Tag-ulan na naman.

madilim ang gabi at payapa sa dilim
huni ng kuliglig lang ang naririnig
mas kita ang paligid pag nakatingala
hiwaga ng daigdig ay naiisplika

bukas ay papasikat ang haring araw
'wag mangamba, siya'y bituin din sa langit
tara nang managinip
sa tuwinang 'di natin alam kung paano sasapit ang umaga

huminga nang malalim
at bigyan nating pansin
kahapong sinakop ng lambing
at liwanag

05 - Linya

Tag-ulan na naman.

Oras ay ilusyon ng tao na magkaron ng saysay ang mundo.
Kaya nanatili tayo sa ngayon, konsensya ang diktador
Hapitin man ang panahon ay iisa lamang
Sa taas, sa baba, sa lupa nagmula, sa lupa rin ang katapusan

Binigyan ng pagkakataong planuhing mabuo
Tunog ng dibdib ang tanging simbulo
Buhay na pinagkaloob iingatan ng husto
Gagawin ang makakaya, habulin pa ang paghinga, wala namang mawawala

Mapaglaro ang tadhana sa sensitibong puso
Magkamali ng kibo, lahat maglalaho
Subukin at subukan hanggang matutong lumaban
Pananampalataya at paniniwala na magtagpo tayo sa paraiso

04 - Gabay

Tag-ulan na naman.

noong unang panahon
walang muwang na makaahon
di malinaw ang lahat
tanong na di masagutan

labis 'kong balikan
ang kwento ng nakaraan
'di takot na nadumihan
kahit diwa'y maputikan

'di alintanang madapa
napagalitan ng amat ina
nagkandaripas at nag pag-adya
at inakalang malaya
sana nalaman ko
na masaya pala ako noon

buong gabi kaming nagtakbuhan
'di hadlang kahit maserenohan 
mukha't likod ay napawisan
tanging dasal lang ang sandigan

kung pwedeng mabalikan
ang tawanan at iyakan
ang gunita ay nabahiran
'wag nang dalhin hanggang kamatayan

napagdaanang malala
sabi sa'kin ng lolo't lola
dahan-dahang makagawa
ng ala-alang di mawawala 

'wag bilisan ang pagtanda
maglakad ka ma'y madadapa
matuto ka't humayong malaya
di hahayaan, di iiwanan
ngayon nalaman ko
na masaya pala ako

03 - Sumilang

Tag-ulan na naman.

pinigilan ko lahat ng aking mali sa katawan
kahit hindi komportableng tahakin ang daan
gusto ko bang ituloy ito
ayaw ko na lahat ay mapalayo
hindi ko maintindihan ang aking nararamdaman

para bang gustong mahalikan ang balikat
habang ika'y nakapikit at ako'y lipad sa bukas
ayaw ko siguro sa nais mo

isantabi ko na siguro ang nagpapapansing paru-paro
pero pilit ko mang bugawin ay sa puso ko pa rin dumadapo

isasayaw na lang sa halimuyak ng bulaklak mong
dumudulas sa nabubulok kong kaakuhan
gyera ng puso at isipan ko'y gumagapang
sa madilim na konsensya kong lipad sa bukas
ayaw ko siguro sa nais mo

02 - Labindalawa

Tag-ulan na naman.

isa, dalawa, tatlo
bilang ng bumubwelo
pagpalit ng buwan sa dilim papuntang umaga

pag-pag ng dumi sa kahapon na madumi
isa-isang pupulutin ang mga dayami

uunat ang mga pakpak
magmamasid sa himpapawid
laban pa rin kahit masakit

sa awit ng adarna
panatag at malaya
nabuhos na ang luhang may halong tamis at pait

simula nang dumating ka

01 - Bilang

Written by - Ericka Nieto
Produced by - Temploboy
Performed by - Keene Leonor

Title: Mga Dalaga ng Prusisyon

Best Thesis, De La Salle Lipa, AB Communication Department S.Y. 2021-2022

Given today’s political climate in the Philippines, the participation of religious groups in addressing social issues has become more evident. This special project tackles the participation of the Catholic church in socio-political matters, and how its members apply its religious teachings in their values and beliefs.

Mga Dalaga ng Prusisyon is a radio drama told in Filipino that narrates the story of the religious from the congregation Daughters of Saint Paul in Lobo, Batangas who are helping the residents of the municipality to prepare for a protest in claiming their lands.

Hikbi

Produced by - Temploboy
Written and Performed by - Keene Leonor

Title: Top Fans

The story revolved around Dennis Durante, a 28-year-old retrenched writer who experienced major struggles because of the pandemic and the lack of opportunities thereof. Thus, Dennis had to try and work his way into the social media landscape, where he found part-time jobs—some were malicious—to aid his need for income. 
In one of his online jobs, he had to develop fake accounts as his job description was to engage fake profiles to authentic profiles and get the public’s favorable response for their clients.

Mapanglaw (techno)

Valerie (Cover)

Disney by Tanya Markova - Cover

Lyrics:
hindi kita pipilitin
hayaan mo lang na gumalaw ang mga kamay
sabay ang bagsak ng paa
habang magkayakap sa malamig na gabi

pangakong hindi kita aapakan
mahigpit na hahawakan
ang damdaming ayaw nang makawala
kulang nga ang salitang "mahal"
'di ako maka-isip ng hihigit sa "mahal"

kapag pudpod na ang 'yong mga sapatos
'di magdadalwang isip na ikaw ay aakayin
basta't yakap ka sa malamig na gabi

pangakong hindi kita aapakan
mahigpit na hahawakan
ang damdaming ayaw nang makawala
kulang nga ang salitang "mahal"
'di ako maka-isip ng hihigit sa "mahal"

Hangga't kaya kong ikutin ang mundo
mananatili ang puso kong bano
at kung magkamali ka man ng hakbang
handa kitang patawarin
sana'y ikaw rin

hayaan mo lang na gumalaw ang mga kamay
sabay ang bagsak ng paa

pangakong hindi kita iiwanan
mahigpit na hahawakan
ang damdaming ayaw nang makawala
kulang nga ang salitang "mahal"
wala na ngang hihigit sa salitang "mahal"

Follow Keene:
http://facebook.com/akoposikeene
http://soundcloud.com/keeneleonor
http://twitter.com/akoposikeene
http://instagram.com/keenederbear

Kulang

Lyrics:
Lumiliit ang bawat sandaling pumapatak ang ulan mula sa langit
Sumasabay sa luha na nanginginig sa galit sana nga'y matauhan pa
Hindi mawari kung kailangang sumabay sa hangin
Pinapayad na ang damdamin
Siguro nga ay may liwanag pa kinabukasan
Iyon na lang ang aking aasahan
Bumibilis ang tubok ng pusong 'di mapakali
Hindi naman ako nagmamadali
Sugat na dala ng matalim na labi
Kirot na hindi maipahiwatig
Lupa ay natuyo kahit na anong tanim ay wala nang tutubo
Walang tayo
Wala na ngang tayo
Walang tayo
Hindi na hahayaan pa na magkaron ng tayo
Walang tayo
Wala na ngang tayo
Walang tayo
Hindi na papayagan pa ang puso'y maging tayo

Tayo (original) - Live Kubo Recording

Isang karangalan na ginawan ng kakaibang areglo ni Alisson Shore ang sinulat kong kanta. Sana magustuhan ninyo!

Follow Alisson Shore:
http://facebook.com/alissonshore
http://soundcloud.com/alissonshore
http://twitter.com/alisson_shore
http://instagram.com/alissonshore

Follow Keene:
http://facebook.com/akoposikeene
http://soundcloud.com/keeneleonor
http://twitter.com/akoposikeene
http://instagram.com/keenederbear

Kulang (prod. by Alisson Shore)

kung ang pagkapit sa patalim ay maibsan ang pagdurugo, hahawakan na lang ng mas mahigpit para lang masabi ko pa din na mahal kita.

dipatapusin

A L K O H O L

Kahimanawari

Ating pagmasdan ang mga talang
Kumikislap ng paulit-ulit
Liwanag na pang habang buhay

Ating pagbigyan ang pusong nasasabik
Maging malaya at muling sumaya
Ng magpakailanman, kailanman

Kahimanawari

Tayoy magbigay ng pasasalamat
Sa araw nating tatahakin
Damdamin na puno ng pag-ibig

Wag na nating patulan ang kadiliman
Pairalin na lang ang pagmamahalan
Patungo sa kapayapaan

(kahimanawari)
Ating pagmasdan ang mga talang
Kumikislap ng paulit-ulit
Liwanag na pang habang buhay

Wag na nating patulan ang kadiliman
Pairalin na lang ang pagmamahalan
Patungo sa kapayapaan

keene leonor

Popular tracks