ناسری ره‌زازی - ئای چه‌نده‌م خۆش ئه‌وێ

له‌ ده‌ستم دێ ...

له‌ ده‌ستم دێ
کاتژمێری کامه‌رانیت بوه‌ستێنم.
له‌ ده‌ستم دێ 
ئه‌لقه‌ی په‌نجه‌ت پێ فڕێ ده‌م،
نامه‌ی به‌ختت بسوتێنم
له‌ ده‌ستم دێ
هه‌موو شتێک ئاشکرا که‌م.
کام شه‌وت گه‌ش و ڕووناکه،‌ 
ئه‌و شه‌وی پف له‌ چرا که‌م.
***
له‌ ده‌ستم دێ، به‌ دوو وشه‌
دڵی زاوای نووستووت ڕه‌ش که‌م،
له‌ خۆشاوی شه‌وی په‌رده‌تان بێبه‌ش که‌م.
***
نامه‌کانت یه‌ک یه‌ک ماون.
دیاریه‌ ساده‌کانت یه‌ک یه‌ک ماون.
چاویان شۆڕه‌،
ده‌ست له‌سه‌ر سنگ بۆم وه‌ستاون،
له‌ تاوی ئه‌م کاره‌ساته‌م
ئاره‌قه‌ی شه‌رم ده‌تكێنن.
مۆری حه‌زێکی ئاگرین
به‌ناو چاوته‌وه‌ ده‌لکێنن.
***
تاڵێکی پرچت نه‌ماوه‌
تێر تێر بۆنم نه‌ کردبێ.
جێی ده‌رزییه‌ک
له‌ سنگی برسیت نه‌ماوه‌ 
په‌نجه‌م په‌ی پێ نه‌بردبێ.

گه‌واهی ده‌ده‌ن له‌سه‌رت
دارتێله‌کانی سه‌ر شه‌قام.
گه‌واهی ده‌ده‌ن ئه‌وانه‌ی
نامه‌ی تۆیان بۆ ده‌هێنام.

به‌ڵی گیانه!‌
گه‌ر بمه‌وێ
کاتژمێری کامه‌رانیت بوه‌ستێنم...
گه‌ر بمه‌وێ
ئه‌ڵقه‌ی په‌نجه‌ت پێ فڕێ ده‌م،
نامه‌ی به‌ختت بسوتێنم-
به‌ڵگه‌م پێیه‌،
هه‌زار به‌ڵگه‌ی ئاشکراو ڕوون
به‌ڵگه‌ی چوار ساڵ پێکه‌وه‌بوون
به‌ڵام...چیبکه‌م!
خۆشه‌ویستیت - نه‌هه‌نگێکه‌،
خوێنی هه‌ڵچووم ده‌خواته‌وه‌...
خۆشه‌ویستیت - ڕووبارێکه‌،
قینی ڕه‌شم ده‌شواته‌وه‌!
-------------
عه بدولڵا په‌شێو

تایه‌ر تۆفیق - له‌ده‌ستم دێ

ئـارام بگره‌ تــــۆ بـا ئارام بـــــێ گیـــانی مـن    
فـرمێسك با كه‌م بچێ لـــــــه‌سه‌ر چاوانی من  
ئـه‌ی دڵی زاری من ئه‌وه‌نــه‌ زاری مــــه‌كه‌
ئـه‌وه‌نه‌ بۆ یاره‌كه‌ت بێ قــــه‌راری مــــه‌كه‌

خاتوونی هونه‌رمه‌ند فه‌تانه‌ی وه‌لیدی له‌ شاری سنه‌ی خۆرهه‌ڵاتی كوردستان له‌دایك بوه‌و به‌درێژای ته‌مه‌نی هونه‌ری خۆی نزیكه‌ی 60 گۆرانی له‌ رادیۆی كوردی سنه‌و كرماشان و تاران تۆماركردووه‌"، كه‌ دیارترینیان بریتین له‌  "سه‌بری گۆڵ فرۆش"، "ئه‌ی یاری نازداری"، "دیده‌ی گریان"، "لایه‌ لایه‌"، "له‌سه‌ر کانی"، "شیرین" و "که‌و مل که‌ومل که" .
فه‌تانه‌ی وه‌لیدی ئێستا له‌ گه‌ڵ باوكیدا له‌ گوندی حه‌سه‌ن ئاوای سه‌ر به‌ شاری سنه‌ ده‌ژی و كۆتایی ئه‌مساڵ له‌ گه‌رمیان و له‌ شاری كه‌لار له‌ مه‌راسمێكدا رێزی لێنرا له‌پای ئه‌و خزمه‌ته‌ی به‌ هونه‌ری كوردی كردوویه‌تی و هه‌ر له‌وێش چه‌ند گۆرانیه‌كی خۆی ووته‌وه‌.

فه‌تانه‌ی وه‌لیدی - لای لای

خوداداد عه‌لی ساڵی 1912 له‌ گوندی عه‌له‌مداری سه‌ر به‌ شارۆچكه‌ی خانه‌قین له‌دایك بوه‌.، كاری هونه‌ری له‌ كۆڕو كۆبونه‌وه‌كانه‌وه‌ ده‌ست پێكردووه‌و له‌ ئاهه‌نگه‌كانی نه‌ورۆز و جه‌ژنه‌ ئاینیه‌كاندا گۆرانی ووتوه‌.، به‌تایبه‌ت له‌ ناوچه‌كانی ئیمام عه‌باس و عه‌له‌مدار و باوه‌ مه‌حمود و خدر زنه‌.
له‌ ساڵی 1947 چوه‌ رادیۆی كوردی به‌غداو به‌شێوه‌ی راسته‌وخۆ گۆرانی پێشكه‌شی گوێگران ده‌كرد یه‌كه‌م گۆرانیش مه‌قامی ئای ئای ناوچه‌ی گه‌رمیان بوو.
 له‌سه‌ره‌تادا هه‌فتانه‌ بۆ ماوه‌ی نیو سه‌عات به‌ راسته‌وخۆ گۆرانی ده‌وت، تا ساڵی 1953 رادیۆ ده‌ستی كرد به‌ تۆماركردنی به‌رهه‌كان و 
هونه‌رمه‌ند له‌ ژیانی هونه‌ری خۆیدا چه‌ندین به‌رهه‌می ناوازه‌ی تۆمار كردو خاوه‌نی توانایه‌كی ناوازه‌ بوو له‌ مه‌قامدا به‌ تایبه‌ت مه‌قامه‌كانی ناوچه‌ی گه‌رمیان، له‌ به‌ناوبانگترین به‌رهه‌مه‌كانی ده‌توانین ئاماژه‌ به‌ مه‌قامی "ئه‌ڵوه‌ن ئای" بكه‌ین، به‌هۆی شاره‌زای له‌ مه‌قامدا مه‌قامه‌كانی قه‌تار و ئه‌ڵاوه‌یسی و خاوكه‌ریشی به‌جوانی ووتوه‌..
به‌رهه‌مه‌كانی خوداداد عه‌لی زۆرن به‌ڵام ئه‌وانه‌ی به‌شێوه‌یه‌كی جوان تۆماركراون له‌ رادیۆی كوردی به‌غداد بوون كه‌ زیاتر له‌ 153 گۆرانیه‌. هونه‌رمه‌ند له‌ 19 شوباتی ساڵی 1987 كۆچی دوایی كردو له گوندی عه‌له‌مداری شوێنی له‌دایك بونی به‌خاكسپێردرا.

kawa-ahmed3

Popular tracks