New Single 2014 ,, Hard Flow Band 
https://www.facebook.com/karolooo
https://www.facebook.com/hardflowband


Dayret El En3zal - دائرة الإنعزال

انت ممكن تفهم الاغنية دي بأكتر من معنى على حسب احساسك .. هسيبك تسرح في العنوان و الكلمات و عيش في رسمة الملامح ^_^

Lyrics:

Verse.1 :

سجل يا beat إن سطوري إمتصت حبري و دابت 
أنا مستغربش لا دا حتى الناس ملامحها باشت 
قتل الكدبة بإسم الحجة ربط الطيبة بالهبل
ماتت الرجولة و البنت قتلت صفة الخجل
مش  هكوون ! إنسان بألف وش و لون
لو مقتنعين إنكو عاقلين فا أنا أفضل أكون مجنون
مش هبقى !! مجرد كاس في مسلسل التعطيش 
أسقيهم كدبة و تبقى صورتي جنب قبري أفيش
لو شايف في قلمي غموض إثبتلي بقلمك الإيضاح
مش هسيب ورقتي صحرا لأ في فرصة إستصلاح
مبركبش موجة العمق اللي رفعت صوت نباحكو 
هتفضلو في سجن الوهم مها إتفكلكو السراح
لا معلش !! كملو لوحتكو و بألونكو الباهتة 
أنا سايب قمري يطلع لما نور شمسكو يهدى 
عشان اليل و القمر خلى جفن عيونكو يوطى 
فاعلأقل سطوركو بقيت ! أما سطوري هتبقى

Ch.X2

أسكت دا حتى الناس ملامح وشوشها باشت
مستغرب ليه من قلم حبره عالسطور بقى باهت
إختفت الملامح مش بإيدي إني أفضل ساكت
فابقيت زي التلجة اللي في عز البرد ساحت

----------------------

Verse.2 :

ضيق النفس ! باخود شهيق و فجأة أحبسو 
مش شايف بحر واقف في مركب سامع صوت بقول أدفوووا
روحي بتطلع ! و كل ذكرى في جسمي تمزق
طريق الروح طويل لكن في طريقها نفسي إتعلق
حاسس برعشة !! إطفي النوور خليني أتأمل
دي دايرة إنعزال يمكن سطور قدري تتقلل !!
منا مش هفووق انا عايز افوق نايمني افووق
ما تسيبني أحلم بالموت مش شايف بين أنفاسي فروق
ورقة و قلم !؟ مش رادد عالسؤال بسؤال 
هسيب ورقتي تحكم إمتى هقبل بإستفهااام
هتصرخ !! ايوا هصرخ وقت مايحتاج قلبي الصرخة
هتسيب ليهم علامة !؟ هسيب في صوتي ألف شرخة
إكتئاب ! مقياس النفاق بالإكتساب
مع كل لمسة نفس حلم الماضي بقى عتااب 
النفس بقى بيضيق من جرح عضة الكلاب
و حكمة النهردة ! معتش لكل دااء دوااااء

Ch.X2

أسكت دا حتى الناس ملامح وشوشها باشت
مستغرب ليه من قلم حبره عالسطور بقى باهت
إختفت الملامح مش بإيدي إني أفضل ساكت
فابقيت زي التلجة اللي في عز البرد ساحت

----------------------

Verse.3

أحزاني مرة تهز جسمي و مرة تاني تهون
هعيش جوة ضلمة قلب و أسيب عقلي يتكون
أهشم حلمي فا الواقع ينسى يجبني في الصورة
مش هفضل أكسر زلط و أسيب حطام أفكار مبتورة
فا انا الدمعة اللي إشتريت كل كدبة بدون مقابل
روحي إتحرقت ! محسبتش إن لكل معنى مقابل
دمي ماشي في شرايين من كاس العذاب مسدودة
لكن بقايا أخاديد العقل نبتت نبتة سودا
دفن الحروف و كتاب الأحلام في بصيرتو إتشوش
ساب اللؤلؤ في صدفو كل همه إنه يوشوش
فا مشيت مع التيار و قلت أروح لسكة أسهل
ما الواقع أثبت ليا إن العلم في ضلمتو أجهل
يا قلمي سيب حكايتي توصل بالمعنى اللي كتبته
تلت معاني بنفس العنوان بحكي بين مشاعركو
جملت الرسمة ببسمة و بنهيها بهمسة حزن
ببني طوبة الفرح اللي هدمت طوبة الشؤم

Ch.X2

أسكت دا حتى الناس ملامح وشوشها باشت
مستغرب ليه من قلم حبره عالسطور بقى باهت
إختفت الملامح مش بإيدي إني أفضل ساكت
فابقيت زي التلجة اللي في عز البرد ساحت

---------------------

Karolo - E5tafet El Mlame7 
Rec. Mix & Full Master  By. Karolo ( Karolo Music Productions )

E5tafet El Malame7 - إختفت الملامح

متسمعش الأغنية دي لو مبتحبش الدارك :) .. الأغنية دي لأصحاب العقول المنعزلة و المظلمة ..

Lo3'z El Wake3 II ( La7n El Moot ) - لحن الموت

[Intro] :

- 1996 كان تاريخ إصدار
- إصدار لعقل ميت موته إتشبع بإنتظار
- بإنتظار الفكرة اللي ممكن تحييه
- ماهو وشه جاب تراب من كتر عواصف بترميه
- و بيحلم ! .. و لسة بيحلم بالعقل اللي يفهم
- من كتر صلابة عقله خلى سطور كراسته تنعم
- أنا .. و لسة هحكي و أقول كلام ماتقلش
- فانسى إن نار تفكيرك تجعل مني كومة قش

[Verse 1] :

- اللي حبني حبني و تحية مني بإستماعه
- واللي كرهني كرهني بس أنا هقبل بإجتماعه
- مش عيب إني أمشي بمبدأ عقلي راضي بإقتناعه
- دا الشريان بيضخ دم مهما زاد من إتساعه

- حياتي مش هتنور طول مافيها كلمة "ضلمة"
- و مش هشوف إلا البعيد طول ما للبصر مرمى
- ناركوا كلت الدنيا بس سايبة فيها قلوووب
- رد فعلي إني أضغط عالزناد قبل ما الطلقة تدووب

- لسة بتغامر !؟ .. "أها" .. مبسوط بطول حياتك !!
- طب ماتقلب في الدفاتر ! .. "ممم" .. سامع صوت سكاتك
- طب ماتجمل رسمتك و تكمل ضفلها ألوانك
- يمكن تبقى الرسمة واضحة و تبين ردود أفعالك

- عايش في كف السما برسم نفسي عالبساط
- عشان أنزلك تحت لازم الريشة تشيل منطاد
- ماتفتكرش جرحك .. من يوم و ليلة طاب
- بس إفتكر إن اللي خاب إمبارح إنهردة صاب

[CH.] :

- كل كلمة أنا قلتها إنت اللي كاتبها و أنا اللي بسمع
- لكل فعل رده خلي ردك إنت يلمع
- متفتكرش إن مهما الأسد كل هيشبع
- قبل ما تمشي في الطريق إتأكد إنك تقدر ترجع

[Verse 2] :

- التاج عالراس لابس ثوب الملك في الأساطير
- منا شايف الوشوش بتضحك لكن القلب فقير
- خلاص النور بقى ضلمة و الشهيق بدون زفير
- و القبر الوحيد في الدينا .. بقى قبر الضمير

- شايف حلمي فوق بس مش شايف سلمة
- رد فعلي إن أسأل نفسي "طب إزاي وصلت هنا ؟"
- إسأل جاوب ماتسكتش إبني بنفسك أول طوبة
- ماتخليش ردود أفعال الناس تمسح سطور مكتوبة

- منا مش هفوق ! أنا عايز أفوق نايمني أفوق
- مش هحبس نفسي في أضيق طوق و أنا شايف حلمي فوق
- إنت بإيدك إنك تمحي أفكارك المرعوبة
- صدقني العيشة في يأس أصعب من العيشة في غيبوبة

- ماتكتفيش بغلاف دا المعاني جوة الكتاب
- ماتفتكرش إنك فهمت الدنيا مهما الشعر شاب
- فا أول مسمار في نعشك كان مسمار غبائك
- بس أعذرني مش إسلوبي إني أعض بنفس نابك

Rd Fe3l - رد فعل

Prod By : Mohamed Osama A.K.A Mody-Rap

V.1 : كماتشو 
V.2 : مصطفى جنّي
V.3 : هيما يانكي
V.4 : ميجا
V.5 : ماميديو
V.6 : محمد المايسترو
V.7 : عثمانوفيتش
V.8 : عيسى
V.9 : ليل عصام
V.10 : كارولو
V.11 : زيزو
V.12 ; علي بلايد
----------
موسيقى : محمد أسامه
تصميم لوجو : ماميديو
تصميم بوستر: محمد أسامه 
----------
- مشروع كاف هو الإصدار الأول من مجموعة (كزا صوت) المحتواه على ست مشاريع بأسماء حروف العنوان.
- حقوق الملكية غير محفوظة و غير مسجلة بالشهر العقاري و من يتعد عليها يعرّض نفسه للدسات الديرتي و ذلك لعدم وجود نقابة تحمي حقوقنا.

مشروع كاف

سطوري لسة عايشة .. 
فا انسو خلاص ان صورتي تبقى على لوحكو بايشة

Dayret El En3zal (Remake/Revive) | دايرة الانعزال

Rec. Mix & Master By. Karolo

الرابر المصري اللي بيستخدم الراب في طرق قذرة ! هو أول مسمار في نعش الراب المصري .. أترككم للإستماع إلى نقدي في الراب المصري بشكل راقي !

Lyrics :


Verse.1 :

الراب من أجل النفس طريق و خدته مبدأ
لكن جهل الوسط الفني رجعني قبل ما-مبدأ
إستغراب إستعجاب من زمله قلوبها بأنياب
فامستعجبتش إن رابي بقى فص ملح و داب
و إيه السبب ؟! جهل ناسه و لا إتغلب
تحت الأرض إداس أو في قاموس الحق إتشطب
إترجمت النظرة العامة في العقول إنه خطأ
كلمة شعبي بيع الراب كأنه ميت تحت الطلب
إستيعابنا للراب ماكنش بالسهل تصديقه
برمجنا الراب إنه منظرة مفهمناش تفكيره
درينا ضعفنا بحجج إن دمنا ماوصلش وريده
لكن الراب كان زي الجنين في بداية تكوينه
خذلنا الراب بعقولنا خلينا الشتيمة قانونا
إعتمدنا على جهل الأفكار فابقى سلم للشهرة
لكن الراب عمره ماتوقع إن الرابر المصري يغشه
إن الرابر المصري أول مسمار في نعشه

Ch.X2
فن إتولد في بلدنا بجهل ناسه يموت
شخص سخر فكرة غلط فاوصل فكره للجمود
على مر عقود ! فضل الراب في نظر الناس كلامه سكوت
حتى اللي فهمه صح إتهرس تحت ناب أسود
__________________________

Verse.2 :

قطعتو عصب الراب بسب شتيمة كشفت جهلكو
فا أنا مجبر أحول قبلة رابي لأجل أشيل سموم عقلكو
أكدب على نفسك ساوي جهله بجهلك .. ها ! لسة بتنكر !؟
بتستخبى بحجة "بحمي سطور الراب" و إنت اللي بتبت
مستغربتش لما إتقال علينا مرضى نفسيين
ما إزاي هتلاقي لنفسك سعر عالي و أنت في سوق الملاليم ؟
إشتم سب دين و ملة و أهل لوث بلسانك نفسك
و إرجع داري الوش الوسخ بمسمى التوبيك و شم نفسك
فاأنا هدفي أخلي الراب ينساب في طريق يعكس مساركو
مش هضحي بتعبي و تعب ناس كتير عايزة تنضفكو
الراب رسالته ماتت غرقتوه في مستنقع إسود
بذرتكو الفاسدة إرتوت من ديساتكو و بدأت تنبت
ما يمكن ألاقي وردة في ضميركو لسة متقطفتش
يمكن أفوق واحد فيكو عقله لسة متسممش
فاأنا هفضل مادد إيدي لأجل أصحح 100 مفهوم
مش هستنى لحد ما دم سطوري يتشبع سموم

Ch.X2
فن إتولد في بلدنا بجهل ناسه يموت
شخص سخر فكرة غلط فاوصل فكره للجمود
على مر عقود ! فضل الراب في نظر الناس كلامه سكوت
حتى اللي فهمه صح إتهرس تحت ناب أسود
__________________________

Awel Mosmar Fel Na3sh - أول مسمار في النعش

Lyrics :

Verse 1 :
-شريط حياة في نظر جنين بيشوفه قبل ما يبقى ذكرى
-فانا سطور الكتاب لما أنت كنت بتتعلم تقرا
-بلاش نخدع نفسنا و في الضلمة نقول هنشوف
-ماتخدعش نفسك فاحنا في دايرة إنكاس بنطوف
-بجري بس بقلبي مش مهم خسر أو فاز 
-إتعود تجري بقلبك فانت عالسراط هتسابق ناس
-حياتك ماتسبهاش للزمن في أمل إنك تستنى
-ماتخايش إبليس يهيئ عقلك إن جهنم جنة
-ماتتبطرش فانت قادر تعيش ببؤ مية و تمرة
-ماتتخدعش بشكل الوردة و هي في الحقيقة ضامرة
-جوة نفسك جوة نفسي جوة كل إنسان أسرار 
-مانعرفش حاجة عنها فاحنا في سجن الإنتظار
-إحمد ربك إنك فيك لسان قادر يتكلم ينطق
-إحمد ربك إن قلبك لسة بينبض عمره ما يصدأ
-بس ما بين الإسود أبيض و ما بين الأبيض إسود 
-ما بين لسان يخلف كتير في قلب يقدر يوعد
_________________________________
Verse 2 :
-إنعكاس القلب نور و اللسان بالطيبة إكتسى
-جوانا إنسان التوبة فرصته إنه يحارب الوسوسة
-ماتضعفش ماتسجنش نفسك جوة ألف سيخ
-ماتقولش لسة كتير ! ماتستتاش الطفل يشيخ
-فا كل حاجة ليها وقتها حتى الآخرة ليها وقتها
-إنت بإيدك إنك تمحي فكرة سودة رسختها 
-مش قصدي بصيص الأمل لأ قصدي بصيص بصيصه
-ماينفعش تخلي في قلبك نور و الأسود جاري تدنيسه
-بمعنى ييبقى قلبك كله ضلمة ييبقى كله نور
-حكم عقلك صح و بإختيارك إنت هتنول
-التوبة بتنده طول ما الشمس بتطلع من الشروق
-ما بدكش نصيحة لأ أنا بهزك لأجل تفوق
-الصح بابه مفتوح مهما بتغلط مهما بتجرح
-فجوة السواد إتسدت و الطيبة في قلبك بتسبح
-فا أنا كلامي يمكن فوقك و لسواد قلبك بيمسح
-بس خلاص خلصت نصيحتي و سايب الكمانجة تشرح


Rec. Mix & Master By, Karolo

En3kas - إنعكاس

تراك بيعبر عن حالة الوحدة و الإنطوائية و بيوضح مميزات و عيوب الحالة دي كا تجربة شخصية و بيشرح إن مهما الإنسان كان حواليه ناس بردو مش هيلاقي حد يسمعه و يفهمه قد نفسه .. قد الشخص اللي موجود في المرايا :)


Verse 1 :
-وسط الإحاطة الإجتماعية مازلت مريض بالوحدة
-رافضين وجودي ! .. فا بتشنقوني بحبل الشدة
-مجبر أضيف ياء الملكية لأجل أحلي طعم كتابتي
-كلامي مش ليكو لأ بكلم شخص جوة مرايتي
-أنطوائي ! مكتئب ! ثقة بالنفس صفر
-جدالكو جابلي صداع أهون عليا أكلم طفل
-ألف مرة أقع و أتكسر بردو بلبس نفس الجبس
-دفعت مشاعري عشان أرضيكو فا إدتوني الوحدة تيبس
-مش مشكلة ! الوحدة أرحم من وجودي وسطكو
-الوحدة أرحم ليا من إن عقلي يدوق سمكوووا
-مش هقبل أكون شوال القش على ظهر حماري
-إنسوا وجودي في الإجتماعية إنسوا أطوف خارج مداري
-حتى الإبتسامة خليت ملامح وشي أبأس
-الذنب ذنب نفسي بس ناب الوحدة أشرس
-بعزف عالعود ! ناقصنى وتر بني آدميين بقلوب
-ملقتش قلب صافي فا دفنت اللحن تحت الطوب


Chours x2 :
-إمشو في طريقكو زي منتو أنا ماشي عكس السير
-هقبل أعيش إنسان عطشان لو إنت مية في حضن البير
-ياء الملكية هي كتابتي صاحبي شخص جوة مرايا
-ماتسقوش بذرة وجودكو فيا سيبوني على عمايا


Verse 2 :
-قبلت إني أبعد عنكو بس رافض أخلق جدار صلابة
-عندي يقين إن إنتو عنيا بس أنا مش همشي في ضبابة
-الوحدة عطش الدنيا لكن أنا قابل أعيش في الجدب
-إنتو مش زينة حياتي بعد ما زخرفت سطوري بالذهب
-مابدورش على لؤلؤة جوة بطن الحوت
-لو وجودكو هو الفرح هبعت دعوة لناب الموت
-يقبض روحي !! بس مكنش واحد منكو يا مرضى
-حطو كلامي جنب كلامكو بس بينهم ألف شرطة
-كفايا إنه برغم صوتكو العالي سامع سكوت
-الوحدة ورقة فاضية صعب إني أرسم فيها خطوط
- فا أنا بيتي أربع حيطان كل حيطة فيهم مرايا
-بفطر و أتغدى بسكوتي و كلامي لنفسي عشايا
-كفاية دموع تماسيح ! أنا عمر ما قلمي إتبل
-حتى لو زمانكو ماشي أنا قابل زمني يتشل
-كلامي معاكو مكنش علاج بالعكس جابلي صدمة
-يمكن عقلي بقى مشلول لكن إحيائه في "أوضة ضلمة"


Chours x2 :
-إمشو في طريقكو زي منتو أنا ماشي عكس السير
-هقبل أعيش إنسان عطشان لو إنت مية في حضن البير
-ياء الملكية هي كتابتي صاحبي شخص جوة مرايا
-ماتسقوش بذرة وجودكو فيا سيبوني على عمايا

Rec. Mix & Master By. Karolo
https://www.facebook.com/karolooo

Ya2 El Melkya - ياء الملكية

في مثل وحكمة بتقولك "السم في اللسان" .. للأسف اللسان م هو إلا وسيلة لإصدار كلمات مصدرها القلب .. إذا السم مش في اللسان !! #السم_في_الإنسان ! الفساد مش في اللسان ! الفساد في القلب ! و دا اللي بيحكيه التراك دا .. شخص عمره مافكر إن ممكن هو يكون الوحش مش الناس !! كان المفروض يشوف أخلاقه و يشوف عيوبه !! .. دعوة لإصلاح الأخلاق .. أتمنى التراك يعجبكوا ^^

Lyrics Soon

Rec. Mix & Master By. Karolo

El Sm Fel Ensan - السم في الإنسان

عطشان سعادة :) .. 

Rec. Mix & Master By. Karolo
Lyrics will be available soon ..

3atshan Sa3ada | عطشان سعادة

Rec. Mix & Master By. Karolo

Lyrics :

-كفاية أحمال .. الضغط شيب عظم أكتافي الباردة
 -لسان الناس باخخ سموم ما بين ضلوعي راقدة
 -بطرد دمعة يمكن بيها أسد جوع القلب
 -ضغوط شوهت ملامح و إجتهادي نتيجته سلب
 -بتكلم بالزيف فا إتحول قلبي لقلب كفيف
 -مركب ورق ماشي بيها في الطوفان من غير مآديف 
 -مش تخريف إن حلمي يبقى في كتاب التحريف
 -فا أنا إنسان عالميزان وزني قصاد الريشة خفيف
 -متعممش المبادئ كلها تجبرك تتغير
 -مهما فلت من الدوامة .. في يوم هتلاقي نفسك قصير
 -بسمع صوت الصدا و بوصله ألاقي فضا
 -عمري ضاع في الهوا و مشوفتش كام من الوقت مضى

---------------------------

-انا مريض !! .. معلش بكلم نفسي بصوت مفتري
 -و أنا منطوي هفضل منطوي أحسن ما أكون شيطان آدمي
 -فا أنا شايف القرب في بعد كل الناس عني بلا إستثناء
 -صوت الوحدة مش نهاية لا بالعكس دا إبتداء
 -فا إنت لو فاهمني .. هتشوف كدبة بتوصفني
 -ما صوت الصدق تلاشى و مجتمعك بالكدب بيبني
 -ما الكدب سهل ! هوصفلك الحقيقة بجملة سهلة
 -الحقيقة مجرد كدبة لسة محدش إكتشفها
 -دم العقل إتغلى .. قلبي بالإستفهام إتملى
 -و المبدأ إعتلى .. عرش تكوينك في أصعب مسألة
 -ما الآذان هيفضل واحد أيا كانت المأذنة
 -و بكدة أنا صعب أكون .. شخص تاني غير الأنا 
 -فكر المختلف إبتدا .. بثوب أفكاره إكتسى 
 -ما بين أموات كلامكوا أنا اللي لابس أبيض في العزا
 -فا أنا بخلق الإبداع حتى في أسوء الحالات
 -إنعزلت لأجل أمنع الكلام يصبح سكات
 -خدت من قلمي وعد يجف حبره لما أموت
 -جف دمي مجفش حبره فا إتحقنت بأفيون السكوت
 -شهور تتعد على صوابع الإيد بس صوابعي باشت
 -قولوا عليا عندي ألف مرض ماتقوليش "هتموت"

Single 2016

Dayret El En3zal II (Aktaf Barda) | أكتاف باردة

فالمطرة العذبة مهما ملت البحر هيفضل مالح :")

تراك "رحمة إنتحار" .. أتمنى يعجبكم ^^ 

Rec. Mix & Master By. Karolo
Beat prod by, Life & Death Production
Lyrics will be available soon .. 

For any comment or feedback : https://www.facebook.com/karolo

Ra7met Ent7ar | رحمة إنتحار

تراك بيتكلم عن حالتي الشخصية في الفترة الحالية :') .. أتمنى يعجبكم ^^ 
متقبل كل الآراء و النقد .

Lyrics :

Intro :

شايف زغللة .. في عاتمة ليل قمري بيسرد روايا
ضوافر إيد الماضي غارزة في لحمي كاتمة بكايا 
عد سنين عمرك من الآخر للأول و إنت تفهم
إن الفصل الأول في الروايا عنوانه النهاية
فالقمر إنطفى .. و إنطفت معاه ورقتي
والكلام اللي كتبته حقنته بكبتي
فاللحن بكى .. دموع كمانجة و صرخة وتر
 و تتختم بصوت قلب لما صرخ إتكسر !

Verse :

فضلت أنادي و مين وسط وحدتي يسمعني
مجهول عن الحقيقة و الحقيقة رافضة تشوفني
فوق العشرين سنة و لسة بستصغر نفسي
طفل جوايا بيضحك قادر يفك حبسي
فلت أنادي الوهم اللي جريت سنين وراه
فضلت أنادي حلم تاه مني و أنا ماشي على خطاه 
فضلت أنادي القلب اللي فاكره في يوم حبني
رماني في خط نهايتي و من عندها هو يبتدي 
فضلت أنادي نفسي لحد ما صوت قلب إتنبح 
كبش الفدا كان وجودي لما وجودي وسطكو إتدبح
فضلت أنادي الرحمة مالقتهاش فا نديت الموت
و السعادة بنسبالي أشبه بكلام السكوت
فضلت أنادي كل إسم كان في حياتي معنى 
فضلت أنادي كل مكان كان في يوم جمعنا
فضلت أنادي قطر ضحكتي اللي كان بيفوت
فضلت أنادي و لسة بنادي و هفضل أنادي لحد ما أموت

Outro :

مهما صدى خطوتي سبقني و كتفني شيطان الحنين
الماضي مهما ناديته يرجع .. أهون يرجعني جنين
فضلت أنادي الخوف مع إني طول الوقت شايفه
و الحب إتمثل في إنسان السم بين شفايفه
فضلت أنادي البذرة اللي ساقيتها ضعف
قمري بيسرد روايا .. إفتحها مش هتلاقي حرف
إفضل نادي طير في السما أو إخلق لنفسك ريش
ما تناديش عشان تتسمع .. إفضل نادي عشان تعيش :')

Rec. Mix & Mastered by. Karolo
Note : Headphone for a better quality :)

Fdelt Anady | فضلت أنادي

Lyrics :

Verse 1 (2012) :
بدر .. كان في ليلة ينطفي و كان في ليلة ينور
أتصور و نأا ببتسم لكن في الصورة دمعي اللي إتصور
واقف على شط بحر دموع بيكلمني الودع
بيقولي "هتحب قلب عمره ما جرح عمره ما خدع"
و لقيتها و حبيتها .. نوري في الضلمة و إتجاهي
كلمة "بحبك" أصغر كلمة أوصفلك بيها إحساسي
عدت أيام فرحة في قلبي و قلبها لحد ما جه اليوم ..
الفرقة كانت أسرع شمعة إنطفت بالهموم
عشت سنين تحت المطر بداري دمع فرحة إنتهت
إفتكرت عتابي للقدر لتفريقه قلوب إتلقت
و دي كانت ثمرة إخلاصي في حبك مش قصدي إني فارقك
كنتي إنتي بتحاربيني بعتاب لكني رافض أحاربك
مش من ضعفي لا دا انا كاتم حقيقة حروفها تموتك
بس أنا كتمتها عشان من الحورقة أرحمك
إكرهيني !! لكن أنا عمري ما هكرهك
و بتمنالك الأحسن مني يسعدك ما يندمك ..

Chours 1 :
فصلتيلي بدمعي ثوب أجبرتيني ألبسه في فرحي
أهون تطلبي الموت من إنك تطلبي تتسامحي
مش هستنجد بماضي خد فرصه إنه يستكبر 
كانت غلطتي إني إستطعمت المر و قلت عليه مسكر
حتى المسافة بين بكاية و ضحكتي كانت حضنك
أيوا بلياتشو مسرحك طلع مخدوع بحبك
دموعي كانت دفا لما ظلمك كان بيبرد
صدقي ! أنا عصفور عالشجرة واقف مش (بيغرد)

Verse 2 (2014) :
مسير الكدبة توضح مهما إتدارت بالسكوت
لكن الأهون يبقى أصعب قدام عين من الياقوت
كنت أنا خاتم لافف صابعك ميفرقش دهب أو فضة
و لما تقولي "مبحبكش" تحجر ألف قلب بخضة
فالخاتم يبدأ يضيق .. و تصاحب الضيقة رمية
وسط المسرح يتسقفلي بإعتبار إن أنا الدمية
مش هعيد في مشاهد ماتت لما ضربات قلبي زادت
وسط نعومة إيديكي كنت أنا رسمة في لوحة باشت ..
لابسة الفستان الإسود زي وردة ورقها شعرك
وردة سودة مسكت إيدي بس شوكها كان ضوافرك
أعذريني فا آخر رقصة بيننا قلبي كان قتيل
فالمرادي دوري أغني يمكن عينك تعصر سيل
بناشد كبت يطلع فيا قبل ما أحس بخنقة
برفض هدية قدري في مقابل أحس بشفقة
بفرش حصيرة الخيانة و ساكت مش بقول ..
بإختصار أنا قلبس صح طول ما عكس الرفض قبول

Chours 2 :
دا مش عتاب ! .. دا القلب اللي بظلمك مات
النبض الساكن فاق من وهم .. حرية الإستعباد
لفي مدار الكون و إسألي مين بيحبني زي "فلان"
هتلاقي الصمت إجابة على جواب بدون عنوان
في يوم كان عنوانه أنا .. حب بفرق أرض و سما
قلب إتشبع نسيان و لسانك بالسم إغتنى
بس الحب مات لما شاف قلبك كفيف..
زهرة ربيعي هتصحى و لو كنتي إنتي الخريف :')

Rec. Mix & Mastered by. Karolo
Put Headphone for better quality.

Badr | بدر

التراك بيشرح نفسه .. و بيشرحني أنا كمان :")
أتمنى يعجبكم ^^
Lyrics:
Verse 1:
رضيت بالوحدة .. وافقت إني بصوتي أتنادى
مش صعب عليا ألاقي قد ما صعب أني أتلاقى
هز صوابعك على الوتر ، متداريش نفسك من المطر
شوف كام واحد ركب مركب من غير مآديف و عبر !
معلش أعذروني حواديتي معاكو كترت ؟
بفضفضلكوا مشاعري قبل ما جذورها تفرد
فالعصفور اللي كان بيغرد و بيستنجد بجنحاته ..
طار من برة العش في سبيل إحياء فؤاده 
وردة تدبل .. مطرة تنزل تروي فيها الروح
و كإن الضعف قوي .. شفا إتولد من جروح
بس إحنا مش ورود ولا عصافير غير في خيالنا
خالقين في نفوسنا عالم و محاوطيين عليه بشغفنا ..
وقف المزيكا سيبني أحسسهم بالفرق !
فرق الخيال من الواقع = فرق الغرب من الشرق !
صدقني مش هتفهم كلمة لو فاكرها أغاني 
بس الفصل الأول خلص .. رجع المزيكا تااااني

Chours:
بندهك ! يا روحي إصحي يا روحي سوودي
فوتي بكل ذكرى حلوة على بستان ورودي
هزي كل غصن وطا بعد قسوة برد الشتا
و إسمحيلي أتكلم بيكي إسمحيلي ألبسك ردا

Verse 2:
حياتنا بتتلخص في إننا عايشين عشان نستنى
مستنيين حياة ولا مستنيين الجنة ؟
فا أنا و إنتي كنا شبه بعض حتى في إختلافنا
إستنيتي تهجريني و أنا مستني إني أستنى !
إفتكرت البر ملجأ و نسيته إنه عايم !
باكي بحلم بالصحرا ، و أنا وسط الجناين
إستنيت الفترة تعدي نسيت أستنى غيرها تيجي 
"سامحيني يا إبتسامتي كنت من نفسي مخبيكي .."
عشم إبليس في الجنة مستني المر عشان يحلى
مستني زقة تيجي !! تتطلب من روحي تصحى
صوت القلب صحي زي صدا في فضا إتسمع
و عيني زي كوكب من كتر نجومه لمع
سجن الإنتظار أوهملي إن سوره ورق ! 
بس مقطعتوش كتب عليه العمر اللي إتسرق
متقلقوش هعوض نفسي بكل لحظة فاتت 
الحدوتة التانية خلصت .. "تصبحوا على ذكرى ماتت" ..

Chours:
بندهك ! يا روحي إصحي يا روحي سوودي
فوتي بكل ذكرى حلوة على بستان ورودي
هزي كل غصن وطا بعد قسوة برد الشتا
و إسمحيلي أتكلم بيكي إسمحيلي ألبسك ردا

REC. MIX & MASTERED BY. KAROLO

Single 2018

Mestnny | مستني

الكفن مش شرط يكون مادي، ممكن يبقى معنوي ممكن يبقى شعور الإنسان بيحس بيه لحد ما بيتملك منه و يموته بالبطئ، و في التراك دا الحزن و القسوة هما الكفن اللي إتكفنت بيه في حياتي و صاحبني في قبري، هتسمعوا صراع بيني و بين كفن الحزن في الأغنية دي. أتمنى تنول إعجابكم. 

Lyrics :
Verse 1 (Karolo) :

أقطم ضهري بضرس الندم خليني ميت حس بكفني
شوفت الحزن على مرمى البصر فا يدمعة فكي ضيقتي
أحزاني بتصنع كفن و أنا راحتي في عمق القسوة
إنسان تايه بهمه و كفن الحزن هو المأوى
لأ لأ لأ .. ما الأمل هو اللي خلا قلبي إتشق
فضلت أقول يا أمل لحد ما الجرح إتخلق
إتكلمت كتير حاولت أخلي للأمل تأثير
فا إتكلم إنت يا كفن الحزن يمكن في كلامك فرق
"إوعى تشيل هم الدنيا أنا اللي حضني يداوي جرحك"
"خدت إيه من العيشة في نور خلي الدمع يطفي شمعك"
ما الصرخة شرخت سما و البسمة بصمت على الصخر
بشوف الحزن حتى ما بين ضواحي أمواج البحر
إقتلني يا دمع أسترني يا كفن إزرعني جوة قبر
يمكن ألاقي نور في ضلمة يبتسملي يقولي الصبر
لكن أنا في الدنيا كنت عايش في حكم الميت
و دا واقع كان مهدوم لكن جوة عقلي إتشيد

Chours (HERO) :
زينولي قبري إملوه بكا و حنين
ملكوتي هيحتضني زي أم شايلة جنين
ياما دورت عالرحمة في قلبكوا بس ملقتهاش
مسبتونيش أعيش حتى كفني مستناش

Verse 2 (HERO) :

هدوء ما قبل العاصفه ده قانون الحياه 
ضحكه وفرحه مابتكملش غير بطعنه من المأساه 
والمعاناه ان الذكرى مستحيل تتنسي 
فمهما ضحكت ومهما فرحت بالحزن هتتكسي
شوفت الكفن حسيت بخوف مع ان كله بياض 
وارتجفت وخوفي زاد لما شوفت الكعبه سواد
فالكعبه والكفن عكس بعض مش بالظاهر
وفهمت لغز الواقع اللي كنت فيه بعافر
بعد تعب طويل سلمت روحي لربي 
سلمت جسمي لكفني وكفني هوا حزني
كفن الحزن احتواني لما الكل سابني
ضلع الفرحه اتمزق ساعتها كفني حضني
"فالقلب بيتاكل وخوف الكفن في مكانه ساكن"
"اوصفلي شعورك لما تعزي نفسك في المدافن"
لكن انا في الدنيا كنت عايش في حكم الميت 
وده واقع كان مهدوم لكن جوا عقلي إتشيد

Chours (HERO) :
زينولي قبري إملوه بكا و حنين
ملكوتي هيحتضني زي أم شايلة جنين
ياما دورت عالرحمة في قلبكوا بس ملقتهاش
مسبتونيش أعيش حتى كفني مستناش

Verse 3 (Karolo vs HERO) :

أنا كفن الحزن .. انا نسيج اتكون من آلامك

لا الامي متنسجتش انت خيوط غرزت في القلب 
عشان تساعدني قفلت عليا سدود مش لاقي فيها درب

ما انت اللي طلبت كفن يكتم فيك نغمة كلامك

طب كلمة واحدة ! .. لا مفيش !
طب ممكن أعيش ! .. لا مش هتعيش !
ما انا يمكن اطير في سما .. لاااا مفيش انسان بريش

أنا اللي خلقتك بس سيبني احس بلمس الندى 

و انا اللي دفنتك فانت بالنسبالي كبش الفدا
كبش فدا عشان اعيش كبش فدا لرجوع قوتي

طب و ليه ما احنا خلينا صفحة السعادة تنطوي
خلينا بذرة الحزن تكبر بالدموع ترتوي 

إنت عايش في كدبة مفيش دراع قوي بيتلوي !!

قصدك ايه ان المناظرة انتهت و انت بيها فزت ؟؟

أنا مفزتش بس للأسف انت لنفسك خسرت

طب ما انا كنت عايش حياتي و راضي بحكم الميت

و دا الواقع اللي اتهدم لما كفن الحزن إتشيد ........

Rec. Mix & Master by. Karolo
Put Headphones for better quality.
Listen to EZZ : https://soundcloud.com/3z_hero

Kfan El 7ozn | كفن الحزن (Ft. EZZ)

فاقد الشغف و نفسي مش هتقبل منكو أسف :")

Fa2ed El Sha3'af | فاقد الشغف

The agony of living isn't to go forward..it's to keep looking back in each step forward you take..
Remember us..for we too have lived, laughed and loved.

Composer: Karolo

A Falling Shadow Of The Past - Soundtrack

Do you actually want? Or do you just need?
The love could kill, what fear might breed..

Composed by. Karolo

Karolo

Popular tracks