پەپوولە ئاسا، خەیاڵم ئەفڕێ
ئەبێ بە قەقنەس، جەستەم گڕ ئەگرێ

هانی - پەپوولە ئاسا Hanî - Pepule asa

مەجنــــــۊنی
هۆنراوە: عەلی ئوڵفەتی
مۆسیقا و میلۆدی: بورزوو ئەمیری
وتنی: ناسر ڕەزازی

مەگەر ت لەیلەگەێ هەرشو نییدن؟!
ئەگەر لەیلی نیید، خوو بۊش کییدن!

وە لەیلی لا للا لا لا للا لوو
هزاران خەم لە م هاوردیەو سوو

یەکێ هەر شو لە وێنەێ خوەد خەنێدن
لە رۊگەرمی لەشم مۊکەش ژەنێدن

منیش وادەی سەهەر وانگێ هڵاڵم
م تەمێیار خەریو مانگ‌وساڵم

ت ئەر لەیلی نیید بەو دەی وڵم کە
ت بەو کەم‌تر پەژارە لە دڵم کە

لە ئەو رووژە ک لەیلی چەو بەسا چێ
خەوانی‌خه‌و له م بارێ بەسا چێ

ئەگەر دۊنید وە چەو ئەسرم لە دیدە
ت گیان خوەد لەلاێ کەس نەۊش چە دیدە

من و لەیلی‌خیاڵێگ تا وەرسوو
کەڵەیل مردێیە بەیمە شەواوژوو

Mejnooni Nasir Rezazi - مەجنوونی رەزازی

مستۆ دادار 
گورانی کوردی


مستۆ دادار - msto dafar  کۆڵانێ ئاو پرژێن دەکەم

The Sound Of Music

Sixteen Going On Seventeen (Alternate Version)

گۆرانیەکە لە یوتوب https://www.youtube.com/watch?v=QGqCeMz4PPo&feature=youtu.be

Bijan Kamkar - Ae Nabê, Nabê,,

تۆ ده‌ریامی 

تۆ ده‌ریامی
به‌ ڕوانینی دوو چاوی شینی بێ بنت
به‌ خاوێنیت، به‌ ئارامیت
تۆ ده‌ریامی
به‌ شه‌پۆلی له‌نجه‌ و لارت
به‌ تووڕه‌یی جاربه‌جارت
به‌ شه‌نگه‌ژنیت
به‌ سامیت
تۆ ده‌شتی ئه‌وپه‌ڕنادیاری
بۆ چۆل بڕی له‌ پێ که‌وتوو
تاپۆی شاری
تۆ رۆح سووکی وه‌ک خه‌ونی خۆش
وه‌ک هه‌ناسه‌
جێ ناگرێ
له‌ تۆی شیعرا چه‌شنی تاسه‌
تۆ تراوکه‌ی جارێ دیار، گاهێ نه‌دیاری
هیوای تینوێتی رێبواری
تۆ شۆڕه‌بی ناو شۆره‌کاتێکی گه‌رمی
له‌به‌ر نیگای تاسه‌باری ئه‌ویندارا
خۆ داپۆشیو به لک و پۆی که‌زیه‌ی نه‌رمی
به‌ڵام ئه‌ی کیژ
ئه‌ی چاونه‌رم
ئه‌ی خه‌نجه‌ری تۆڵه‌ی رق تیژ
ئه‌مڕۆ من له‌ خه‌سته‌خانه‌م
نه‌ وشیارم نه‌ له‌سه‌رخۆ
لایه‌کی بیرم لای ئه‌و گه‌نجه‌یه‌
به‌ ده‌می برین پێکه‌نی
به‌ شووره‌ی وه‌ک پۆڵای له‌شی
ڕێگای چه‌کمه‌ی سووری خوێن و ده‌ستی ڕه‌شی به‌عسی ته‌نی
لایه‌کی بیریشم لای تۆ
نا ئه‌ی هه‌نیه‌ت وه‌ک مانگه‌ شه‌و
نا ده‌ریای مه‌ندی چاو به‌ خه‌و
گڕی ئاخ به‌رمه‌ده‌ گیانم
به‌ نیگای ئاشنای لێ کوژراوان مه‌متاسێنه‌
خۆم زامارم
مه‌ڵێ خۆزگه‌ ده‌زگیرانم
پاڵه‌وپشتی ژیانم
بمردایه‌ ...!
به‌ڵام ئه‌مڕو
که‌ هه‌ر ساتێ دڵی دایکێ
له‌ کوردستان هه‌ڵ ئه‌قرچێ
به‌ هه‌ر بۆمبای سووتێنه‌رێک، پێشمه‌رگه‌یه‌ک
داری چاکێک دا ئه‌قرچێ
نه‌تکوتبایه‌ لایه‌کی بیرم لای تۆیه‌
مه‌گری و مه‌ڵێ ده‌زگیرانت ره‌نجه‌ڕۆیه‌
به‌و زاره‌ی له‌ زه‌رده‌ زیزه‌
به‌ ئارامی که‌ شێوه‌ی دڵمه‌ندی تۆیه‌
مه‌ڵێ به‌س ئه‌م گفت و گۆیه‌
تۆ لات وایه‌
من نازانم
سکاڵای دڵداری خۆشه‌
به‌ڵام ئه‌مڕۆ من به‌شێکی کوردستانم
کیژی سه‌دبراکوژراوی نیشتمانم
تازه‌ماسی تاسه‌باری ده‌ستی تینووت
ڕێی نیه‌ بۆ ده‌ریای سینه‌م
هێندی خۆا خۆشه‌ویستی
به‌ڵام من کیژێکی کوردم
جه‌هه‌ننه‌مه‌ گڕی سینه‌م

- سواره‌ ئیلخانیزاده‌ -

Ezîz Şarox | To Deryamî | تۆ ده‌ریامی | عه‌زیز شاڕوخ

Bezhan Kamkar - Dangi Saz -(کامکاران-دەنگی ساز)

Sherko_Bekas_-_Biry_Akam.mp3

"په‌رچه‌م و ئه‌گریجه"
وتن: عه‌لی مه‌ردان
مێلۆدی: عه‌لی مه‌ردان
هۆنراوه‌: صافى هیرانی، فۆلکلۆر

***
ئه‌و په‌رچه‌م و ئه‌گریجه‌ هه‌موو دوژمنی دینه‌
ئه‌و زوڵف و ڕووه ئافه‌تی سه‌ر ڕوویی زه‌مینه‌

عیشقت له‌ دڵم سابیته‌ نه‌ک عاریزه‌ قوربان
وه‌ک توڕڕه‌یی شاهان که‌ له‌سه‌ر ڕوویی نگینه‌

عاله‌م چ ده‌زانێ که‌ ئه‌من کوشته‌یی کێمه‌
له‌و تیری موژه‌ت زاهیره‌‌ دایم که‌ به‌خوێنه

بێ عاره‌ دڵم، چه‌ندی جه‌فای ده‌ی حه‌قه‌ ئه‌مما
جێی ڕه‌حمه‌ گوڵم چونکی ڕه‌قیب وا له‌ که‌مینه‌

دڵ بۆته‌ که‌باب بۆ مه‌زه‌یی دیده‌یی مه‌ستت
قوربان له‌وه‌ مه‌علوومه‌ که‌ لێوت نمه‌کینه‌

جانا وه‌ره‌ وا غه‌رقه‌یی تۆفانی سرووشکم
بێ نووحی وه‌فات نابێ نه‌جاتم به ‌سه‌فینه‌

صافی که‌ له‌ خاکی ده‌ری تو دووره‌ به‌‌قوربان
سه‌گ مه‌رگی نه‌بێ، هێنده‌ چلۆن قابیلی ژینه

***
www.kurdaane.com

Elî Merdan - Perçem u Egrîce | عه‌لی مه‌ردان - په‌رچه‌م و ئه‌گریجه

بۆ ده‌بێ زێندین له‌ زیندانم بکا چونکه‌ گوتم  
” ئه‌ز مه‌مم، خه‌سته‌ی خه‌مم، کوشته‌ی ئه‌مم، زینم ده‌وێ؟”

نایه‌ڵن قه‌ت چێژی ئازادی بچێژم من، ده‌نا
خوێنی شیرینم ده‌وێ، کوا ته‌رمی خوێنینم ده‌وێ ؟!

بواری وه‌م ناده‌ن له‌ نێو مێرگه‌(چه‌کۆ) هه‌ڵتووته‌کێم
چونکه‌ پرسه‌ی دایکی مل به‌کوێن و سه‌رشینم ده‌وێ

نایه‌ڵن ئاسووده‌ دانیشم له‌ داوێنی چیام
قاسپه‌قاسپی خاسه‌که‌و بێ! گرمه‌یی مینم ده‌وێ ؟!

ئاره‌زوومه‌ هه‌رچی ئینسانه‌ به‌ ئازادی بژی
چۆن گه‌لی داماو و دیل و مات و خه‌مگینم ده‌وێ؟

نامه‌وێ خوێن بڕژێ، یا بۆنی که‌لاکی کۆن بکه‌م
ڕه‌نگی مێلاقه‌ و گوڵاڵه‌ و بۆنی نه‌سرینم ده‌وێ

هه‌ڵپه‌ڕین و پێکه‌نین ده‌بزێوێ هه‌ستی ناسکم
کوا دڵی پڕ ئێش و ئۆف و جه‌رگی به‌ برینم ده‌وێ؟

درزی ئاژن بوو دڵم له‌ سوێی شه‌هیدانی نه‌مر
به‌س نییه‌؟ مه‌ودام بده‌ن! تۆزکاڵێ ته‌سکینم ده‌وێ

جێی گه‌رم، پاروی نه‌رم خۆشه‌، به‌ڵام بۆ مافی خۆم
سێبه‌ری ئه‌شکه‌وتی سارد و نوێنی به‌ردینم ده‌وێ

بۆ به‌زاری مه‌زنیخوازی تاڵه‌ وه‌ک که‌کره‌ و زه‌ره‌ند
گه‌ر بڵێم من پاسه‌وانی قه‌سری شیرینم ده‌وێ؟

دێوی شه‌ڕ سمکۆڵ ده‌کا لێم و ده‌بۆڵێنێ، ده‌ڵێ
بۆ له‌سه‌ر دانی هه‌موو ئێوه‌، ته‌وه‌رزینم ده‌وێ

بۆ فریشته‌ی داد به‌ سینه‌ی پڕ له‌ کینه‌ و داخه‌وه‌
هاته‌ کوردستان گوتی: ڕه‌جمی شه‌یاتینم ده‌وێ؟

سه‌ققز و سه‌رده‌شت و سابڵاغ و سنه‌ی کرد غه‌رقی خوێن
سێی تری ویستن، گوتی: بۆ سفره‌ حه‌و سینم ده‌وێ

که‌ی ڕه‌وایه‌ بمده‌نه‌ به‌ر گولله،‌ یا ڕاوم بنێن ؟
گه‌ر گوتم کوردم له‌ کوردستانی خۆم ژینم ده‌وێ

کورد مه‌گه‌ر کونده‌ که‌ هه‌ر وێرانه‌ بێ هێلانه‌که‌ی؟
نیشتمانی ئاوه‌دانی جوانی ڕه‌نگینم ده‌وێ

زۆر به‌ ئاواتم که‌ کوردستانه‌که‌م بێ کێشه‌ بێ
ئاشتیخوازم، کوا وڵاتی پڕ ڕق و قینم ده‌وێ ؟

تا نه‌هێڵم شوێنه‌واری ناله‌باری په‌هله‌وی
نه‌گبه‌تی زۆرداره‌کان و خۆشی مسکینم ده‌وێ

لاشه‌ڕم، کوا به‌دفه‌ڕم، ئه‌مما له‌سه‌ر مافی ڕه‌وام
ده‌ست و چه‌ک، ئیمان و هیوا و هه‌ستی ئاورینم ده‌وێ

بۆ ناجاتی ئه‌م گه‌له‌ کۆیله‌ و هه‌ژار و بێکه‌سه‌
گیانی پاک و بیری تیژ و ڕێگه‌ ناسینم ده‌وێ

بۆ به‌گژ داچوونی زۆرداری و هه‌ژاری و ناهه‌قی
کارگه‌ر و جوتێری ئاگا و مستی ئاسنینم ده‌وێ

سه‌خت و ناهه‌مواره‌ ئه‌م ڕێگایه‌ کوردی کۆڵنه‌ده‌ر
بۆ خه‌باتێکی درێژخایه‌ن گوڕ و تینم ده‌وێ

دوای نه‌جات بۆ ئاودانی و خۆشی خاپوره‌ وڵات
کۆمه‌ڵێکی چاک و پاک و ڕاست و وردبینم ده‌وێ

بۆ خه‌باتی هاوبه‌شی یه‌کسانی توند و تیژی کورد
لاوی کارامه‌ی به‌ جه‌رگ و کیژی سه‌نگینم ده‌وێ

کیژ و کوڕ بگرن له‌ ده‌وری گۆڕی هێمن ڕه‌شبه‌ڵه‌ک
من که‌ شیگێڕی شه‌هیدانم، له‌ کوێ شینم ده‌وێ

مه‌هاباد 3ـ12ـ1358
هیمن

جوان ناسووتێ

دیم کچێکی له‌باری لادێیی
بۆ نوێژ ڕاده‌خا به‌ره‌ڵبێنێ

گوتم : ” ئه‌ی نازه‌نین که‌ ڕوخسارت
هه‌موو باخی به‌هه‌شتی خوا دێنێ

بۆچی پێت وایه‌ ئه‌و خودا گه‌وره‌
هێنده‌ بێ ڕه‌حمه‌ تۆش بسووتێنێ؟! “

هیمن

له وده مه ی دا دلم لی داوه بوژوان

من دیوانه ی چاوی جوانمُ چاوی جوان

گه رچی خه لکی وه لاتی چاوجوانانم

چاوی جوانم نه دی تیر به چاوانم

هه تا لاو بووم چاوی  جوانم لی ون بوو

په چه ورووبه ندو چارشیوم دوژمن بوو

ئیستا پیرم وکه وتوومه ئاویلکه

چاوی جوانم لی ون ده کا چاویلکه

به‌ره‌و ئاسۆ

سۆفیی گۆشه‌ێ خانه‌قا بووم، ئێسته‌ پیری مه‌یکه‌ده‌م
زاهیدی خه‌ڵوه‌ت نشین بووم، ئێسته‌ مه‌ست و مه‌یزه‌ده‌م

سه‌روی ئازادیش له‌بار و دڵکه‌ش و به‌رزه‌ ، به‌ڵام
گیانه‌که‌م ! من شێت و شه‌یدای لار و له‌نجه‌ی ئه‌م قه‌ده‌م

جیلوه‌یی جوانی له‌ هه‌رچی دا هه‌بێ خۆشم ده‌وێ
ڕۆژێ کوشته‌ی مینی ژۆپ و ڕۆژێ گیرۆده‌ی شه‌ده‌م

هه‌ر یه‌که‌ی بۆ خۆی ده‌جووڵێنێته‌وه‌ هه‌ستی ده‌روون
زه‌رده‌په‌ڕ، کاروانکوژه‌، تاریک و ڕوونی سوبحده‌م

ئاسمانی ساو و ده‌ریای مه‌ند و تارمایی چیا
سێوی لاسوور و به‌هێی زه‌رد و هه‌ناری گوڵبه‌ده‌م

کێ وه‌کوو من سارد و گه‌رمی ڕۆژگاری چێشتووه‌ ؟
گا له‌ ده‌شتی گه‌رمه‌سێر و، گا له‌ کوێستانی گه‌ده‌م !

وه‌ک شه‌پۆلی زێی خوڕه‌م ساتێ هه‌دادانم نییه‌
گێژ ده‌خۆم، پێچی ده‌ده‌م، من ڕۆڵه‌ کورده‌ی ئه‌م سه‌ده‌م

ڕێگه‌ سه‌خت و پڕ له‌ که‌ند و له‌ند و هه‌ڵدێر و گه‌وه‌
هه‌ر ده‌بێ ببزووم، ده‌بێ بکشێم، وچانی لێ نه‌ده‌م

سێبه‌ری مه‌رگم له‌ پێشدایه‌ و به‌ره‌و مه‌نزڵ ده‌ڕۆم
ناخی گۆڕی ته‌نگه‌ جێگام، هه‌ر تل ئاسا بێ قه‌ده‌م

من به‌ره‌و ئاسۆ، به‌ره‌و ڕووناکی باڵم گرتووه‌
چۆن به‌ره‌و تاریکی ده‌خشێم، پاڵ وه‌ شه‌یتانی ده‌ده‌م !

کانیی ڕوونم دی به‌ لێشاوی به‌هار شلوێ نه‌بوو
به‌فری گه‌وره‌م دی چیای گرت و به‌ تاوێ بۆه‌ قه‌ده‌م

ژینی کورتم دی پڕاوپڕ له‌ شانازی و شه‌ره‌ف
عومری زۆرم دی که‌ دوایی هات به‌ ڕیسوایی و نه‌ده‌م

ئاگری سینه‌م بڵێسه‌ی دێ و وڵات ڕۆشن ده‌کا
ئه‌و ده‌مه‌ی خۆم وه‌ک دڵۆپێک ده‌چمه‌ نێو ده‌ریای عه‌ده‌م

هیمن

ماموستا هيمن

نام آهنگ: کوبانی
خواننده، آهنگ ساز و نوازنده تنبور: سید مهرداد مشعشعی
نوازنده دیوان: شوان امین
شعر: علی دارابی

Bezhan Kamkar - Dangi Saz -(کامکاران-دەنگی ساز)

Karzan Ov

Related tracks