1- إني أحب الرب لا لأربح النعيم          ولا لكي أنجو من العذاب في الجحيم         لكن أحبه لأن لي حبه يحلو          وهو الذي من فضله أحبني قبل
    2- ذاك الذي من أجلنا أهين كالعبد         واحتمل الصليب و الهجوع في اللحد
    وهو غني عاش في دنياه كالفقير         من أجل أعداء فهل لذاك من نظير 
   3- أبعد ذا أعبد من أزال أوزارى          لطمع في جنة أو خوف من نار
    كلا و إنما كما أحبني ربي         و قد سمت صفاته يحبه قلبي

ترنيمة إني أحب الرب - المرنمة ماريان حشمت - إجتماع العائله KDEC Family

ممتن لك ومافيش كلام يوصف مشاعر الامتنان والقلب فاض وسجد أمام حبك يا أب مليان حنان
القرار - يا موسيقات الروح خديني وقدميني بتشكرات لمن فدى نفسي وسيبيني أسكب له طيب التسبيحات
 + ممتن لك على الذبيح اللي اشتراني بدم الفدا ونظم بصرخاته المديح لروحي المتعبده
 + ممتن لك على الأمانة اللي صنعتها مع حقارتي سترتني بنعمة ومعونة وأصلحت بالنعمة قيثارتي
+ ممتن لك على عمر عدى بكل خير يملى حكايات وف كل واحدة منها فيه سنده رفعتنى لك بالتعزيات
+ ممتن لك على المحبة اللي حضنتنى بيها ف رضاك عرفت روحي تروح بطلبة وتهيم بشوق ناحية لقاك
 + ممتن لك ودموعي حمد لمعانها عرفان بالجميل تحتيها بسمة اتسعت بمجد اله حنون مالهوش مثيل

ترنيمة ممتن لك - المرنم كيرلس مجدي - إجتماع العائلة KDEC Family

أنا خاطي أثيم غير مستحق
لــكنـــك دعــوتــنـــي
بـنـعـمـتـك و حــبــك
دعوتني كي أبشر بالصليب
إلى حيث ترسلني سأذهب لأجلك
سأعلن دوما عن الصليب
و دمك الذي سفك على الصليب
سيغطي كل الأرض
فإن عشت أنا لك
و إن مت أنا لك
سأظل دوما لك
بقوة الصليب
برجاء الصليب
المسيح حي فيَّ

انا خاطي آثيم - المرنمة سوزي سعيد KDEC Youth | Ana 5ate athem

لقرار - (بِيحبِّنِي مِش لأنِّي انا حَبِّيتُه)
(هوَّ الِّلي بَدَا بالحبّ قَبل ما جِيتُه)
1- (ولأنِّي خاطي وعبد رفضته وعاديتُه
وللجحيم انا ماشي وعمري ما ناديتُه)
حَوَّطني بالحبّ وأشرق في قلبي النور
خبط على بابي فتحت له وِملاني سرور
هوَّ الِّلي بَدَا بالحبّ قَبل ما جِيتُه
2- (يا بَهجِتي بالِّلي دعاني وانا لبِّيتُه
وقال لي: إنت ابني الغالي إللي حميتُه)
في الأرض هدايَه وف السما أنا عندي ميراث
وكل ما لِيَّ صار مِلكك ما انت ابني خلاص
هوَّ الِّلي بَدَا بالحبّ قَبل ما جِيتُه

بيحبني مش لاني انا حبيته-المرنم كيرلس مجدي

(الرب عال) 3 فوق الجبال (ملك عظيم) 3 لبس الجلال
1- (معاً نعلي ربنا المسيح نشدو نغني نرفع التسبيح) 2
2- (هللويا مجداً للإله لكل شيء يهب الحياة) 2
3- (من مثلك يا ربنا المجيد فحقك دوماً يعلو يزيد) 2
4- (يخرج للحرب يسحق الأعداء من مثله جبار في القتال) 2

ترنيمة الرب عالي - المرنم كيرلس مجدي

- يسوعي أشكرك يا ربي انت اتولدت عشاني أشكرك يا ربي
مافهمتش ازاي أعظم ملك في الدنيا دي يطلع من قصرة الكبير ويسكن في مزود صغير
القرار- إزاي ماقبلش الحب ده وأعيش بعيد عنك كدة باجيلك عند مزودك اقبلني في يوم ميلادك
ميلادك في قلبي أنا إدى لحياتي معنى خلاني ابن للملك اقبل حياتي بين ايديك
2- يسوعي أشكرك يا ربي انت اتولدت عشاني أشكرك يا ربي
هل ترضى تيجي تسكن في قلبي تيجي تشرف حياتي ويبقى ميلاد يسوع في قلبي

ترنيمة يسوعي أشكرك ياربي - فريق الشباب -كارول مرجان

1-الكلمه منك مش أوهام والوعد قلته ومش أحلام
الكلمة ثابتة ووعدك حق وأنت على وعدك سهران
ماهو أنت رب ومش أنسان تقول وتوفى وليك سلطان
صادق أمين مش هاقبل شك أصلك أمرت ومش ندمان

القرار
جايين وواثقين انك حى موجود يارب بنترجاك
ماسكين فى وعدك انك جاى بجود عظيم للى استناك
موجود يارب بنترجاك الهى حى بنستناك

2-رب الخليقة وكل الارض عندك مساند تدى ضمان
لو الجبال راح يوم تنهد مش راح يزول عنا الاحسان
بالنعمة تسند ضعف القلب وبكلمة تشفى من الاحزان
الخوف تقابله بغمر الحب تزيله فيزيد الايمان

3-الكلمة ثابتة فى كل زمان حقيقة مع كتر الاوهام
وحتى لو للشك مكان دى ليها وقت أكيد هيبان
هضاب جبال وسهول وديان كل الى هتدوسه الاقدام
ميراثى هاملك رغم الحرب مغلوب عدوى ومش شمتان

ترنيمة الكلمة منك مش أوهام - المرنم ريمون رفعت

لما شعب المسيح يرنم لاسم يسوع العظيم السما ترفع بيبانها وتشاركنا الترانيم
والإله يرى بجماله والكنيسة مرنمه له مستحق المجد وحدك والعبادة والسجود
يا مرتبين موكب أعياد قوموا بينا بالصليب هانلف نتوج وفي البلاد ربنا الحبيب

والمقيد والسجين واللي مأسور من سنين ينطلق من الفخ حالًا حر من كل القيود
يا مرتبين موكب أعياد قوموا بينا بالصليب هانلف نتوج وفي البلاد ربنا الحبيب

وكل روح ضد المسيح ينهزم بدم الذبيح والشيطان مالهوش مكان لما روحك راح يسود
يا مرتبين موكب أعياد قوموا بينا بالصليب هانلف نتوج وفي البلاد ربنا الحبيب

ترنيمة لما شعب المسيح يرنم - فريق قصر الدوبارة والقس عزيز

المجد ليك والكرامة يا جالس بين الكروبيم
وكل نسمة تسبحك وتسجد لسمك العظيم
بصماتك في كل مكان .. سما وأرض وأنسان
يا خالق من العدم .. وبكلمتك كل السلطان
المجد ليك والكرامة يا جالس بين الكروبيم
وكل نسمة تسبحك وتسجد لسمك العظيم

ترنيمة المجد ليك والكرامة - المرنم ريمون رفهت

أحبك معنى كل وجود وأحبك و الكلام محدود
وحبك عدى كل سدود حبيبي يا يسوع البار
أحبك تنتهي الألامات وأحبك تبتدى النغمات
وحبك حب للنهايات حبيبي يا يسوع البار
أحبك رب للإنسان و أحبك راحة للحيران
وحبك راية للإيمان حبيبي يا يسوع البار
أحبك فوق صليب العار وأحبك بين لهيب النار
وحبك حب للأسرار حبيبي يا يسوع البار
أحبك القساوة تدوب و أحبك ترفع المغلوب
وحبك خلى قلبي يتوب حبيبي يا يسوع البار
أحبك أنت أوفى صديق وأحبك حتى لو في الضيق
وحبك لي أعظم شىء حبيبي يا يسوع البار

ترنيمة أحبك معني كل وجود - المرنم كيرلس مجدي

القرار- (هاعدي هاعدي في الجبال اللي واقفة ضدي
هاعدي هعدي بإيماني اللي مالي يدي)2

1- (هاعدي وهاتعدي آلامتى وكل ضيقة انا عيشتها
هاعدي وهاتعدي نكباتي انا أقوى بيك منها)2
(وهاتمر صور المر قدام عيني كذكريات والسر إن انت حي وقمت من بين الأموات)2
(و منتك وآمنتك على كل ما عندي وأماني وإيماني في الوعد يا سندي)2

2- (هاعدي وهاتعدي لحظات الحيرة والشك وظلامي
هاعدي وهاتعدي نبرات الحزن وكآبة كلامي)2
(واديني فارد إيديني مصلوب وغالب كما المسيح
في القبر مستني فجر وقيامتي جاياني بتسبيح)2

(وثباتي في الآتي بعهدك مش بعهدي والنصرة والقوة في إيديك وانا معدي)2
(وهاينتهي كل ده في لحظة ما هايجيني وأراه
وباسم جديد روحاني مجيد هاشوفه واعيش معاه)2

(وهاقضي في المجدِ حياة ف نور أبدي وهارنم وانا باخدم في بيت الآب سيدي)2
هللويا هللويا دي حياة في نور أبدي هللويا هللويا في بيت الآب سيدي

ترنيمة هاعدي - المرنم حسام نبيل وفريق الكنيسة

https://www.kdec.net/

https://www.facebook.com/KdecNet
https://www.facebook.com/P.Sameh.Maurice
https://www.facebook.com/SamehHanna.Kdec

ترنيمة أحبك معني كل وجود - المرنم كيرلس مجدي

KDEC كنيسة قصر الدوبارة

Related tracks