Hindi ko maintindihan
Paru-paro sa kalamnan
Tuwing maamo mong mukha'y nasisilayan
Hatid ay isang umagang walang hanggan

Sadyang may mga araw na hindi mo batid
Pangungulila sa pag-ibig ay naitatawid
Dinggin mo ang pintig, at ang bawat pitik
Ng orasang naghihintay sa bawat mong pagdating

Ano nga bang paraiso ang naghihintay sa tulad kong mapagtanong?
Maari bang isigaw ang ibinubulong, at 'wag nang bibitaw sa'king isipan ang tinig mo't galaw

Hindi mo maikukubli
Sinusuplong ka ng tamis ng iyong mga ngiti
Dinggin mo ang pintig, at ang bawat hiling
Ng damdaming hapo at hingal sa pagmamadali

Ano nga bang paraiso ang naghihintay sa tulad kong mapagtanong?
Maari bang isigaw ang ibinubulong, at 'wag nang bibitaw sa'king isipan ang tinig mo't galaw

At sumilip sa iyong mundo
Nang lahat ay mapagtanto
At sa isang iglap..

Hindi ko maintindihan
Nakamasid sa kawalan
Ng paraisong hindi na masilayan
Naglaho sa bawat dampi ng patak ng ulan

Ano nga bang paraiso ang naghihintay sa tulad kong naliligaw?
Maari bang ibulong ang isinisigaw, at 'wag nang babalik sa'king isipan ang tinig mo't galaw

PARAISO

Maliwanag ang buwang sumisilip sa napapagod mong mundo
Ang gabi'y umiibig sayo
Hayaang pawiin ng hangin ang galit at luha mong hindi pa matuyo
Ang gabi ang bahala sayo

Ipikit ang iyong mga mata
Hayaan ang sariling magpahinga

Mahiwaga at wari'y nais mangusap ng bituing nagniningning
Ibulong mo ang iyong hiling
Hayaang dalawin ng panaginip ang isip mong hindi mapakali
Maglalakbay hanggang sa muling..

Sumapit ang umagang minimithi
Matulog nang payapa at mahimbing

mahimbing

Kung minsan ay dumarating
Ang saglit na walang nang maisip
Magsisimula't hindi tatapusin
Tulay na batong dulo ay hangin

Sawa na, hanggang pamagat
Piring sa mata ng hinaharap
Bakit hindi ka pa magsulat?

Ang minsan ay naging taon
Nagising sa labas ng maling kahon
Nagsising walang nailathala
Papel na puti, lapis ni bathala

Sawa nang hanggang pamagat
Piging sa tatas, at pinasarap
Bakit hindi kabang magsulat?

Ang minsan ay ilang minuto
Kantang nagtapos nang hindi natututo
Magsisimula't hindi lalaunin
Tulog na naman ang bugso ng damdamin

Sawa nang bigyan ng pamagat
Baliw na dinig ng kwartong payak
Bakit hindi ka na magsulat?

Wag ka nang..

PAMAGAT

Home recording of my life anthem from Rising Appalachia.

Medicine (Rising Appalachia Cover)

Live recording gig sa CStudio under Musika Publiko. <3

WALANG HUMPAY NA PAG-AABANG
by keayi

Sa pagtulog ng haring araw sa kanluran,
Aabangan ko ang paggising nya sa silangan.
Sa pagbuhos ng biglang ulan sa tanghali,
Aabangan ko ang pagsibol ng bahaghari.

(At sayong pamaaalam
Ako ay mag-aabang sa yong pagbabalik
Sa aking piling na may ngiti at pananabik.)

Sa pagbayo ng mapinsalang bagyo sa atin,
Aabangan ko ang pagtahan ng hangin.
Sa pagkawala ng dagitab at ng ilaw,
Aabangan ko ang buwan na magigi kong tanglaw.

(At sayong pagtalikod
Ako ay maghihintay sa muling pagtatagpo
Upang balikan ang tamis ng pagsamo.

Nang wala nang alinlangan,
O pagpigil ng isipan
Hawak-kamay, haharapin
Ang pangarap na kinabukasan)

Sa pagtulog ng haring-araw sa kanluran
Aabangan ko ang paggising mo sa'king kanlungan.

Walang Humpay na Pag-aabang (Live at CStudio)

Your friendly and chill genre-neutral band.
Bicol-grown, Manila-based.
Love song? Hate song? Makabayan/makibaka song? Chill-ka-lang motivational song? We gotchu covered.

Maria Ortua - Guitars/Vocals
Ella Arao - Guitars/Vocals
Justine Marfil - Lead Guitars
Ephrem Hoo - Percussions

Walang Humpay na Pag-aabang (Live at CStudio)

keayi

Related tracks