/
/

كـنـت أقــول ان الليـالـي تجـمـع قـلـوب الـولايــف = لـيــن شـفــت انّ اللـيـالـي فـرقّــت بـيـنــي وبـيـنــه
والبـلا لامــن ذكـرتـه مــا جـرعـت إلا الحسـايـف = والحسـايـف تسـقـي الـرجّـال مــن كــاس الغبـيـنـه
والـكــلام الـلــي بقـلـبـي واقـــف ٍ بـيــن الشـفـايـف = لو تحرّك بالشفايف ماطلع لي غير // وينه ؟؟!!
فـي غيابـه أكتـم همـومـي ورى الـعـوج النحـايـف = ليـن ضاقـت بــي الــدروب الـلـي تــودّي للمديـنـة
والصبـاح اللـي بـلا شوفـة عيـونـه صـبـح زايــف = لا تـغـاريــد لـطـيــور ولا نــــدى فــــي ياسـمـيـنـه
والمساء لا حـلّ مـن دونـه يجـي مرعـوب خايـف = لا قـمـر يـضـوي سـمــاه ولا هـــدوء ولا سكـيـنـة
"كانها الفراقـا " عسـاك بحـلّ يـا زيـن الوصايـف = بــس علمـنـي جــواب لخـافـقـي لا قـــال ويـنــه ؟

/
/

خـــالـــد بـن سلــــمان

Gal_Wenah

/
/


الزمن شعلة وأنا كسرة غضى منه اكتويت = احترقت وما بقى مني سوى بعض الرماد
والظروف اللي تدفّتني وانا اللي ما دفيت = زادت همومي هموم وزادت النظره سواد
كم وفيت وكم صدقت وكم صدقت وكم وفيت = وما خذت عيني من الدنيا سوى كثر السهاد
وكم بكيت وكم ضحكت وكم ضحكت وكم بكيت = ومابقى ياكود ونّة تصرخ بليل الهجاد
البشر فيها قلوب اظلمت يوم ٍ عطيت = وان ضوت جاني ضياها مختلط فيه العناد
والبلاد اللي اجمعت في وسطها ألفين بيت = عوّدت مثل الخرابه تشتكي ظلم العباد
من دموع الناس خضبتك ياكفي وما دريت = ويوم هلّت دمعتي شفت البشر امسو رقاد
كنت اقول انّي نسيت اللي حصل لو مانسيت = كنت أحاول ازرع البسمة عقب ذاك الحصاد
والبلا خابت هقاوي خافقي يومي هقيت = والصحيح أن الحزن في داخلي نوّخ وساد
والسعد داخل عروقي طفل يضحك لا سهيت = والبلا لامن تضاحك ينخـنق وسط المهاد
اعترف انّي ابتديتك وانتهيتك ما بديت = والسبب انّي غديت انسان اشبه للجماد
ارتجي لمسه حنونه والأكيد انّي لقيت = بالأنانية يدين ٍ زادت النظرة سواد
وش تبي في شخص قلبه من ثلاث سنين ميت = عايش ٍ ويا جروحه كل يوم ٍ في جهاد؟

,
,
,
,
,

خــــالــد بـن سـلـمـــان

Gh6a

.
/
/
.
.
الحروف اليوم جتلك حامله شوق ووله=توصف اللي لك بنيته وسط قلبي من عدم
*
*
قبل اعرفك والحروف بجعبتي متبهذله=يعتصرها كل معنى للمراره والالم
*
*
وبعد عرْفك كن قلبي عن مواجيعه دله=والحزن من بعد ماكان المسيطر انعدم
*
*
انتعش فيني الغرام وكنت قبلك مهمله=وصاغت حروفي الغرام وصارت لعينك خدم
*
*
والله ان الوقت دونك آآه منّه مطْوله=كن فرحي مثل قصرن في غيابك انهدم
*
*
والسعاده في عيوني طفل ضايع من هله=والهنا مثل الشجاع اللي تعنـّا وانهزم
*
*
وابتساماتي شحيحه ماتجي بالمسأله=كنّها عـْجااف السنين الممطره ويل وندم
*
*
جيت لك ارسم شعوري من علّوه لسـْفله=ولاني خايف لو أكون اللي عشق ثم انصدم
*
*
هذا انا إمـْشيت الغرام وتوّني في اوّله=اجبر الخطوه ولو كانت تعاندها القدم
*
*
لجل اهدي لك خفوقي يالعيون المذهله=الخفوق اللي بشرايينه قصورن من عدم
*
*
احفظيها دامها جتلك بشوق ٍ مع وله=واذكريني لا نسيتي من نسى ذكر الالم
.
/
/
/
/
.
.
.

خــــالــد بـن سلــمان

Gharam

.
.
في غيبتك صبحي ظلام حالك =وليلي اعيشه رهبة ٍ من خوفي
.
.
لو قلت انّي من غيابك هالك=والوقت عاندني وكل ظروفي
.
.
فعلا فقدتك من بدا ترحالك=والمشكله ليت القصايد توفي
,
,
,

خــــالــد بـن سـلمــان

Ghyabk

,
,

قال هات وقلت خذ
.
قلت هات وقال لا
.
.
.
قلت ياخلّي ترى همّي على الوجه اعتلا ..

قام يردد لي شعارات الأنانية بصوت ٍ مرتفع ..

قال لو شلتك بهمّك وش أنا منك انتفع !! ..

قلت في نفسي ألا يالله يادفع البلا ..
,
,
,
,
قال هات وقلت خذ ..
.
قلت هات وقال لا ..
.
.
صابته شوكه وصرت اسهر عشانه ..

والليالي تشهد بفعلي أمانه ..

يوم جيت اشكي واقول الهم ياخلّي ذبحني ..

والزمان الأغبر بإيده جرحني ..

قال أنا مالي دخل ..

وش يردّ الدمع لامنّه تناثر من مكانه ..

قلت في نفسي ألا يالله يادفع البلا ..

,
,
,
,

قال هات وقلت خذ ..
.
قلت هات وقال لا ..
.
.
في صباح العيد جيته شايل ٍ حمر الورود ..

وأكتشفت أنه يشيل بإيده اليمنى جحود ..

قلت به زين القصايد ..

وجبت له ذيك القلايد ..

وقال في صوت ٍ يجرّح مسمعي ..

ما أبي منك هديّه دام قلبك مو معي ..

قلت في نفسي ألا يالله يادفع البلا ..

,
,
,
,
بالنهايه قلت كافي ..

ما أبي قلبي أهينه ..

وش لي بحب المجافي ..

وخاطري الله يعينه ..
.
.
.
قال : قلبي لو سمحت اليوم هاته ..

قلت خذ ..
.
قلت له قلبي ابيه اليوم هاته ..

قال لا ..
.
.
قلت في نفسي أيا قلّ الولاء

,
,


.
.
.
حفـرت اسـمـك عـلـى قلـبـي وشريـانـي =وضمّيـتـك وسكّنـتـك بـوســط الـــرووح
.
.
وفـي الاخــر يجيـنـي مـنـك مــا جـااانـي=خلاص ابعد كرهتك واكتفيت جروووح

.
.
.




خــــالــد بـن سـلـمـــان

Haat

.
/
/
.
.
الفضا واسع ولكن ضاقت بْعيني الاماكن = والسحاب اللي على لحن المفارق قد نشا
.
.
والصباح اللي غدى نوره على العينين داكن = من سبايب هم عين ٍ قد غشاها ما غشا
.
.
كنت احسب ان الموادع ما يضرّ إلا المساكن = لين شفت الجمر ولع في معاليق الحشا
.
.
من لهم وسط الخفوق الحب متعلّي وماكن = روّحوا مرواح طير ٍ عاف شربــه والعشا
.
.
جيت اسلّي خافقي في بعدهم عنّي ولكن = من وداع اللي غلاهم مايعوّض لا حشا
.
.
قلت يانبضات قلبي ليتني اعرف دواكن = كان أعالجكن ورب الخلق يفعل ما يشا
.
.
البلا ماغيري اللي يسمع لغالي حكاكن = كني اسمع للعذول اللي تشمت بي ووشا
.
.
والعزا ياكيف تبكي من بوسط القلب ساكن = حتى لو طال الغياب بيبقى في وسط الحشا

.
.
/
/
/


/
/
/
.
.
.

خــــالــد بـن سلــمان

Al3aza

/
/

نوم العوافي يابعـد روح مغليـك=نمْ خلّني احرس جنابك وأصونـك
بسهر على شانك وانا ميت ٍ فيك=أخاف أنام وفي منامي أخونك
ياليتني نومك واضمك واداريـك=وأخدّر أطرافـك وأذوّب جفونـك
أو ليتني فـرْش ٍ تعلّـى يغطّيـك=وألبسْك من ماطاك لأعلى متونك
أو ليتني وسادة فراشك وألاقيك =وألمس طرف خدّك بلحظة سكونك
أو ليتني ذاك الهواء من حواليك=اذوب في صدرك وابعثر شجونك
أو ليتني نجم واشوفك واناديك=واسامرك وان ضقت آخذ طعونك
أو ليتني حلمك وازورك واناجيك=وأسكن بذاكرتك واداعب جنونـك
أو ليتني ساعة منبّـه وأصحيـك=وأكون أول من يشاهـد عيونـك
وليتك أنا وتشوف أنا كيف مغليك=مقدر أعيش إحساس لحظة بدونك

/
/

خــالــد بـن ســلمــان

Nomal3oafy

/
/

يا إلهي ارحم اللي قد ظلم نفسه خطيّه=وعفوك اكبر من ذنوبه ياإله العالمين
ارحم بحال الذي حاله من ذنوبه رديّه=وسترك اللي قد غشا كلّ الخلايق اجميعن
ارحم بحالي ياربّّي لادنت منّي المنيّه=وظهري هدّته الذنوب اللي تهدّ المذنبين
يا ما اسرفت بمعاصي ظاهره وإلا خفيّه=وقد جعلتك يا الهي اهون اللي ناظرين
المعاصي يا الهي زايده بالقلب غيّه=ومنهو يتحمّل عذابك يامذّل الظالمين؟؟
قد تجاهلنا قبورن مع حياة ٍ برزخيّه=وانشغلنا بالمباني وعشنا عيشة فارهين
قد تجاهلنا صراط بدقّته مافيه زيّه=وانشغلنا بالنميم واكل لحم المسلمين
قد تجاهلنا امور الاخره وبحسن نيّه=غرّنا الشيطان وصار الفرد منّا مستكين
قد نسينا حطام نارٍ فيها فرعون وخويّه=حسرة اللي قد كتبته في عداد المجرمين
قد سألتك يا الهي بدمعة العين الخفيّه=وبْوجهك الاكرم سألتك يا اله الاكرمين
تغفر لعبدك ذنوبه يا الهي والخطيّه=واغفر لأمي وابوي وْوالديهم اجميعن
وارحم اللي قد خذاه الموت من دنيا دنيّه=وصلّ ياربي على احمد امام المهتدين

/
/

خــالـــد بـن سلمـــــان

Ramadhan

/
/


ياهـيـام ٍ انتـثـر طيـفـه عـلــى قـلــب ٍ شّـقــي=يـاهـوى بـالـي وراحـاتـي وعـنـوان السـعـاده
ياسنـا شمـس الشـروق / وياغوايـات التّـقـي=يـا مفاهيـم الـغـرام الـلـي سـلـب مـنّـي الاراده
يــا منسّيـنـي هـمـوم ٍ شـيّـبـت فـــي مـفـرقـي=ويا مسلّيني عن رموش المهـا وعيـون غـاده
ياشـعـور ٍ فـــي خـفـوقـي مايـجـيـده منـطـقـي=يابيـاض ٍ احــرج الأشـعـار مــا تبـلـغ مــراده
يانسيـم ٍ انتـشـي بــه لا تصـبّـب بــي عـرقـي=ياسنـاد الفـارس اللـي قــد تعـثـر بــه جــواده
يامتوّهـنـي / مـخـلّـي قبـلـتـي فـــي مـشـرقـي=سيّـد الاسيـاد زينـك / ماتـرك بالـنـاس ســاده
دنيـتـي غـبّـة بـحـار وأنـــت فـيـهـا زورقـــي=ماخـذ ٍ يمنـى عيونـك صبـر واليسـرى جـلاده
فـي وصالـك لـي نجـاة وفــي بـعـادك مغـرقـي=وفي فراقك عن عيونـي يعلـن الخافـق جهـاده
ارفـقـي بــه ياخـطـا رجلـيـه تكـفـيـن ارفـقــي=دامـه بقلـبـي نــزل مـنـزال مايخـشـى زهــاده
اطــلــب الله بالـمـحـبـه يـاغـنـاتــي نـلـتـقــي=واحضنك بين الضلوع واترك ايدي لك وساده
واهمـس لانفاسـك العذبـات / زيـدي واحرقـي=بحترق من جمرتك واطلب من انفاسـك زيـاده
وازرعك في وسط قلـب ٍ يعشـق الحـبّ النقـي=والْبسك كـل القصايـد فـي وسـط جيـدك قـلاده
وارسمك نشوة صبابه واحفـظ اللـي لـك بقـي=في عروق الخافـق اللـي لـك تبـرّا مـن عنـاده
وانقـش اسمـك فـي يديـنـي لا تـعـذّره ورقــي=جعل نارك في خفوقـي يـوم مـا تصبـح رمـاده.

/
/

خـالــد بـن سلمـــان

Rmadh

/
/
/




النفس عافت حالها والقلب زاد ابه الجهد = والروح تاهت بين خوف وبين رجوى وبين آه
والعين روضة نوخت فيها مراكيب السهد = والهم يطرد في مفاليها ولا يلحق مداه
والحزْن في عيني ابْدوي ٍ ينزل ومرّه يشد = يلحق ربيع ٍ وسط ذاتي وين ما يقفي وراه
يمه يايمه ويل حالي ياعناوين السعد = جعل المرض يطوي شبابي غير ما همي طواه
ليت المرض يختارني ويرتاح قلبك للأبد = وليت الوجع يطحن عظامي دامها دارت رحاه
من يلوم الخافق اللي عاف دنياه وزهد = من سبايب طيحت امّه زاد في قلبه عماه
وان شافت عيوني عيونك طاحت الدمعة بعد = ياكيف وانتي أعذب النسمات في صافي هواه
ياجعل يومي يسبقك يمّه ولا اذوق الجهد = يكفي على قلبي نطق من حسرته مليون آآه
ماعاد لي غير الذي رافع سماه بلا عمد = اطلب جناب اللي يغيث الخلق من صافي سماه
يارب امي في رجا لطفك ولا غيرك احد = ياواحدن ماخيّب اللي مستظل ٍ في رجاه

/
/

خــــالــد بن سلمــان

Ymah

ما ألوم الورد لامن ذاب في راحة يديك

وما ألوم العطـر لامن طاح يتباكى عليك

حتى الأماكن 

ياحبيبي 

شوفها تحسد بعضها

كلّها عطشى تبيك

المكان اللي تجيه 

لو هي صحراء

يفتخر لاصرت فيه

والمكان اللي هجرته

أمنيه تختال فيه

بس ساعه يحتويك

وش عليك

دام كل الورد شفته يسبق اللي يحمله

يسبق الخطوة يبيك

وكل عطر ٍ لا بكى لك ياغرامي مااجملـه

ما ألومه ذاب فيك

هيبتك هيبة ملوك وبك تواضع

لو لحق كسرى عليك

جاك خاضع

وش عليك

ترسم البسمة على وجه الحزن

حتّى دمعك لو نـزل

قام يتباكى عليك

أمنيه يرجع لعينك

ما ألومه

دام كلّ الورد غار

ياحبيبي من يديك

ودام عطر الشوق ذاب

لانتثر كلّه عليك

دنيتي غبّة بحار

وانت فيها زورقي

في وصالك لي نجاة

وفي بعادك مغرقي

ماخذ ٍ يمنى عيونك صبـْر

واليسرى جلادة

وفي بعادك عن عيوني

يعلن الخافق جهاده

ارفقي به يا خطا رجليه تكفين ارفقي

دام حبّه في خفوقي

كل يوم ٍ في زياده

,
,
,


وأنــا أقــول :


/
/

قلـت أحـبـك وانتـهـى كــل الـكـلام=مـا يـوفّـي قــدرك الغـالـي قصـيـد
يـاعـذابـي / يـامـتـاهـات الــغــرام=الحكي في حالتـي قـل وش يفيـد ؟
قلـت احبّـك وانكسـر رمـح الظـلام=والضياء في روح محبوبـك يزيـد
والجـراح اللـي علـى خبـرك سقـام=عـوّد الخافـق مــن جـراحـه سعـيـد
عقـب قربـك ماعـلـى قلـبـي مــلام=دام حـبّــك قـــد تـســرّب بـالـوريـد
وقلت أحبّك / مابقى عنـدي كـلام=كيف يوفّي قدرك الغالي قصيد ؟!

/
/

خـالـد بـن سلـمــان

A7bk

اقـرب ابيـك اليـوم فـي حضنـي تنـام=اقرب عسى يومـك بعـد يومـي "أنـا"
اقـرب وخــلّ وسـادتـك روح الهـيـام=وخـلّ الفـرح ياخـذ قضـاه مـن العـنـا
اقــرب "حبيـبـي" يابـعـد كــلّ الانــام=اقـرب وكحّـل "عينـي" بْطـعـم الهـنـا
اقرب مدامي ذبت في بحـر "الغـرام"=ودام ابتسامـات "الفـرح" جــت يمـنـا
وخـل المسامـع تهتنـي بأحلـى الكـلام=وخلّ "السهر" يفـرح بعـد مـا ضمّنـا
وخل "الخفوق" اللي بقربك ما يضام=يرتـع بقصـر ٍ فــي "عيـونـك" انبـنـا
ودام "الغلا" طير ٍ على الخفّـاق حـام=ان خنت طيري جعل "روحي" للفنـا
والحيـن اقـرب خـلّـك بحضـنـي تـنـام=نـم ياعسـى يومـك بعـد يومـي "أنــا"

/
/

خـالـد بـن سلـمــان

Agrb

على سلم العرب نحفظ حقوق الجار لامن غاب=وعلـى درب الغـرام اللـي طوينـا صفحـة كتابـه
بـدى عـزف الغـرام اللـي ختـم ألحانهـا زريـاب=بـذاك الحـيّ جعـل المـزن يسـقـي يـابـس تـرابـه
عرفنـا بعضنـا بـدري صغـار وهمّنـا الألـعـاب=كـبـرنـا مـيــر طـبــع حلـومـنـا يـانــاس كـذابــه
هوتنـي كثـر مادقـت علـى جـال الحشـا أطنـاب=وحطـت بيتهـا وسطـه وهـي بالعـون أولـى بــه
وأنــا يشـهـد عـلـي الله أبيـهـا والعـشـق غــلاب=ولــكــن الـلـيـالـي طـبـعـهــا يــانـــاس غــلابـــه
تقـول أرجـوك لا تبعـد يـاوّل وآخــر الأحـبـاب=انـا مابـي كحـل فرقـاك يـوذي العـيـن واشقـابـه
حشـا مـا هجـت ظـروف المحبـه للـردايـا بــاب=مــلاك ٍ طـاهـره والـلـي خـلـق آدم مــن تـرابـه
تعاهدنـا علـى صـدق المحـبـة والقـلـوب قــراب=ونحتـنـا فــي جلامـيـد الـغـرام رســـوم جـذّابــه
ولكـن الـولّـي كـاتـب فــراق ٍ يـجـرح الأهــداب=مـقـدّر والمـقـدر حــدّ سـيـف وحـــق نـرضـابـه
توادعنـا وكـلـن رافــع كـفـوف الـحـزن طــلاّب=كفوفـي تطـلـب المـولـى وهــي بالـدمـع طـلابـه
يقولـون الحـطـب مــا تجمـعـه إلا يــد الحـطّـاب=وانا صرت اجمع الذكرى واحرقها مـن اسبابـه
توادعنـا وعيـن القـلـب تنـظـر غيـرهـا احـبـاب=عـذارى والعـذارى فــي عـيـون الـحـب تتشـابـه
أبي احرق بقايا الماضي اللي في وصاله خـاب=وأبـي أطفـي لهـيـب الـجـوف والنـيـران شبّـابـه
نسيت الحب فـي زحمـه زمانـيٍ والزمـن كـذاب=سلـيـت الـلـي مفارقـنـي وأقــول الغـيـر يهـنـابـه
نسيته مع عجاج الوقت يوم الوقـت كـث تـراب=عـلـى وجــه الطـمـوح الـلـي تغـدابـي وتعشـابـه
ومرت سبعة اعوام ٍ غدو فيهـا القـراب أغـراب=تــمــر ايــــام تــلـــو ايـــــام والايـــــام نـهــابــه
وحـلّ الموعـد اللـي ماحسبـت لمثلـه أيّ حـسـاب=لقتنـي صـدفـة ومعـهـا صغـيـر ٍ حـامـل ألعـابـه
ملامح وجهها تحمل من الشرهات ألـف عتـاب=ونظـرة عينهـا تحكـي شـعـور الـحـزن مرتـابـه
وقـالـت "آآه ياخـالـد" وردّ الـطـفـل باسـتـغـراب="نعم يمّـه" .. وكـل الحـزن ذيـك السـاع ينتابـه
وصدت تخفـي دمـوع المحبّـه والهـوى الغـلاّب=وقالـت "لا انـا اقصـد غالـي ٍ عنـدي مسمّـابـه"
"رحل مدري عن دياره ولكنّ الوفـا مـا غـاب"="وسميتـك عليـه ابغـى عيـونـي كــذب تهنـابـه"
عجزت اتحمّل الموقف مشيت وخافقي منصاب=ألا يـاحـبّ صــادق يـــوم كـــل الـنــاس كـذّابــه
عرفت ان الوفاء مخلوق من حوّاء بـلا اسبـاب=وآدم لــو قـسـى وقـتـه مصـيـره ينـسـى احبـابـه


/
/

خـالـد بـن سلمــان

Ahbaab

نامـت عيـون النجـوم واظلمـت كـل المدينـة=من بدا طاري الـوداع وعيـن خلّـك ماغفـت
والشوارع ضمّها حزن المـوادع فـي يدينـه=والقمـر اصبـح يعانـي بعـد مـانـوره خـفـت
لو غفت عين المفـارق ياعسـى ربـي يعينـه=يشـهـد الله قـامـت عـروقـه بحـبّـك سولـفـت
والمشاعر في خفوقي عوّدت عقبـك حزينـة=تشتكي جور الجروح اللي على الخافق لفت
والسهاد اللي أسر عيني وصارت له رهينه=من هموم ٍ في خفوقي عن قضاها ما عفـت
والقصايـد فـي دفاترهـا مـن غيابـك سجينـه=والدفاتـر تشتكـي يــوم القصـايـد مــا وفــت
والفكر سرحان يوم ان الفرح شحّـت يمينـه=والحـزن كنّـي اشوفـه لــدّ صـوبـي والتـفـت
والوجـع ياجـود كفّـه ماغـفـت للبـيـن عيـنـه=والفـرح مـن وجـد حالـي كـل عينينـه غفـت
والاحاسيـس الدفينـه لا حشـا مـاهـي دفيـنـه=من عنا ذيك الضلوع اللي من البعد ارجفت
والشمـوخ اللـي بذاتـي يشتكـي قـلّ السكيـنـه=والليالـي بـارده مـن قـلّ وصلـك مــا دفــت
يشهد الله مـن فراقـك خافقـي عايـف سنينـه=عقب ما شمعة هوانا ياريش الناظـر طفـت
ارجع واجبر عزا روحي وظلمـات المدينـه=وارحم القمرا مـدام النـور مـن عقبـك خفـت


/
/

خـالـد بـن سلـمــان

Popular tracks by Iخالد بن سلمانI