وتقول جايز 
عشمك دة ملهوش نهاية خدمة ولا نشان وجوايز 
"انسي تكون فايز .. متقولش ابداً عايز"
وهموك وباعو ليك هوا متعبى جوا ازايز


انا بريئة .. دى الحقيقة 
وانت ظالم مفترى 
مين الى واقف كسر حقى 
مين جبان ومين جرى 

بيقولوا كل الناس بتتمنى تعيش فى الجنه 
بس مفيش ولا  د فيهم فعلاً مستعد يموت 
الدنيا مش سهلة وكل جايزة ليها ثمنها
وفى ماتشك لو وقفت الكورة هتتاخد , فاشوط 

ابدأ تتعلم تكدب نافق قلد ضحكتهم 
وابدأ حب اللون الاصفر علشان تقبل ابتسامتهم
انا مش هاعيش علشانكم .. دى حكايتى مش حكايتكم
بحكمى مش بدماغكم وبأيدى ومش بأيدكم 

انا بريئة .. دى الحقيقة 
وانت ظالم مفترى 
مين الى واقف كسر حقى 
مين جبان ومين جرى

كريم رفعت ويحيي علاء - الربع السالب | Karim refaat Ft. Yahia alaa - el Rubue Elsalib

اكتبو شايفين مين كسب من وجهة نظركم فى كومنت  ♥

الكلمات :

الكلمات : 
ايدى جامدة فبخففها لو حد سلم عليا
هرمونى تستوسترونى بثلات غدد نخامية
نظرى ستة على ستة ومع ذالك زغللتى عنيا بجمالك 
مسطول بخمر عيونك الى مش طبيعية 
 
لو فى يوم صابنى الحزن انا بسقى الجرح كلونية 
مش وسيم ومش فكاهى ولا من الطبقات العليا
لو محتاجة تحكى فى يوم هاكون صاحبك واحكيلى
ولو سقعانة حضنى دافى .. هاتكوني لى هاتكوني لى

 عندي سلطات كتيرة وفلوسي هي الحل
ممكن انزل اعوم في ماية والماية الي تتبل 
معنديش مهارة ثابته المهارات بتتمناني 
شكيرا كانت بترقص واعتزلت عشاني

رغم جمال شكيرا بس جمالك سحرني 
انا طالع لدقني مش هي الي بتطلعي 
ذو البشره السمراء فكاهي بحب الامل 
اشتريت كل حاجة ناقص انتي ايه العمل

.............
 
ولسة مانلتش اعجابك
ياحضرة لجنة الحكام 
ارجوز بيرقص لجنابك
ياهدفى الباقى رقمك كام
انا مش بضايقك لا لا لالااا 
انا اصلي عايزك بس تبقي ليا انا 

انا وانتى سوا هنبقا واحد مش اتنين
مؤمن بحقوق الست والمساواة بين الجنسين
بس لابأس من سؤال لفين؟ وجاية منين
انا بقلق اصلى على الى بحبو ديماً جوا العين

طباخ سباك واوقات حداد ميكانيكي كمان تلاقى
فيتنس نباتى بشيل حديد بجناح وبر مائي
انا اجبلك اى حاجة وكأنها ببلاش
انا عندى كل حاجة الفلوس مبتجبهاش  


سيبك من كلام الحب .. مبيكلش عيش 
بالفلوس تعملي كل حاجة مفيش كلمة مفيش 
بروح شغلي بحوية وباجي بردو بحوية 
نسبة الكافين جويا بتاع مية في المية 

قوة الشخصية دي اكتر حاجة بتمزيني 
شوفتك قلبت طفل كانه شاف ولت ديزن 
معايا مش هتفكري الا في حياة سعيدة 
متصدقيش الفلوس مش حل لكل مصيبة

رومانسي تعيشى معاية حياة الافلام 
انا كاتب ومعنديش اصلا اكتر من الكلام
على قد المسؤلية .. بشيل المسؤلية
انا اتقل خلق الله شوفتك فاحساساى لعب فيا

ولسة مانلتش اعجابك
ياحضرة لجنة الحكام 
ارجوز بيرقص لجنابك
ياهدفى الباقى رقمك كام
انا مش بضايقك لا لا لالااا 
انا اصلي عايزك بس تبقي ليا انا .

1- Danger school band -  تبقي ليا

اتفرج على الفديو كليب من هنا : 
https://www.youtube.com/watch?v=my4C7GB_Gw8&feature=youtu.be

كريم رفعت - الخامس من طوبة | Karim Refaat - Elkhamis min tuba
أغنية ل شتا 2019 عن ان افعالك لا تؤثر عليك وحدك بل عليك وعلى من حولك قد يتلقاها البعض بشكل حزين ومؤسف لكن الهدف هو عرض عبرة يحتذي بها الاخرون
بنتمني فكرتها توصلكم وتعجبكم❤️
#افعالك_تؤثر_على_من_حولك
---------------------------
الكلمات :
فى ليله ما بالخامس من طوبة  
السحاب فاض بيه الكيل فادمع سقى الارض خصوبة
الناس بتحب الشتا بس الشتا محبهومش 
والصيادلة تشهد زيادة فى طلب الدوا خلاص معندهمش 

العيا ببلاش ... العلاج بفلوس
والى معهوش يجيب يستحمل , يعمل ايه منحوس
ودى عيلة افرادها اتنين بس مبيحبوش الشتا
عايشين فى بيت متواضع , يعني .. مش قد كدة

ابن وحيد شايل امه بعد ماوالده اتوفي
شقوق فى اديه من شغلة وبجهده جسمه اتدفي
الشمس تلسع فيه وتقوله خلاص كفاية واقفة 
لو الدنيا ميزان فهو مش موجود فى الكفة

بس هو مش موضوعنا موضوعنا حد تاني  
واحد بيحب الشتا لا يبالى واناني
عايش فى دور الوحدة وانه من الهم بيعاني
مادياً يملك مايكفيه ويحقق بيه كل الامانى

الله اعلم بهموم كل واحد فينا
بس لو عشقت التوهة مش هيساعدك ضوء المينا 
بيقول انا كنت ضحية للدنيا والناس كلها مش سالكة
اه منك ياحزن فوزت ولقتلى ملكة      

الكلام دة كان جواية زمان قبل ماهوى واشوفها
قبل ماتدخل جوا الدم واستنشقها وانفخها
بكلمها  لما اتضايق وبنحكى بالسعات
وفجأة الشمس تطلع ببتسامة بغمزات

مش عايز افوق ولا عايز انام
عايز افضل فاصل على وشي ملامح سهتان
حاسس بغياب العين والوعي والوجدان 
بسوق مسطول وانا فى حالة  من الهذيان

بصدق شدة الهوا العدادات خداعة
زود بنزين 150 كيلو فى الساعة
مزيكا بأعلى صوت والبنزين مُنصاع تحتيه 
الهوا بدأ يلسع  فى جلده وبدأ يعميه  

وفى نفس اليوم .. الخامس من طوبة 
السحاب فاض بيه الكيل فادمع سقى الارض خصوبة
الناس بتحب الشتا بس الشتا محبهومش 
والصيادلة تشهد زيادة فى طلب الدوا خلاص معندهمش 

اب خلص شغلو ومروح بيتة
شايل بيت  ف دة روتين كل يوم يعيدوا
رب بيت مسؤل على ابن وام وبيكفيهم       
عيلتة صابها الداء من طوبة فاجاب علاج يداويهم

صاحبنا التاني مغيبن عقلة بدأ يشتغلة
الاب يمد فى عجلة والتاني بيسخن عجلو
الاب يعدى السكة قلبة  بدأ ينهجله 
بيلف فشاف الضوء الابيض ايقن انه دة اجله

كريم رفعت - الخامس من طوبة | Karim Refaat - Elkhamis min tuba

اتفرج على الكليب من هنا
https://www.youtube.com/watch?v=o8anYW8XHig

الكلمات : 
----- intro ----
مع انك كنت ديماً مصدر قوتي 
واني في بعدك كنت اخاصم ضحكتي
كان بنا وعد  وبنا اكتر من اتفاق
ليه يازمن تنهي حكايتنا بالفراق
---------- choras ------------ 
بنتجادل في مين بادي ومين مجني ومين جاني 
بنتباهي برفض الصلح ومين فينا ساب التاني
وجوانا شمس الحنين بتتداري في غيمة كبر
بفكرة رفض صفحة جديدة بحجة إن خِلص الحبر

---- verse --------
استني , فاضل شوية قبل ماتنام
مافضلش هنا الا انت كابر يلا وقول تمام
اعمل نفسك مش موجوع اعمل نفسك مش ندمان
هتعيش اكيد بدونهم بس كا مبني بدون عمدان

 تكون كوم جبال فى البال  ذهنك شال وشال وشال
 عقلك يفضل  شغال وشغال على نفس المِنوال
مكانتش دي حبكتك البطل ساب قصتك
نسيتها وانت في بالها , اشتقتلها لما نستك

تايه , مستني الاقي اي صدفة
 كانت بازل  بتكملني بوجودها
الدموع بتودي لاي سكة وكل سكة تودي ليها
 هي نهاية كل حزن وكل حزن بيبدأ بيها

 لو انتوا بعدتوا في يوم كفياكم لوم
بنستهان بالشئ علشان وجوده معانا بقي مضمون
بقى كلو احد فينا في حتة ايه الي حصل مكانش دة حالنا
وصلنا خلاص الهاوية وكل حاجة فينا ناقصالنا
--------------- choras +2 ----------
بنتجادل في مين بادي ومين مجني ومين جاني 
بنتباهي برفض الصلح ومين فينا ساب التاني
وجوانا شمس الحنين بتتداري في غيمة كبر
بفكرة رفض صفحة جديدة بحجة إن خِلص الحبر

----------- verse ----------------
انا مليش سوايه .. انا صاحبي ودفاية 
ملعونة لحظة قسمت بينا كانت القشاية 
كان صعب اني اتخيل ان غيابك يوجع كدة
ازاي سمحنا لنقطة تافهة تبقى خط نهاية 

كل حاجة كنا فيها سوا مش قادر اعملها 
صورك على موبايلي بمسحها وبرجع انزلها 
كانت المطرة بتنزل وكنتي ماسكة ايدي 
ابتسمتي وبصيتيلي ومش هاسيبك قولتيلي

ديماً في حاجة نقصاني وجودك بيكملني 
انا لسة عايش بس بعدك كل يوم يقتلني 
انا شكلي بعت وسبت لغوا اعمال السنة فاغبت 
فاسلمت وقولت انا مش هاصلح حتى لو حاولت 

مش فارقة مين يصالح مين ولا مين كان اناني 
كل الي فارق اكون معاكي متكونيش بعيدة 
زي مالبازل اتفرق ممكن يتجمع تاني 
مش عيب ان احنا نتصالح ونبدأ صفحة جديدة 


------------ bridge ----------------
وليه بفتكرك لما بحاول انساك
وازاي انا اخفي لهفتي وانا وياك
واداري دموعي بالبسمة وارضي بالقسمة 
 كفايا حنين ياقلبي لناس مهيش ريداك

تابعونا على :
فيسبوك : https://www.facebook.com/dangerschool...
ساوند كلاود : https://soundcloud.com/dangerschoolband
إنستجرام : https://instagram.com/dangerschoolban...

كريم رفعت :
فيسبوك : https://www.facebook.com/Karimrf3t
إنستجرام : https://www.instagram.com/kariimrefaat/
ساوند كلاود : https://soundcloud.com/karimrf3t

محمد ايبو :
فيسبوك : https://www.facebook.com/mhmdebo
إنستجرام : https://instagram.com/mhmd_eboo/

شيرين عبدون 
فيسبوك : https://www.facebook.com/Sheriinabdoon/

‎كريم رفعت ومحمد ايبو وشيرين عبدون - بازل | Danger School - Puzzle

اتفرج على الفيديو على اليوتيوب :
https://www.youtube.com/watch?v=px053KekmPA

كريم رفعت ومحمد ايبو مع رنيم صلاح - بشوفك صدفة

اتفرج على الفيديو من هنا :
https://www.youtube.com/watch?v=DF914Ut883w&feature=youtu.be
كريم رفعت ومحمد ايبو مع نادين علام ومانو في اغنية رتوش اجدد اغنية 2019

أغنية رتوش | Retouch song

اتفرج على الفيديو من هنا :
www.youtube.com/watch?v=a_nHO3cNlWk
الكلمات : 
ويسرح لحظة بخياله في صورة قديمة في البرواز
بتشبه روحه وحياتة ، الوان على ورق في ازاز
ضعيف في وسط خلق وحوش ، يسيبو خدوش بوش باشوش 
يقف لحظة يشوف نفسه يتوه جواه وميلقهوش

يا أغنية .. اوعي كلام الناس يوجعك
مش مهم تنجحي المهم انا الي اسمعك
المهم انا مصدقك ونلت شرف اني اوقعك
فالتكوني توثيقاً لحزني لحد مامسحك

إبتهالي ناجم عن ندم ، انا محال انساك
معزول من الدُّنْيَا عزلة اكتر من زُهْد النُّسَّاك
لما غاب وسابه كل شئ غاب معاه
عامل مش مهتم وكل نبضه في قلبهُ عايزاه

قالوله ياما اهتم بأكل عيشك وإلا تكون غلطان
بس مين في الصيام يهمه الاكل وهو عطشان
الوقت هايهون .. كان متيقن
قصد الشكوى صيدلية ، ملقاش الا مسكن

عالضحك وبضحك جداً احسن منطوي اجتماعي
الكدب بشأن الضحكة افضل طبعاً من النحيب 
دلوقتي حالي هو حالي ومازلت مش فاهم مالي 
لسة الاجابة نقط على سؤال ليه كئيب؟
ويسرح لحظة بخياله في صورة قديمة في البرواز
بتشبه روحه وحياتة ، الوان على ورق في ازاز
ضعيف في وسط خلق وحوش ، يسيبو خدوش بوش باشوش 
يقف لحظة يشوف نفسه يتوه جواه وميلقهوش

وليه نعذبنا بأدينا ..وعن بعض نكون صايمين
وليه بعدنا وليه قسينا.. وقلنا دة وس الشايطين
نعيش ميت ساعة في الثانية .. بكبر رافض فرص تانية
ويهدى عِندنا بالوقت.. نفوق بحياة بقت خالية

احياناً مش ديماً المواساة بتكون علاجكم
بتطمنكم وتعقلكم بتخلصكم من احزانكم
قدم موساه للناس نفسه في جزء بسيط منها
بس مستحيل الشمس تعيش في يوم تحت في ضلها

في تمام الساعة تسعة ونص مسك قلم جاف
في كتاب الدنيا اسمه في الهامش ديماً متشاف
سأل نفسه انا فين كانت بازل ورتوش 
.. كان من زمان نفسه يعيش ومنعه الخوف

مليش غير صاحب واحد الباقي كانو خازوق
سباح في امواج مصالحهم إذ غفلت يغطسوك
وانت مش عويم فاتطلب منهم ينجدوك
بنيت ليهم خلاص فاهيهدوك ويغرقوك

الصحاب مش في اجازة الصحاب لقو حد تاني
افهم ان الناس دي مدة و لو احتاجت مش هتلاقي
اسف ان مكانش فيه نصيحة واضحة من البداية
الخلاصة بلاش تتعشم لكل شخص غاية

ويسرح لحظة بخياله في صورة قديمة في البرواز
بتشبه روحه وحياتة ، الوان على ورق في ازاز
ضعيف في وسط خلق وحوش ، يسيبو خدوش بوش باشوش 
يقف لحظة يشوف نفسه يتوه جواه وميلقهوش

كريم رفعت ومحمد ايبو مع سارة حسني - ساعة رملة

اتفرج على الكليب كامل وبجودة عالية على اليوتيوب من هنا
https://www.youtube.com/watch?v=V1pXMME4a-Y

كريم رفعت - بياع العرايس

Karim & Eboo, two guys who are creating there content from scratch, we officially started making Rap song's in 2016,trying our best to to develop our music day after day .
Follow as on / تابعونا على
youtube :- https://www.youtube.com/user/DangerSchoool

أغنية رتوش | Retouch song

Karim & Eboo كريم وإيبو

Recent comments

Afnan Atef

Nadeen Rahil

..

esraa hosny @yahoo

Related tracks